Translation of the Meanings Surah As-Sāffāt - Somali Translation - Abdullah Hasan Yaqoub - Encyclopedia of the Noble Quran

As-saafaat

Verse: 1

وَٱلصَّٰٓفَّٰتِ صَفّٗا

1. Waxaan Anigu (Alle ah) ku dhaartay 'malaa’igta' safta safafka siman.

Verse: 2

فَٱلزَّٰجِرَٰتِ زَجۡرٗا

2. Iyo (malaa’igta) soo kaxeeya (daruuraha) soo kaxeyn.

Verse: 3

فَٱلتَّٰلِيَٰتِ ذِكۡرًا

3. Iyo (malaa’igta) akhriya "Qur’aanka' ^[1].

[1]. Alle s.w.t. wuxuu ku dhaartay malaa’igtaa, wuxuuna ku dhaartay xaqiiqda lagu xusay Aayadda xigta.

Verse: 4

إِنَّ إِلَٰهَكُمۡ لَوَٰحِدٞ

4.Hubaal, Ilaahiinnu (Runta ahi) waa Mid keliya (Allaah).

Verse: 5

رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ

5. Rabbiga samooyinka iyo arlada iyo waxa u dhexeeya, iyo Rabbiga bariyada ^[2].

[2]. Xagal kasta ama meelaha ay ka soo baxdo qorraxda.

Verse: 6

إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ

6. Waxaanu xaqiiq ku qurxinnay samada soke qurux xiddigaha ah ^[3].

[3]. Xiddigaha waxaa loo abuuray seddex waxyaalood: in lagu gano shayaadiinta, in lagu tilmaan qaato oo lagu garto jihooyinka iyo qurux ahaan samada soke.

Verse: 7

وَحِفۡظٗا مِّن كُلِّ شَيۡطَٰنٖ مَّارِدٖ

7. Iyo ka ilaalin shaydaan walboo fallaago ah ee Naxariis (Alle) laga fogeeyey.

Verse: 8

لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٖ

8. Ma dhegaysan karaan (shayaadiinta) kulanka sare (ee malaa’igta samada) waxaana laga soo ganaa dhan kasta.

Verse: 9

دُحُورٗاۖ وَلَهُمۡ عَذَابٞ وَاصِبٌ

9. Iyagoo (Shayaadiintaa) la soo eryey, waxayna leeyihiin cadaab joogto ah.

Verse: 10

إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٞ ثَاقِبٞ

10. Marka laga reebo mid mid dafa (hadal uu ka maqlay samada), markaasaa waxaa laga daba geeyaa danab dab ololoya ah.

Verse: 11

فَٱسۡتَفۡتِهِمۡ أَهُمۡ أَشَدُّ خَلۡقًا أَم مَّنۡ خَلَقۡنَآۚ إِنَّا خَلَقۡنَٰهُم مِّن طِينٖ لَّازِبِۭ

11. Ee weydii (gaalada) ma iyagaa abuur adag mise waxaa (kale sida malaa’igta, samooyinka, iyo arlada) ee aan abuurnay?. Waxaanu ka abuurnay (dadka) dhoobo dhagta.

Verse: 12

بَلۡ عَجِبۡتَ وَيَسۡخَرُونَ

12. Waxaadse la yaabtaa (beenintooda Xaqa), iyaguna way iska jees-jeesi.

Verse: 13

وَإِذَا ذُكِّرُواْ لَا يَذۡكُرُونَ

13. Marka la waaniyona ma waantoobaan.

Verse: 14

وَإِذَا رَأَوۡاْ ءَايَةٗ يَسۡتَسۡخِرُونَ

14. Markay arkaanna Calaamo (mucjizo) way ku jees-jeesaan.

Verse: 15

وَقَالُوٓاْ إِنۡ هَٰذَآ إِلَّا سِحۡرٞ مُّبِينٌ

15. Waxayna yidhaahdaan: Waxa kanu ma aha waxaan ahayn sixir cad.

Verse: 16

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

16. Ma markaan dhimanno oo aan noqonno carro iyo lafo, miyaa nala soo bixin?

Verse: 17

أَوَءَابَآؤُنَا ٱلۡأَوَّلُونَ

17. Iyo aabbayaashayadii hore (iyagana ma la so bixin dhimasho kaddib)?.

Verse: 18

قُلۡ نَعَمۡ وَأَنتُمۡ دَٰخِرُونَ

18. Dheh: Haah, idinkoo waliba dulleysan.

Verse: 19

فَإِنَّمَا هِيَ زَجۡرَةٞ وَٰحِدَةٞ فَإِذَا هُمۡ يَنظُرُونَ

19. Waa uun afuuf mar keliya ah (buunka), markaasay (ka soo bixi qubuuraha) iyagoo wax eegi.

Verse: 20

وَقَالُواْ يَٰوَيۡلَنَا هَٰذَا يَوۡمُ ٱلدِّينِ

20. Waxayna odhan: Hoog baa noo sug-naadaye! Kanu waa Maalinka Jaazeynta.

Verse: 21

هَٰذَا يَوۡمُ ٱلۡفَصۡلِ ٱلَّذِي كُنتُم بِهِۦ تُكَذِّبُونَ

21. Kani waa Maalinka kala baxa ee aad beenin jirteen.

Verse: 22

۞ ٱحۡشُرُواْ ٱلَّذِينَ ظَلَمُواْ وَأَزۡوَٰجَهُمۡ وَمَا كَانُواْ يَعۡبُدُونَ

22. (Malaa'igay), soo kulmiya kuwii dulmi falka ahaa iyo eynigoodii ^[4] iyo waxay caabudi jireen.

[4]. Tafsiir kale waa xaasaskooda ama kuwa aan xaqa raacin ee la midka ah.

