Traduction des sens Sourate Al Layl - La traduction en pachtou du Résumé dans l'Exégèse du noble Coran - Encyclopédie du Noble Coran

لیل

Parmi les objectifs de la sourate:

بيان أحوال الخلق في الإيمان والإنفاق وحال كل فريق.

په ايمان او منافقت کې د خلکو د حالتونو بيان او د هرې ډلې حالت.

---

Verset: 1

وَالَّیْلِ اِذَا یَغْشٰی ۟ۙ

الله پر شپه لوړه وکړه کله چې هغه په خپله تياره هغه څه پټوي چې د اسمان او ځمکې ترمنځ دي.

Verset: 2

وَالنَّهَارِ اِذَا تَجَلّٰی ۟ۙ

او په ورځ يې لوړه وکړه کله چې هغه ښکاره او څرګنده شي.

Verset: 3

وَمَا خَلَقَ الذَّكَرَ وَالْاُ ۟ۙ

او د دوو ډولونو: نارينه او ښځينه وو په پيدايښت يې لوړه وکړه.

Verset: 4

اِنَّ سَعْیَكُمْ لَشَتّٰی ۟ؕ

اې خلکو! پرته له شکه ستاسو عمل مختلف دی، ځينې نېکۍ دي چې جنت ته د ننوتلو لامل دي او ځينې بدۍ دي چې اور ته د ننوتلو لامل دي.

Verset: 5

فَاَمَّا مَنْ اَعْطٰی وَاتَّقٰی ۟ۙ

او چا چې هغه څه ورکړل چې لګول يې لازم دي؛ لکه زکات، خيرات او کفاره، او له هغه څه يې ځان وساتلو چې الله ترې منع کړی دی.

Verset: 6

وَصَدَّقَ بِالْحُسْنٰی ۟ۙ

او د الله کړې ژمنه یې رېښتيا وبلله( چې الله به هغه څه ورکوي چې ژمنه یې ورسره کړې ده).

Verset: 7

فَسَنُیَسِّرُهٗ لِلْیُسْرٰی ۟ؕ

نو نېک عمل او د الله په لار کې لګښت به ورته اسانه کړو.

Verset: 8

وَاَمَّا مَنْ بَخِلَ وَاسْتَغْنٰی ۟ۙ

او چاچې پر خپل مال بخيلي وکړه چې په کوم څه کې يې لګول واجب و په هغو کې يې ونه لګاوه، او پر خپل مال له الله څخه بې پروا شو او د الله له پېرزوينې يې څه ونه غوښتل.

Verset: 9

وَكَذَّبَ بِالْحُسْنٰی ۟ۙ

او الله چې د ښه ځای ناستي او د الله په لار کې پر مال لګولو کومه ژمنه کړې ده هغه يې درواغ وګڼله.

Parmi les bénéfices ( méditations ) des versets de cette page:

• أهمية تزكية النفس وتطهيرها.

د نفس د پاکوالي او سپېڅلتيا اهميت.

• المتعاونون على المعصية شركاء في الإثم.

په ګناه کې له يو بل سره مرستندويان د هغې ګناه په سزا کې سره شريکان دي.

• الذنوب سبب للعقوبات الدنيوية.

ګناهونه د دنيوي سزاوو لامل دي.

• كلٌّ ميسر لما خلق له فمنهم مطيع ومنهم عاصٍ.

د هر چا لپاره هغه څه اسانه کړل شوي دي چې ورته پيداکړل شوی دی، نو ځينې پيروي کوونکي وي او ځينې ګناهکاره وي.

Verset: 10

فَسَنُیَسِّرُهٗ لِلْعُسْرٰی ۟ؕ

نو هغه لره به بد کار اسانه کړو، او د ښه کار ترسره کول به ورته سخت کړو.

Verset: 11

وَمَا یُغْنِیْ عَنْهُ مَالُهٗۤ اِذَا تَرَدّٰی ۟ؕ

او له هغه څخه به يې هغه مال چې بخيلي يې پرې کړې وه هيڅ شی ترې ايسار نه کړي کله چې هغه تباه شي او اور ته ننوځي.

Verset: 12

اِنَّ عَلَیْنَا لَلْهُدٰی ۟ؗۖ

پرته له شکه پر موږ لازم دي چې د حق او باطل لارې بيان کړو.

Verset: 13

وَاِنَّ لَنَا لَلْاٰخِرَةَ وَالْاُوْلٰی ۟

او پرته له شکه چې د آخرت ژوند موږ لره دی او د دنيا ژوند هم موږ لره دی، په دواړو کې چې څنګه غواړو تصرف کوو، او له موږ پرته دا بل هيچا لره هم نه دي.

Verset: 14

فَاَنْذَرْتُكُمْ نَارًا تَلَظّٰی ۟ۚ

اې خلکو! تاسې مو له بلېدونکي اور څخه وېرولي ياست که چېرې تاسې له الله څخه سرغړونه وکړئ.

Verset: 15

لَا یَصْلٰىهَاۤ اِلَّا الْاَشْقَی ۟ۙ

د دغه اور ګرمي به يوازې هغه تر ټولو بدمرغه انسان زغمي چې هغه کافر دی.

Verset: 16

الَّذِیْ كَذَّبَ وَتَوَلّٰی ۟ؕ

هغه څوک چې هغه څه يې درواغ وګڼل چې رسول صلی الله عليه وسلم ورسره راغلی و، او د الله د امرونو له منلو يې مخ واړولو.

Verset: 17

وَسَیُجَنَّبُهَا الْاَتْقَی ۟ۙ

او له هغه (اوره) به د خلکو ډېر پرهېزګاره ابوبکر رضي الله عنه په څنګ کړل شي.

Verset: 18

الَّذِیْ یُؤْتِیْ مَالَهٗ یَتَزَكّٰی ۟ۚ

هغه چې خپل مال د نېکيو او له ګناهونو څخه د پاکوالي په لارو کې لګوي.

Verset: 19

وَمَا لِاَحَدٍ عِنْدَهٗ مِنْ نِّعْمَةٍ تُجْزٰۤی ۟ۙ

او له خپل مال څخه چې څه لګوي د دې لپاره يې نه لګوي چې د هغه چا بدله پرې ورکړي چې پر هغه يې احسان کړی وي.

Verset: 20

اِلَّا ابْتِغَآءَ وَجْهِ رَبِّهِ الْاَعْلٰی ۟ۚ

خپل مال يوازې د دې لپاره لګوي چې د هغه پالونکي خوښي يې ترلاسه کړي چې پر مخلوق يې لوړ دی.

Verset: 21

وَلَسَوْفَ یَرْضٰی ۟۠

او ژر ده چې هغه به پر هغه څه راضي شي چې الله کومه عزتمنه بدله ورکوي.

Parmi les bénéfices ( méditations ) des versets de cette page:

• منزلة النبي صلى الله عليه وسلم عند ربه لا تدانيها منزلة.

د نبي صلی الله عليه وسلم مرتبه د خپل پالونکي په وړاندې داسې ده چې هيڅ مرتبه ورته نېږدې کېدای نه شي.

• شكر النعم حقّ لله على عبده.

پر نعمت شکر اېستل د الله پر خپل بنده حق دی.

• وجوب الرحمة بالمستضعفين واللين لهم.

پر کمزورو خلکو د لورېينې لازموالی او له هغه سره نرمي کول.