Translation of the meanings Surah An-Nisā’ - Filipino Translation (Maguindanaon) - Rowad Translation Center - Page Number 83 - The Noble Qur'an Encyclopedia

Ayah: 27

وَٱللَّهُ يُرِيدُ أَن يَتُوبَ عَلَيۡكُمۡ وَيُرِيدُ ٱلَّذِينَ يَتَّبِعُونَ ٱلشَّهَوَٰتِ أَن تَمِيلُواْ مَيۡلًا عَظِيمٗا

Endu su Allah na ya nin kalinyan na matawbat kanu nin, endu ya kalinyan nu silan a pebpatyunut sa kanu kyug na ginawa na makadsulamig kanu sa kadsulamig a masela.

Ayah: 28

يُرِيدُ ٱللَّهُ أَن يُخَفِّفَ عَنكُمۡۚ وَخُلِقَ ٱلۡإِنسَٰنُ ضَعِيفٗا

Ya kalinyan nu Allah na papegkapegkagan kanu nin, endu binaluy su manusya sa malubay.

Ayah: 29

يَٰٓأَيُّهَا ٱلَّذِينَ ءَامَنُواْ لَا تَأۡكُلُوٓاْ أَمۡوَٰلَكُم بَيۡنَكُم بِٱلۡبَٰطِلِ إِلَّآ أَن تَكُونَ تِجَٰرَةً عَن تَرَاضٖ مِّنكُمۡۚ وَلَا تَقۡتُلُوٓاْ أَنفُسَكُمۡۚ إِنَّ ٱللَّهَ كَانَ بِكُمۡ رَحِيمٗا

Hay! Sekanu a namalityala (namangimbenal), di nu pegkan su manga tamuk nu sa pageltan nu sa mawag, ya tabya na maaden sa kapendagang sa bagayunan nu, endu di nu pembunwa su manga ginawa nu, saben-sabenal na su Allah na ya nin kaaden sa lekanu na labi a malimu.

Ayah: 30

وَمَن يَفۡعَلۡ ذَٰلِكَ عُدۡوَٰنٗا وَظُلۡمٗا فَسَوۡفَ نُصۡلِيهِ نَارٗاۚ وَكَانَ ذَٰلِكَ عَلَى ٱللَّهِ يَسِيرًا

Endu entayn i enggalbek sa entuba sa kabagukag endu kapedsalimbut na di ebplis na paludepen nami sekanin sa apuy, endu ya kaaden nu entuba sa kanu Allah na malemu.

Ayah: 31

إِن تَجۡتَنِبُواْ كَبَآئِرَ مَا تُنۡهَوۡنَ عَنۡهُ نُكَفِّرۡ عَنكُمۡ سَيِّـَٔاتِكُمۡ وَنُدۡخِلۡكُم مُّدۡخَلٗا كَرِيمٗا

Amayka edsanggilan nu i manga dusa a masela a ipedsapal sa lekanu na punasen nami sa lekanu su manga mawag nu endu paludepen nami sekanu sa kaludepan a mapulu (surga).

Ayah: 32

وَلَا تَتَمَنَّوۡاْ مَا فَضَّلَ ٱللَّهُ بِهِۦ بَعۡضَكُمۡ عَلَىٰ بَعۡضٖۚ لِّلرِّجَالِ نَصِيبٞ مِّمَّا ٱكۡتَسَبُواْۖ وَلِلنِّسَآءِ نَصِيبٞ مِّمَّا ٱكۡتَسَبۡنَۚ وَسۡـَٔلُواْ ٱللَّهَ مِن فَضۡلِهِۦٓۚ إِنَّ ٱللَّهَ كَانَ بِكُلِّ شَيۡءٍ عَلِيمٗا

Endu di nu manganganay su nganin a kinalabi nu Allah sabap sa lekanin su sabad sa lekanu kanu sabad, kanu manga mama i umun ebpun kanu nganin a pinggalbek nilan endu kanu manga babay i umun ebpun kanu nganin a pinggalbek nilan, endu pangeni kanu sa kanu Allah ebpun kanu kalbihan nin, saben-sabenal na su Allah na ya nin kaaden kanu langun nu enggagaisa na labi a mataw.

Ayah: 33

وَلِكُلّٖ جَعَلۡنَا مَوَٰلِيَ مِمَّا تَرَكَ ٱلۡوَٰلِدَانِ وَٱلۡأَقۡرَبُونَۚ وَٱلَّذِينَ عَقَدَتۡ أَيۡمَٰنُكُمۡ فَـَٔاتُوهُمۡ نَصِيبَهُمۡۚ إِنَّ ٱللَّهَ كَانَ عَلَىٰ كُلِّ شَيۡءٖ شَهِيدًا

Endu kanu uman i isa na binaluy nami i nangasama kanu nganin a natagak nu duwa a lukes endu su manga pagali endu su silan a napalutan nu manga kawanan nu (namakadtabanga), na ienggay nu sa kanilan su umun nilan, saben-sabenal na su Allah na ya nin kaaden kanu langun nu enggagaisa na saksi.