Verse: 23

مِن دُونِ ٱللَّهِ فَٱهۡدُوهُمۡ إِلَىٰ صِرَٰطِ ٱلۡجَحِيمِ

23. Alle sokadi, oo u taxaaba Naarta ololka badan.

Verse: 24

وَقِفُوهُمۡۖ إِنَّهُم مَّسۡـُٔولُونَ

24. Joojiya, wax baa la weydiine (oo lagu qiri).

Verse: 25

مَا لَكُمۡ لَا تَنَاصَرُونَ

25. Maxaad leedihiin oo aydaan isugu gargaareyn?

Verse: 26

بَلۡ هُمُ ٱلۡيَوۡمَ مُسۡتَسۡلِمُونَ

26.Mayee, Maalintaa dhammaan way is dhiibi doonaan.

Verse: 27

وَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ

27. Waxay ku jeesan qaarkoodba qaar iyagoo is weydiin?.

Verse: 28

قَالُوٓاْ إِنَّكُمۡ كُنتُمۡ تَأۡتُونَنَا عَنِ ٱلۡيَمِينِ

28. Waxay (raciyadii ku) odhan (madaxdoodii): Waxaad nooga iman jirteen dhanka midig ^[5].

[5]. Idinkoo noo diidaya ku dhaqanka wanaagga iyo diinta oo xoog noo sheeganaya.

Verse: 29

قَالُواْ بَل لَّمۡ تَكُونُواْ مُؤۡمِنِينَ

29. Waxay (madaxdii) odhan: Ma aha, ee idinkaan mu’miniin ahayn.

Verse: 30

وَمَا كَانَ لَنَا عَلَيۡكُم مِّن سُلۡطَٰنِۭۖ بَلۡ كُنتُمۡ قَوۡمٗا طَٰغِينَ

30. Kuma aanu laheyn wax awood ah korkiinna. Ee waxaad ahaydeen qolo xad gudub badan.

Verse: 31

فَحَقَّ عَلَيۡنَا قَوۡلُ رَبِّنَآۖ إِنَّا لَذَآئِقُونَ

31. Sidaas awgeed waxaa nagu dhaboobay Qawlka Rabbigeen, xaqiiq waanu dhadhamin (Cadaabka).

Verse: 32

فَأَغۡوَيۡنَٰكُمۡ إِنَّا كُنَّا غَٰوِينَ

32. Waan idin luminnay ^[6], innaguna waa lunsanayn.

[6]. Waxay madaxda ula yimaadeen dadweynaha dhagar weyn.

Verse: 33

فَإِنَّهُمۡ يَوۡمَئِذٖ فِي ٱلۡعَذَابِ مُشۡتَرِكُونَ

33. Iyagu (raciyaddii iyo kuwii la raacay) xaqiiq Maalinkaas cadaabkay wadaagi.

Verse: 34

إِنَّا كَذَٰلِكَ نَفۡعَلُ بِٱلۡمُجۡرِمِينَ

34. Sidaasaan ku fallaa denbiilayaasha.

Verse: 35

إِنَّهُمۡ كَانُوٓاْ إِذَا قِيلَ لَهُمۡ لَآ إِلَٰهَ إِلَّا ٱللَّهُ يَسۡتَكۡبِرُونَ

