অৰ্থানুবাদ ছুৰা আল-ইছৰা - ফিলিপাইন (মাগিন্দানাও) অনুবাদ- মৰ্কজ ৰুৱাদুত তাৰ্জামাহ - আল-কোৰআনুল কাৰীমৰ বিশ্বকোষ

Al-Isra

আয়াত: 1

سُبۡحَٰنَ ٱلَّذِيٓ أَسۡرَىٰ بِعَبۡدِهِۦ لَيۡلٗا مِّنَ ٱلۡمَسۡجِدِ ٱلۡحَرَامِ إِلَى ٱلۡمَسۡجِدِ ٱلۡأَقۡصَا ٱلَّذِي بَٰرَكۡنَا حَوۡلَهُۥ لِنُرِيَهُۥ مِنۡ ءَايَٰتِنَآۚ إِنَّهُۥ هُوَ ٱلسَّمِيعُ ٱلۡبَصِيرُ

Mahasuti su napalakaw (Allah) kanu ulipen nin (Muhammad) sa magabi, ganat sa Masjidil Haram taman lu sa Masjidil Aqsa a pinambarakat nami su embala-bala lun, ka ipabpagilay nami sa lekanin (Muhammad) su manga tanda nami, saben-sabenal sekanin a Allah i pakakineg a pakaylay.

আয়াত: 2

وَءَاتَيۡنَا مُوسَى ٱلۡكِتَٰبَ وَجَعَلۡنَٰهُ هُدٗى لِّبَنِيٓ إِسۡرَٰٓءِيلَ أَلَّا تَتَّخِذُواْ مِن دُونِي وَكِيلٗا

Endu inenggay nami kani Musa su kitab endu binaluy nami a tutulu kanu tupu nu Israel sa da kanu mamaluli sa salakaw sa Allah i saligan nu.

আয়াত: 3

ذُرِّيَّةَ مَنۡ حَمَلۡنَا مَعَ نُوحٍۚ إِنَّهُۥ كَانَ عَبۡدٗا شَكُورٗا

Mawli a taw nu a pinapapageda kanu Nuh, ka sekanin na ulipen nu Allah a barasukur.

আয়াত: 4

وَقَضَيۡنَآ إِلَىٰ بَنِيٓ إِسۡرَٰٓءِيلَ فِي ٱلۡكِتَٰبِ لَتُفۡسِدُنَّ فِي ٱلۡأَرۡضِ مَرَّتَيۡنِ وَلَتَعۡلُنَّ عُلُوّٗا كَبِيرٗا

Endu pinakatawan nami bun kanu manga tupu nu Israel lekanu kitab a Taurat i maminasa kanu sya sa lupa sa makaduwa, endu ebpapulu kanu sa masla a kabpapulu.

আয়াত: 5

فَإِذَا جَآءَ وَعۡدُ أُولَىٰهُمَا بَعَثۡنَا عَلَيۡكُمۡ عِبَادٗا لَّنَآ أُوْلِي بَأۡسٖ شَدِيدٖ فَجَاسُواْ خِلَٰلَ ٱلدِّيَارِۚ وَكَانَ وَعۡدٗا مَّفۡعُولٗا

Na amayka mawma den su isa kanu duwa, na pambuwaten nami sa lekanu i ulipen nami a mapasang endu mabagel i kambunuwa nin, na dalidipenin su langun u pamageletan u dalpa, endu pasad into a di ebplis na manggula.

আয়াত: 6

ثُمَّ رَدَدۡنَا لَكُمُ ٱلۡكَرَّةَ عَلَيۡهِمۡ وَأَمۡدَدۡنَٰكُم بِأَمۡوَٰلٖ وَبَنِينَ وَجَعَلۡنَٰكُمۡ أَكۡثَرَ نَفِيرًا

Mawli na imbalingan nami sa lekanu su kapeges kanilan, endu pagkadakelen nami sa lekanu su manga tamuk endu manga wata, endu binaluy nami sekanu i madakel i bilanganin nin.

আয়াত: 7

إِنۡ أَحۡسَنتُمۡ أَحۡسَنتُمۡ لِأَنفُسِكُمۡۖ وَإِنۡ أَسَأۡتُمۡ فَلَهَاۚ فَإِذَا جَآءَ وَعۡدُ ٱلۡأٓخِرَةِ لِيَسُـُٔواْ وُجُوهَكُمۡ وَلِيَدۡخُلُواْ ٱلۡمَسۡجِدَ كَمَا دَخَلُوهُ أَوَّلَ مَرَّةٖ وَلِيُتَبِّرُواْ مَا عَلَوۡاْ تَتۡبِيرًا

(Edtalu ka) amayka ebpiya-piya kanu na ginawa nu bun i migkapiya, endu amayka migkawag kanu (mindupang) na ginawa nu bun (i masiksa), na amayka nawma su pasad (kaduwa a kandupang) na egkenem su manga biyas nu sa lidu na ginawa, endu ludepan nilan su Masjidil Aqsa sa mana bun su nawna a kinaludep nilan, endu maminasa sa sangat a kapaminasa.

আয়াত: 8

عَسَىٰ رَبُّكُمۡ أَن يَرۡحَمَكُمۡۚ وَإِنۡ عُدتُّمۡ عُدۡنَاۚ وَجَعَلۡنَا جَهَنَّمَ لِلۡكَٰفِرِينَ حَصِيرًا

(Inipayag u Allah kanu Taurat) sa basi ikalimu kanu bun u Kadenan nu, endu amayka edsaluman kanu na edsalumanan nami bun sekanu, endu binaluy nami su jahannam kanu manga kafir i ikam nilan.

আয়াত: 9

إِنَّ هَٰذَا ٱلۡقُرۡءَانَ يَهۡدِي لِلَّتِي هِيَ أَقۡوَمُ وَيُبَشِّرُ ٱلۡمُؤۡمِنِينَ ٱلَّذِينَ يَعۡمَلُونَ ٱلصَّٰلِحَٰتِ أَنَّ لَهُمۡ أَجۡرٗا كَبِيرٗا

Saben-sabenal su Qur’an na pedtutulu sa lalan a pinakamatidtu, endu papegkalilini kanu manga mu'min, a silan i penggalbek sa manga mapiya, na benal a kanilan su balas a mapiya a masla.

আয়াত: 10

وَأَنَّ ٱلَّذِينَ لَا يُؤۡمِنُونَ بِٱلۡأٓخِرَةِ أَعۡتَدۡنَا لَهُمۡ عَذَابًا أَلِيمٗا

Endu saben-sabenal su di bangimbenal sa gay a mawli na pidtatalenganan nami sa kanilan su siksa a mapasang.

আয়াত: 11

وَيَدۡعُ ٱلۡإِنسَٰنُ بِٱلشَّرِّ دُعَآءَهُۥ بِٱلۡخَيۡرِۖ وَكَانَ ٱلۡإِنسَٰنُ عَجُولٗا

Endu in-du’a nu taw sa mawag (su galipungetanin) sa mana bun su kapamagayasin sa kand’ua nin sa kanu makapiya kanu ginawanin, su manusya na masasaw (di matigkel a bukasu).

আয়াত: 12

وَجَعَلۡنَا ٱلَّيۡلَ وَٱلنَّهَارَ ءَايَتَيۡنِۖ فَمَحَوۡنَآ ءَايَةَ ٱلَّيۡلِ وَجَعَلۡنَآ ءَايَةَ ٱلنَّهَارِ مُبۡصِرَةٗ لِّتَبۡتَغُواْ فَضۡلٗا مِّن رَّبِّكُمۡ وَلِتَعۡلَمُواْ عَدَدَ ٱلسِّنِينَ وَٱلۡحِسَابَۚ وَكُلَّ شَيۡءٖ فَصَّلۡنَٰهُ تَفۡصِيلٗا

Endu binaluy nami su magabi endu malamag a duwa a tanda (a kapegkagaga) na pinunas nami su sigay nu magabi (sa ulan-ulan) endu binaluy nami su sigay nu malamag sa pakapaylay, ka endu mapangilay su limu nu Allah ebpun sa Kadenan nu, endu katawan su bilangan nu manga lagun endu su bilangan nu manga ulan-ulan (manga gay) endu langunu enggaga- isa na inipayag nami san sa (Qur’an) sa mapayag.

