Translation of the Meanings Surah At-Takwīr - Uyghur translation of Al-Mukhtsar in interpretation of the Noble Quran - Encyclopedia of the Noble Quran

تەكۋىر

Objectives of the Surah:

كمال القرآن في تذكير الأنفس باختلال الكون عند البعث.

قۇرئان كەرىمنىڭ ئىنسانلارغا قىيامەت بولىدىغان ۋاقىتتا كائىناتنىڭ ئۆزگىرىدىغانلىقىنى مۇكەممەل شەكىلدە ئەسلىتىشى.

---

Verse: 1

إِذَا ٱلشَّمۡسُ كُوِّرَتۡ

قۇياشنىڭ جىسمى يىغىلىپ، نۇرى ئۆچكەن چاغدا،

Verse: 2

وَإِذَا ٱلنُّجُومُ ٱنكَدَرَتۡ

يۇلتۇزلار تۆكۈلۈپ، نۇرى ئۆچكەن چاغدا،

Verse: 3

وَإِذَا ٱلۡجِبَالُ سُيِّرَتۡ

تاغلار ئۆز ئورنىدىن قوزغىتىلغان چاغدا،

Verse: 4

وَإِذَا ٱلۡعِشَارُ عُطِّلَتۡ

قىيامەت بولىدىغان ۋاقىتتا ئىگىلىرى ئالاھىدە پەخىر قىلىدىغان ئېسىل بوغاز تۆگىلەرمۇ سەل قارىلىپ تاشلىنىدۇ .

Verse: 5

وَإِذَا ٱلۡوُحُوشُ حُشِرَتۡ

ياۋايى ھايۋانلار ئىنسانلار بىلەن بىر يەرگە توپلانغان چاغدا،

Verse: 6

وَإِذَا ٱلۡبِحَارُ سُجِّرَتۡ

دېڭىزلار ئوت بولۇپ يانغان چاغدا.

Verse: 7

وَإِذَا ٱلنُّفُوسُ زُوِّجَتۡ

جانلار ئۆز قاياشلىرىغا قوشۇلۇپ، پاجىر پاجىر بىلەن، تەقۋادار تەقۋادار بىلەن بىر يەرگە كەلگەن چاغدا.

Verse: 8

وَإِذَا ٱلۡمَوۡءُۥدَةُ سُئِلَتۡ

تىرىك پېتى كۆمۈۋېتىلگەن قىزدىن ئاللاھ: سېنى ئۆلتۈرگەنلەر قايسى گۇناھىڭ ئۈچۈن ئۆلتۈردى؟ دەپ سورىغان چاغدا.

Verse: 9

بِأَيِّ ذَنۢبٖ قُتِلَتۡ

تىرىك پېتى كۆمۈۋېتىلگەن قىزدىن ئاللاھ: سېنى ئۆلتۈرگەنلەر قايسى گۇناھىڭ ئۈچۈن ئۆلتۈردى؟ دەپ سورىغان چاغدا.

Verse: 10

وَإِذَا ٱلصُّحُفُ نُشِرَتۡ

ھەر كىم ئۆزىنىڭ نامە - ئەمەللىرىنى ئوقۇسۇن ئۈچۈن بەندىلەرنىڭ نامە - ئەمەل دەپتەرلىرى ئېچىلغان چاغدا.

Verse: 11

وَإِذَا ٱلسَّمَآءُ كُشِطَتۡ

ئاسمان قوينىڭ تېرىسى سويۇلغاندەك سويۇپ ئېچىلغان چاغدا.

Verse: 12

وَإِذَا ٱلۡجَحِيمُ سُعِّرَتۡ

دوزاخقا ئوت يېقىلغان چاغدا.

Verse: 13

وَإِذَا ٱلۡجَنَّةُ أُزۡلِفَتۡ

جەننەت تەقۋادارلارغا يېقىنلاشتۇرۇلغان چاغدا.

Verse: 14

عَلِمَتۡ نَفۡسٞ مَّآ أَحۡضَرَتۡ

مۇشۇ ئىشلار يۈز بەرگەن چاغدا ھەر كىم ئاشۇ كۈن ئۈچۈن ئىلگىرى قىلغان ئەمەللىرىنى بىلىدۇ.

Verse: 15

فَلَآ أُقۡسِمُ بِٱلۡخُنَّسِ

ئاللاھ تائالا كېچىدە چىقىشتىن بۇرۇن يوشۇرۇنغۇچى يۇلتۇزلار بىلەن قەسەم قىلدى.

Verse: 16

ٱلۡجَوَارِ ٱلۡكُنَّسِ

ئۇلار تاڭ ئاتقان چاغدا خۇددى كېيىكلەر ئۇۋىلىرىغا كىرگىنىگە ئوخشاش غائىب بولىدىغان ئوربىتلىرىدا ماڭغۇچى يۇلتۇزلاردۇر.

Verse: 17

وَٱلَّيۡلِ إِذَا عَسۡعَسَ

كېلىش ئالدىدا تۇرغان كېچىنىڭ ئەۋۋىلى بىلەن، كېتىش ئالدىدا تۇرغان كېچىنىڭ ئاخىرى بىلەن قەسەم قىلىمەن.