35. Waxay xaqiiq ahaayeen marka lagu yidhaahdo: Ma jiro Ilaah (Xaq ah) aan ahayn Allaah, kuwa iska weyneeya.

Verse: 36

وَيَقُولُونَ أَئِنَّا لَتَارِكُوٓاْ ءَالِهَتِنَا لِشَاعِرٖ مَّجۡنُونِۭ

36. Iyagoo leh: Ma waxaan isaga dayn ilaahyadayada gabyaa Jinnoole ah?

Verse: 37

بَلۡ جَآءَ بِٱلۡحَقِّ وَصَدَّقَ ٱلۡمُرۡسَلِينَ

37. Mayee’ wuxuu (Nabigu) la yimid Xaq, oo rumeeyey Rusushii (Alle soo diray).

Verse: 38

إِنَّكُمۡ لَذَآئِقُواْ ٱلۡعَذَابِ ٱلۡأَلِيمِ

38. Waxaad idinku (gaaloy) dhadhamin cadaabka xanuunka badan.

Verse: 39

وَمَا تُجۡزَوۡنَ إِلَّا مَا كُنتُمۡ تَعۡمَلُونَ

39. La idinkamana abaal mariyo waxaan aheyn waxaad fasheen.

Verse: 40

إِلَّا عِبَادَ ٱللَّهِ ٱلۡمُخۡلَصِينَ

40. Addoommaha Alle maahee ee daacadda ah u Keli yeela Alle cibaadada.

Verse: 41

أُوْلَٰٓئِكَ لَهُمۡ رِزۡقٞ مَّعۡلُومٞ

41. Kuwaasi waxay leeyihiin risiq la yaqaan aan go'eyn (Jannada gudaheeda).

Verse: 42

فَوَٰكِهُ وَهُم مُّكۡرَمُونَ

42. Midho, iyagoo lagu sharfi.

Verse: 43

فِي جَنَّٰتِ ٱلنَّعِيمِ

43. Beeraha barwaaqada (Jannada).

Verse: 44

عَلَىٰ سُرُرٖ مُّتَقَٰبِلِينَ

44. Sariiro sarreeya korkooda is qaabilsan fool ka fool (si farxad iyo reyn reyn leh).

Verse: 45

يُطَافُ عَلَيۡهِم بِكَأۡسٖ مِّن مَّعِينِۭ

45. Waxaa lagula wareegi koobab (khamri daahir ah) ka soo shubma il (webiyo) saafi ah.

Verse: 46

بَيۡضَآءَ لَذَّةٖ لِّلشَّٰرِبِينَ

46. Cad, oo u macaan kuwa cabbi.

Verse: 47

لَا فِيهَا غَوۡلٞ وَلَا هُمۡ عَنۡهَا يُنزَفُونَ

47. Ma leh wax dhibaato ah, lagumana sarkhaamo (khamrada Jannada).

Verse: 48

وَعِندَهُمۡ قَٰصِرَٰتُ ٱلطَّرۡفِ عِينٞ

48. Waxaana la jirkood ahaan haween dhowrsoon soo kooba araggooda, leh indho aad u qurxoon.

Verse: 49

كَأَنَّهُنَّ بَيۡضٞ مَّكۡنُونٞ

49. La moodo ukummo aad loo dhowray.

Verse: 50

فَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ

50. Waxay qaabili qaarkoodba qaarka kale (ehlu Jannaha) iyagoo is weydiin.

Verse: 51

قَالَ قَآئِلٞ مِّنۡهُمۡ إِنِّي كَانَ لِي قَرِينٞ

51. Midkood hadlaya baa odhan: Waxaan anigu lahaa saaxiib.

Verse: 52

يَقُولُ أَءِنَّكَ لَمِنَ ٱلۡمُصَدِّقِينَ

52. Kaasoo odhan jiray: Ma waxaad ka mid tahay kuwa rumeysan (soo bixinta Qiyaame)?

Verse: 53

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَدِينُونَ

53.Ma markaan dhimanno oo aan noqonno carro iyo lafo, miyaa nala abaal marin?.

