Translation of the Meanings Surah Al-Inshiqāq - Kinyarwanda translation - Rwanda Muslim Association - Page Number 589 - Encyclopedia of the Noble Quran

Al In’shiqaq

Verse: 1

إِذَا ٱلسَّمَآءُ ٱنشَقَّتۡ

Igihe ikirere kizasandara (ku munsi w’imperuka),

Verse: 2

وَأَذِنَتۡ لِرَبِّهَا وَحُقَّتۡ

Nuko kikumvira (itegeko rya) Nyagasani wacyo, kandi ibyo birakwiye (ko kimwumvira),

Verse: 3

وَإِذَا ٱلۡأَرۡضُ مُدَّتۡ

N’igihe isi izaringanizwa,

Verse: 4

وَأَلۡقَتۡ مَا فِيهَا وَتَخَلَّتۡ

Maze igasohora ibiyirimo (abapfuye), igasigarira aho,

Verse: 5

وَأَذِنَتۡ لِرَبِّهَا وَحُقَّتۡ

Nuko ikumvira (itegeko rya) Nyagasani wayo, kandi ibyo birakwiye (ko imwumvira),

Verse: 6

يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحٗا فَمُلَٰقِيهِ

Yewe muntu! Mu by’ukuri ukorana umuhate imirimo yawe ugana kwa Nyagasani wawe, kandi muzahura (ku munsi w’imperuka).

Verse: 7

فَأَمَّا مَنۡ أُوتِيَ كِتَٰبَهُۥ بِيَمِينِهِۦ

Bityo, uzahabwa igitabo cye (cy’ibikorwa bye) mu kuboko kw’iburyo,

Verse: 8

فَسَوۡفَ يُحَاسَبُ حِسَابٗا يَسِيرٗا

Azabarurirwa mu buryo bworoshye,

Verse: 9

وَيَنقَلِبُ إِلَىٰٓ أَهۡلِهِۦ مَسۡرُورٗا

Kandi azasubira mu bantu be (umuryango we wakoze neza ku isi, ndetse n’abagore azagororerwa bo mu ijuru) yishimye!

Verse: 10

وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ

Naho uzahabwa igitabo cye (cy’ibikorwa bye, akacyakirira) inyuma y’umugongo,

Verse: 11

فَسَوۡفَ يَدۡعُواْ ثُبُورٗا

Azisabira kurimbuka,

Verse: 12

وَيَصۡلَىٰ سَعِيرًا

Kandi azahira mu muriro ugurumana.

Verse: 13

إِنَّهُۥ كَانَ فِيٓ أَهۡلِهِۦ مَسۡرُورًا

Mu by’ukuri (mu buzima bwo ku isi) yabaga mu muryango we yishimye,

Verse: 14

إِنَّهُۥ ظَنَّ أَن لَّن يَحُورَ

Mu by’ukuri yibwiraga ko atazagaruka (kwa Nyagasani we).

Verse: 15

بَلَىٰٓۚ إِنَّ رَبَّهُۥ كَانَ بِهِۦ بَصِيرٗا

Nyamara si byo! Mu by’ukuri Nyagasani we yabaga amubona neza.

Verse: 16

فَلَآ أُقۡسِمُ بِٱلشَّفَقِ

Bityo, ndahiye igicu gitukura cy’izuba rirenga,

Verse: 17

وَٱلَّيۡلِ وَمَا وَسَقَ

N’ijoro n’ibyo ritwikira (byose),

Verse: 18

وَٱلۡقَمَرِ إِذَا ٱتَّسَقَ

N’ukwezi igihe kuzuye,

Verse: 19

لَتَرۡكَبُنَّ طَبَقًا عَن طَبَقٖ

Ko rwose muzanyura mu byiciro bitandukanye (mu buzima bwa hano ku isi no ku munsi w’imperuka)

Verse: 20

فَمَا لَهُمۡ لَا يُؤۡمِنُونَ

Ese babaye bate, kuki batemera?

Verse: 21

وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩

Ndetse n’iyo basomewe Qur’an ntibajya bubama.

Verse: 22

بَلِ ٱلَّذِينَ كَفَرُواْ يُكَذِّبُونَ

Ahubwo abahakanye bahinyura (Intumwa Muhamadi n’inyigisho ze).

Verse: 23

وَٱللَّهُ أَعۡلَمُ بِمَا يُوعُونَ

Kandi Allah azi neza ibyo bahisha (mu mitima yabo).

Verse: 24

فَبَشِّرۡهُم بِعَذَابٍ أَلِيمٍ

Bityo, bagezeho inkuru y’ibihano bibabaza.