Translation of the Meanings Surah Al-Mursalāt - Kinyarwanda translation - Rwanda Muslim Association - Encyclopedia of the Noble Quran

Al Mur’salaat

Verse: 1

وَٱلۡمُرۡسَلَٰتِ عُرۡفٗا

Ndahiye imiyaga yoherezwa ikurikiranye,

Verse: 2

فَٱلۡعَٰصِفَٰتِ عَصۡفٗا

N’imiyaga y’inkubi,

Verse: 3

وَٱلنَّٰشِرَٰتِ نَشۡرٗا

N’imiyaga ikwirakwiza ibicu n’imvura,

Verse: 4

فَٱلۡفَٰرِقَٰتِ فَرۡقٗا

N’(imirongo ya Qur’an) itandukanya ukuri n’ikinyoma,

Verse: 5

فَٱلۡمُلۡقِيَٰتِ ذِكۡرًا

N’abamalayika bazanira amahishurirwa (Intumwa za Allah),

Verse: 6

عُذۡرًا أَوۡ نُذۡرًا

Kugira ngo avaneho urwitwazo cyangwa kugira ngo aburire.

Verse: 7

إِنَّمَا تُوعَدُونَ لَوَٰقِعٞ

Mu by’ukuri ibyo musezeranywa bizasohora.

Verse: 8

فَإِذَا ٱلنُّجُومُ طُمِسَتۡ

Igihe inyenyeri zizakurwaho (urumuri rwazo rukazima),

Verse: 9

وَإِذَا ٱلسَّمَآءُ فُرِجَتۡ

N’igihe ikirere kizasandazwa,

Verse: 10

وَإِذَا ٱلۡجِبَالُ نُسِفَتۡ

N’igihe imisozi izariturwa igatumuka nk’ivumbi,

Verse: 11

وَإِذَا ٱلرُّسُلُ أُقِّتَتۡ

N’igihe Intumwa zizakoranyirizwa hamwe ku gihe cyagenwe (kugira ngo zitange ubuhamya ku bo zatumweho),

Verse: 12

لِأَيِّ يَوۡمٍ أُجِّلَتۡ

Ni uwuhe munsi (ibyo byose) byarindirijwe?

Verse: 13

لِيَوۡمِ ٱلۡفَصۡلِ

Ni ku munsi w’urubanza (ubwo Allah azakiranura ibiremwa).

Verse: 14

وَمَآ أَدۡرَىٰكَ مَا يَوۡمُ ٱلۡفَصۡلِ

Ni iki cyakumenyesha umunsi w’urubanza icyo uzaba uri cyo?

Verse: 15

وَيۡلٞ يَوۡمَئِذٖ لِّلۡمُكَذِّبِينَ

Kuri uwo munsi (w’izuka), ibihano bikaze bizaba kuri ba bandi bahinyuraga (uwo munsi).

Verse: 16

أَلَمۡ نُهۡلِكِ ٱلۡأَوَّلِينَ

Ese ntitworetse abo hambere?

Verse: 17

ثُمَّ نُتۡبِعُهُمُ ٱلۡأٓخِرِينَ

Nuko tukabakurikiza abo hanyuma?

Verse: 18

كَذَٰلِكَ نَفۡعَلُ بِٱلۡمُجۡرِمِينَ

Uko ni ko tugenza inkozi z’ibibi,

Verse: 19

وَيۡلٞ يَوۡمَئِذٖ لِّلۡمُكَذِّبِينَ

Kuri uwo munsi (w’izuka), ibihano bikaze bizaba kuri ba bandi bahinyuraga (uwo munsi).

Verse: 20

أَلَمۡ نَخۡلُقكُّم مِّن مَّآءٖ مَّهِينٖ

Ese ntitwabaremye mu mazi aciriritse?

Verse: 21

فَجَعَلۡنَٰهُ فِي قَرَارٖ مَّكِينٍ

Nuko tukayashyira mu cyicaro gitekanye (nyababyeyi),

Verse: 22

إِلَىٰ قَدَرٖ مَّعۡلُومٖ

Kugeza igihe kizwi.

Verse: 23

فَقَدَرۡنَا فَنِعۡمَ ٱلۡقَٰدِرُونَ

Nuko tukagena (imikurire y’umwana n’ivuka rye) kandi ni twe duhebuje mu kugena.

Verse: 24

وَيۡلٞ يَوۡمَئِذٖ لِّلۡمُكَذِّبِينَ

Kuri uwo munsi (w’izuka), ibihano bikaze bizaba kuri ba bandi bahinyuraga (uwo munsi).

Verse: 25

أَلَمۡ نَجۡعَلِ ٱلۡأَرۡضَ كِفَاتًا

Ese isi ntitwayigize ihuriro,

Verse: 26

أَحۡيَآءٗ وَأَمۡوَٰتٗا

Ry’abazima (bayituyeho) n’abapfuye (bayishyinguwemo)?