Verse: 54

قَالَ هَلۡ أَنتُم مُّطَّلِعُونَ

54. Wuxuu odhan: Ma ila dhuganeysaan?

Verse: 55

فَٱطَّلَعَ فَرَءَاهُ فِي سَوَآءِ ٱلۡجَحِيمِ

55. Markaasuu dhugtaa oo ku arkaa Naarta bartankeeda.

Verse: 56

قَالَ تَٱللَّهِ إِن كِدتَّ لَتُرۡدِينِ

56. Wuxuu odhan: Tallaahi! Waxaad sigtay inaad i halaagto (i dhumiso).

Verse: 57

وَلَوۡلَا نِعۡمَةُ رَبِّي لَكُنتُ مِنَ ٱلۡمُحۡضَرِينَ

57. Haddayna jirin Nicmadda Rabbigay, waxaan ka mid ahaan lahaa kuwa la soo keenayo (Naarta).

Verse: 58

أَفَمَا نَحۡنُ بِمَيِّتِينَ

58. Ma nihin miyaa kuwo dhiman.

Verse: 59

إِلَّا مَوۡتَتَنَا ٱلۡأُولَىٰ وَمَا نَحۡنُ بِمُعَذَّبِينَ

59. Dhimashadayadii hore mooyaane? mana layna cadaabayo?

Verse: 60

إِنَّ هَٰذَا لَهُوَ ٱلۡفَوۡزُ ٱلۡعَظِيمُ

60. Hubaal (arrin)kani waa Liibaanta Weyn.

Verse: 61

لِمِثۡلِ هَٰذَا فَلۡيَعۡمَلِ ٱلۡعَٰمِلُونَ

61. Ee (arrin)kanoo kale ha u camal fashaan kuwa camal fali.

Verse: 62

أَذَٰلِكَ خَيۡرٞ نُّزُلًا أَمۡ شَجَرَةُ ٱلزَّقُّومِ

62. Ma (arrin)kani (Jannada) baa marti- qaad wanaagsan mise geedka Zaquum.

Verse: 63

إِنَّا جَعَلۡنَٰهَا فِتۡنَةٗ لِّلظَّٰلِمِينَ

63. Waxaanu Annagu uga dhignay fidno (imtixaan) daalimiinta (gar diidka ah).

Verse: 64

إِنَّهَا شَجَرَةٞ تَخۡرُجُ فِيٓ أَصۡلِ ٱلۡجَحِيمِ

64.Waa geed ka soo baxa Naarta salkeeda,

Verse: 65

طَلۡعُهَا كَأَنَّهُۥ رُءُوسُ ٱلشَّيَٰطِينِ

65. Miraheeda la moodo madaxyada shaydaammada;

Verse: 66

فَإِنَّهُمۡ لَأٓكِلُونَ مِنۡهَا فَمَالِـُٔونَ مِنۡهَا ٱلۡبُطُونَ

66. Waxay (ehlu naarku) wax ka cuni (geedkaa) oo ka buuxin caloolahooda.

Verse: 67

ثُمَّ إِنَّ لَهُمۡ عَلَيۡهَا لَشَوۡبٗا مِّنۡ حَمِيمٖ

67. Waxay leeyihiin intaa kaddib cabbitaan isku dhaf kulul ah oo karaya.

Verse: 68

ثُمَّ إِنَّ مَرۡجِعَهُمۡ لَإِلَى ٱلۡجَحِيمِ

68. Markaa waxay ku noqon xagga Naarta holaca badan.

Verse: 69

إِنَّهُمۡ أَلۡفَوۡاْ ءَابَآءَهُمۡ ضَآلِّينَ

69. Waxay heleen aabbayaashood oo habowsan.

Verse: 70

فَهُمۡ عَلَىٰٓ ءَاثَٰرِهِمۡ يُهۡرَعُونَ

70. Iyaguna raadkoodii bay ku degdegi.

Verse: 71

وَلَقَدۡ ضَلَّ قَبۡلَهُمۡ أَكۡثَرُ ٱلۡأَوَّلِينَ

71. Waxaa dhab ahaan lumay iyaga hortood badi dadkii hore.

Verse: 72

وَلَقَدۡ أَرۡسَلۡنَا فِيهِم مُّنذِرِينَ

72. Waxaana dhab ahaan u dirnay digayaal.

Verse: 73

فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ

73. Ee eeg siday aheyd cidhibta kuwii loo digay (aanse waansamin).

Verse: 74

إِلَّا عِبَادَ ٱللَّهِ ٱلۡمُخۡلَصِينَ

74. Addoommaha Alle ee daacadda ah maahee u Keli yeela cibaadada (kuwaa dhib ma arkaan).

Verse: 75

وَلَقَدۡ نَادَىٰنَا نُوحٞ فَلَنِعۡمَ ٱلۡمُجِيبُونَ

75. Waxaa dhab ahaan noo dhawaaqday Nuux, Annagaana u fiican wax ajiiba (baryada).

Verse: 76

وَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ

76. Waxaana ka badbaadinnay isaga iyo ehelkiisiiba kurbaddii weyneyd (haraqii).

Verse: 77

وَجَعَلۡنَا ذُرِّيَّتَهُۥ هُمُ ٱلۡبَاقِينَ

77. Oo ka yeellay durriyaddiisa kuwa soo hadhay uun.

Verse: 78

وَتَرَكۡنَا عَلَيۡهِ فِي ٱلۡأٓخِرِينَ

78. Waxaana u reebnay (ammaan wanaagsan) facyada dambe dhexdood.

Verse: 79

سَلَٰمٌ عَلَىٰ نُوحٖ فِي ٱلۡعَٰلَمِينَ

79. Salaan (Nabadgelyo iyo Ammaan Alle) korkiisa ha ahaato Nuux.

Verse: 80

إِنَّا كَذَٰلِكَ نَجۡزِي ٱلۡمُحۡسِنِينَ

80. Sidaasaan ku abaal marinnaa sama falayaasha.

Verse: 81

إِنَّهُۥ مِنۡ عِبَادِنَا ٱلۡمُؤۡمِنِينَ

81. Hubaal Wuxuu ka mid ahaa addoomahayaga mu’miniinta ah.

Verse: 82

ثُمَّ أَغۡرَقۡنَا ٱلۡأٓخَرِينَ

82. Markaasaan harqinnay intii kale.

Verse: 83

۞ وَإِنَّ مِن شِيعَتِهِۦ لَإِبۡرَٰهِيمَ

83. Waxaana ka mid ah kuwa raacay
jidkiisa Ibraahiim ^[7].

[7]. Nabi Ibraahiim c.s. wuxuu raacay dhabbihii Nabi Nuux iyo intii rumeysey towxiidka iyo mabaadiida diinta Islaamka.

Verse: 84

إِذۡ جَآءَ رَبَّهُۥ بِقَلۡبٖ سَلِيمٍ

84. Markuu ula yimid Rabbigi qalbi fayow ^[8].

[8]. Qalbiga fayow waa kan ka nabad galay shirki, kibir, xasad, is cajabin, iwm ee daacadda ah u hoggaansan Alle.

Verse: 85

إِذۡ قَالَ لِأَبِيهِ وَقَوۡمِهِۦ مَاذَا تَعۡبُدُونَ

85. Markuu ku yidhi aabbihi iyo dadkiisii: Waa maxay waxaad caabudaysaan?

Verse: 86

أَئِفۡكًا ءَالِهَةٗ دُونَ ٱللَّهِ تُرِيدُونَ

86. been abuur, Ilaahyo aad barbar dhig- taan Allaah-miyaad dooneysaan idinku.

Verse: 87

فَمَا ظَنُّكُم بِرَبِّ ٱلۡعَٰلَمِينَ

87. Maxaadse ka maleysaneysaan Rabbiga uumanka?

Verse: 88

فَنَظَرَ نَظۡرَةٗ فِي ٱلنُّجُومِ

88. Markaasuu eegay eegmo xiddigaha,

Verse: 89

فَقَالَ إِنِّي سَقِيمٞ

89. Wuxuuna yidhi: Anigu waa bukaa.

Verse: 90

فَتَوَلَّوۡاْ عَنۡهُ مُدۡبِرِينَ

90. Markaasay ka jeesteen oo tageen.

Verse: 91

فَرَاغَ إِلَىٰٓ ءَالِهَتِهِمۡ فَقَالَ أَلَا تَأۡكُلُونَ

91. Markaasuu aaday ilaahyadoodii, oo yidhi: Miyeydaan (wax) cuneyn ^[9].

[9]. Inay cunaan qurbaannada hortooda la dhigay. Waana ku jeesjees iyo muujin caqli xumada dadkaa sanammada hor dhigay raashinka iyo hadiyooyinka.

Verse: 92

مَا لَكُمۡ لَا تَنطِقُونَ

92. Maxaad leedihiin oo aydaan la hadleyn?

Verse: 93

فَرَاغَ عَلَيۡهِمۡ ضَرۡبَۢا بِٱلۡيَمِينِ

93. Markaasuu ku jeestay oo ku garaacay gacanta midig.

Verse: 94

فَأَقۡبَلُوٓاْ إِلَيۡهِ يَزِفُّونَ

94. Markaasay soo aadeen (dadkii) xaggiisa iyagoo soo degdegaya.

Verse: 95

قَالَ أَتَعۡبُدُونَ مَا تَنۡحِتُونَ

95. (Ibraahiim) wuxuu yidhi: Ma waxaad caabudaysaan waxaad qoraysaan (idinku sameysaan)?

