Translation of the Meanings Surah Al-Ghāshiyah - Kinyarwanda translation - Rwanda Muslim Association - Encyclopedia of the Noble Quran

Alghashiyat

Verse: 1

هَلۡ أَتَىٰكَ حَدِيثُ ٱلۡغَٰشِيَةِ

Ese inkuru y’ikizatwikira (abantu ku munsi w’imperuka) yakugezeho?

Verse: 2

وُجُوهٞ يَوۡمَئِذٍ خَٰشِعَةٌ

Kuri uwo munsi, uburanga bwa bamwe buzaba busuzuguritse,

Verse: 3

عَامِلَةٞ نَّاصِبَةٞ

(Igihe bari ku isi) babaga bakora bashishikaye (basenga ibindi bitari Allah), (ariko ku mperuka) bazaba bananiwe (kandi bafite ikimwaro).

Verse: 4

تَصۡلَىٰ نَارًا حَامِيَةٗ

Bazajya mu muriro utwika (bawuhiremo);

Verse: 5

تُسۡقَىٰ مِنۡ عَيۡنٍ ءَانِيَةٖ

Kandi bazanyweshwa ku isoko (y’amazi) yatuye,

Verse: 6

لَّيۡسَ لَهُمۡ طَعَامٌ إِلَّا مِن ضَرِيعٖ

Nta byo kurya bazaba bafite uretse ibyatsi birura kandi bifite amahwa,

Verse: 7

لَّا يُسۡمِنُ وَلَا يُغۡنِي مِن جُوعٖ

(Ibyo byo kurya) ntibizigera bibabyibushya cyangwa ngo bibamare inzara.

Verse: 8

وُجُوهٞ يَوۡمَئِذٖ نَّاعِمَةٞ

Kuri uwo munsi kandi (ubundi) buranga buzaba bukeye;

Verse: 9

لِّسَعۡيِهَا رَاضِيَةٞ

Bwishimiye ibikorwa byabwo,

Verse: 10

فِي جَنَّةٍ عَالِيَةٖ

(Ba nyirabwo bazaba bari) mu Ijuru ry’ikirenga,

Verse: 11

لَّا تَسۡمَعُ فِيهَا لَٰغِيَةٗ

Aho batazumva amanjwe,

Verse: 12

فِيهَا عَيۡنٞ جَارِيَةٞ

Hazaba harimo isoko itemba,

Verse: 13

فِيهَا سُرُرٞ مَّرۡفُوعَةٞ

Hazaba harimo ibitanda byigiye hejuru,

Verse: 14

وَأَكۡوَابٞ مَّوۡضُوعَةٞ

N’ibikombe biteguwe (neza),

Verse: 15

وَنَمَارِقُ مَصۡفُوفَةٞ

N’imisego itondetse ku mirongo (neza),

Verse: 16

وَزَرَابِيُّ مَبۡثُوثَةٌ

N’amatapi arambuye (biryoheye ijisho).

Verse: 17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

Ese ntibitegereza uko ingamiya zaremwe?

Verse: 18

وَإِلَى ٱلسَّمَآءِ كَيۡفَ رُفِعَتۡ

N’uburyo ikirere cyahanitswe?

Verse: 19

وَإِلَى ٱلۡجِبَالِ كَيۡفَ نُصِبَتۡ

N’uburyo imisozi yashimangiwe (mu butaka)?

Verse: 20

وَإِلَى ٱلۡأَرۡضِ كَيۡفَ سُطِحَتۡ

N’uburyo isi yarambuwe?

Verse: 21

فَذَكِّرۡ إِنَّمَآ أَنتَ مُذَكِّرٞ

Bityo, (yewe Muhamadi) bibutse kuko mu by’ukuri wowe uri uwibutsa,

Verse: 22

لَّسۡتَ عَلَيۡهِم بِمُصَيۡطِرٍ

Ntukabashyireho igitugu.

Verse: 23

إِلَّا مَن تَوَلَّىٰ وَكَفَرَ

Ariko utera umugongo (urwibutso) akanahakana,

Verse: 24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

Allah azamuhanisha ibihano bihambaye.

Verse: 25

إِنَّ إِلَيۡنَآ إِيَابَهُمۡ

Mu by’ukuri iwacu ni ho garukiro ryabo,

Verse: 26

ثُمَّ إِنَّ عَلَيۡنَا حِسَابَهُم

Hanyuma mu by’ukuri ni twe tuzabakorera ibarura.