আয়াত: 13

وَكُلَّ إِنسَٰنٍ أَلۡزَمۡنَٰهُ طَٰٓئِرَهُۥ فِي عُنُقِهِۦۖ وَنُخۡرِجُ لَهُۥ يَوۡمَ ٱلۡقِيَٰمَةِ كِتَٰبٗا يَلۡقَىٰهُ مَنشُورًا

Endu uman i manusya na nambalig nin su kitab (sinulatan) kanu galebekin kanu tengu nin, sa palyun nami sa lekanin (bukatan sa kasangulan nin) sa mabaratemu nin sa mapayag.

আয়াত: 14

ٱقۡرَأۡ كِتَٰبَكَ كَفَىٰ بِنَفۡسِكَ ٱلۡيَوۡمَ عَلَيۡكَ حَسِيبٗا

(Edtalun sa lekanin): batya ka i kitab nengka, sa natabuwan, saguna a gay sa igkila-kila sa leka.

আয়াত: 15

مَّنِ ٱهۡتَدَىٰ فَإِنَّمَا يَهۡتَدِي لِنَفۡسِهِۦۖ وَمَن ضَلَّ فَإِنَّمَا يَضِلُّ عَلَيۡهَاۚ وَلَا تَزِرُ وَازِرَةٞ وِزۡرَ أُخۡرَىٰۗ وَمَا كُنَّا مُعَذِّبِينَ حَتَّىٰ نَبۡعَثَ رَسُولٗا

Su tinumuntul sa (Islam) na ginawa nin bun i nakatuntul, su midtadingan na yanin bun tinading su ginawa nin, endu di mandusa na isa i dusa na ped in, endu di kami sumiksa endu mapa-surga taman a di kami pan makapambuwat sa sinugu.

আয়াত: 16

وَإِذَآ أَرَدۡنَآ أَن نُّهۡلِكَ قَرۡيَةً أَمَرۡنَا مُتۡرَفِيهَا فَفَسَقُواْ فِيهَا فَحَقَّ عَلَيۡهَا ٱلۡقَوۡلُ فَدَمَّرۡنَٰهَا تَدۡمِيرٗا

Endu amayka egkahandan nami i binasan nami i dalpa na pagkadakelen nami su mapiya i katamanan nin, ka lumyu silan sa inugut (semupak) na wagib bu lawa su siksa kanilan nabinasa bu lawa silan.

আয়াত: 17

وَكَمۡ أَهۡلَكۡنَا مِنَ ٱلۡقُرُونِ مِنۢ بَعۡدِ نُوحٖۗ وَكَفَىٰ بِرَبِّكَ بِذُنُوبِ عِبَادِهِۦ خَبِيرَۢا بَصِيرٗا

Endu di bu pila-pila i bininasa nami kanu nangawna (a manga taw) sa ulyan ni Nuh, endu su Kadenan nengka i pedtyakap kanu manga kadusan nu manga ulipenin, a mataw (su Allah) a pakailay.

আয়াত: 18

مَّن كَانَ يُرِيدُ ٱلۡعَاجِلَةَ عَجَّلۡنَا لَهُۥ فِيهَا مَا نَشَآءُ لِمَن نُّرِيدُ ثُمَّ جَعَلۡنَا لَهُۥ جَهَنَّمَ يَصۡلَىٰهَا مَذۡمُومٗا مَّدۡحُورٗا

Su myug sa limu sa sagugunay na enggaganan nami (menggay) sa kanu kalilinyan in sa endaw bu i kiyug ami kanu pegkiyugan nami bu menem, mawli na binaluy nami sa lekanin su jahannam a kaludepan nin a mawag gayd sa nakatangka sa limu nu Allah.

আয়াত: 19

وَمَنۡ أَرَادَ ٱلۡأٓخِرَةَ وَسَعَىٰ لَهَا سَعۡيَهَا وَهُوَ مُؤۡمِنٞ فَأُوْلَٰٓئِكَ كَانَ سَعۡيُهُم مَّشۡكُورٗا

Su yanin menem kiyugan su akhirat endu pinamikalanin sa galbek (a mapiya) na sekanin na mu'min, na silan i manga taw a langun a galbekanin na pidsukuran.

আয়াত: 20

كُلّٗا نُّمِدُّ هَٰٓؤُلَآءِ وَهَٰٓؤُلَآءِ مِنۡ عَطَآءِ رَبِّكَۚ وَمَا كَانَ عَطَآءُ رَبِّكَ مَحۡظُورًا

Umani-isa kanu duwa (mu'min-kafir) na pembagelen nami kanu rizki nin a ebpun sa Kadenan nengka, ka dala kanu rizki nu Kadenan nengka i ma-haram kanu pedsupak.

আয়াত: 21

ٱنظُرۡ كَيۡفَ فَضَّلۡنَا بَعۡضَهُمۡ عَلَىٰ بَعۡضٖۚ وَلَلۡأٓخِرَةُ أَكۡبَرُ دَرَجَٰتٖ وَأَكۡبَرُ تَفۡضِيلٗا

Ilay ka (Muhammad) u panun i kinapandadalabya nami kanu sabad kanu ped in (sya sa dunya), endu lu sa akhirat i masla a pangkatan (pahala), endu masla a kandadalabya (di kena mana bu sya sa dunya).

আয়াত: 22

لَّا تَجۡعَلۡ مَعَ ٱللَّهِ إِلَٰهًا ءَاخَرَ فَتَقۡعُدَ مَذۡمُومٗا مَّخۡذُولٗا

Da ka mumbal sa isa a kadenan, a lyu sa Allah, ka maka-ayan ka sa kalusak i mabpalas nengka.

আয়াত: 23

۞ وَقَضَىٰ رَبُّكَ أَلَّا تَعۡبُدُوٓاْ إِلَّآ إِيَّاهُ وَبِٱلۡوَٰلِدَيۡنِ إِحۡسَٰنًاۚ إِمَّا يَبۡلُغَنَّ عِندَكَ ٱلۡكِبَرَ أَحَدُهُمَآ أَوۡ كِلَاهُمَا فَلَا تَقُل لَّهُمَآ أُفّٖ وَلَا تَنۡهَرۡهُمَا وَقُل لَّهُمَا قَوۡلٗا كَرِيمٗا

Endu inibpalyugat u kadenan nengka i da kanu sumimba ya tabiya na su Allah, endu kabpiyapiya sa duwa-mimbata, na amayka masawt na katuwa silan duwa na san sa leka atawa sakataw kanilan na di ka bu mangagkag silan endu dika silan edtegasi, endu ya ka edtalu (kambityala) kanilan na kadtal a mananaw.

আয়াত: 24

وَٱخۡفِضۡ لَهُمَا جَنَاحَ ٱلذُّلِّ مِنَ ٱلرَّحۡمَةِ وَقُل رَّبِّ ٱرۡحَمۡهُمَا كَمَا رَبَّيَانِي صَغِيرٗا

Endu imbaba nengka kanilan su ula-ula (su palangay) sabap kanu limu, endu edtalu ka: kadenan ku, ikalimu nengka silan sa mana su kinakalimu nilan sa laki (kinatyakap nilan) sa manawt aku pan.

আয়াত: 25

رَّبُّكُمۡ أَعۡلَمُ بِمَا فِي نُفُوسِكُمۡۚ إِن تَكُونُواْ صَٰلِحِينَ فَإِنَّهُۥ كَانَ لِلۡأَوَّٰبِينَ غَفُورٗا

Su Kadenan nu i mataw sa kanu dalem nu ginawa nu, amayka sekanu ka manga mapiya kanu (edtidtu kanu) na sekanin a Allah na bangampun kanu manga taw a baratawbat.

আয়াত: 26

وَءَاتِ ذَا ٱلۡقُرۡبَىٰ حَقَّهُۥ وَٱلۡمِسۡكِينَ وَٱبۡنَ ٱلسَّبِيلِ وَلَا تُبَذِّرۡ تَبۡذِيرًا

Endu inggay nengka kanu manga pagali nengka su kawagibin, endu su miskinan, endu su natanaw (di pakawli sa dalpa) na da ka (menem) magudal (mapalyo sa tamok a supak sa Islam).

আয়াত: 27

إِنَّ ٱلۡمُبَذِّرِينَ كَانُوٓاْ إِخۡوَٰنَ ٱلشَّيَٰطِينِۖ وَكَانَ ٱلشَّيۡطَٰنُ لِرَبِّهِۦ كَفُورٗا

Saben-sabenal na su taw a magudal (mapalyu sa tamok a supak sa Islam) na manga pagali nu manga Shaytan, na su Shaytan na supak sa kadenan nin (di makatadem sa limu).