Verse: 96

وَٱللَّهُ خَلَقَكُمۡ وَمَا تَعۡمَلُونَ

96. Allaah baana idin abuuray idinka iyo waxaad sameysaanba?

Verse: 97

قَالُواْ ٱبۡنُواْ لَهُۥ بُنۡيَٰنٗا فَأَلۡقُوهُ فِي ٱلۡجَحِيمِ

97. Waxay yidhaahdeen: U dhisa meel (dab lagu shido) kuna tuura dabkaa ololaya.

Verse: 98

فَأَرَادُواْ بِهِۦ كَيۡدٗا فَجَعَلۡنَٰهُمُ ٱلۡأَسۡفَلِينَ

98. Waxay la dooneen dabin ka dhan ah, iyagaanse ka dhignay kuwa hooseeya.

Verse: 99

وَقَالَ إِنِّي ذَاهِبٌ إِلَىٰ رَبِّي سَيَهۡدِينِ

99. (Ibraahiim) wuxuu yidhi: Anigu waxaan aadayaa xagga Rabbigay. Wuu i hanuunin.

Verse: 100

رَبِّ هَبۡ لِي مِنَ ٱلصَّٰلِحِينَ

100. Rabbiyow! I sii (ubad) wanaagsan.

Verse: 101

فَبَشَّرۡنَٰهُ بِغُلَٰمٍ حَلِيمٖ

101. Waxaana ugu bishaaraynay wiil dul qaad badan (Ismaaciil).

Verse: 102

فَلَمَّا بَلَغَ مَعَهُ ٱلسَّعۡيَ قَالَ يَٰبُنَيَّ إِنِّيٓ أَرَىٰ فِي ٱلۡمَنَامِ أَنِّيٓ أَذۡبَحُكَ فَٱنظُرۡ مَاذَا تَرَىٰۚ قَالَ يَٰٓأَبَتِ ٱفۡعَلۡ مَا تُؤۡمَرُۖ سَتَجِدُنِيٓ إِن شَآءَ ٱللَّهُ مِنَ ٱلصَّٰبِرِينَ

102.Markuu gaaray da' inuu la shaqeeyo oo hanaqaaday ^[10], (Ibraahiim) wuxuu yidhi: Maandhow! Waxaan ku arkay riyo anigoo kuu gawracaya (qurbaan ahaan Alle darti), ee bal eegoo maxay kula tahay. (Ismaaciil) wuxuu yidhi: Aabbow! Fal waxa lagu amray, hadduu Alle idmo, waxaad heli inaan ka mid noqdo kuwa samir yeesha.

[10]. Ismaaciil awood u yeeshay inuu la shaqeeyo oo kaalmeeyo aabbihi Ibraahiim.

Verse: 103

فَلَمَّآ أَسۡلَمَا وَتَلَّهُۥ لِلۡجَبِينِ

103. Markay hoggaansameen oo uu u dhigay dhabanka (si uu u gowraco).

Verse: 104

وَنَٰدَيۡنَٰهُ أَن يَٰٓإِبۡرَٰهِيمُ

104. baan u dhawaaqnay Annagoo leh: Ibraahiimow.

Verse: 105

قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ

105.Waxaad ka rumeysay riyadii. Sidaas baan ku abaal marinnaa sama falayaasha.

Verse: 106

إِنَّ هَٰذَا لَهُوَ ٱلۡبَلَٰٓؤُاْ ٱلۡمُبِينُ

106. Xaqiiq, arrinkani wuxuu ahaa imtixaan cad.

Verse: 107

وَفَدَيۡنَٰهُ بِذِبۡحٍ عَظِيمٖ

107. Waxaana (Ismaaciil) ku furannay wan weyn (oo buuran).

Verse: 108

وَتَرَكۡنَا عَلَيۡهِ فِي ٱلۡأٓخِرِينَ

108. Waxaana ugu dhaafnay (Ibraahiim ammaan fiican) facyada dambe (oo dhan) dhexdood.

Verse: 109

سَلَٰمٌ عَلَىٰٓ إِبۡرَٰهِيمَ

109. Salaan (Nabadgelyo iyo Ammaan Alle) korkiisa ha ahaato Ibraahiim.

Verse: 110

كَذَٰلِكَ نَجۡزِي ٱلۡمُحۡسِنِينَ

110. Sidaasaan ku abaal marinnaa sama falayaasha.

Verse: 111

إِنَّهُۥ مِنۡ عِبَادِنَا ٱلۡمُؤۡمِنِينَ

111. Wuxuu ka mid ahaa addoomahayaga mu'miniinta ah.

Verse: 112

وَبَشَّرۡنَٰهُ بِإِسۡحَٰقَ نَبِيّٗا مِّنَ ٱلصَّٰلِحِينَ

112. Waxaan (markaa kaddib) ugu bishaareynay Isxaaq ^[11] _ Nabi ka mid ah kuwa wanaagsan.

[11]. Tani waxay caddeyneysaa in wiilkiisa curadka ee la doonayey in la gowraco uu ahaa Ismaaciil oo ma uusan ahayn Isxaaq, sida ay sheegaan Yuhuudda iyo Nasaarada.

Verse: 113

وَبَٰرَكۡنَا عَلَيۡهِ وَعَلَىٰٓ إِسۡحَٰقَۚ وَمِن ذُرِّيَّتِهِمَا مُحۡسِنٞ وَظَالِمٞ لِّنَفۡسِهِۦ مُبِينٞ

