অৰ্থানুবাদ ছুৰা আন-নাবা' - আল-মুখতাচাৰ ফী তাফছীৰিল কোৰআনিল কাৰীমৰ কিৰগিজ অনুবাদ - আল-কোৰআনুল কাৰীমৰ বিশ্বকোষ

Наба

ছুৰাৰ উদ্দেশ্য:

بيان أدلة القدرة على البعث والتخويف من العاقبة.

Кайра тирилтүүгө кудуреттүү экендигине далилдерди баяндоо жана акыбеттин жаман болуп калуусун эскертип коркутуу.

---

আয়াত: 1

عَمَّ يَتَسَآءَلُونَ

Аллах мушриктерге Өз элчисин жибергенден кийин алар бири-биринен эмне тууралуу сурап жатышат?

আয়াত: 2

عَنِ ٱلنَّبَإِ ٱلۡعَظِيمِ

Алар бири-биринен улуу Кабар тууралуу сурап жатышат. Ал алардын пайгамбарына түшүрүлгөн, өзүнө кайра тирилүүнү камтыган – бул Куран.

আয়াত: 3

ٱلَّذِي هُمۡ فِيهِ مُخۡتَلِفُونَ

Алар талашып-тартышкан бул Куранды сыйкыр же поэзия же төлгөчүлүк же байыркылардын уламыштары деп сыпатташат.

আয়াত: 4

كَلَّا سَيَعۡلَمُونَ

Абал алар ойлогондой эмес! Куранды жалганга чыгаргандар жакында жалгандарынын акыбети жаман болорун билишет.

আয়াত: 5

ثُمَّ كَلَّا سَيَعۡلَمُونَ

Андан соң аларга аны дагы баса белгиледи.

আয়াত: 6

أَلَمۡ نَجۡعَلِ ٱلۡأَرۡضَ مِهَٰدٗا

Биз алар үчүн жерди турукташууга ылайыктуу тегиз кылып койбодукпу?

আয়াত: 7

وَٱلۡجِبَالَ أَوۡتَادٗا

Ал силкилдебеш үчүн анын үстүнө тоолорду казык кылдабыкпы?

আয়াত: 8

وَخَلَقۡنَٰكُمۡ أَزۡوَٰجٗا

Оо, адамдар! Биз силерди ар кандай түрдө жараттык, араңарда эркектер жана аялдар бар.

আয়াত: 9

وَجَعَلۡنَا نَوۡمَكُمۡ سُبَاتٗا

Силер тиричиликти токтотуп эс алууңар үчүн уйкуңарды кылдык.

আয়াত: 10

وَجَعَلۡنَا ٱلَّيۡلَ لِبَاسٗا

Жана силер үчүн караңгы түндү уяттуу жериңерди жапкан кийим сыяктуу тосмо кылдык.

আয়াত: 11

وَجَعَلۡنَا ٱلنَّهَارَ مَعَاشٗا

Ал эми күндүздү жумуш кылуу жана ырыскы издөө үчүн майдан кылдык.

আয়াত: 12

وَبَنَيۡنَا فَوۡقَكُمۡ سَبۡعٗا شِدَادٗا

Жана силердин үстүңөргө бекем курулуштагы жана кынтыксыз жасалыштагы жети асманды курдук.

আয়াত: 13

وَجَعَلۡنَا سِرَاجٗا وَهَّاجٗا

Жана Күндү абдан жалындап жаркыраган чырак кылдык.

আয়াত: 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Жана жамгыр жаай турган мезгили келген булуттардан нөшөрлөп куюлган суу түшүрдүк.

আয়াত: 15

لِّنُخۡرِجَ بِهِۦ حَبّٗا وَنَبَاتٗا

Аны менен ар кандай түрдөгү дандарды жана өсүмдүктөрдү чыгаруу үчүн.

আয়াত: 16

وَجَنَّٰتٍ أَلۡفَافًا

Жана бак-дарактарынын бутактары бири-бирине кирип чырмалышкан бакчаларды чыгаруу үчүн.

আয়াত: 17

إِنَّ يَوۡمَ ٱلۡفَصۡلِ كَانَ مِيقَٰتٗا

Макулуктардын ортосун ажыратуучу күн кечикпестен келе турган бир убакытка белгиленген.

আয়াত: 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

Ал күнү периште экинчи жолу кернейди тартат. Оо, адамдар! Ошондо силер топ-топ болуп келесиңер.

আয়াত: 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا

Асман ачылып, анда ачылган эшиктер сыяктуу тешиктер пайда болот.

আয়াত: 20

وَسُيِّرَتِ ٱلۡجِبَالُ فَكَانَتۡ سَرَابًا

Тоолор жылып, бырыксыган чаңга айланат жана закым сыяктуу болуп калат.

আয়াত: 21

إِنَّ جَهَنَّمَ كَانَتۡ مِرۡصَادٗا

Чындыгында тозок аңдып күтүп туруучу.

আয়াত: 22

لِّلطَّٰغِينَ مَـَٔابٗا

Жана залымдар кайтып баруучу жай.

আয়াত: 23

لَّٰبِثِينَ فِيهَآ أَحۡقَابٗا

Алар ал жакта акыры жок замандар жана кылымдар бою калышат.

আয়াত: 24

لَّا يَذُوقُونَ فِيهَا بَرۡدٗا وَلَا شَرَابًا

Алар ал жакта тозоктун ысыгын муздаткан салкын абаны да, моокумду кандырган суусундукту да татышпайт.

