Fassarar Ma'anoni Sura Alkiyama - Fassarar Pilipiniyanci (Bisaya) - Cibiyar fassara ta Ruwwad - Kundin Alqurani Mai girma

Al-Qiyāmah

Aya: 1

لَآ أُقۡسِمُ بِيَوۡمِ ٱلۡقِيَٰمَةِ

Ako (Dios) nanumpa sa Adlaw sa Pagkabanhaw (ug Paghukom).

Aya: 2

وَلَآ أُقۡسِمُ بِٱلنَّفۡسِ ٱللَّوَّامَةِ

Ug nanumpa ako pinaagi sa nagbadlong ug nagbasol sa kaugalingon nga kalag 'sa magtotoo' (nga ikaw siguradong mahimong mabanhaw).

Aya: 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Naghunahuna ba tawo nga Kami dili magtapok iyang mga ka-bukogan 'sa pagbanhaw kaniya alang Paghukom'?

Aya: 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Apan oo, Kami makahimo sa pagpasig-uli (bisan pa) sa tumoy sa iyang mga tudlo (sa hingpit nga pagkahan-ay).

Aya: 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Apan ang tawo nagtinguha nga magpadayon sa pagpakasala (ug pagpanghimakak sa unsay anaa sa iyang unahan).

Aya: 6

يَسۡـَٔلُ أَيَّانَ يَوۡمُ ٱلۡقِيَٰمَةِ

nga naga-pangutana ˹sa pagbiaybiay˺: "Kanus-a ang Adlaw sa Pagkabanhaw (ug Paghukom)?"

Aya: 7

فَإِذَا بَرِقَ ٱلۡبَصَرُ

Busa sa diha nga ang ang panan-aw
nakugang (sa pagkakurat ug pagkahadlok),

Aya: 8

وَخَسَفَ ٱلۡقَمَرُ

Ug ang bulan midulom,

Aya: 9

وَجُمِعَ ٱلشَّمۡسُ وَٱلۡقَمَرُ

ug ang adlaw ug ang bulan gihiusa1,

1. Nagsubang gikan sa kasadpan ug nawad-an sa ilang kahayag.

Aya: 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Ang tawo moingon nianang Adlawa: "Hain (ang dalangpanan) aron sa pagkalagiw (pag-ikyas)?"

Aya: 11

كَلَّا لَا وَزَرَ

Apan dili, wala nay dapit nga dalangpanan!

Aya: 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

Anaa sa imong Ginoo (Allah) lamang nianang Adlawa ang dapit nga kapahulayan.

Aya: 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

Nianang adlawa, ang tawo paga-tug'anan sa unsay ang iyang gipadala unahan ug gibiyaan (sa kung maayo o daotan nga mga buhat).

Aya: 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Hinoon, ang tawo maoy saksi batok sa iyang kaugalingon,

Aya: 15

وَلَوۡ أَلۡقَىٰ مَعَاذِيرَهُۥ

Bisan pa siya maga-himog pama-libad (aron sa pagtabon sa iyang mga sayop nga buhat).

Aya: 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

Ayaw ilihok (O Propeta Muhammad) ang imong dila sa pagdali (pagsubli sa unsay madayag kanimo sa Qur'an sa wala pa kini makompleto).

Aya: 17

إِنَّ عَلَيۡنَا جَمۡعَهُۥ وَقُرۡءَانَهُۥ

Sa pagkatinuod ngadto Kanamo ang paghimo kanimo sa pag-saulo ug aron sa paghatag kanimo sa katakos sa pagbasa (sa Qur'an).

Aya: 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Busa sa diha nga Kami maglitok niini (pinaagi ni anghel Gabriel) nganha kanimo (Oh Muhammad), sunda ang paglitok niini.

Aya: 19

ثُمَّ إِنَّ عَلَيۡنَا بَيَانَهُۥ

Ug ngadto Kanamo (sa Allah) ang (katungdanan sa) pagpatin-aw niini nganha kanimo (oh Muhammad).

