Check out the new design

Translation of the Meanings of the Noble Qur'an - Filipino Translation (Maguindanaon) - Rowad Translation Center * - Translations’ Index

Translation of the meanings Surah: Al-Qamar   Ayah:
Surahs’ Index Page Number HTML

Al-Qamar

Ayah: 1

ٱقۡتَرَبَتِ ٱلسَّاعَةُ وَٱنشَقَّ ٱلۡقَمَرُ
Masupeg su gay a mawli, endu nawpak su ulan-ulan.
Arabic explanations of the Qur’an:

Ayah: 2

وَإِن يَرَوۡاْ ءَايَةٗ يُعۡرِضُواْ وَيَقُولُواْ سِحۡرٞ مُّسۡتَمِرّٞ
Endu amayka nailay nilan i tanda na ayat na di nilan taliman, ya nilan kadtalu na sih’r a maawa bun inan.
Arabic explanations of the Qur’an:

Ayah: 3

وَكَذَّبُواْ وَٱتَّبَعُوٓاْ أَهۡوَآءَهُمۡۚ وَكُلُّ أَمۡرٖ مُّسۡتَقِرّٞ
Napandalbut silan, ya nilan inunutan su kyug na ginawa nilan, endu langun na galebek na makadtakena bun kanu kigkuwan lun.
Arabic explanations of the Qur’an:

Ayah: 4

وَلَقَدۡ جَآءَهُم مِّنَ ٱلۡأَنۢبَآءِ مَا فِيهِ مُزۡدَجَرٌ
Endu saben-sabenal a nakawma sa kanilan i manga tudtulan sa gay a mawli endu su manga taw a nawna a makalma sa ginawa.
Arabic explanations of the Qur’an:

Ayah: 5

حِكۡمَةُۢ بَٰلِغَةٞۖ فَمَا تُغۡنِ ٱلنُّذُرُ
Indawan a mabagel, na da bun makangguna su indawan.
Arabic explanations of the Qur’an:

Ayah: 6

فَتَوَلَّ عَنۡهُمۡۘ يَوۡمَ يَدۡعُ ٱلدَّاعِ إِلَىٰ شَيۡءٖ نُّكُرٍ
Taligkudi ka silan (Muhammad) ka aden bun gay a tawagen silan nu bananawag, lu makabpawang kanu di nilan kiyugan.
Arabic explanations of the Qur’an:

Ayah: 7

خُشَّعًا أَبۡصَٰرُهُمۡ يَخۡرُجُونَ مِنَ ٱلۡأَجۡدَاثِ كَأَنَّهُمۡ جَرَادٞ مُّنتَشِرٞ
Lusak i kapangingilay nilan, lumyu silan sa kubur sa mana den tapudi a pakapayapat.
Arabic explanations of the Qur’an:

Ayah: 8

مُّهۡطِعِينَ إِلَى ٱلدَّاعِۖ يَقُولُ ٱلۡكَٰفِرُونَ هَٰذَا يَوۡمٌ عَسِرٞ
Makapamagayas silan lu kanu bananawag, ya madtalu nu manga kafir: nya den i gay a mapasang.
Arabic explanations of the Qur’an:

Ayah: 9

۞ كَذَّبَتۡ قَبۡلَهُمۡ قَوۡمُ نُوحٖ فَكَذَّبُواْ عَبۡدَنَا وَقَالُواْ مَجۡنُونٞ وَٱزۡدُجِرَ
Ya nawna a napandalbut na su taw nu Nuh, (tig nu Allah): pinandalbut nilan su ulipen nami, ya nilan pidtalu na buneg endu pegkayan nu (su Muh).
Arabic explanations of the Qur’an:

Ayah: 10

فَدَعَا رَبَّهُۥٓ أَنِّي مَغۡلُوبٞ فَٱنتَصِرۡ
Mindu’a kanu kadenan (si Nuh): tinalaw aku, na tabangi aku (ya Allah).
Arabic explanations of the Qur’an:

Ayah: 11

فَفَتَحۡنَآ أَبۡوَٰبَ ٱلسَّمَآءِ بِمَآءٖ مُّنۡهَمِرٖ
Binukan nami su manga bungawan nu langit sa ig a maleges.
Arabic explanations of the Qur’an:

Ayah: 12

وَفَجَّرۡنَا ٱلۡأَرۡضَ عُيُونٗا فَٱلۡتَقَى ٱلۡمَآءُ عَلَىٰٓ أَمۡرٖ قَدۡ قُدِرَ
Endu pinambuwat nami kanu lupa su manga buwal, namedsumbak su ig sa pulu endu kababan, sabap sa kahanda nu nangaden.
Arabic explanations of the Qur’an:

Ayah: 13

وَحَمَلۡنَٰهُ عَلَىٰ ذَاتِ أَلۡوَٰحٖ وَدُسُرٖ
Endu pinapageda nami (su manga bamaginugut) kanu awang (nu Nuh) a kayu a mategas endu tutuk a matigkel.
Arabic explanations of the Qur’an:

Ayah: 14

تَجۡرِي بِأَعۡيُنِنَا جَزَآءٗ لِّمَن كَانَ كُفِرَ
Belalakaw sa dalem a parihala nami inibalas (kanu Nuh) a pigkafiran (na manga taw nin).
Arabic explanations of the Qur’an:

Ayah: 15

وَلَقَد تَّرَكۡنَٰهَآ ءَايَةٗ فَهَلۡ مِن مُّدَّكِرٖ
Endu saben-sabenal a initagak nami i tanda (sya sa lupa) ka endu makaindaw.
Arabic explanations of the Qur’an:

Ayah: 16

فَكَيۡفَ كَانَ عَذَابِي وَنُذُرِ
Na labi den (a mapasang) su siksa lu sa naraka.
Arabic explanations of the Qur’an:

Ayah: 17

وَلَقَدۡ يَسَّرۡنَا ٱلۡقُرۡءَانَ لِلذِّكۡرِ فَهَلۡ مِن مُّدَّكِرٖ
Endu saben-sabenal a pinakalemuwan nami su Qur’an sa kalangag nu, ka endu maka-indaw kanu manga taw.
Arabic explanations of the Qur’an:

Ayah: 18

كَذَّبَتۡ عَادٞ فَكَيۡفَ كَانَ عَذَابِي وَنُذُرِ
Napandalbut su Aad na su siksa ku pan (Allah) a makasugat, na dala nilan itagu sa ginawa.
Arabic explanations of the Qur’an:

Ayah: 19

إِنَّآ أَرۡسَلۡنَا عَلَيۡهِمۡ رِيحٗا صَرۡصَرٗا فِي يَوۡمِ نَحۡسٖ مُّسۡتَمِرّٖ
Saben-sabenal a ipinasugat nami silan sa sambel a sangat i kabagel nin, kanu gay a mapasang (kanu manga kafir) a bananalus.
Arabic explanations of the Qur’an:

Ayah: 20

تَنزِعُ ٱلنَّاسَ كَأَنَّهُمۡ أَعۡجَازُ نَخۡلٖ مُّنقَعِرٖ
Sa nakaidtug su manga ulu nu manga taw, nakailing silan sa manga tud na kayu-kulma a nangatebped.
Arabic explanations of the Qur’an:

Ayah: 21

فَكَيۡفَ كَانَ عَذَابِي وَنُذُرِ
Su siksa ku (Allah) a makasugat na dala nilan itagu sa ginawa.
Arabic explanations of the Qur’an:

Ayah: 22

وَلَقَدۡ يَسَّرۡنَا ٱلۡقُرۡءَانَ لِلذِّكۡرِ فَهَلۡ مِن مُّدَّكِرٖ
Endu saben-sabenal a pinakalemuwan nami su Qur’an sa kalangan nu, ka endu maka-indaw kanu manga taw.
Arabic explanations of the Qur’an:

Ayah: 23

كَذَّبَتۡ ثَمُودُ بِٱلنُّذُرِ
Pinandalbut bun ni Thamud su manga indawan.
Arabic explanations of the Qur’an:

Ayah: 24

فَقَالُوٓاْ أَبَشَرٗا مِّنَّا وَٰحِدٗا نَّتَّبِعُهُۥٓ إِنَّآ إِذٗا لَّفِي ضَلَٰلٖ وَسُعُرٍ
Ya nilan kadtalu: sakataw bu a manusya bun i bagunutan tanu? Na saben-sabenal a sekitanu na natading tanu endu nabuneg tanu.
Arabic explanations of the Qur’an:

Ayah: 25

أَءُلۡقِيَ ٱلذِّكۡرُ عَلَيۡهِ مِنۢ بَيۡنِنَا بَلۡ هُوَ كَذَّابٌ أَشِرٞ
Panun anan ka nakawma sa lekanin i wahi sa nya bun sa lekitanu? Buneg sekanin endu malbut a pemamasla gayd.
Arabic explanations of the Qur’an:

Ayah: 26

سَيَعۡلَمُونَ غَدٗا مَّنِ ٱلۡكَذَّابُ ٱلۡأَشِرُ
Katawan nilan bu namag u entayn i malbut a pemamasla.
Arabic explanations of the Qur’an:

Ayah: 27

إِنَّا مُرۡسِلُواْ ٱلنَّاقَةِ فِتۡنَةٗ لَّهُمۡ فَٱرۡتَقِبۡهُمۡ وَٱصۡطَبِرۡ
Saben-sabenal a sekami (Allah) na enggan nami silan sa unta a babay a fitna sa kanilan, endu ipedtikika silan (Salih) endu edsabar ka.
Arabic explanations of the Qur’an:

Ayah: 28

وَنَبِّئۡهُمۡ أَنَّ ٱلۡمَآءَ قِسۡمَةُۢ بَيۡنَهُمۡۖ كُلُّ شِرۡبٖ مُّحۡتَضَرٞ
Endu saben-sabenal a nakawma sa kanilan i manga tudtulan sa gay a mawli endu su manga taw a nawna a makalma sa ginawa.
Arabic explanations of the Qur’an:

Ayah: 29

فَنَادَوۡاْ صَاحِبَهُمۡ فَتَعَاطَىٰ فَعَقَرَ
Inipanawag nilan sa mawag a galebek nilan, inenggan sa perang sa sinumbali nilan (su unta a babay).
Arabic explanations of the Qur’an:

Ayah: 30

فَكَيۡفَ كَانَ عَذَابِي وَنُذُرِ
Su siksa nu pan (Allah) a makasugat, na da nilan itagu sa ginawa.
Arabic explanations of the Qur’an:

Ayah: 31

إِنَّآ أَرۡسَلۡنَا عَلَيۡهِمۡ صَيۡحَةٗ وَٰحِدَةٗ فَكَانُواْ كَهَشِيمِ ٱلۡمُحۡتَظِرِ
Na saben-sabenal a sinugu nami lu sa kanilan i sawalu bu a swara (ni Jibril) na nakailing silan sa utan a nagangu (sabap sa kilat).
Arabic explanations of the Qur’an:

Ayah: 32

وَلَقَدۡ يَسَّرۡنَا ٱلۡقُرۡءَانَ لِلذِّكۡرِ فَهَلۡ مِن مُّدَّكِرٖ
Endu saben-sabenal a pinakalemwan nami su Qur’an sa kalangag nu, ka endu maka-indaw kanu manga taw.
Arabic explanations of the Qur’an:

Ayah: 33

كَذَّبَتۡ قَوۡمُ لُوطِۭ بِٱلنُّذُرِ
Pinandalbut bun nu taw nu Lut su manga indawan.
Arabic explanations of the Qur’an:

