Translation of the Meanings Surah Tā-ha - Yaw translation - Muhammad ibn Abdulhamid Silika - Page Number 313 - Encyclopedia of the Noble Quran

Verse: 13

وَأَنَا ٱخۡتَرۡتُكَ فَٱسۡتَمِعۡ لِمَا يُوحَىٰٓ

“Soni Une nansagwile (kuŵa Ntume), basi pikanilani yaikujuwulidwa.”

Verse: 14

إِنَّنِيٓ أَنَا ٱللَّهُ لَآ إِلَٰهَ إِلَّآ أَنَا۠ فَٱعۡبُدۡنِي وَأَقِمِ ٱلصَّلَوٰةَ لِذِكۡرِيٓ

“Chisimu Une ni Allah! Pangali nnungu jwine (jwakuŵajilwa kun’galagatila) ikaŵeje Unepe, basi mungalagatilani, ni n’jimicheje Swala mwakolosya pakungumbuchila Une.”

Verse: 15

إِنَّ ٱلسَّاعَةَ ءَاتِيَةٌ أَكَادُ أُخۡفِيهَا لِتُجۡزَىٰ كُلُّ نَفۡسِۭ بِمَا تَسۡعَىٰ

“Chisimu Kiyama jikwisa, melepe ngujisisa, kuti mundu jwalijose akalipidwe pa yaakupanganya.”

Verse: 16

فَلَا يَصُدَّنَّكَ عَنۡهَا مَن لَّا يُؤۡمِنُ بِهَا وَٱتَّبَعَ هَوَىٰهُ فَتَرۡدَىٰ

“Sano akasansiŵilikanganya ata panandi kuleka (kulupilila) ya jalakwejo ajula jwangakujikulupilila, ni jugamba kuya isako yakwe; ntakwisa mwan’jonasiche.”

Verse: 17

وَمَا تِلۡكَ بِيَمِينِكَ يَٰمُوسَىٰ

“Ana nichichi chele chachili mu nkono wenu wan’dyo mmwe Musa?”

Verse: 18

قَالَ هِيَ عَصَايَ أَتَوَكَّؤُاْ عَلَيۡهَا وَأَهُشُّ بِهَا عَلَىٰ غَنَمِي وَلِيَ فِيهَا مَـَٔارِبُ أُخۡرَىٰ

Jwalakwe jwatite: “Jalakweji nisimbo jangu, ngujijegamilaga jalakweji (pakwenda), ni ngupakatichisyaga masamba gakulichisya ngondolo syangu, nambo soni une ngwete mu jalakweji ipaka ine.”

Verse: 19

قَالَ أَلۡقِهَا يَٰمُوسَىٰ

(Allah) jwatite: “Jiponyani mmwe Musa!”

Verse: 20

فَأَلۡقَىٰهَا فَإِذَا هِيَ حَيَّةٞ تَسۡعَىٰ

Ni ŵajiponyisye; basi ajile sai ŵajiweni jisyuchile lijoka lyakwenda mwaluŵilo.

Verse: 21

قَالَ خُذۡهَا وَلَا تَخَفۡۖ سَنُعِيدُهَا سِيرَتَهَا ٱلۡأُولَىٰ

(Allah) jwatite: “Likamulani, soni nkajogopa. Chituliuchisye mu kaŵe kakwe kandanda (kuŵa simbo).”

Verse: 22

وَٱضۡمُمۡ يَدَكَ إِلَىٰ جَنَاحِكَ تَخۡرُجۡ بَيۡضَآءَ مِنۡ غَيۡرِ سُوٓءٍ ءَايَةً أُخۡرَىٰ

“Soni kwapatisyani ligasa lyenu kungwapa kwenu; chilikopoche lili lyeswela (lyakumelemenda) ngaŵaga mwaulwele, (chele nikuŵa) chisimosimo chine.”

Verse: 23

لِنُرِيَكَ مِنۡ ءَايَٰتِنَا ٱلۡكُبۡرَى

“Kuti tunnosye ine mu isimosimo Yetu yekulungwakulungwa.”

Verse: 24

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

“Jaawulani kwa Firiauna, chisimu jwalakwejo jusumbile mpika (pakulikwesya).”

Verse: 25

قَالَ رَبِّ ٱشۡرَحۡ لِي صَدۡرِي

(Musa) jwatite: “Ambuje ŵangu! Sapangulilani chidali changu.”

Verse: 26

وَيَسِّرۡ لِيٓ أَمۡرِي

“Nimunjepepachisye masengo gangu.”

Verse: 27

وَٱحۡلُلۡ عُقۡدَةٗ مِّن لِّسَانِي

“Soni gopolaani chiundo palulimi pangu (ngaŵechetaga mwachimeme).”

Verse: 28

يَفۡقَهُواْ قَوۡلِي

“Kuti (ŵandu) akapikanichisyeje yakuŵecheta yangu.”

Verse: 29

وَٱجۡعَل لِّي وَزِيرٗا مِّنۡ أَهۡلِي

“Soni mbichilaani nkungamuchisya jwakuumila kwiŵasa kwangu.”

Verse: 30

هَٰرُونَ أَخِي

“(Jwali) Haruna, nkulugwangu.”

Verse: 31

ٱشۡدُدۡ بِهِۦٓ أَزۡرِي

“Limbisyani ni jwalakwejo machili gangu.”

Verse: 32

وَأَشۡرِكۡهُ فِيٓ أَمۡرِي

“Soni mum’bwangani mmasengo gangu (gakulungusya utenga).”

Verse: 33

كَيۡ نُسَبِّحَكَ كَثِيرٗا

“Kuti tunswejesyeje Mmwejo (Allah) kwejinji.”

Verse: 34

وَنَذۡكُرَكَ كَثِيرًا

“Ni tunkumbuchileje kwejinji.”

Verse: 35

إِنَّكَ كُنتَ بِنَا بَصِيرٗا

“Chisimu Mmwe m’bele ŵakutulolechesya uwwe.”

Verse: 36

قَالَ قَدۡ أُوتِيتَ سُؤۡلَكَ يَٰمُوسَىٰ

(Allah) jwatite: “Pamasile pampedwile iŵendo yenuyo, E mmwe Musa!”

Verse: 37

وَلَقَدۡ مَنَنَّا عَلَيۡكَ مَرَّةً أُخۡرَىٰٓ

“Soni chisimu chene Uwwe twampele mmwe ukoto ndaŵi jine (kalakala).”