আয়াত: 28

وَإِمَّا تُعۡرِضَنَّ عَنۡهُمُ ٱبۡتِغَآءَ رَحۡمَةٖ مِّن رَّبِّكَ تَرۡجُوهَا فَقُل لَّهُمۡ قَوۡلٗا مَّيۡسُورٗا

Endu amayka di nengka ka-enggan silan (a manga pagali) kanu limu ebpun kanu kadenan nengka na pagangapa ka, sa edtalu ka kanilan i su kadtalu a mapiya.

আয়াত: 29

وَلَا تَجۡعَلۡ يَدَكَ مَغۡلُولَةً إِلَىٰ عُنُقِكَ وَلَا تَبۡسُطۡهَا كُلَّ ٱلۡبَسۡطِ فَتَقۡعُدَ مَلُومٗا مَّحۡسُورًا

Endu di ka kemegkem su lima nengka sa ibetad nengka sa tengu nengka (sabap sa kasingit) endu dika menem pembelat sa dala den masama lun, ka maka-ayan ka (makagkaya ka) sa tilan ka na taw sa pangimbulatan ka.

আয়াত: 30

إِنَّ رَبَّكَ يَبۡسُطُ ٱلرِّزۡقَ لِمَن يَشَآءُ وَيَقۡدِرُۚ إِنَّهُۥ كَانَ بِعِبَادِهِۦ خَبِيرَۢا بَصِيرٗا

Saben-sabenal su Kadenan nengka na belatenin i rizki nin kanu kagkahanda nin, endu simpitanin, ka sekanin a Allah kanu manga ulipenin na katawanin na gaylay nin.

আয়াত: 31

وَلَا تَقۡتُلُوٓاْ أَوۡلَٰدَكُمۡ خَشۡيَةَ إِمۡلَٰقٖۖ نَّحۡنُ نَرۡزُقُهُمۡ وَإِيَّاكُمۡۚ إِنَّ قَتۡلَهُمۡ كَانَ خِطۡـٔٗا كَبِيرٗا

Endu di nu pembunu su manga wata nu sa gilek sa kamiskin ka sekami i perizki kanilan endu sekanu, su kabununu kanilan na kadusan a masla (sa Allah).

আয়াত: 32

وَلَا تَقۡرَبُواْ ٱلزِّنَىٰٓۖ إِنَّهُۥ كَانَ فَٰحِشَةٗ وَسَآءَ سَبِيلٗا

Endu di nu semikeni su kadzina (di enggulan su ukit a makadzina) ka su (kadzina) na sangat a maledsik, endu mawag a benal a ukit (a kadtiwalay).

আয়াত: 33

وَلَا تَقۡتُلُواْ ٱلنَّفۡسَ ٱلَّتِي حَرَّمَ ٱللَّهُ إِلَّا بِٱلۡحَقِّۗ وَمَن قُتِلَ مَظۡلُومٗا فَقَدۡ جَعَلۡنَا لِوَلِيِّهِۦ سُلۡطَٰنٗا فَلَا يُسۡرِف فِّي ٱلۡقَتۡلِۖ إِنَّهُۥ كَانَ مَنصُورٗا

Endu di nu pembunu su ngyawa a hinaram nu Allah ya tabiya na haqq, (su pinamakay na Islam a kabunu) ka su taw a binunu sa dinupang (pidtibaban sa dala kawagibin) na binaluy nami kanu wali nin (lukesin-pagalinin) i bagel sa kakwa (katuntut in) sa kawagib, na di nin pasagaden i galebekin (di padsublan su kasuli) ka sekanin na nanget i pedtabangan nu Allah.

আয়াত: 34

وَلَا تَقۡرَبُواْ مَالَ ٱلۡيَتِيمِ إِلَّا بِٱلَّتِي هِيَ أَحۡسَنُ حَتَّىٰ يَبۡلُغَ أَشُدَّهُۥۚ وَأَوۡفُواْ بِٱلۡعَهۡدِۖ إِنَّ ٱلۡعَهۡدَ كَانَ مَسۡـُٔولٗا

Endu di nu semupegi su tamuk nu yateem (binasan atawa kwan sa di kena kawagib) ya tabiya na muna pan i kapiya nin (sa pagkadakelen) taman sa makasampay sa balig, endu tumanu i pasadu a mapiya, kagina su pasad na ibagidsa (salta na siksa amayka di matuman)

আয়াত: 35

وَأَوۡفُواْ ٱلۡكَيۡلَ إِذَا كِلۡتُمۡ وَزِنُواْ بِٱلۡقِسۡطَاسِ ٱلۡمُسۡتَقِيمِۚ ذَٰلِكَ خَيۡرٞ وَأَحۡسَنُ تَأۡوِيلٗا

Endu patidtunu i kapagasadu amayka nagasad kanu, endu edtimbang kanu sa bantang a matidtu, ka entu ba i mapiya, endu mapiya i mawli nin.

আয়াত: 36

وَلَا تَقۡفُ مَا لَيۡسَ لَكَ بِهِۦ عِلۡمٌۚ إِنَّ ٱلسَّمۡعَ وَٱلۡبَصَرَ وَٱلۡفُؤَادَ كُلُّ أُوْلَٰٓئِكَ كَانَ عَنۡهُ مَسۡـُٔولٗا

Da ka bagamung sa dala leka lun ataw na (dala sabuteng ka lun) ka su tangila endu su mata na languna namba na pangingidsan (salta sa naraka).

আয়াত: 37

وَلَا تَمۡشِ فِي ٱلۡأَرۡضِ مَرَحًاۖ إِنَّكَ لَن تَخۡرِقَ ٱلۡأَرۡضَ وَلَن تَبۡلُغَ ٱلۡجِبَالَ طُولٗا

Endu da ka belakaw kanu lupa sa kasandagan ka seka na di nengka malesu su lupa sa kadsangkad, endu di nengka kalepengan su palaw sa kapulu.

আয়াত: 38

كُلُّ ذَٰلِكَ كَانَ سَيِّئُهُۥ عِندَ رَبِّكَ مَكۡرُوهٗا

Langun a entuba a nalabit na mawag a benal lu sa kadenan nengka a inisapalin a nabensiyan nin.

আয়াত: 39

ذَٰلِكَ مِمَّآ أَوۡحَىٰٓ إِلَيۡكَ رَبُّكَ مِنَ ٱلۡحِكۡمَةِۗ وَلَا تَجۡعَلۡ مَعَ ٱللَّهِ إِلَٰهًا ءَاخَرَ فَتُلۡقَىٰ فِي جَهَنَّمَ مَلُومٗا مَّدۡحُورًا

Langun a entu na kaped kanu ini-wahi nu Kadenan nengka sa leka a kadtalu a nanga-atul endu da ka mamaluli salta sa Allah a isa a kadenan ka makasumek ka lu sa naraka a masla i tilanin sa nakatangka sa limu nu Allah.

আয়াত: 40

أَفَأَصۡفَىٰكُمۡ رَبُّكُم بِٱلۡبَنِينَ وَٱتَّخَذَ مِنَ ٱلۡمَلَٰٓئِكَةِ إِنَٰثًاۚ إِنَّكُمۡ لَتَقُولُونَ قَوۡلًا عَظِيمٗا

Ngintu ya bu tinantu nu kadenan nu sa lekanu (a makagkapiya) na su manga wata a manga mama, endu kanu Allah menem i manga malaikat a babay? Sekanu a manga kafir na saben-sabenal a namba a kadtalu na masla gayd (lu sa Allah i kasiksan nin).

আয়াত: 41

وَلَقَدۡ صَرَّفۡنَا فِي هَٰذَا ٱلۡقُرۡءَانِ لِيَذَّكَّرُواْ وَمَا يَزِيدُهُمۡ إِلَّا نُفُورٗا

Endu saben-sabenal a pidtinatad nami san sa Qur’an banan su manga ibaratan (upaman), ka endu kanu ma-indaw (su di bangimbenal), na dala paka-uman kanilan (a inugut) a di kena (nalunsanan) i kina-tangka nilan (kanu Qur’an).

