Translation of the Meanings Surah Al-Layl - Pashto translation of Al-Mukhtsar in interpretation of the Noble Quran - Page Number 595 - Encyclopedia of the Noble Quran

لیل

Objectives of the Surah:

بيان أحوال الخلق في الإيمان والإنفاق وحال كل فريق.

په ايمان او منافقت کې د خلکو د حالتونو بيان او د هرې ډلې حالت.

---

Verse: 1

وَالَّیْلِ اِذَا یَغْشٰی ۟ۙ

الله پر شپه لوړه وکړه کله چې هغه په خپله تياره هغه څه پټوي چې د اسمان او ځمکې ترمنځ دي.

Verse: 2

وَالنَّهَارِ اِذَا تَجَلّٰی ۟ۙ

او په ورځ يې لوړه وکړه کله چې هغه ښکاره او څرګنده شي.

Verse: 3

وَمَا خَلَقَ الذَّكَرَ وَالۡاُنۡثٰٓى ۟ۙ

او د دوو ډولونو: نارينه او ښځينه وو په پيدايښت يې لوړه وکړه.

Verse: 4

اِنَّ سَعْیَكُمْ لَشَتّٰی ۟ؕ

اې خلکو! پرته له شکه ستاسو عمل مختلف دی، ځينې نېکۍ دي چې جنت ته د ننوتلو لامل دي او ځينې بدۍ دي چې اور ته د ننوتلو لامل دي.

Verse: 5

فَاَمَّا مَنْ اَعْطٰی وَاتَّقٰی ۟ۙ

او چا چې هغه څه ورکړل چې لګول يې لازم دي؛ لکه زکات، خيرات او کفاره، او له هغه څه يې ځان وساتلو چې الله ترې منع کړی دی.

Verse: 6

وَصَدَّقَ بِالْحُسْنٰی ۟ۙ

او د الله کړې ژمنه یې رېښتيا وبلله( چې الله به هغه څه ورکوي چې ژمنه یې ورسره کړې ده).

Verse: 7

فَسَنُیَسِّرُهٗ لِلْیُسْرٰی ۟ؕ

نو نېک عمل او د الله په لار کې لګښت به ورته اسانه کړو.

Verse: 8

وَاَمَّا مَنْ بَخِلَ وَاسْتَغْنٰی ۟ۙ

او چاچې پر خپل مال بخيلي وکړه چې په کوم څه کې يې لګول واجب و په هغو کې يې ونه لګاوه، او پر خپل مال له الله څخه بې پروا شو او د الله له پېرزوينې يې څه ونه غوښتل.

Verse: 9

وَكَذَّبَ بِالْحُسْنٰی ۟ۙ

او الله چې د ښه ځای ناستي او د الله په لار کې پر مال لګولو کومه ژمنه کړې ده هغه يې درواغ وګڼله.

Benefits of the Verses on this page:

• أهمية تزكية النفس وتطهيرها.

د نفس د پاکوالي او سپېڅلتيا اهميت.

• المتعاونون على المعصية شركاء في الإثم.

په ګناه کې له يو بل سره مرستندويان د هغې ګناه په سزا کې سره شريکان دي.

• الذنوب سبب للعقوبات الدنيوية.

ګناهونه د دنيوي سزاوو لامل دي.

• كلٌّ ميسر لما خلق له فمنهم مطيع ومنهم عاصٍ.

د هر چا لپاره هغه څه اسانه کړل شوي دي چې ورته پيداکړل شوی دی، نو ځينې پيروي کوونکي وي او ځينې ګناهکاره وي.