Aya: 20

كَلَّا بَلۡ تُحِبُّونَ ٱلۡعَاجِلَةَ

Apan kamo (mga manlilimod) naghigugma ang hamubo kinabuhi,

Aya: 21

وَتَذَرُونَ ٱلۡأٓخِرَةَ

Ug pagpasagad sa Pikas Kinabuhi.

Aya: 22

وُجُوهٞ يَوۡمَئِذٖ نَّاضِرَةٌ

(Ang uban sa) mga nawong nianang Adlawa maghayag,

Aya: 23

إِلَىٰ رَبِّهَا نَاظِرَةٞ

Nagtan-aw sa ilang Ginoo 'Allāh'.

Aya: 24

وَوُجُوهٞ يَوۡمَئِذِۭ بَاسِرَةٞ

Ug "uban" nga mga nawong nianang Adlawa mangitngit uban sa pagkawalay paglaum,

Aya: 25

تَظُنُّ أَن يُفۡعَلَ بِهَا فَاقِرَةٞ

Sa pagkahibalo nga ang pipila ka dagkong Katalagman muabotay na ngadto kanila.

Aya: 26

كَلَّآ إِذَا بَلَغَتِ ٱلتَّرَاقِيَ

Apan sa dihang ang kalag makaabot sa kwelyo bukog 'samtang kini mobiya',

Aya: 27

وَقِيلَ مَنۡۜ رَاقٖ

Ug iga-ingon: "Kinsa ba ang makaayo kaniya ug makaluwas kaniya gikan sa kamatayon?"

Aya: 28

وَظَنَّ أَنَّهُ ٱلۡفِرَاقُ

Ug siya masayod nga kini mao na ang (panahon sa) pagbiya (kamatayon).

Aya: 29

وَٱلۡتَفَّتِ ٱلسَّاقُ بِٱلسَّاقِ

Ug sa diha nga ang usa ka tiil idikit na ngadto sa pikas (nga mao ang pagputos aron sa paglubong);

Aya: 30

إِلَىٰ رَبِّكَ يَوۡمَئِذٍ ٱلۡمَسَاقُ

Ngadto sa (Allah) nga imong Ginoo nianang Adlawa mao ang dapit kapadulngan.

Aya: 31

فَلَا صَدَّقَ وَلَا صَلَّىٰ

Busa siya wala gayod sa motoo o nag-ampo,

Aya: 32

وَلَٰكِن كَذَّبَ وَتَوَلَّىٰ

Apan siya misalikway (sa Kamatuoran sa Islam) ug mitalikod (gikan niini),

Aya: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Unya miadto siya sa iyang katawhan, nga naglakaw nga mapahitas-on.

Aya: 34

أَوۡلَىٰ لَكَ فَأَوۡلَىٰ

Alaut kamo, ug labaw pa nga alaut!

Aya: 35

ثُمَّ أَوۡلَىٰ لَكَ فَأَوۡلَىٰٓ

Pag-usab, alaut kamo, ug labi pang alaut!

Aya: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Naghunahuna ba ang tawo nga siya pasagdan nga maglatagaw nga walay katuyoan (ug dili mobalik ngadto sa Allah alang sa Paghukom)?.

Aya: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Dili ba siya usa lamang ka tulo sa semilya nga migawas,

Aya: 38

ثُمَّ كَانَ عَلَقَةٗ فَخَلَقَ فَسَوَّىٰ

Unya siya nahimo nga usa ka tibugol nga dugo, ug Siya (Allah) milalang (kaniya) ug miumol (kaniya) sa tukma nga hulma (o hulagway).

Aya: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Ug gikan niana, Siya 'Allāh' mibuhat sa duha ka matang, lalaki ug babaye.

Aya: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Dili pa kana (Allah, ang Manlalalang ), makahimo sa pagbanhaw sa mga patay2?

2. Oo, Siya makahimo sa tanang butang.