113. Waanu barakaynay isaga iyo Isxaaqba, ubadkoodana waxaa ka mid ah mid sama fala iyo mid naftiisa u dulmiya si cad.

Verse: 114

وَلَقَدۡ مَنَنَّا عَلَىٰ مُوسَىٰ وَهَٰرُونَ

114. Waxaanu dhab ahaan ku mannaysannay wanaag Muuse iyo Haaruun.

Verse: 115

وَنَجَّيۡنَٰهُمَا وَقَوۡمَهُمَا مِنَ ٱلۡكَرۡبِ ٱلۡعَظِيمِ

115. Oo ka badbaadinnay iyaga iyo dadkoodii kurbaddii weynayd (harqintii iyo addoonsigii iyo dulleysigii lagu hayey).

Verse: 116

وَنَصَرۡنَٰهُمۡ فَكَانُواْ هُمُ ٱلۡغَٰلِبِينَ

116. Waanu u gargaarnay, sidaa darteed waxay ahaayeen kuwa adkaaday.

Verse: 117

وَءَاتَيۡنَٰهُمَا ٱلۡكِتَٰبَ ٱلۡمُسۡتَبِينَ

117. Waxaanuna siinnay Kitaabka (Towraadda) Xujada cad ah.

Verse: 118

وَهَدَيۡنَٰهُمَا ٱلصِّرَٰطَ ٱلۡمُسۡتَقِيمَ

118. Oo ku hanuuninnay Jidka Toosan 'ee Islaamka' ^[12];

[12]. Jidka toosan waa diinta Islaamka, waana diinta uu Alle la soo diray nabiyada oo dhan.

Verse: 119

وَتَرَكۡنَا عَلَيۡهِمَا فِي ٱلۡأٓخِرِينَ

119. Waxaan ugu dhaafnay (ammaan) facyada dambe (oo dhan) dhexdood .

Verse: 120

سَلَٰمٌ عَلَىٰ مُوسَىٰ وَهَٰرُونَ

120.Salaan (Nabad gelyo iyo Ammaan Alle) korkooda ha ahaato Muuse iyo Haaruun.

Verse: 121

إِنَّا كَذَٰلِكَ نَجۡزِي ٱلۡمُحۡسِنِينَ

121. Sidaasaan ku abaal marinnaa sama falayaasha.

Verse: 122

إِنَّهُمَا مِنۡ عِبَادِنَا ٱلۡمُؤۡمِنِينَ

122. Waxay xaqiiq ka mid ahaayeen addoomahayaga mu'miniinta ah.

Verse: 123

وَإِنَّ إِلۡيَاسَ لَمِنَ ٱلۡمُرۡسَلِينَ

123. Oo xaqiiq Ilyaas wuxuu ka mid ahaa Rususha.

Verse: 124

إِذۡ قَالَ لِقَوۡمِهِۦٓ أَلَا تَتَّقُونَ

124. Markuu ku yidhi tolkiisii, Miyeydaan ka dhowrsanayn (shirkiga iyo xumaha kale)?

Verse: 125

أَتَدۡعُونَ بَعۡلٗا وَتَذَرُونَ أَحۡسَنَ ٱلۡخَٰلِقِينَ

125. Ma waxaad baridaan Bacal ^[13] oo ka tagtaan Kan u wanaagsan abuurayaasha.

[13]. Bacal Waa magaca sanam weyn ay caabudi jireen dadkii Phenisia, oo ay u heysteen inuu Rabbigood yahay.

Verse: 126

ٱللَّهَ رَبَّكُمۡ وَرَبَّ ءَابَآئِكُمُ ٱلۡأَوَّلِينَ

126. Allaah, ee ah Rabbigiin (Runta ah) iyo Rabbiga Aabbayaashiinnii hore?.

Verse: 127

فَكَذَّبُوهُ فَإِنَّهُمۡ لَمُحۡضَرُونَ

127. Wayse beeniyeen, waxaana xaqiiq loo soo kulmin (Cadaab),

Verse: 128

إِلَّا عِبَادَ ٱللَّهِ ٱلۡمُخۡلَصِينَ

128. Addoomaha Alle maahee ee daacadda ah u keli yeela cibaadada.

Verse: 129

وَتَرَكۡنَا عَلَيۡهِ فِي ٱلۡأٓخِرِينَ

129. Waxaana ugu dhaafnay (ammaan) facyada dambe (oo dhan) dhexdood.

Verse: 130

سَلَٰمٌ عَلَىٰٓ إِلۡ يَاسِينَ

130. Salaan (Nabad gelyo iyo Ammaan Alle) korkiisa ha ahaato Ilyaasiin ^[14].

[14]. Ilyaasiin waa wadarta Ilyaas, waxaana loola jeedaa Ilyaas iyo kuwii raacay.

Verse: 131

إِنَّا كَذَٰلِكَ نَجۡزِي ٱلۡمُحۡسِنِينَ

131. Sidaasaan ku abaal marinnaa sama falayaasha.

Verse: 132

إِنَّهُۥ مِنۡ عِبَادِنَا ٱلۡمُؤۡمِنِينَ

132. Wuxuu ka mid ahaa addoomahayaga mu’miniinta ah.

Verse: 133

وَإِنَّ لُوطٗا لَّمِنَ ٱلۡمُرۡسَلِينَ

133. Oo xaqiiq Luud wuxuu ka mid ahaa Rususha.

Verse: 134

إِذۡ نَجَّيۡنَٰهُ وَأَهۡلَهُۥٓ أَجۡمَعِينَ

134. (Xus) markaan badbaadinnay isaga iyo ehelkiisaba, dhammaan,

Verse: 135

إِلَّا عَجُوزٗا فِي ٱلۡغَٰبِرِينَ

135. Habar duq ah (marwadiisii) maahee oo ku hadhay (halaagga).

Verse: 136

ثُمَّ دَمَّرۡنَا ٱلۡأٓخَرِينَ

136. Kaddib waxaan baabbi’innay intii kale.

Verse: 137

وَإِنَّكُمۡ لَتَمُرُّونَ عَلَيۡهِم مُّصۡبِحِينَ

137. Waxaadna xaqiiq ag martaan (dhulkoodii) subaxnimo,

Verse: 138

وَبِٱلَّيۡلِۚ أَفَلَا تَعۡقِلُونَ

138. Iyo habeennimo, ee miyeydaan wax garan?

Verse: 139

وَإِنَّ يُونُسَ لَمِنَ ٱلۡمُرۡسَلِينَ

139. Oo xaqiiq Yuunus wuxuu ka mid ahaa Rusushii (la soo diray).

Verse: 140

إِذۡ أَبَقَ إِلَى ٱلۡفُلۡكِ ٱلۡمَشۡحُونِ

140. (Xus) markuu u cararay doonnidii buuxday.