Ayah: 34

إِنَّآ أَرۡسَلۡنَا عَلَيۡهِمۡ حَاصِبًا إِلَّآ ءَالَ لُوطٖۖ نَّجَّيۡنَٰهُم بِسَحَرٖ
Na saben-sabenal a sinugu nami sa kanilan i sambel a bananggit sa watu, ya bu dala masugat na su masiken bu kanu Lut sa kanu tyuba a magan mapita.
Arabic explanations of the Qur’an:

Ayah: 35

نِّعۡمَةٗ مِّنۡ عِندِنَاۚ كَذَٰلِكَ نَجۡزِي مَن شَكَرَ
Limu entu ebpun kanu kadenan nengka, na mamba i kalepas nami kanu manga taw a bamaginugut a barasukur.
Arabic explanations of the Qur’an:

Ayah: 36

وَلَقَدۡ أَنذَرَهُم بَطۡشَتَنَا فَتَمَارَوۡاْ بِٱلنُّذُرِ
Endu saben-sabenal a pinakagilekan silan kanu tyuba sa kanilan, na mibpalawa silan, napandalbut silan kanu inipakagilek.
Arabic explanations of the Qur’an:

Ayah: 37

وَلَقَدۡ رَٰوَدُوهُ عَن ضَيۡفِهِۦ فَطَمَسۡنَآ أَعۡيُنَهُمۡ فَذُوقُواْ عَذَابِي وَنُذُرِ
Endu saben-sabenal a pinamagayukan nilan su (bisita ni Lut) na pinunas nami su kailay nilan, na nanami nu su siksa nu (Allah) endu su inipanginggilek sa lekanu.
Arabic explanations of the Qur’an:

Ayah: 38

وَلَقَدۡ صَبَّحَهُم بُكۡرَةً عَذَابٞ مُّسۡتَقِرّٞ
Endu saben-sabenal na pibpanayan nilan su siksa a dayun.
Arabic explanations of the Qur’an:

Ayah: 39

فَذُوقُواْ عَذَابِي وَنُذُرِ
Nanami nu su siksa nu (Allah) endu su dala nu kapanuliman sa indawan.
Arabic explanations of the Qur’an:

Ayah: 40

وَلَقَدۡ يَسَّرۡنَا ٱلۡقُرۡءَانَ لِلذِّكۡرِ فَهَلۡ مِن مُّدَّكِرٖ
Endu saben-sabenal a pinakalemuwan nami su Qur’an sa kalangag nu, ka endu maka-indaw kanu manga taw.
Arabic explanations of the Qur’an:

Ayah: 41

وَلَقَدۡ جَآءَ ءَالَ فِرۡعَوۡنَ ٱلنُّذُرُ
Endu saben-sabenal a nakawma bun kanu kadakel ni Fir’awn su indawan.
Arabic explanations of the Qur’an:

Ayah: 42

كَذَّبُواْ بِـَٔايَٰتِنَا كُلِّهَا فَأَخَذۡنَٰهُمۡ أَخۡذَ عَزِيزٖ مُّقۡتَدِرٍ
Pinandalbut nilan su langun nu ayatan, bininasa nami silan sa mana su kabpaminasa nu mapulu a pakagaga.
Arabic explanations of the Qur’an:

Ayah: 43

أَكُفَّارُكُمۡ خَيۡرٞ مِّنۡ أُوْلَٰٓئِكُمۡ أَمۡ لَكُم بَرَآءَةٞ فِي ٱلزُّبُرِ
Ngintu su ka-kafir na ya mapya sa lekanu (a manga bamaginugut) atawaka nalepas kanu den sa naraka lu kanu manga kitab a nangawna?
Arabic explanations of the Qur’an:

Ayah: 44

أَمۡ يَقُولُونَ نَحۡنُ جَمِيعٞ مُّنتَصِرٞ
Atawaka ya nilan edtalun (manga kafir): langun tanu na sekitanu bun i tumalaw.
Arabic explanations of the Qur’an:

Ayah: 45

سَيُهۡزَمُ ٱلۡجَمۡعُ وَيُوَلُّونَ ٱلدُّبُرَ
Napandalbut silan, ya nilan inunutan na su kyug na ginawa nilan endu langun na galebek na makadtakena bun kanu kigkuwan lun.
Arabic explanations of the Qur’an:

Ayah: 46

بَلِ ٱلسَّاعَةُ مَوۡعِدُهُمۡ وَٱلسَّاعَةُ أَدۡهَىٰ وَأَمَرُّ
Benal den su gay a mawli i pasad sa kanilan, endu su gay a mawli na labi pan a tyuba endu mapayt.
Arabic explanations of the Qur’an:

Ayah: 47

إِنَّ ٱلۡمُجۡرِمِينَ فِي ضَلَٰلٖ وَسُعُرٖ
Saben-sabenal su manga dupang na natadin silan, endu kanilan su naraka a pegkalaw-kalaw.
Arabic explanations of the Qur’an:

Ayah: 48

يَوۡمَ يُسۡحَبُونَ فِي ٱلنَّارِ عَلَىٰ وُجُوهِهِمۡ ذُوقُواْ مَسَّ سَقَرَ
Su gay a bamatuwin silan lu sa naraka (ya pedtalun sa kanilan): nanami nu pan su kayaw na apuy.
Arabic explanations of the Qur’an:

Ayah: 49

إِنَّا كُلَّ شَيۡءٍ خَلَقۡنَٰهُ بِقَدَرٖ
Saben-sabenal a binaluy nami su langun na enggaga-isa sa aden ukul nin.
Arabic explanations of the Qur’an:

Ayah: 50

وَمَآ أَمۡرُنَآ إِلَّا وَٰحِدَةٞ كَلَمۡحِۭ بِٱلۡبَصَرِ
Endu da kanu kahanda nami a di kena mana sapelek mata (i kangagan nin).
Arabic explanations of the Qur’an:

Ayah: 51

وَلَقَدۡ أَهۡلَكۡنَآ أَشۡيَاعَكُمۡ فَهَلۡ مِن مُّدَّكِرٖ
Endu saben-sabenal a bininasa nami su manga pagidsan nilan sa ka-kafir a nangawna, na ngintu ka di kanu den ma-indaw?
Arabic explanations of the Qur’an:

Ayah: 52

وَكُلُّ شَيۡءٖ فَعَلُوهُ فِي ٱلزُّبُرِ
Endu langun u manga galebek nu manga ulipen na lu tanan sa pedtutulu.
Arabic explanations of the Qur’an:

Ayah: 53

وَكُلُّ صَغِيرٖ وَكَبِيرٖ مُّسۡتَطَرٌ
Endu langun na manot endu masla na nakasulat bun tanan.
Arabic explanations of the Qur’an:

Ayah: 54

إِنَّ ٱلۡمُتَّقِينَ فِي جَنَّٰتٖ وَنَهَرٖ
Saben-sabenal su magilek sa Allah na lu silan sa surga endu manga ig.
Arabic explanations of the Qur’an:

Ayah: 55

فِي مَقۡعَدِ صِدۡقٍ عِندَ مَلِيكٖ مُّقۡتَدِرِۭ
Lu sa bagayanan a mapya, sa hadapan nu Allah a pakagaga.
Arabic explanations of the Qur’an:
 
Translation of the meanings Surah: Al-Qamar
Surahs’ Index Page Number
 
Translation of the Meanings of the Noble Qur'an - Filipino Translation (Maguindanaon) - Rowad Translation Center - Translations’ Index

translated by Rowwad Translation Center, in cooperation with the Islamic Propagation Office in Rabwah and the Association for Serving Islamic Content in Languages.

close