Verse: 27

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا

Hanyuma tukanayishyiramo imisozi miremire, ndetse tukabaha n’amazi y’urubogobogo?

Verse: 28

وَيۡلٞ يَوۡمَئِذٖ لِّلۡمُكَذِّبِينَ

Kuri uwo munsi (w’izuka), ibihano bikaze bizaba kuri ba bandi bahinyuraga (uwo munsi).

Verse: 29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ

(Abahakanyi bazabwirwa bati) “Ngaho nimujye aho mwajyaga muhinyura (mu muriro wa Jahanamu)!”

Verse: 30

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ

“Ngaho nimujye mu gicucu (cy’umwotsi wa Jahanamu) kigabanyijemo amashami atatu”,

Verse: 31

لَّا ظَلِيلٖ وَلَا يُغۡنِي مِنَ ٱللَّهَبِ

“Nta bwugamo gitanga ndetse nta n’ubwo kirinda ikibatsi cy’umuriro”,

Verse: 32

إِنَّهَا تَرۡمِي بِشَرَرٖ كَٱلۡقَصۡرِ

Mu by’ukuri (uwo muriro) utera ibishashi bingana n’inyubako nini,

Verse: 33

كَأَنَّهُۥ جِمَٰلَتٞ صُفۡرٞ

(Ibyo bishashi) bimeze nk’ingamiya z’amagaju.

Verse: 34

وَيۡلٞ يَوۡمَئِذٖ لِّلۡمُكَذِّبِينَ

Kuri uwo munsi (w’izuka), ibihano bikaze bizaba kuri ba bandi bahinyuraga (uwo munsi).

Verse: 35

هَٰذَا يَوۡمُ لَا يَنطِقُونَ

Kuri uwo munsi, nta cyo bazaba bashobora kuvuga.

Verse: 36

وَلَا يُؤۡذَنُ لَهُمۡ فَيَعۡتَذِرُونَ

Nta n’uburenganzira bazahabwa bwo kugira urwitwazo batanga.

Verse: 37

وَيۡلٞ يَوۡمَئِذٖ لِّلۡمُكَذِّبِينَ

Kuri uwo munsi (w’izuka), ibihano bikaze bizaba kuri ba bandi bahinyuraga (uwo munsi).

Verse: 38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ

Uwo uzaba ari umunsi w’urubanza, ubwo (mwe) n’abo hambere, tuzaba twabakoranyirije hamwe.

Verse: 39

فَإِن كَانَ لَكُمۡ كَيۡدٞ فَكِيدُونِ

Niba hari amayeri mufite (yo guhunga ibihano byanjye), ngaho nimuyankorere.

Verse: 40

وَيۡلٞ يَوۡمَئِذٖ لِّلۡمُكَذِّبِينَ

Kuri uwo munsi (w’izuka), ibihano bikaze bizaba kuri ba bandi bahinyuraga (uwo munsi).

Verse: 41

إِنَّ ٱلۡمُتَّقِينَ فِي ظِلَٰلٖ وَعُيُونٖ

Mu by’ukuri abagandukira (Allah), (ku munsi w’imperuka) bazaba bari hagati y’ibicucu (by’ibiti byo mu ijuru) ndetse n’amasoko (atemba),

Verse: 42

وَفَوَٰكِهَ مِمَّا يَشۡتَهُونَ

(Bazaba bahabwamo) n’imbuto (z’amoko anyuranye) bazajya bifuza;

Verse: 43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

(Bazabwirwa bati) “Nimurye, munywe kandi mugubwe neza kubera ibyo mwajyaga mukora.”

Verse: 44

إِنَّا كَذَٰلِكَ نَجۡزِي ٱلۡمُحۡسِنِينَ

Mu by’ukuri uko ni ko tugororera abakoze neza.

Verse: 45

وَيۡلٞ يَوۡمَئِذٖ لِّلۡمُكَذِّبِينَ

Ibihano bikaze bizaba kuri ba bandi bahinyura (umunsi w’izuka).

Verse: 46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ

(Yemwe bahakanyi) “Nimurye munishimishe by’igihe gito (mu buzima bwo ku isi), kuko rwose muri inkozi z’ibibi.”

Verse: 47

وَيۡلٞ يَوۡمَئِذٖ لِّلۡمُكَذِّبِينَ

Ibihano bikaze bizaba kuri ba bandi bahinyura (umunsi w’izuka).

Verse: 48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ

N’iyo babwiwe bati “Nimwuname (musali)!” Ntabwo bunama (ngo basali).

Verse: 49

وَيۡلٞ يَوۡمَئِذٖ لِّلۡمُكَذِّبِينَ

Ibihano bikaze bizaba kuri ba bandi bahinyura (umunsi w’izuka).

Verse: 50

فَبِأَيِّ حَدِيثِۭ بَعۡدَهُۥ يُؤۡمِنُونَ

None se nyuma y’iyi (Qur’an) ni ayahe magambo yandi bazemera?