আয়াত: 25

إِلَّا حَمِيمٗا وَغَسَّاقٗا

Алар өтө ысык сууну жана тозоктогулардан аккан ириңди гана татышат.

আয়াত: 26

جَزَآءٗ وِفَاقًا

Бул алардын каапырлыгына жана адашуусуна ылайыктуу жаза!

আয়াত: 27

إِنَّهُمۡ كَانُواْ لَا يَرۡجُونَ حِسَابٗا

Чындыгында алар дүйнөдө Аллахтын акыреттеги сурагынан коркушкан эмес. Анткени алар кайра тирилүүгө ишенишкен жок. Эгерде алар кайра тирилүүдөн корккондо, анда Аллахка ыйман келтирип, жакшылык иштерди кылышмак.

আয়াত: 28

وَكَذَّبُواْ بِـَٔايَٰتِنَا كِذَّابٗا

Жана алар элчибизге түшүргөн аяттарыбызды ачык түрдө жалганга чыгарышты.

আয়াত: 29

وَكُلَّ شَيۡءٍ أَحۡصَيۡنَٰهُ كِتَٰبٗا

Биз алардын иш-аракеттерине байланыштуу бардык нерселерди эсептеп тактап койдук. Ал алардын амал баракчаларында жазылган.

আয়াত: 30

فَذُوقُواْ فَلَن نَّزِيدَكُمۡ إِلَّا عَذَابًا

Эй, залымдар! Бул түбөлүктүү азапты таткыла! Эми Биз азабыңардын үстүнө азапты көбөйтөбүз.

এই পৃষ্ঠাৰ আয়াতসমূহৰ পৰা সংগৃহীত কিছুমান উপকাৰী তথ্য:

• إحكام الله للخلق دلالة على قدرته على إعادته.

Аллахтын кынтыксыз жаратуусу – Анын кайра жаратууга болгон кудуреттүүлүгүнө далил болот.

• الطغيان سبب دخول النار.

Зулумдук кылуу тозокко кирүүгө себеп болот.

• مضاعفة العذاب على الكفار.

Каапырларга азаптын эселеп берилүүсү.

আয়াত: 31

إِنَّ لِلۡمُتَّقِينَ مَفَازًا

Чындыгында Раббисинин буйруктарын аткарып, тыйгандарын таштап Андан корккондор үчүн көздөгөндөрүнө жеткирген жеңиш орду бар, ал – бейиш.

আয়াত: 32

حَدَآئِقَ وَأَعۡنَٰبٗا

Бакчалар жана жүзүмзарлар бар.

আয়াত: 33

وَكَوَاعِبَ أَتۡرَابٗا

Бирдей курактагы көкүрөгү тирсийген селкилер бар.

আয়াত: 34

وَكَأۡسٗا دِهَاقٗا

Мелтилдеген шарап кеселер бар.

আয়াত: 35

لَّا يَسۡمَعُونَ فِيهَا لَغۡوٗا وَلَا كِذَّٰبٗا

Алар бейиште жалган жана калп сөздөрдү угушпайт жана бири-бирине жалган да айтышпайт.

আয়াত: 36

جَزَآءٗ مِّن رَّبِّكَ عَطَآءً حِسَابٗا

Мына ушулардын баарысы Аллахтын аларга берген жетиштүү белеги жана сыйлыгы.

আয়াত: 37

رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا

Ал – асмандар менен жердин жана алардын ортосунда нерселердин Раббиси, дүйнөнүн жана акыреттин Ырайымдуусу. Ал уруксат бермейинче, жердегилердин же асмандагылардын эч кимиси Андан сурай албайт.

আয়াত: 38

يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا

Жебреил жана периштелер сап-сап болуп турган күнү Ырайымдуу шапаат кылууга уруксат бергендер гана башка бирөөгө шапаат кылуу тууралуу сүйлөй алат жана Аллахка гана сыйынууга чакырган сөз сыяктуу тууралыкты айтат.

আয়াত: 39

ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا

Силерге баяндалган бул нерсе – анын болорунда эч кандай шек-күмөнү болбогон күн. Ким ал күндө Аллахтын азабынан кутулууну кааласа, анда ага карай жолду тутунуп, Раббисин ыраазы кылган жакшылык иштерди кылсын.

আয়াত: 40

إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا

Оо, адамдар! Биз силерге жакында болуучу азапты эскерттик. Ал күндө адам баласы дүйнөдө кылган иштерин көрөт жана каапыр адам азаптан кутулууну тилеп мындай дейт: «Аттиң-ай! Кыямат күнү жаныбарларга «топуракка айлангыла!» деп айтылганда мен дагы аларга окшоп топуракка айланып кетсем кана!».

এই পৃষ্ঠাৰ আয়াতসমূহৰ পৰা সংগৃহীত কিছুমান উপকাৰী তথ্য:

• التقوى سبب دخول الجنة.

Такыбалык – бейишке кирүүгө себеп болот.

• تذكر أهوال القيامة دافع للعمل الصالح.

Кыямат коркунучтарын эстөө – жакшылык иштерге түрткү берет.

• قبض روح الكافر بشدّة وعنف، وقبض روح المؤمن برفق ولين.

Каапырдын жаны катаалдык жана оройлук менен алынат. Ал эми ыймандуунун жаны жеңилдик жана жумшактык менен алынат.