Prijevod značenja Sura Et-Tekasur - Azerbejdžanski prijevod sažetog tefsira Plemenitog Kur'ana. - Broj stranice 600 - Enciklopedija Kur'ana

ət-Təkasur

Intencije ove sure:

تذكير المتكاثرين واللاهين بالدنيا بالقبور والحساب.

Dünya malını artıran və dünyanın bər-bəzəyinə uyan kimsələri qəbir həyatını və haqq-hesaba çəkilməni xatırlatmaq.

---

Ajet: 1

أَلۡهَىٰكُمُ ٱلتَّكَاثُرُ

Ey insanlar! Mal-dövlət və övladlarla fəxr etmək sizi Allaha itaət etməkdən yayındırdı.

Ajet: 2

حَتَّىٰ زُرۡتُمُ ٱلۡمَقَابِرَ

Hətta, dünyadan köçüb qəbirlərinizə girdiniz.

Ajet: 3

كَلَّا سَوۡفَ تَعۡلَمُونَ

Siz dünya malı ilə fəxr edib Allahın itaətindən yayınmamalıydınız. Siz bu bihudə məşğuliyyətin pis aqibətini hökmən biləcəksiniz.

Ajet: 4

ثُمَّ كَلَّا سَوۡفَ تَعۡلَمُونَ

Bəli, siz onun aqibətini hökmən biləcəksiniz!

Ajet: 5

كَلَّا لَوۡ تَعۡلَمُونَ عِلۡمَ ٱلۡيَقِينِ

Doğrusu, əgər siz dirilib Allahın hüzuruna qayıdacağınızı və Onun sizə əməllərinizin əvəzini verəcəyini yəqin bilsəydiniz, mal-dövlət və oğul-uşaqla fəxr etməklə məşğul olmazdınız.

Ajet: 6

لَتَرَوُنَّ ٱلۡجَحِيمَ

Allaha and olsun ki, siz qiyamət günü Cəhənnəm odunu görəcəksiniz.

Ajet: 7

ثُمَّ لَتَرَوُنَّهَا عَيۡنَ ٱلۡيَقِينِ

Heç şübhəsiz ki, siz onu öz gözünüzlə mütləq görəcəksiniz.

Ajet: 8

ثُمَّ لَتُسۡـَٔلُنَّ يَوۡمَئِذٍ عَنِ ٱلنَّعِيمِ

Sonra, o gün Allah, sizə bəxş etdiyi sağlamlıq, var-dövlət və başqa bu kimi nemətlər barədə sizdən soruşacaqdır.

Poruke i pouke ajeta na ovoj stranici:

• خطر التفاخر والتباهي بالأموال والأولاد.

Mal-dövlət və oğul-uşaqla fəxr etməyin və lovğalanmağın təhlükəsi.

• القبر مكان زيارة سرعان ما ينتقل منه الناس إلى الدار الآخرة.

Qəbir, ziyarət məkanıdır. Belə ki, insanlar tez bir zamanda oradan axirət yurduna köçürlər.

• يوم القيامة يُسْأل الناس عن النعيم الذي أنعم به الله عليهم في الدنيا.

Qiyamət günü insanlar Allahın dünyada onlara verdiyi nemətlər barədə sorğu-suala çəkiləcəklər.

• الإنسان مجبول على حب المال.

İnsan mal-dövləti sevməyə həris olaraq yaradılmışdır.