Fassarar Ma'anoni Sura Al'taubah - Fassarar Pilipiniyanci (Bisaya) - Cibiyar fassara ta Ruwwad - Lambar shafi 205 - Kundin Alqurani Mai girma

Aya: 112

ٱلتَّٰٓئِبُونَ ٱلۡعَٰبِدُونَ ٱلۡحَٰمِدُونَ ٱلسَّٰٓئِحُونَ ٱلرَّٰكِعُونَ ٱلسَّٰجِدُونَ ٱلۡأٓمِرُونَ بِٱلۡمَعۡرُوفِ وَٱلنَّاهُونَ عَنِ ٱلۡمُنكَرِ وَٱلۡحَٰفِظُونَ لِحُدُودِ ٱللَّهِۗ وَبَشِّرِ ٱلۡمُؤۡمِنِينَ

Kini mao kadtong mga naghinulsol sa Allah, sila nga nagasimba Kaniya, sila nga Nagadayeg Kaniya, sila nga nagpuasa (o naga adto sa Dalan sa Allah), sila nga nagaduko ug nagahapa (sa pag-ampo), sila nga nagasugo (sa mga tawo) sa Al-Ma’ruf (pagtuo sa Pagkausa sa Allah ug pagsunod sa tanan nga mga gikasugo sa Islam) ug magdili (sa mga tawo) sa Al-Munkar (kawalay pagtuo ug nga mga gidili sa Islam), ug mosunod sa mga utlanan nga gitakda sa Allah (pagtuman sa tanan nga gitakda sa Allah ug paglikay sa tanang matang sa kasal-anan ug dautang buhat nga gidili sa Allah). Paghatag ug maayong balita sa mga magtutuo.

Aya: 113

مَا كَانَ لِلنَّبِيِّ وَٱلَّذِينَ ءَامَنُوٓاْ أَن يَسۡتَغۡفِرُواْ لِلۡمُشۡرِكِينَ وَلَوۡ كَانُوٓاْ أُوْلِي قُرۡبَىٰ مِنۢ بَعۡدِ مَا تَبَيَّنَ لَهُمۡ أَنَّهُمۡ أَصۡحَٰبُ ٱلۡجَحِيمِ

Dili angay sa Propeta ug sa mga magtutuo nga mangayo sa Allah ug kapasayloan alang sa mga tigsimba'g lain gawas sa Allah), bisan pa sila duol nila nga parente, human mahimong tin-aw kanila nga sila ang mamuyo sa Kalayo (tungod kay sila namatay sa kahimtang sa kawalay pagtuo).

Aya: 114

وَمَا كَانَ ٱسۡتِغۡفَارُ إِبۡرَٰهِيمَ لِأَبِيهِ إِلَّا عَن مَّوۡعِدَةٖ وَعَدَهَآ إِيَّاهُ فَلَمَّا تَبَيَّنَ لَهُۥٓ أَنَّهُۥ عَدُوّٞ لِّلَّهِ تَبَرَّأَ مِنۡهُۚ إِنَّ إِبۡرَٰهِيمَ لَأَوَّٰهٌ حَلِيمٞ

Ang pag-ampo ni Abraham alang sa kapasayloan sa iyang amahan tungod lamang sa usa ka saad nga iyang (Abraham) gibuhat alang kaniya (amahan). Apan sa diha nga kini nahimong tin-aw kaniya (Abraham) nga siya (iyang amahan) usa ka kaaway sa Allah, gihimulag niya ang iyang kaugalingon gikan kaniya. Sa pagkatinuod si Abraham mao Awwah (nag-ampo sa Allah nga adunay pagpaubos, nagdayeg Kaniya ug naghinumdom Kaniya sa hilabihan) ug maagwantahon.

Aya: 115

وَمَا كَانَ ٱللَّهُ لِيُضِلَّ قَوۡمَۢا بَعۡدَ إِذۡ هَدَىٰهُمۡ حَتَّىٰ يُبَيِّنَ لَهُم مَّا يَتَّقُونَۚ إِنَّ ٱللَّهَ بِكُلِّ شَيۡءٍ عَلِيمٌ

Ang Allah dili gayud tugotan ang bisan kinsa sa mga tawo sa pagkasalaag, human nga Iyang magiyahan sila, hinoon nga tin-aw kanila kun unsa ang ilang angay nga pagatuohan ug likayan. Sa pagkatinuod ang Allah Hingpit nga Nakahibalo sa tanang butang.

Aya: 116

إِنَّ ٱللَّهَ لَهُۥ مُلۡكُ ٱلسَّمَٰوَٰتِ وَٱلۡأَرۡضِۖ يُحۡيِۦ وَيُمِيتُۚ وَمَا لَكُم مِّن دُونِ ٱللَّهِ مِن وَلِيّٖ وَلَا نَصِيرٖ

Sa pagkatinuod, ang Allah ngadto Kaniya ang pag-angkon sa Gingharian sa kalangitan ug kayutaan, Siya ang nagahatag ug kinabuhi, ug hinungdan ug kamatayon. Ug gawas pa sa Allah, kamo wala nay bisan unsa nga tigpanalipod ni magtatabang.

Aya: 117

لَّقَد تَّابَ ٱللَّهُ عَلَى ٱلنَّبِيِّ وَٱلۡمُهَٰجِرِينَ وَٱلۡأَنصَارِ ٱلَّذِينَ ٱتَّبَعُوهُ فِي سَاعَةِ ٱلۡعُسۡرَةِ مِنۢ بَعۡدِ مَا كَادَ يَزِيغُ قُلُوبُ فَرِيقٖ مِّنۡهُمۡ ثُمَّ تَابَ عَلَيۡهِمۡۚ إِنَّهُۥ بِهِمۡ رَءُوفٞ رَّحِيمٞ

Ang Allah nagpasaylo sa Propeta, sa Muhajirun (mga Muslim nga nanggibakwit ug mibiya sa ilang mga puloy-anan ug naadto sa Madina), ug sa Ansar (mga Muslim sa Madina), nga misunod kaniya (Muhammad) sa panahon sa kalisdanan, human nga ang kasing-kasing sa usa ka pundok kanila halos mulihis na (sa Matul-id nga Dalan), apan gidawat Niya ang ilang paghinulsol. Sa pagkatinuod Siya ngadto kanila Labing Buotan, ang Labing Maluloy-on.