আয়াত: 42

قُل لَّوۡ كَانَ مَعَهُۥٓ ءَالِهَةٞ كَمَا يَقُولُونَ إِذٗا لَّٱبۡتَغَوۡاْ إِلَىٰ ذِي ٱلۡعَرۡشِ سَبِيلٗا

Edtalu ka (Muhammad) u mana bu ka duwa kataw i kadenan sa mana su kadtalu nilan na magagawa silan sa Arsh, endu sapalan na isa i kapedin.

আয়াত: 43

سُبۡحَٰنَهُۥ وَتَعَٰلَىٰ عَمَّا يَقُولُونَ عُلُوّٗا كَبِيرٗا

Mahasuti su Allah kanu langun u pedtalu nilan, lepas sekanin, mapulu su Allah sa kapulwa kasla.

আয়াত: 44

تُسَبِّحُ لَهُ ٱلسَّمَٰوَٰتُ ٱلسَّبۡعُ وَٱلۡأَرۡضُ وَمَن فِيهِنَّۚ وَإِن مِّن شَيۡءٍ إِلَّا يُسَبِّحُ بِحَمۡدِهِۦ وَلَٰكِن لَّا تَفۡقَهُونَ تَسۡبِيحَهُمۡۚ إِنَّهُۥ كَانَ حَلِيمًا غَفُورٗا

Pedtasbih sa lekanin (Allah) su manga langit endu lupa endu su dalemin, endu dala kanu enggaga-isa a di kena pedtasbih sa pugi sa kadenan nilan, ugayd na di nu kasabutan i tasbih nilan, su Allah na matigkel a bangampun.

আয়াত: 45

وَإِذَا قَرَأۡتَ ٱلۡقُرۡءَانَ جَعَلۡنَا بَيۡنَكَ وَبَيۡنَ ٱلَّذِينَ لَا يُؤۡمِنُونَ بِٱلۡأٓخِرَةِ حِجَابٗا مَّسۡتُورٗا

Endu amayka binatya nengka su Qur’an, na binaluy nami kanu pageletan nengka sa kanu manga taw a di bangimbenal sa gay a mawli i pagelet a pakadalinding sa leka sa dika nilan mailay.

আয়াত: 46

وَجَعَلۡنَا عَلَىٰ قُلُوبِهِمۡ أَكِنَّةً أَن يَفۡقَهُوهُ وَفِيٓ ءَاذَانِهِمۡ وَقۡرٗاۚ وَإِذَا ذَكَرۡتَ رَبَّكَ فِي ٱلۡقُرۡءَانِ وَحۡدَهُۥ وَلَّوۡاْ عَلَىٰٓ أَدۡبَٰرِهِمۡ نُفُورٗا

Endu binaluy nami i dapeng kanu manga atay nilan a di nilan kasabut lun, endu sya sa tangila nilan su kabisu, endu amayka linabit nenka su Kadenan nengka san sa Qur’an sa isa nin bu (di malabit i barahala nilan) na tumaligkud silan endu mawa silan. (di silan tumalima).

আয়াত: 47

نَّحۡنُ أَعۡلَمُ بِمَا يَسۡتَمِعُونَ بِهِۦٓ إِذۡ يَسۡتَمِعُونَ إِلَيۡكَ وَإِذۡ هُمۡ نَجۡوَىٰٓ إِذۡ يَقُولُ ٱلظَّٰلِمُونَ إِن تَتَّبِعُونَ إِلَّا رَجُلٗا مَّسۡحُورًا

(Tig nu Allah) sekami na katawan nami su bakikinegen nilan amayka bakikineg silan sa leka (Muhammad), endu silan na bamagedunga silan sa ya nilan pedtalun (manga kafir) na dala sa bagunutan nu banan tabiya na mama a nasugat a pakayd.

আয়াত: 48

ٱنظُرۡ كَيۡفَ ضَرَبُواْ لَكَ ٱلۡأَمۡثَالَ فَضَلُّواْ فَلَا يَسۡتَطِيعُونَ سَبِيلٗا

Ilayka (Muhammad) i kapamelagid nilan sa leka sa embalang-balangan a upaman, na natading silan, di nilan magaga i makatuntul silan sa sa lalan (a bantang)

আয়াত: 49

وَقَالُوٓاْ أَءِذَا كُنَّا عِظَٰمٗا وَرُفَٰتًا أَءِنَّا لَمَبۡعُوثُونَ خَلۡقٗا جَدِيدٗا

Endu ya nilan kadtalu na u nagubal su tulan tanu (naldak) na libubuk su badan tanu, na ditanu den makambwat sa mabagu tanu pamun.

আয়াত: 50

۞ قُلۡ كُونُواْ حِجَارَةً أَوۡ حَدِيدًا

Edtalu ka (Muhammad) apiya watu kanu pan atawa putaw kanu (makambwat kanu)

আয়াত: 51

أَوۡ خَلۡقٗا مِّمَّا يَكۡبُرُ فِي صُدُورِكُمۡۚ فَسَيَقُولُونَ مَن يُعِيدُنَاۖ قُلِ ٱلَّذِي فَطَرَكُمۡ أَوَّلَ مَرَّةٖۚ فَسَيُنۡغِضُونَ إِلَيۡكَ رُءُوسَهُمۡ وَيَقُولُونَ مَتَىٰ هُوَۖ قُلۡ عَسَىٰٓ أَن يَكُونَ قَرِيبٗا

Atawa muna pan sa putaw a masladen sa ginawa nu, na ya nilan den edtalun: kanu i kauma na namba (Muhammad) endu entayn i mapambalingan sa lekami? Edtalu ka: su minaluy sa lekanu paganay, na iteku nilan sa leka su ulu nilan sa ungat (bagungat) bu, endu edtalun nilan: kanu i namba? Edtalu ka kanilan: basi masupeg (mangagan) di kena den mawatan i kauma nin.

আয়াত: 52

يَوۡمَ يَدۡعُوكُمۡ فَتَسۡتَجِيبُونَ بِحَمۡدِهِۦ وَتَظُنُّونَ إِن لَّبِثۡتُمۡ إِلَّا قَلِيلٗا

Gay a katawag sa lekanu na makasumpat kanu sa pugi sa Allah, endu ma-antap i paydu bu ged i kinad-tangen nu sa kubur (ataw sya sa dunya).

আয়াত: 53

وَقُل لِّعِبَادِي يَقُولُواْ ٱلَّتِي هِيَ أَحۡسَنُۚ إِنَّ ٱلشَّيۡطَٰنَ يَنزَغُ بَيۡنَهُمۡۚ إِنَّ ٱلشَّيۡطَٰنَ كَانَ لِلۡإِنسَٰنِ عَدُوّٗا مُّبِينٗا

Edtalu ka kanu manga ulipen ku i yanilan edtalun na mapiya, ka saben-sabenal su Shaytan na pembinasa kanu pamageletan nilan, ka su Shaytan na satru (kuntra) nu manusya a mapayag.

আয়াত: 54

رَّبُّكُمۡ أَعۡلَمُ بِكُمۡۖ إِن يَشَأۡ يَرۡحَمۡكُمۡ أَوۡ إِن يَشَأۡ يُعَذِّبۡكُمۡۚ وَمَآ أَرۡسَلۡنَٰكَ عَلَيۡهِمۡ وَكِيلٗا

Su kadenan nu i mataw sa lekanu sa yanin kiyug i ikalimu kanu nin atawa siksan kanu nin, endu di kena ya nami kinasugu sa leka sa kanilan i pedtyakap ka.

আয়াত: 55

وَرَبُّكَ أَعۡلَمُ بِمَن فِي ٱلسَّمَٰوَٰتِ وَٱلۡأَرۡضِۗ وَلَقَدۡ فَضَّلۡنَا بَعۡضَ ٱلنَّبِيِّـۧنَ عَلَىٰ بَعۡضٖۖ وَءَاتَيۡنَا دَاوُۥدَ زَبُورٗا

Endu su kadenan nengka i mataw kanu dalem nu manga langit endu su lupa, endu saben- sabenal a pinandadalabya nami su ped kanu manga nabi kanu kaped lun, endu inenggay nami kanu Daud su Zabur.

আয়াত: 56

قُلِ ٱدۡعُواْ ٱلَّذِينَ زَعَمۡتُم مِّن دُونِهِۦ فَلَا يَمۡلِكُونَ كَشۡفَ ٱلضُّرِّ عَنكُمۡ وَلَا تَحۡوِيلًا

Edtalu ka (Muhammad) i tawagen nilan su pedsimban nilan a salakaw sa Allah, na dinin kamilikan sa makapa-awa nin su pakag-kayd sa lekanu, endu di nin magaga mapasibay su pakagkayd sa lekanu.

