Translation of the Meanings Surah Al-Hāqqah - Fulani translation of Al-Mukhtsar in interpretation of the Noble Quran - Page Number 568 - Encyclopedia of the Noble Quran

Verse: 36

وَلَا طَعَامٌ إِلَّا مِنۡ غِسۡلِينٖ

Wanaa ñaametee woodani mo, si wanaa ko siiɓaa e ɓalli yimɓe Yiite ɓen.

Verse: 37

لَّا يَأۡكُلُهُۥٓ إِلَّا ٱلۡخَٰطِـُٔونَ

Hay gooto ñaametee ndin ƴiƴƴiƴiri, si wanaa yedduɓe e bakkondimɓe ɓen.

Verse: 38

فَلَآ أُقۡسِمُ بِمَا تُبۡصِرُونَ

Allah woondirii ko yi'oton kon.

Verse: 39

وَمَا لَا تُبۡصِرُونَ

O woondiri kadi ko on yi'ataa kon.

Verse: 40

إِنَّهُۥ لَقَوۡلُ رَسُولٖ كَرِيمٖ

Pellet, Alqur'aana ko daalol Allah, ngol O Nulaaɗo Makko tedduɗo on janngata e dow mon.

Verse: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ

Wanaa nde konnguɗi yimoowo; tawde nde yuɓɓiraaka wa gimɗi. Kono fanɗii ko gomɗinton.

Verse: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ

Nde wanaa kadi nde konnguɗi mbileejo, tawde mbilewu hino seedi e Alqur'aana. Kono fanɗii ko waajitotoɗon.

Verse: 43

تَنزِيلٞ مِّن رَّبِّ ٱلۡعَٰلَمِينَ

Ko jippiniraande ka Jeyɗo tageefo ngon fow.

Verse: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

Si tawno Muhammadu fefindino e Amen yoga e konnguɗi ɗi iwraani e Amen.

Verse: 45

لَأَخَذۡنَا مِنۡهُ بِٱلۡيَمِينِ

Ko pellet, Men yoɓtotono bmo, Men naangira mo doole e kattal.

Verse: 46

ثُمَّ لَقَطَعۡنَا مِنۡهُ ٱلۡوَتِينَ

Hooti Men taƴayno e makko ɗaɗol yottiingol e ɓernde nden.

Verse: 47

فَمَا مِنكُم مِّنۡ أَحَدٍ عَنۡهُ حَٰجِزِينَ

Alaa hay gooto e mo'on haɗoowo e makko, himo daɗndii e fefindagol e Amen fii mon.

Verse: 48

وَإِنَّهُۥ لَتَذۡكِرَةٞ لِّلۡمُتَّقِينَ

Pellet, Alqur'aana ko waaju hulirooɓe Joomi mun ɓen ɗoftagol yamiraaɗi Makko ɗin, e woɗɗitoo haɗaaɗi Makko ɗin.

Verse: 49

وَإِنَّا لَنَعۡلَمُ أَنَّ مِنكُم مُّكَذِّبِينَ

Haray kadi, Meɗen anndi fennooɓe ndee Alqur'aanaare ina e mon.

Verse: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

Pellet non, fennugol Alqur'aana ngol, ko nimse mawɗe wonoyta Ñalnde Darngal.

Verse: 51

وَإِنَّهُۥ لَحَقُّ ٱلۡيَقِينِ

Pellet kadi, Alqur'aana ko goonga yananaaɗo mo sikke alaa e mu'un, wonnde ko ka Allah nde iwri.

Verse: 52

فَسَبِّحۡ بِٱسۡمِ رَبِّكَ ٱلۡعَظِيمِ

Haray an Nulaaɗo, subbunhinor innde Joomi maa, kala ko haandaani e Makko, jantoɗaa innde Joomi maa Mawɗo On.

Benefits of the Verses on this page:

• تنزيه القرآن عن الشعر والكهانة.

Alqur'aana hino woɗɗi wonnde gimi maa mbilewu

• خطر التَّقَوُّل على الله والافتراء عليه سبحانه.

Hino hulɓinii haalde e fefindagol baka e Allah ko O wowlaali.

• الصبر الجميل الذي يحتسب فيه الأجر من الله ولا يُشكى لغيره.

Muñal labaangal, ko habborteengal njoɓdi mun ndin ka Allah, hara jillaa wullitagol e goɗɗo.