Verse: 141

فَسَاهَمَ فَكَانَ مِنَ ٱلۡمُدۡحَضِينَ

141. Marka wuu la qori tuurtay ^[15], wuxuuse noqday mid laga raayey (baddana lagu tuuray).

[15]. Si loo cayimo qofka laga tuurayo doonnida si loo badbaadiyo rikaabka kale. Waxaa ku soo baxay qori tuurkii Yuunus c.s., markaasay ku tuureen badda.

Verse: 142

فَٱلۡتَقَمَهُ ٱلۡحُوتُ وَهُوَ مُلِيمٞ

142. Markaasuu nibirigu liqay isagoo eedeysan ^[16].

[16]. Isagoo eedeysan, waayo wuxuu ka quustay dadkiisii ahaa xuma falka, wuxuuna ka soo tagay isagoo aan ka helin idan xagga Alle.

Verse: 143

فَلَوۡلَآ أَنَّهُۥ كَانَ مِنَ ٱلۡمُسَبِّحِينَ

143. Haddiise ay ahaateen inuu ka mid ahaa kuwa na xurmo weyneeya oo tasbiixsada (ee ehlu salaadka ah).

Verse: 144

لَلَبِثَ فِي بَطۡنِهِۦٓ إِلَىٰ يَوۡمِ يُبۡعَثُونَ

144. Wuxuu ku negaan lahaa caloosha (nibriga) tan iyo Maalinta Qiyaamaha.

Verse: 145

۞ فَنَبَذۡنَٰهُ بِٱلۡعَرَآءِ وَهُوَ سَقِيمٞ

145. Waxaana ku soo tuurnay bannaan cid la' ah isagoo buka.

Verse: 146

وَأَنۢبَتۡنَا عَلَيۡهِ شَجَرَةٗ مِّن يَقۡطِينٖ

146. Waxaana u soo bixinnay geed Aredube ah ^[17].

[17]. Maadaamana Nabi Yuunus xeebta lagu soo tuuray isagoo aan dub lahayn. Wuxuu Alle u soo saaaray geedkaasi bocorka (aredube, ubo) si uu u harsiiyo oo uga ilaaliyo cayaayin wax yeela.

Verse: 147

وَأَرۡسَلۡنَٰهُ إِلَىٰ مِاْئَةِ أَلۡفٍ أَوۡ يَزِيدُونَ

147. Waxaana u dirnay Boqol kun ama ka badanba.

Verse: 148

فَـَٔامَنُواْ فَمَتَّعۡنَٰهُمۡ إِلَىٰ حِينٖ

148. Wayna rumeeyeen; waxaana u raaxeynay ilaa muddo.

Verse: 149

فَٱسۡتَفۡتِهِمۡ أَلِرَبِّكَ ٱلۡبَنَاتُ وَلَهُمُ ٱلۡبَنُونَ

149. Ee weydii (gaalada) in Rabbigaa gabdho leeyahay, iyaguna wiilal?

Verse: 150

أَمۡ خَلَقۡنَا ٱلۡمَلَٰٓئِكَةَ إِنَٰثٗا وَهُمۡ شَٰهِدُونَ

150. Mise ma waxaan abuurnay malaa'igta dheddig ahaan, iyaguna ay goob joog ka ahaayeen?

Verse: 151

أَلَآ إِنَّهُم مِّنۡ إِفۡكِهِمۡ لَيَقُولُونَ

151. Ogaada, taasi xaqiiq waa been abuurashadooda inay yidhaahdaan:

Verse: 152

وَلَدَ ٱللَّهُ وَإِنَّهُمۡ لَكَٰذِبُونَ

152. Allaa ilmo leh, waana beenaalayaal dhabtii.

Verse: 153

أَصۡطَفَى ٱلۡبَنَاتِ عَلَى ٱلۡبَنِينَ

153. Ma wuxuu gabdho ka doortay wiilal?

Verse: 154

مَا لَكُمۡ كَيۡفَ تَحۡكُمُونَ

154. Maxaa si idin ka ah, sidee baad wax u xukumeysaan?

Verse: 155

أَفَلَا تَذَكَّرُونَ

155. Ee miyeydaan xusuusanayn (inuusan Alle lahayn xaas, wiil, gabdho, kuna habbooneyn inuu yeesho ilmo)?

Verse: 156

أَمۡ لَكُمۡ سُلۡطَٰنٞ مُّبِينٞ

156.Mise ma waxaad heysataan Xujo Cad?

Verse: 157

فَأۡتُواْ بِكِتَٰبِكُمۡ إِن كُنتُمۡ صَٰدِقِينَ

157. Ee keena Kitaabkiinna (caddayn) haddaad run sheegaysaan?

Verse: 158

وَجَعَلُواْ بَيۡنَهُۥ وَبَيۡنَ ٱلۡجِنَّةِ نَسَبٗاۚ وَلَقَدۡ عَلِمَتِ ٱلۡجِنَّةُ إِنَّهُمۡ لَمُحۡضَرُونَ

158. Waxayse yeelaan (qaraabo) nasab Isaga (Alle) iyo malaa’igta dhexdooda, oo dhab ahaan waxay malaa’igtu og yihiin in (kuwa sidaa yidhaahda) la keeni 'cadaabka Naarta' ^[18].