আয়াত: 57

أُوْلَٰٓئِكَ ٱلَّذِينَ يَدۡعُونَ يَبۡتَغُونَ إِلَىٰ رَبِّهِمُ ٱلۡوَسِيلَةَ أَيُّهُمۡ أَقۡرَبُ وَيَرۡجُونَ رَحۡمَتَهُۥ وَيَخَافُونَ عَذَابَهُۥٓۚ إِنَّ عَذَابَ رَبِّكَ كَانَ مَحۡذُورٗا

Silan a manga taw a pedsimba (sa barahala) na pedtuntut sa kadenan nilan sa titayan a makasupeg silan (Allah) endu baginagkay silan sa limu nu kadenan nin, endu kagilekan sa siksa nin, ka benal su siksa nu kadenan nengka na ingatan.

আয়াত: 58

وَإِن مِّن قَرۡيَةٍ إِلَّا نَحۡنُ مُهۡلِكُوهَا قَبۡلَ يَوۡمِ ٱلۡقِيَٰمَةِ أَوۡ مُعَذِّبُوهَا عَذَابٗا شَدِيدٗاۚ كَانَ ذَٰلِكَ فِي ٱلۡكِتَٰبِ مَسۡطُورٗا

Endu da dalpa a di kena sekami bun i pembinasa lun sa unan a (di pan gauma) i gay a mawli, atawa sekami bun i sumiksa kanu taw nin sa siksa a mapasang, langun a entuba na lu sa Lawh Al-Mahfudh nakasulat.

আয়াত: 59

وَمَا مَنَعَنَآ أَن نُّرۡسِلَ بِٱلۡأٓيَٰتِ إِلَّآ أَن كَذَّبَ بِهَا ٱلۡأَوَّلُونَۚ وَءَاتَيۡنَا ثَمُودَ ٱلنَّاقَةَ مُبۡصِرَةٗ فَظَلَمُواْ بِهَاۚ وَمَا نُرۡسِلُ بِٱلۡأٓيَٰتِ إِلَّا تَخۡوِيفٗا

Endu danakasapal sa lekami sa papaytan nami silan sa siksa, ya tabiya na kinapandalbut u nangauna kanilan, endu inenggay nami kanu (taw) nu Thamud su unta a babay a kaylay sa mapayag na pindupangan nilan (sinumbali), endu da kapedsugu nami kanu manga siksa kanu dupang, ya tabiya na ipapegkagilek.

আয়াত: 60

وَإِذۡ قُلۡنَا لَكَ إِنَّ رَبَّكَ أَحَاطَ بِٱلنَّاسِۚ وَمَا جَعَلۡنَا ٱلرُّءۡيَا ٱلَّتِيٓ أَرَيۡنَٰكَ إِلَّا فِتۡنَةٗ لِّلنَّاسِ وَٱلشَّجَرَةَ ٱلۡمَلۡعُونَةَ فِي ٱلۡقُرۡءَانِۚ وَنُخَوِّفُهُمۡ فَمَا يَزِيدُهُمۡ إِلَّا طُغۡيَٰنٗا كَبِيرٗا

Endu pidtalu nami salka su kadenan nengka na langkap kanu manga taw, endu dala nami baluya su ganga-ilay a inipailay nami sa leka (kanu mi'raj) ya tabiya na fitnah (ipembatalu) kanu manga taw, endu su kayu a namulkan san sa Qur’an (zaqqum), endu papegkagilekan nami silan, na dala nakawman kanilan (kapaginugut)ya tabiya na kinandupang a masla.

আয়াত: 61

وَإِذۡ قُلۡنَا لِلۡمَلَٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ قَالَ ءَأَسۡجُدُ لِمَنۡ خَلَقۡتَ طِينٗا

Endu labit ka kanilan su kinadtalu nami kanu malaikat sa sujudi nu si Adam, na sinumugyud silan ya tabiya na si Iblis, ka yanin pidtalu: enduken ka paka-sugyud aku sa yanin asal na lupa?

আয়াত: 62

قَالَ أَرَءَيۡتَكَ هَٰذَا ٱلَّذِي كَرَّمۡتَ عَلَيَّ لَئِنۡ أَخَّرۡتَنِ إِلَىٰ يَوۡمِ ٱلۡقِيَٰمَةِ لَأَحۡتَنِكَنَّ ذُرِّيَّتَهُۥٓ إِلَّا قَلِيلٗا

Tig nu Iblis: ipailay nengka salaki kadenan ku i namba pinakapulu nengka anan salaki ka amayka pakalendun nengka i umur ku taman sa gay a mawli na tadingeng ku i manga mawli a taw nin, ya tabiya na paydu bu kanilan (i diku matading).

আয়াত: 63

قَالَ ٱذۡهَبۡ فَمَن تَبِعَكَ مِنۡهُمۡ فَإِنَّ جَهَنَّمَ جَزَآؤُكُمۡ جَزَآءٗ مَّوۡفُورٗا

(Tig nu Allah): lu ka den ka entayn i munut sa lekana saben-sabenal su naraka jahannam i balas nu a balas a dala kulangin.

আয়াত: 64

وَٱسۡتَفۡزِزۡ مَنِ ٱسۡتَطَعۡتَ مِنۡهُم بِصَوۡتِكَ وَأَجۡلِبۡ عَلَيۡهِم بِخَيۡلِكَ وَرَجِلِكَ وَشَارِكۡهُمۡ فِي ٱلۡأَمۡوَٰلِ وَٱلۡأَوۡلَٰدِ وَعِدۡهُمۡۚ وَمَا يَعِدُهُمُ ٱلشَّيۡطَٰنُ إِلَّا غُرُورًا

Endu enggat ka i magaga nengka kanilan kanu suwara nengka (manga sengal/music, langun a supak sa Allah), endu tawag ka silan kanu (tantara) a pakukuda nengka endu su pelalakaw (a pembunu kanu manga mu'min) endu amungi ka silan kanu manga tamuk ilan (pantiyali a haram) endu su manga wata nilan (ka bagusal kanu babay sa haram) endu pagakali ka den silan, ka da kapadulatan nu Shaytan ya tabiya na su sya bu i atay nin sa dunya.

আয়াত: 65

إِنَّ عِبَادِي لَيۡسَ لَكَ عَلَيۡهِمۡ سُلۡطَٰنٞۚ وَكَفَىٰ بِرَبِّكَ وَكِيلٗا

(Tig nu Allah): saben-sabenal su ulipen ku na da lalan nengka kanilan (Shaytan) a mabagel sa katading nengka kanilan, ka su kadenan nengka i pedtuldu kanilan.

আয়াত: 66

رَّبُّكُمُ ٱلَّذِي يُزۡجِي لَكُمُ ٱلۡفُلۡكَ فِي ٱلۡبَحۡرِ لِتَبۡتَغُواْ مِن فَضۡلِهِۦٓۚ إِنَّهُۥ كَانَ بِكُمۡ رَحِيمٗا

Su kadenan nu i pabpagiseg sa lekanu kanu bageda nu sya sa lagat ka mapangilay nu su limu nin, ka sekanin a Allah na malimu gayd sa lekanu.

আয়াত: 67

وَإِذَا مَسَّكُمُ ٱلضُّرُّ فِي ٱلۡبَحۡرِ ضَلَّ مَن تَدۡعُونَ إِلَّآ إِيَّاهُۖ فَلَمَّا نَجَّىٰكُمۡ إِلَى ٱلۡبَرِّ أَعۡرَضۡتُمۡۚ وَكَانَ ٱلۡإِنسَٰنُ كَفُورًا

Endu amayka kagilekan kanu sa kakagem sya sa lagat, na natading su pedsimbanu ya tabiya na su Allah, guna kanu nin belepasa (kanu kapegkageled) ini-lu kanu sa kapuluwan, na sinemakutu kanu menem, endu ya ka-aden nu manusya na madakel i kakafirin.

আয়াত: 68

أَفَأَمِنتُمۡ أَن يَخۡسِفَ بِكُمۡ جَانِبَ ٱلۡبَرِّ أَوۡ يُرۡسِلَ عَلَيۡكُمۡ حَاصِبٗا ثُمَّ لَا تَجِدُواْ لَكُمۡ وَكِيلًا

Pakagedam kanu sa kalilintad sa dakanu makageled sa lagat, na da kanu malepas sya tampal sa kapuluwan (lupa), atawa ka masugat kanu na sambel (sa apiya da kanu bun makageled sa lagat), mawli na dala bun maparuli nu a tumuldu sa lekanu a salakaw sa Allah.