Verse: 18

وَٱلصُّبۡحِ إِذَا تَنَفَّسَ

نۇر چېچىشقا باشلىغان تاڭ بىلەن قەسەم قىلىمەن.

Verse: 19

إِنَّهُۥ لَقَوۡلُ رَسُولٖ كَرِيمٖ

شەكسىزكى مۇھەممەد ئەلەيھىسسالامغا نازىل قىلىنغان قۇرئان كەرىم ئاللاھنىڭ كالامىدۇركى، ئۇنى مۇھەممەد ئەلەيھىسسالامغا ئىشەنچلىك پەرىشتە جىبرىئىل يەتكۈزدى، ئۇنىڭغا ئاللاھمۇ ئىشەنچ قىلىدۇ.

Verse: 20

ذِي قُوَّةٍ عِندَ ذِي ٱلۡعَرۡشِ مَكِينٖ

ئۇ كۈچلۈكتۇر، ئەرشنىڭ رەببىنىڭ دەرگاھىدا كاتتا مەرتىۋىگە ئىگىدۇر.

Verse: 21

مُّطَاعٖ ثَمَّ أَمِينٖ

ئاسماندىكىلەرمۇ ئۇنىڭغا ئىتائەت قىلىدىغان بولۇپ، ئۇ ۋەھىي يەتكۈزۈشتە ئىشەنچلىكتۇر.

Verse: 22

وَمَا صَاحِبُكُم بِمَجۡنُونٖ

سىلەر ئەقللىقلىقىنى، ئامانەتچانلىقىنى ۋە راستچىللىقىنى بىلىدىغان ھەمراھىڭلار مۇھەممەد ئەلەيھىسسالام سىلەر يالغاندىن بىلجىرلىغاندەك مەجنۇن ئەمەس.

Verse: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

ئۇ (يەنى مۇھەممەد ئەلەيھىسسالام) جىبرىئىلنى ھەقىقەتەن ئەسلى يارىتىلغان قىياپىتىدە روشەن ئۇپۇقتا كۆردى.

Verse: 24

وَمَا هُوَ عَلَى ٱلۡغَيۡبِ بِضَنِينٖ

ئۇ سىلەرگە يەتكۈزۈشكە بۇيرۇلغان نەرسىنى يەتكۈزۈشكە بېخىللىق قىلىدىغان بېخىل ئەمەس ھەمدە كاھىنلارغا ئوخشاش ھەق ئالمايدۇ.

Verse: 25

وَمَا هُوَ بِقَوۡلِ شَيۡطَٰنٖ رَّجِيمٖ

بۇ قۇرئان ئاللاھنىڭ رەھمىتىدىن قوغلانغان شەيتاننىڭ سۆزى ئەمەس.

Verse: 26

فَأَيۡنَ تَذۡهَبُونَ

مۇشۇنچىۋالا دەلىل - پاكىتلاردىن كېيىنمۇ يەنە قۇرئاننىڭ ئاللاھنىڭ دەرگاھىدىن كەلگەنلىكىنى ئىنكار قىلىش ئۈچۈن قايسى ئۇسۇلنى قوللىنىۋاتىسىلەر؟

Verse: 27

إِنۡ هُوَ إِلَّا ذِكۡرٞ لِّلۡعَٰلَمِينَ

قۇرئان كەرىم پەقەت ئىنسانلار ۋە جىنلارغا (ئاللاھنىڭ قۇدرىتىنى ۋە نېئمەتلىرىنى) ئەسلىتىش ھەم ۋەز - نەسىھەتتۇر.

Verse: 28

لِمَن شَآءَ مِنكُمۡ أَن يَسۡتَقِيمَ

ئاراڭلاردىن كىمكى ھەق يولىدا مېڭىشنى خالىغانلار ئۈچۈن نەسىھەتتۇر.

Verse: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

سىلەر مەيلى توغرا يولدا بولۇش، مەيلى باشقا ئىشلار بولسۇن، پەقەت پۈتكۈل مەخلۇقاتلارنىڭ رەببى بولغان ئاللاھ شۇنداق بولۇشىنى خالىغاندىلا ئاندىن سىلەر خالايسىلەر.

Benefits of the Verses on this page:

• حَشْر المرء مع من يماثله في الخير أو الشرّ.

ئىنسانلار ياخشىلىق ياكى يامانلىقتا ئۆزىنىڭ قاياشلىرى بىلەن بىر يەرگە توپلىنىدۇ.

• إذا كانت الموءُودة تُسأل فما بالك بالوائد؟ وهذا دليل على عظم الموقف.

تىرىك كۆمۈۋېتىلگەن قىز سېنى كۆمگۈچى نېمىشقا كۆمدى؟ دەپ سورالغىنىغا قارىغاندا، قىيامەت مەيدانىدىكى ئەھۋالنىڭ ناھايىتى قىيىن بولىدىغانلىقىنىڭ ئىسپاتىدۇر.

• مشيئة العبد تابعة لمشيئة الله.

بەندىنىڭ خالىشى ئاللاھنىڭ خالىشىغا چېتىشلىق بولىدۇ