[18]. Jin waa khalqi aan Aadmigu arag oo ka qarsoon waana jinka iyo malaa’igta.

Verse: 159

سُبۡحَٰنَ ٱللَّهِ عَمَّا يَصِفُونَ

159. Xurmo waxaa iska leh Allaah, Wuu ka hufan yahay waxay ku sheegayaan.

Verse: 160

إِلَّا عِبَادَ ٱللَّهِ ٱلۡمُخۡلَصِينَ

160. Addoomaha Alle maahee ee daacadda ah u keli yeela cibaadada.

Verse: 161

فَإِنَّكُمۡ وَمَا تَعۡبُدُونَ

161. Xaqiiq, idinka iyo waxaad caabudaysaanba (gaaloy).

Verse: 162

مَآ أَنتُمۡ عَلَيۡهِ بِفَٰتِنِينَ

162. Cidna kuma fidnayn kartaan ^[19].

[19].Si uu u qaato gaalnimo iyo camallo xun.

Verse: 163

إِلَّا مَنۡ هُوَ صَالِ ٱلۡجَحِيمِ

163. Mid maahee Naarta geli oo ku guban.

Verse: 164

وَمَا مِنَّآ إِلَّا لَهُۥ مَقَامٞ مَّعۡلُومٞ

164. Ma jiro mid naga mid ah (malaa’igta) aan lahayn meel lagu og yahay ^[20].

[20]. Cibaado ahaan, ama ma jiro mid aan lahayn howl la yaqaan uu qabto.

Verse: 165

وَإِنَّا لَنَحۡنُ ٱلصَّآفُّونَ

165. Waana innaga (malaa’igta ah) xaqiiq kuwa u safta safafka siman.

Verse: 166

وَإِنَّا لَنَحۡنُ ٱلۡمُسَبِّحُونَ

166. Waana innaga (malaa'igta ah) xaqiiq kuwa xurmo weyneeya oo hufa 'Alle' ^[21].

[21]. Iyagoo beeninaya waxay gaalada ka sheegaan Alle inuu leeyahay wiil ama gabdho ama shariigyo.

Verse: 167

وَإِن كَانُواْ لَيَقُولُونَ

167. Waxayna (gaaladu) odhan jireen:

Verse: 168

لَوۡ أَنَّ عِندَنَا ذِكۡرٗا مِّنَ ٱلۡأَوَّلِينَ

168. Hadduu yahay agtannada xuskii (warkii) kuwii hore 'Kitaab' ^[22] .

[22]. Ka hor soo waxyoodka Qur’aanka.

Verse: 169

لَكُنَّا عِبَادَ ٱللَّهِ ٱلۡمُخۡلَصِينَ

169. Waxaan ahaan laheyn addoomaha Alle ee daacadda ah u keli yeela cibaadada.

Verse: 170

فَكَفَرُواْ بِهِۦۖ فَسَوۡفَ يَعۡلَمُونَ

170. Wayse ku gaaloobaan 'haatan' ^[23], marka way ogaan doonaan.

[23]. Dhambaalka iyaga loo soo diray, Qur’aanka.

Verse: 171

وَلَقَدۡ سَبَقَتۡ كَلِمَتُنَا لِعِبَادِنَا ٱلۡمُرۡسَلِينَ

171. Waxaa dhab ahaan ugu hormaray Kelmaddayada (Yaboohayaga) addoomahayaga Rususha ah.

Verse: 172

إِنَّهُمۡ لَهُمُ ٱلۡمَنصُورُونَ

172. Inay yihiin kuwa xaqiiq loo gargaari.

Verse: 173

وَإِنَّ جُندَنَا لَهُمُ ٱلۡغَٰلِبُونَ

173. Iyo in ciidammadayadu ay yihiin xaqiiq kuwa adkaan.

Verse: 174

فَتَوَلَّ عَنۡهُمۡ حَتَّىٰ حِينٖ

174. Ee isaga jeeso ilaa muddo,

Verse: 175

وَأَبۡصِرۡهُمۡ فَسَوۡفَ يُبۡصِرُونَ

175. Aragna (waxa ku dhaca), iyaguna sidoo kale way arki.

Verse: 176

أَفَبِعَذَابِنَا يَسۡتَعۡجِلُونَ

176. Ma Cadaabkanaga bay (gaaladu) degdegsanayaan?

Verse: 177

فَإِذَا نَزَلَ بِسَاحَتِهِمۡ فَسَآءَ صَبَاحُ ٱلۡمُنذَرِينَ

177. Markase uu ku soo dego ardaagooda, waxaa xumaan subaxa kuwa loo digay.

Verse: 178

وَتَوَلَّ عَنۡهُمۡ حَتَّىٰ حِينٖ

178. Ee isaga jeeso iyaga ilaa muddo.

Verse: 179

وَأَبۡصِرۡ فَسَوۡفَ يُبۡصِرُونَ

179. Aragna (waxa ku dhaca), iyaguna sidoo kale way arki.

Verse: 180

سُبۡحَٰنَ رَبِّكَ رَبِّ ٱلۡعِزَّةِ عَمَّا يَصِفُونَ

180. Xurmo oo dhan waxaa iska leh oo (xumaan ka) hufan Rabbigaa (Allaah), Rabbiga Sharafta leh, ka sarreeya waxay (gaaladu) ku tilmaamaan (sida inuu leeyahay wiil, gabdho, xaas, iwm).

Verse: 181

وَسَلَٰمٌ عَلَى ٱلۡمُرۡسَلِينَ

181. Nabadi korkooda ha ahaato Rususha (Alle).

Verse: 182

وَٱلۡحَمۡدُ لِلَّهِ رَبِّ ٱلۡعَٰلَمِينَ

182. Ammaan oo dhan iyo mahad waxaa leh Allaah, Rabbiga uumanka.