আয়াত: 69

أَمۡ أَمِنتُمۡ أَن يُعِيدَكُمۡ فِيهِ تَارَةً أُخۡرَىٰ فَيُرۡسِلَ عَلَيۡكُمۡ قَاصِفٗا مِّنَ ٱلرِّيحِ فَيُغۡرِقَكُم بِمَا كَفَرۡتُمۡ ثُمَّ لَا تَجِدُواْ لَكُمۡ عَلَيۡنَا بِهِۦ تَبِيعٗا

Atawa da kanu bun malepas u pambalinganen kanu nin sa makaisa, na patibpuan kanu nin sa sambel a mabagel sa ibayug kanu nin sa pageleden kanu nin kanu kapegkafir nu, mawli na dala mapaluli nu a makasapal sa lekami (manga taw a semuli sa lekami).

আয়াত: 70

۞ وَلَقَدۡ كَرَّمۡنَا بَنِيٓ ءَادَمَ وَحَمَلۡنَٰهُمۡ فِي ٱلۡبَرِّ وَٱلۡبَحۡرِ وَرَزَقۡنَٰهُم مِّنَ ٱلطَّيِّبَٰتِ وَفَضَّلۡنَٰهُمۡ عَلَىٰ كَثِيرٖ مِّمَّنۡ خَلَقۡنَا تَفۡضِيلٗا

Endu saben-sabenal a inipulu nami su tupu nu Adam, pinapageda nami silan sa kapuluwan endu lagat, endu rinizkiyan nami silan sa manga mapiya, endu inilabi nami silan kanu madakel a binaluy nami sa sampulna a kinalabi.

আয়াত: 71

يَوۡمَ نَدۡعُواْ كُلَّ أُنَاسِۭ بِإِمَٰمِهِمۡۖ فَمَنۡ أُوتِيَ كِتَٰبَهُۥ بِيَمِينِهِۦ فَأُوْلَٰٓئِكَ يَقۡرَءُونَ كِتَٰبَهُمۡ وَلَا يُظۡلَمُونَ فَتِيلٗا

Su gay a tawagen nami i umani-isa kanu inunutan nin, na su (taw) a inenggay nami sa lekanin su kitab nin tampal sa kawananin na silan na batyan nilan su kitab nilan sa mapiya, endu di silan madsalimbut sa apiya paydu.

আয়াত: 72

وَمَن كَانَ فِي هَٰذِهِۦٓ أَعۡمَىٰ فَهُوَ فِي ٱلۡأٓخِرَةِ أَعۡمَىٰ وَأَضَلُّ سَبِيلٗا

Endu su taw a pisek sya sa dunya (di nin mailay su limu nu Allah) na sekanin lu sa akhirat na pisek bun sa lalan.

আয়াত: 73

وَإِن كَادُواْ لَيَفۡتِنُونَكَ عَنِ ٱلَّذِيٓ أَوۡحَيۡنَآ إِلَيۡكَ لِتَفۡتَرِيَ عَلَيۡنَا غَيۡرَهُۥۖ وَإِذٗا لَّٱتَّخَذُوكَ خَلِيلٗا

Endu saben-sabenal a sinupegan nilan i ka- fitnah sa leka (Muhammad) kanu ini-wahi nami sa leka (Qur’an) ka endu kami nengka kadtebuan sa salakaw kanu wahi, na u nakwa kanilan bu na seka i kalilinyan nilan a tagapeda nilan.

আয়াত: 74

وَلَوۡلَآ أَن ثَبَّتۡنَٰكَ لَقَدۡ كِدتَّ تَرۡكَنُ إِلَيۡهِمۡ شَيۡـٔٗا قَلِيلًا

Endu u di kena nami bu seka tinigel na saben- sabenal a paydu bu ged i dala nengka kasalig kanilan.

আয়াত: 75

إِذٗا لَّأَذَقۡنَٰكَ ضِعۡفَ ٱلۡحَيَوٰةِ وَضِعۡفَ ٱلۡمَمَاتِ ثُمَّ لَا تَجِدُ لَكَ عَلَيۡنَا نَصِيرٗا

U nanggula nengka bu su atulan nilan na matakep i siksa nengka sa dunya, endu siksa nengka sa gay a mawli, mawli na dala mapaluli nengka a tumabang sa leka.

আয়াত: 76

وَإِن كَادُواْ لَيَسۡتَفِزُّونَكَ مِنَ ٱلۡأَرۡضِ لِيُخۡرِجُوكَ مِنۡهَاۖ وَإِذٗا لَّا يَلۡبَثُونَ خِلَٰفَكَ إِلَّا قَلِيلٗا

Endu sinupegan (panginggileken) ka nilan, ka endu ka nilan makapalyu sa kanu lupa (Makkah), ugayd na kiyug nu Allah i kinaganat nengka, endu dala bun kawgeti silan sa ulyan a kinaganat nengka. (nabunu silan sa Bad'r).

আয়াত: 77

سُنَّةَ مَن قَدۡ أَرۡسَلۡنَا قَبۡلَكَ مِن رُّسُلِنَاۖ وَلَا تَجِدُ لِسُنَّتِنَا تَحۡوِيلًا

Mamba i ukit nu Allah kanu sinugu nin a nawna sa leka (Muhammad) endu dala mapaluli nengka kanu ukit nami a makasibay.

আয়াত: 78

أَقِمِ ٱلصَّلَوٰةَ لِدُلُوكِ ٱلشَّمۡسِ إِلَىٰ غَسَقِ ٱلَّيۡلِ وَقُرۡءَانَ ٱلۡفَجۡرِۖ إِنَّ قُرۡءَانَ ٱلۡفَجۡرِ كَانَ مَشۡهُودٗا

Itindeg nengka su sambayang sa kapulid a senang taman sa kasedep na senang (dhuhur, as'r, maghrib, isha) endu (batya ka) su Qur’an kanu faj'r (sambayang a sub'h) ka su Qur’an sya kanu faj'r (kadsambayang sa sub'h) na pedsaksiyan nu manga malaikat.

আয়াত: 79

وَمِنَ ٱلَّيۡلِ فَتَهَجَّدۡ بِهِۦ نَافِلَةٗ لَّكَ عَسَىٰٓ أَن يَبۡعَثَكَ رَبُّكَ مَقَامٗا مَّحۡمُودٗا

Endu su ped kanu magabi na tahajjud ka ka sunnat sa leka, ka di ebplis na pambuwaten ka nu kadenan nengka sa mapulu a pangkatan (lu sa surga).

আয়াত: 80

وَقُل رَّبِّ أَدۡخِلۡنِي مُدۡخَلَ صِدۡقٖ وَأَخۡرِجۡنِي مُخۡرَجَ صِدۡقٖ وَٱجۡعَل لِّي مِن لَّدُنكَ سُلۡطَٰنٗا نَّصِيرٗا

Endu edtalu ka i kadenan ku paludep aku sa beludepan a benal (sa Madinah) endu palyu aku sa belyuwan a benal (Makkah) endu enggiya ko ebpun sa leka sa tindeg a bagel a makatabang sa laki.

আয়াত: 81

وَقُلۡ جَآءَ ٱلۡحَقُّ وَزَهَقَ ٱلۡبَٰطِلُۚ إِنَّ ٱلۡبَٰطِلَ كَانَ زَهُوقٗا

Endu edtalu ka i nakawma su bantang na mailang (mapunas) su baatil, ka su baatil na andang a mapunas.

আয়াত: 82

وَنُنَزِّلُ مِنَ ٱلۡقُرۡءَانِ مَا هُوَ شِفَآءٞ وَرَحۡمَةٞ لِّلۡمُؤۡمِنِينَ وَلَا يَزِيدُ ٱلظَّٰلِمِينَ إِلَّا خَسَارٗا

Endu ipedtulun nami ebpun kanu Qur’an i makauli (makagamut) sa dalu, endu limu kanu manga mu'min, endu dala maka-uman kanu manga tading a salakaw sa kalugyan.

