مەنالار تەرجىمىسى ئايەت 57 سۈرە غاپىر - قۇرئان كەرىم قىسقىچە تەپسىرىنىڭ ئۇيغۇرچە تەرجىمىسى - قۇرئان كەرىم ئىنىسكىلوپىدىيىسى

ئايەت: 57

لَخَلۡقُ ٱلسَّمَٰوَٰتِ وَٱلۡأَرۡضِ أَكۡبَرُ مِنۡ خَلۡقِ ٱلنَّاسِ وَلَٰكِنَّ أَكۡثَرَ ٱلنَّاسِ لَا يَعۡلَمُونَ

شۇنچىۋالا كاتتا ھەم چەكسىز ئاسمانلارنى ۋە زېمىننى يارىتىش ئەلۋەتتە ئىنسانلارنى يارىتىشتىن كۆپ قىيىندۇر. مۇشۇنداق كاتتا نەرسىلەرنى ياراتقان زات ھېساب ئېلىپ، جازا - مۇكاپات بېرىش ئۈچۈن ئۆلۈكلەرنى قەبرىلىرىدىن تىرىلدۈرۈپ چىقىرىشقا ئەلۋەتتە قادىردۇر. لېكىن ئىنسانلارنىڭ كۆپىنچىسى بۇنى بىلمەيدۇ، ئىبرەت ئالمايدۇ ھەمدە شۇنچىۋالا ئېنىق ئىشنىمۇ ئۆلگەندىن كېيىن قايتا تىرىلىشكە دەلىل قىلمايدۇ.

بۇ بەتتىكى ئايەتلەردىن ئېلىنغان مەزمۇنلار:

• نصر الله لرسله وللمؤمنين سُنَّة إلهية ثابتة.

ئاللاھنىڭ پەيغەمبەرلىرىگە ۋە مۆمىنلەرگە نۇسرەت ئاتا قىلىشى ئۆزگەرمەس ئىلاھىي قانۇنىيەتتۇر.

• اعتذار الظالم يوم القيامة لا ينفعه.

قىيامەت كۈنى زالىمنىڭ باھانە - سەۋەبلىرى ئۇنىڭغا ئەسقاتمايدۇ.

• أهمية الصبر في مواجهة الباطل.

خاتالىققا تاقابىل تۇرۇشتا سەۋرچانلىق ئىنتايىن مۇھىمدۇر.

• دلالة خلق السماوات والأرض على البعث؛ لأن من خلق ما هو عظيم قادر على إعادة الحياة إلى ما دونه.

ئاسمانلارنىڭ ۋە زېمىننىڭ يارىتىلىشى ئۆلگەندىن كېيىن قايتا تىرىلىشكە دالالەت قىلىدۇ. چۈنكى چوڭ نەرسىنى ياراتقان زات ئۇنىڭدىن كىچىك نەرسىلەرگە قايتا ھاياتلىق بېرىشكە قادىردۇر.