Prijevod značenja Sura El-En'am - Prijevod sažetog tefsira Plemenitog Kur'ana na fulanski jezik. - Broj stranice 149 - Enciklopedija Kur'ana

Ajet: 152

وَلَا تَقۡرَبُواْ مَالَ ٱلۡيَتِيمِ إِلَّا بِٱلَّتِي هِيَ أَحۡسَنُ حَتَّىٰ يَبۡلُغَ أَشُدَّهُۥۚ وَأَوۡفُواْ ٱلۡكَيۡلَ وَٱلۡمِيزَانَ بِٱلۡقِسۡطِۖ لَا نُكَلِّفُ نَفۡسًا إِلَّا وُسۡعَهَاۖ وَإِذَا قُلۡتُمۡ فَٱعۡدِلُواْ وَلَوۡ كَانَ ذَا قُرۡبَىٰۖ وَبِعَهۡدِ ٱللَّهِ أَوۡفُواْۚ ذَٰلِكُمۡ وَصَّىٰكُم بِهِۦ لَعَلَّكُمۡ تَذَكَّرُونَ

O Harminii e ɓaɗtotoɗon jawdi Alyatiima -on mo ben mun maayi ado o hellifeede- si wanaa hara ko ko nafata maa nafa jawdi ndin, ɗum non ko haa o hellifee. O Harminii e mooɗon kadi ɗuytugol betirɗe ɗen e manndikirɗe ɗen, O Waɗɗini e mooɗon nunɗugol ka sooda yeeya. Men fawaa wonkii si wanaa emmbere makki ; kala ko feere mun alaa e ɓeydagol maa ɗuytoo ka etugol e ko wanaa, ɗum nanngitirtaake. O Harminii kadi e mooɗon nde wowloton ko wanaa sawaaba jinngana musiɗɗo mun maa weldiiɗo. O Harmini e mooɗon kadi firtugol Ahadi Alla ndin waɗɗiindi hunnude. Ko jantaa ɗoo kon, ko Alla Yamiri on ; belajo'o, on annditay fii battane fiyaake mon.

Ajet: 153

وَأَنَّ هَٰذَا صِرَٰطِي مُسۡتَقِيمٗا فَٱتَّبِعُوهُۖ وَلَا تَتَّبِعُواْ ٱلسُّبُلَ فَتَفَرَّقَ بِكُمۡ عَن سَبِيلِهِۦۚ ذَٰلِكُمۡ وَصَّىٰكُم بِهِۦ لَعَلَّكُمۡ تَتَّقُونَ

O Harmnii kadi e mooɗon jokkugol juri majjere, O Waɗɗini e mooɗon jokkugol laawol Alla focciingol ngol. Tawde juri majjere ɗen sennday woɗɗintina e laawol goonga ngol. Ko jokkugol laawol Alla focciingol ngol woni ko Alla Wasiyii on ; balajo'o, on hulay Mo jokkon Yamiraaɗi Makko rentoɗon e Haɗaaɗi Makko.

Ajet: 154

ثُمَّ ءَاتَيۡنَا مُوسَى ٱلۡكِتَٰبَ تَمَامًا عَلَى ٱلَّذِيٓ أَحۡسَنَ وَتَفۡصِيلٗا لِّكُلِّ شَيۡءٖ وَهُدٗى وَرَحۡمَةٗ لَّعَلَّهُم بِلِقَآءِ رَبِّهِمۡ يُؤۡمِنُونَ

Refti ɓaawo humpitugol ko yawti kon, Men Humpita wonnde Men Okkuno Muusaa tawreeta timmirnde neema, njoɓdi golle makko moƴƴe, tawi ko nde fensitunde kala huunde e diina, tinndinnde goonga e yurmeende ; belajo'o, ɓe gomɗinay hawroygol e Joomi maɓɓe Ñalnde Darngal, ɓe heɓilora golle moƴƴe.

Ajet: 155

وَهَٰذَا كِتَٰبٌ أَنزَلۡنَٰهُ مُبَارَكٞ فَٱتَّبِعُوهُ وَٱتَّقُواْ لَعَلَّكُمۡ تُرۡحَمُونَ

Ndee ɗoo Alqur'aanaare, ko Deftere nde Men Jippini heewunde barki ; sabu ko nde yowondiri kon e nafooreeji diina e aduna - Jokkee ko Jippinaa kon e mayre, rentoɗon lunndagol nde ; balajo'o, on yurmete.

Ajet: 156

أَن تَقُولُوٓاْ إِنَّمَآ أُنزِلَ ٱلۡكِتَٰبُ عَلَىٰ طَآئِفَتَيۡنِ مِن قَبۡلِنَا وَإِن كُنَّا عَن دِرَاسَتِهِمۡ لَغَٰفِلِينَ

Fii wata onon sirkooɓe Aarabeeɓe ɓen wi'oy : "Alla ko Jippini tawreeta e Linjiila, ko e Alyahuuda e Annasaara, adinooɓe men. O Jippinanaali men Deftere, men waawaa janngude kadi Defte maɓɓe ɗen, tawde wanaa e haala amen".

Ajet: 157

أَوۡ تَقُولُواْ لَوۡ أَنَّآ أُنزِلَ عَلَيۡنَا ٱلۡكِتَٰبُ لَكُنَّآ أَهۡدَىٰ مِنۡهُمۡۚ فَقَدۡ جَآءَكُم بَيِّنَةٞ مِّن رَّبِّكُمۡ وَهُدٗى وَرَحۡمَةٞۚ فَمَنۡ أَظۡلَمُ مِمَّن كَذَّبَ بِـَٔايَٰتِ ٱللَّهِ وَصَدَفَ عَنۡهَاۗ سَنَجۡزِي ٱلَّذِينَ يَصۡدِفُونَ عَنۡ ءَايَٰتِنَا سُوٓءَ ٱلۡعَذَابِ بِمَا كَانُواْ يَصۡدِفُونَ

Fii kadi wata on wi'oy : "Sinno Alla Jippinno Deftere e amen, wano O Jippiniri e Alyahuuda e Annasaara'en, pellet, men laatotono ɓurɓe ɓen ɗon feewude". Gomɗii le Deftere nde Alla arii on, jippinaande haa e Annabiijo mon on Muhammadu (yo o his), e haala mon ; ɗum ko hujja ɓannguɗo, e tinndinayɗum laawol goonga, e yurmeende mofte ɗen. Wata on ngantinor meere. Alaa ɓurɗo tooñude haa hewta on fennuɗo Aayeeje Alla ɗen o ɗuurnii ɗe. Arma Men leptira ɓen ɗuurnotooɓe Aayeeje Amen ɗen lepte tiiɗuɗe, naatugol Yiite Jahannama, njoɓdi ɗuurnagol ɓe Aayeeje ɗen.

Poruke i pouke ajeta na ovoj stranici:

• لا يجوز التصرف في مال اليتيم إلّا في حدود مصلحته، ولا يُسلَّم ماله إلّا بعد بلوغه الرُّشْد.

Dagotaako meemugol jawdi Alyatiima, si wanaa hara ko no moƴƴirana mo. O jonnitetaake ndi kadi haa o hellifee.

• سبل الضلال كثيرة، وسبيل الله وحده هو المؤدي إلى النجاة من العذاب.

Laawi majjere no ɗuuɗi, ko laawol Alla ngol tun daɗndata lepte.

• اتباع هذا الكتاب علمًا وعملًا من أعظم أسباب نيل رحمة الله.

Jokkirgol ndee Deftere ganndal e gollirgol, ko jeyaaɗum e ko ɓuri mawnude e ko yurmeende heɓorta.