আয়াত: 83

وَإِذَآ أَنۡعَمۡنَا عَلَى ٱلۡإِنسَٰنِ أَعۡرَضَ وَنَـَٔا بِجَانِبِهِۦ وَإِذَا مَسَّهُ ٱلشَّرُّ كَانَ يَـُٔوسٗا

Endu amayka inikalimu nami su manusya (a di bangimbenal) na tumaligkud atawa tumangkili sa kadsukur sa Allah amayka dinumalu atawa nakamutu na tinebpekan.

আয়াত: 84

قُلۡ كُلّٞ يَعۡمَلُ عَلَىٰ شَاكِلَتِهِۦ فَرَبُّكُمۡ أَعۡلَمُ بِمَنۡ هُوَ أَهۡدَىٰ سَبِيلٗا

Edtalu ka i umani-isa na enggalebeken nin endaw i nalayamanin, na su Kadenan nu i mataw kanu naka-tuntul sa lalan.

আয়াত: 85

وَيَسۡـَٔلُونَكَ عَنِ ٱلرُّوحِۖ قُلِ ٱلرُّوحُ مِنۡ أَمۡرِ رَبِّي وَمَآ أُوتِيتُم مِّنَ ٱلۡعِلۡمِ إِلَّا قَلِيلٗا

Endu su ibagidsa nilan sa leka a ngyawa, edtaluka su ngyawa na su Allah i mataw lun, endu dakanu enggay sa kataw, ya tabiya na paydu gayd.

আয়াত: 86

وَلَئِن شِئۡنَا لَنَذۡهَبَنَّ بِٱلَّذِيٓ أَوۡحَيۡنَآ إِلَيۡكَ ثُمَّ لَا تَجِدُ لَكَ بِهِۦ عَلَيۡنَا وَكِيلًا

Endu amayka nagkahanda nami i iyawa nami su kataw a wahi nami sa leka (su Qur’an) na dala maparuli nengka a kasaligan nengka lun sa kambalinganin.

আয়াত: 87

إِلَّا رَحۡمَةٗ مِّن رَّبِّكَۚ إِنَّ فَضۡلَهُۥ كَانَ عَلَيۡكَ كَبِيرٗا

Ya tabya na limu ebpun sa Kadenan nengka, saben-sabenal su kalimu nin sa leka na sangat i kasla nin.

আয়াত: 88

قُل لَّئِنِ ٱجۡتَمَعَتِ ٱلۡإِنسُ وَٱلۡجِنُّ عَلَىٰٓ أَن يَأۡتُواْ بِمِثۡلِ هَٰذَا ٱلۡقُرۡءَانِ لَا يَأۡتُونَ بِمِثۡلِهِۦ وَلَوۡ كَانَ بَعۡضُهُمۡ لِبَعۡضٖ ظَهِيرٗا

Edtalu ka kanilan sa apya embulig su manusya endu su jin sa mapambuat silan sa pagidsan nu Qur’an na di nilan magaga i pagidsanin, apiya pan su sabad kanilan na midtatabanga den silan.

আয়াত: 89

وَلَقَدۡ صَرَّفۡنَا لِلنَّاسِ فِي هَٰذَا ٱلۡقُرۡءَانِ مِن كُلِّ مَثَلٖ فَأَبَىٰٓ أَكۡثَرُ ٱلنَّاسِ إِلَّا كُفُورٗا

Endu saben-sabenal a pidtinatad nami san sa Qur’an kanu manga taw i langun a ibaratan, na menda bun su kadakelan kanilan (di tumalima) ya tabiya na kagkafir bu.

আয়াত: 90

وَقَالُواْ لَن نُّؤۡمِنَ لَكَ حَتَّىٰ تَفۡجُرَ لَنَا مِنَ ٱلۡأَرۡضِ يَنۢبُوعًا

Endu pidtalu nilan i di nami pangimbenalen seka (Muhammad) taman a di nengka makapambuat sa lekami kanu lupa i manga buwal na ig.

আয়াত: 91

أَوۡ تَكُونَ لَكَ جَنَّةٞ مِّن نَّخِيلٖ وَعِنَبٖ فَتُفَجِّرَ ٱلۡأَنۡهَٰرَ خِلَٰلَهَا تَفۡجِيرًا

Atawa ka ma-aden sa leka i pamulan a kayu kulma endu teneb, endu pambuat ka i manga lawas a ig kanu pamageletan nu pamulan nengka.

আয়াত: 92

أَوۡ تُسۡقِطَ ٱلسَّمَآءَ كَمَا زَعَمۡتَ عَلَيۡنَا كِسَفًا أَوۡ تَأۡتِيَ بِٱللَّهِ وَٱلۡمَلَٰٓئِكَةِ قَبِيلًا

Atawa palundusi kami sa langit, atawa ka pambuat ka su Kadenan nengka endu su manga malaikat sa manga mapayag.

আয়াত: 93

أَوۡ يَكُونَ لَكَ بَيۡتٞ مِّن زُخۡرُفٍ أَوۡ تَرۡقَىٰ فِي ٱلسَّمَآءِ وَلَن نُّؤۡمِنَ لِرُقِيِّكَ حَتَّىٰ تُنَزِّلَ عَلَيۡنَا كِتَٰبٗا نَّقۡرَؤُهُۥۗ قُلۡ سُبۡحَانَ رَبِّي هَلۡ كُنتُ إِلَّا بَشَرٗا رَّسُولٗا

Atawa ka ma-aden sa leka walay a dala pagidsanin sa kapiya atawa pusug ka sa langit, na di nami bun pangimbenalen i nakapusug ka sa langit, taman a di nengka makapatulun i kitab a batyan nami, edtalu ka (O Muhammad): mahasuti su Kadenan ku, ka dala sa laki (inan) ya tabiya na manusya aku bu a sinugu.

আয়াত: 94

وَمَا مَنَعَ ٱلنَّاسَ أَن يُؤۡمِنُوٓاْ إِذۡ جَآءَهُمُ ٱلۡهُدَىٰٓ إِلَّآ أَن قَالُوٓاْ أَبَعَثَ ٱللَّهُ بَشَرٗا رَّسُولٗا

Endu dala nakasapal kanu manga taw sa kapangimbenal kanu kinauma nu tutulu kanilan ya tabiya na pidtalu nilan na napambuat besen su Allah sa manusya a sinugu (ibagumpak a kadtalu)?

আয়াত: 95

قُل لَّوۡ كَانَ فِي ٱلۡأَرۡضِ مَلَٰٓئِكَةٞ يَمۡشُونَ مُطۡمَئِنِّينَ لَنَزَّلۡنَا عَلَيۡهِم مِّنَ ٱلسَّمَآءِ مَلَكٗا رَّسُولٗا

Edtalu ka kanilan u mana bu ka malaikat bu i taw na lupa a lumalakaw sa tumatana, na ya nami bun patulunen kanilan ebpun sa langit na malaikat bun i sugun nami.

আয়াত: 96

قُلۡ كَفَىٰ بِٱللَّهِ شَهِيدَۢا بَيۡنِي وَبَيۡنَكُمۡۚ إِنَّهُۥ كَانَ بِعِبَادِهِۦ خَبِيرَۢا بَصِيرٗا

Edtalu ka su Allah i saksi kanu pageletanu, ka sekanin (Allah) na katawanin su manga ulipenin a pakailay kanilan

আয়াত: 97

وَمَن يَهۡدِ ٱللَّهُ فَهُوَ ٱلۡمُهۡتَدِۖ وَمَن يُضۡلِلۡ فَلَن تَجِدَ لَهُمۡ أَوۡلِيَآءَ مِن دُونِهِۦۖ وَنَحۡشُرُهُمۡ يَوۡمَ ٱلۡقِيَٰمَةِ عَلَىٰ وُجُوهِهِمۡ عُمۡيٗا وَبُكۡمٗا وَصُمّٗاۖ مَّأۡوَىٰهُمۡ جَهَنَّمُۖ كُلَّمَا خَبَتۡ زِدۡنَٰهُمۡ سَعِيرٗا

Endu su taw a tinutulu nu Allah na entuba i nakatuntul, endu su tadingenin na dala mapaluli nengka kanilan a tumuganul a salakaw sa Allah, endu buligen nami silan sa gay a mawli sa ibaguna i biyas nilan sa naraka sa pisek a maw a bisu, kandalepan nilan i naraka uman mapandeng (su apuy) na umanan menem sa kayaw.

