Translation of the meanings Surah Muhammad - Filipino Translation (Maguindanaon) - Rowad Translation Center - Page Number 510 - The Noble Qur'an Encyclopedia

Ayah: 30

وَلَوۡ نَشَآءُ لَأَرَيۡنَٰكَهُمۡ فَلَعَرَفۡتَهُم بِسِيمَٰهُمۡۚ وَلَتَعۡرِفَنَّهُمۡ فِي لَحۡنِ ٱلۡقَوۡلِۚ وَٱللَّهُ يَعۡلَمُ أَعۡمَٰلَكُمۡ

Endu umana bu ka pigkahanda nami (Allah) na nailay nengka den silan endu makilala nengka kanu manga tanda nilan, endu makilala nengka i langun na kadtalu nilan, endu su Allah na katawan nin i manga galebek nilan.

Ayah: 31

وَلَنَبۡلُوَنَّكُمۡ حَتَّىٰ نَعۡلَمَ ٱلۡمُجَٰهِدِينَ مِنكُمۡ وَٱلصَّٰبِرِينَ وَنَبۡلُوَاْ أَخۡبَارَكُمۡ

Endu batalun nami sekanu, taman sa katawan nami su manga mujahid sa lekanu endu su pedsabar endu ipayag nami su inugut endu su supak sa lekanu.

Ayah: 32

إِنَّ ٱلَّذِينَ كَفَرُواْ وَصَدُّواْ عَن سَبِيلِ ٱللَّهِ وَشَآقُّواْ ٱلرَّسُولَ مِنۢ بَعۡدِ مَا تَبَيَّنَ لَهُمُ ٱلۡهُدَىٰ لَن يَضُرُّواْ ٱللَّهَ شَيۡـٔٗا وَسَيُحۡبِطُ أَعۡمَٰلَهُمۡ

Saben-sabenal su silan a manga kafir a pedsapal kanu manga taw sa kapag-Islam endu sinupak nilan su sinugu nu Allah sa ulyan na kinapayag sa kanilan kanu tutulu na di nilan kagkaydan su Allah endu di ebplis na magugul (mabinasa) su galebek nilan.

Ayah: 33

۞ يَٰٓأَيُّهَا ٱلَّذِينَ ءَامَنُوٓاْ أَطِيعُواْ ٱللَّهَ وَأَطِيعُواْ ٱلرَّسُولَ وَلَا تُبۡطِلُوٓاْ أَعۡمَٰلَكُمۡ

Hay sekanu anan manga bamaginugut! Paginugunuti nu su Allah endu paginuguti nu su sinugu nin, endu dili nu pembatala su galebek nu.

Ayah: 34

إِنَّ ٱلَّذِينَ كَفَرُواْ وَصَدُّواْ عَن سَبِيلِ ٱللَّهِ ثُمَّ مَاتُواْ وَهُمۡ كُفَّارٞ فَلَن يَغۡفِرَ ٱللَّهُ لَهُمۡ

Saben-sabenal su manga kafir endu ipedsapal nilan su kapag-Islam na kafir bun silan sa kinapatay nilan na dala den kanu Allah ika-ampun nin sa kanilan.

Ayah: 35

فَلَا تَهِنُواْ وَتَدۡعُوٓاْ إِلَى ٱلسَّلۡمِ وَأَنتُمُ ٱلۡأَعۡلَوۡنَ وَٱللَّهُ مَعَكُمۡ وَلَن يَتِرَكُمۡ أَعۡمَٰلَكُمۡ

Da kanu egkalubay sa kadtelenay embunuwa ka sekanu bun i mapulu endu saleta su Allah sa lekanu, endu di nin kulangan i pahala na galebekan nu.

Ayah: 36

إِنَّمَا ٱلۡحَيَوٰةُ ٱلدُّنۡيَا لَعِبٞ وَلَهۡوٞۚ وَإِن تُؤۡمِنُواْ وَتَتَّقُواْ يُؤۡتِكُمۡ أُجُورَكُمۡ وَلَا يَسۡـَٔلۡكُمۡ أَمۡوَٰلَكُمۡ

Saben-sabenal su kabpaguyag sa dunya na kandadalemet bu, kadsimpang, na amayka mangimbenal kanu endu magilek kanu na inggay nin sa lekanu su balas nu endu di kanu nin pangenyan sa tamuk.

Ayah: 37

إِن يَسۡـَٔلۡكُمُوهَا فَيُحۡفِكُمۡ تَبۡخَلُواْ وَيُخۡرِجۡ أَضۡغَٰنَكُمۡ

Ka upama bu pangenyan kanu nin sa tamuk sa makapila na edsingit kanu, endu palyun bun u kasingit su tungul nu.

Ayah: 38

هَٰٓأَنتُمۡ هَٰٓؤُلَآءِ تُدۡعَوۡنَ لِتُنفِقُواْ فِي سَبِيلِ ٱللَّهِ فَمِنكُم مَّن يَبۡخَلُۖ وَمَن يَبۡخَلۡ فَإِنَّمَا يَبۡخَلُ عَن نَّفۡسِهِۦۚ وَٱللَّهُ ٱلۡغَنِيُّ وَأَنتُمُ ٱلۡفُقَرَآءُۚ وَإِن تَتَوَلَّوۡاْ يَسۡتَبۡدِلۡ قَوۡمًا غَيۡرَكُمۡ ثُمَّ لَا يَكُونُوٓاْ أَمۡثَٰلَكُم

Nan kanu den menem, bagenggaten kanu sa kambaranggya (kanggastu) sa tamuk sa lalan sa Allah na aden sa lekanu i masingit, na su masingit na ya nin ipedsingit (bininasa) na ginawa nin, su Allah i kawasa, sekanu banan i manga faqeer, na amayka menda silan (di tumalima) na sambiyan silan sa manga taw a salakaw sa kanilan, mawli na di kena nu pagidsan (a di mangimbenal).