আয়াত: 98

ذَٰلِكَ جَزَآؤُهُم بِأَنَّهُمۡ كَفَرُواْ بِـَٔايَٰتِنَا وَقَالُوٓاْ أَءِذَا كُنَّا عِظَٰمٗا وَرُفَٰتًا أَءِنَّا لَمَبۡعُوثُونَ خَلۡقٗا جَدِيدًا

Entu ba i balas nilan kagina migkafir silan kanu manga ayatan nami, pidtalu nilan sa u nalupet su tulan tanu endu libubuk (tanu) na makambuat tanu pamun sa bagu mawatan a manggula intu.

আয়াত: 99

۞ أَوَلَمۡ يَرَوۡاْ أَنَّ ٱللَّهَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ قَادِرٌ عَلَىٰٓ أَن يَخۡلُقَ مِثۡلَهُمۡ وَجَعَلَ لَهُمۡ أَجَلٗا لَّا رَيۡبَ فِيهِ فَأَبَى ٱلظَّٰلِمُونَ إِلَّا كُفُورٗا

Ngintu da nilan mailay su Allah na binaluy nin su manga langit endu su lupa, a magaga nin mumbal i pagidsan nilan, endu binaluy nu Allah kanilan i tadtab a da kabplis nin na mauma (gay a mawli) na minenda su baradusa (da palityala) ya tabiya na sinemupak silan.

আয়াত: 100

قُل لَّوۡ أَنتُمۡ تَمۡلِكُونَ خَزَآئِنَ رَحۡمَةِ رَبِّيٓ إِذٗا لَّأَمۡسَكۡتُمۡ خَشۡيَةَ ٱلۡإِنفَاقِۚ وَكَانَ ٱلۡإِنسَٰنُ قَتُورٗا

Edtalu ka (Muhammad): u mana bu ka kagkiyug- kiyugan su gunsi nu limu nu kadenan ku na kamalan nu (kapedta nu) sabap sa gilek sa kambaranggyay ka su manusya na masingit.

আয়াত: 101

وَلَقَدۡ ءَاتَيۡنَا مُوسَىٰ تِسۡعَ ءَايَٰتِۭ بَيِّنَٰتٖۖ فَسۡـَٔلۡ بَنِيٓ إِسۡرَٰٓءِيلَ إِذۡ جَآءَهُمۡ فَقَالَ لَهُۥ فِرۡعَوۡنُ إِنِّي لَأَظُنُّكَ يَٰمُوسَىٰ مَسۡحُورٗا

Endu saben-sabenal a inenggay nami kanu Musa i siyaw ka biyas a manga tanda a manga mapayag, na idsa nengka kanu tupu nu Israel su kutika a nakawma kanilan si Musa na ya pidtalu ni Fir’awn: saki Musa na bagantapen ko seka sa nasugat kana si'hr (pakayd).

আয়াত: 102

قَالَ لَقَدۡ عَلِمۡتَ مَآ أَنزَلَ هَٰٓؤُلَآءِ إِلَّا رَبُّ ٱلسَّمَٰوَٰتِ وَٱلۡأَرۡضِ بَصَآئِرَ وَإِنِّي لَأَظُنُّكَ يَٰفِرۡعَوۡنُ مَثۡبُورٗا

Tig nu Musa: natawan nengka i dala nangaden kanu siyaw kabiyas ya tabiya na su kadenan nu manga langit endu su lupa sa manga tanda a kapeg-kagaga nu Allah? Endu bagantapen ku seka (Fir’awn) sa nalugi ka a nabinasa ka.

আয়াত: 103

فَأَرَادَ أَن يَسۡتَفِزَّهُم مِّنَ ٱلۡأَرۡضِ فَأَغۡرَقۡنَٰهُ وَمَن مَّعَهُۥ جَمِيعٗا

Endu nagkahanda (ni Fir’awn) i pawanin silan sa lupa (na Mis’r) na pinageled nami sekanin endu su manga pedin sa langun.

আয়াত: 104

وَقُلۡنَا مِنۢ بَعۡدِهِۦ لِبَنِيٓ إِسۡرَٰٓءِيلَ ٱسۡكُنُواْ ٱلۡأَرۡضَ فَإِذَا جَآءَ وَعۡدُ ٱلۡأٓخِرَةِ جِئۡنَا بِكُمۡ لَفِيفٗا

Endu pidtalu nami kanu tupu nu Israel kanu ulyanin i endalpa kanu sya sa lupa sa (Mis’r), na amayka makawma su pasad a gay a mawli na pambwaten nami sekanu a midsisimbul.

আয়াত: 105

وَبِٱلۡحَقِّ أَنزَلۡنَٰهُ وَبِٱلۡحَقِّ نَزَلَۗ وَمَآ أَرۡسَلۡنَٰكَ إِلَّا مُبَشِّرٗا وَنَذِيرٗا

Endu initulun nami su bantang (Qur’an) endu sabap sa bantang na inibaba nami, endu dala kinasugu nami sa leka (Muhammad) ya tabiya na mapakalilini endu mapakagilek.

আয়াত: 106

وَقُرۡءَانٗا فَرَقۡنَٰهُ لِتَقۡرَأَهُۥ عَلَى ٱلنَّاسِ عَلَىٰ مُكۡثٖ وَنَزَّلۡنَٰهُ تَنزِيلٗا

Endu su Qur’an na pinayagan nami (sa mapiya-mawag / halal-haram) ka endu nengka mabatya kanu manga taw sa malanat, endu pinatulun nami sa paydu-paydu.

আয়াত: 107

قُلۡ ءَامِنُواْ بِهِۦٓ أَوۡ لَا تُؤۡمِنُوٓاْۚ إِنَّ ٱلَّذِينَ أُوتُواْ ٱلۡعِلۡمَ مِن قَبۡلِهِۦٓ إِذَا يُتۡلَىٰ عَلَيۡهِمۡ يَخِرُّونَۤ لِلۡأَذۡقَانِۤ سُجَّدٗاۤ

Edtalu ka: pangimbenal kanu atawa di, na di kakulangan su manga taw a natawan nilan su Qur’an sa kanu nauna pan, na amayka batyan kanilan na makambaba silan sa kasugyud sa Allah.

আয়াত: 108

وَيَقُولُونَ سُبۡحَٰنَ رَبِّنَآ إِن كَانَ وَعۡدُ رَبِّنَا لَمَفۡعُولٗا

Endu ya nilan edtalun na mahasutie su Kadenan nami, na saben-sabenal kanu pasad nu Kadenan nami na manggula.

আয়াত: 109

وَيَخِرُّونَ لِلۡأَذۡقَانِ يَبۡكُونَ وَيَزِيدُهُمۡ خُشُوعٗا۩

Endu imbaba nilan su biyas ilan a bagulyang, endu kadsisinggumanan silan sa gilek sa Allah.

আয়াত: 110

قُلِ ٱدۡعُواْ ٱللَّهَ أَوِ ٱدۡعُواْ ٱلرَّحۡمَٰنَۖ أَيّٗا مَّا تَدۡعُواْ فَلَهُ ٱلۡأَسۡمَآءُ ٱلۡحُسۡنَىٰۚ وَلَا تَجۡهَرۡ بِصَلَاتِكَ وَلَا تُخَافِتۡ بِهَا وَٱبۡتَغِ بَيۡنَ ذَٰلِكَ سَبِيلٗا

Edtalu ka i tawag nu su Allah, atawa Al-Rahman, apiya ngin den i ngalanin a itawagu lun na lekanin su manga ngala a mapiya, endu di ka gayd mapaka-tanug i kan-du’a nengka, endu di ka menem ped-sulen na ya ka enggula na pageletan na matanug endu di kena matanug.

আয়াত: 111

وَقُلِ ٱلۡحَمۡدُ لِلَّهِ ٱلَّذِي لَمۡ يَتَّخِذۡ وَلَدٗا وَلَمۡ يَكُن لَّهُۥ شَرِيكٞ فِي ٱلۡمُلۡكِ وَلَمۡ يَكُن لَّهُۥ وَلِيّٞ مِّنَ ٱلذُّلِّۖ وَكَبِّرۡهُ تَكۡبِيرَۢا

Endu edtalu ka i langun a pugi endu ped-sukuran na lekanin a Allah, da makambata, endu da tagapedanin kanu kapegkagaga nin (kadatu nin), endu dala sa lekanin i wali (pedtabang endu pedsaligan) endu pakasla ka sekanin sa sampulna a kapapegkasla.