مەنالار تەرجىمىسى سۈرە مۇزەممىل - پىلىپىنچە (مەگىنداناۋ) تەرجىمىسى - رۇۋۋاد تەرجىمە مەركىزى - قۇرئان كەرىم ئىنىسكىلوپىدىيىسى

Al-Muzzammil

ئايەت: 1

يَٰٓأَيُّهَا ٱلۡمُزَّمِّلُ

Hay seka a migkumbung.

ئايەت: 2

قُمِ ٱلَّيۡلَ إِلَّا قَلِيلٗا

Tindeg ka kanu magabi (tahajud ka) sa paydu bu.

ئايەت: 3

نِّصۡفَهُۥٓ أَوِ ٱنقُصۡ مِنۡهُ قَلِيلًا

Sabad kanu magabi atawaka kulangi ka sa paydu.

ئايەت: 4

أَوۡ زِدۡ عَلَيۡهِ وَرَتِّلِ ٱلۡقُرۡءَانَ تَرۡتِيلًا

Atawaka umani ka, endu atul ka sa mapya i kabatya negka sa Qur’an.

ئايەت: 5

إِنَّا سَنُلۡقِي عَلَيۡكَ قَوۡلٗا ثَقِيلًا

Ka saben-sabenal a sekami na pelulanan nami seka sa kadtalu a mawgat.

ئايەت: 6

إِنَّ نَاشِئَةَ ٱلَّيۡلِ هِيَ أَشَدُّ وَطۡـٔٗا وَأَقۡوَمُ قِيلًا

Saben-sabenal su kambangun sa magabi na magayun gayd su dila kanu pusung, endu mapayag gayd i katuntay nu pusung kanu pembatyan nu dila.

ئايەت: 7

إِنَّ لَكَ فِي ٱلنَّهَارِ سَبۡحٗا طَوِيلٗا

Saben-sabenal aden sa leka kanu malamag i kanggalbek a malendu.

ئايەت: 8

وَٱذۡكُرِ ٱسۡمَ رَبِّكَ وَتَبَتَّلۡ إِلَيۡهِ تَبۡتِيلٗا

Endu tademi ka su ngala nu kadenan nengka endu pangalimbaban ka sa lekanin.

ئايەت: 9

رَّبُّ ٱلۡمَشۡرِقِ وَٱلۡمَغۡرِبِ لَآ إِلَٰهَ إِلَّا هُوَ فَٱتَّخِذۡهُ وَكِيلٗا

Na kadenan nu sebangan-sedepan, dala wagib a simban a salakaw sa lekanin, na baluy ka sekanin a saligan nengka.

ئايەت: 10

وَٱصۡبِرۡ عَلَىٰ مَا يَقُولُونَ وَٱهۡجُرۡهُمۡ هَجۡرٗا جَمِيلٗا

Endu edsabari ka su langun a pedtalun nilan endu tagak ka silan sa matilak.

ئايەت: 11

وَذَرۡنِي وَٱلۡمُكَذِّبِينَ أُوْلِي ٱلنَّعۡمَةِ وَمَهِّلۡهُمۡ قَلِيلًا

Endu pasagadi ka, endu su papendalabut a pedsalig sa tamuk nilan, endu lanati ka den mun silan sa paydu.

ئايەت: 12

إِنَّ لَدَيۡنَآ أَنكَالٗا وَجَحِيمٗا

Ka saben-sabenal a sya bun sa laki su lantay-lantay endu su naraka jaheem.

ئايەت: 13

وَطَعَامٗا ذَا غُصَّةٖ وَعَذَابًا أَلِيمٗا

Endu pegken a aden swag nin endu siksa a masakit.

ئايەت: 14

يَوۡمَ تَرۡجُفُ ٱلۡأَرۡضُ وَٱلۡجِبَالُ وَكَانَتِ ٱلۡجِبَالُ كَثِيبٗا مَّهِيلًا

Kanu gay a kemegkel su lupa endu su palaw, endu mabaluy su palaw a libubuk.

ئايەت: 15

إِنَّآ أَرۡسَلۡنَآ إِلَيۡكُمۡ رَسُولٗا شَٰهِدًا عَلَيۡكُمۡ كَمَآ أَرۡسَلۡنَآ إِلَىٰ فِرۡعَوۡنَ رَسُولٗا

Saben-sabenal a sinugu nami sa lekanu (Muhammad) a makadsaksi sa lekanu sa mana bun su kinasugu nami lu kani Fir’awn sa rasul (Musa).

ئايەت: 16

فَعَصَىٰ فِرۡعَوۡنُ ٱلرَّسُولَ فَأَخَذۡنَٰهُ أَخۡذٗا وَبِيلٗا

Na sinupak ni Fir’awn su sinugu, na bininasa nami si Fir’awn sa binasa a mapasang.

ئايەت: 17

فَكَيۡفَ تَتَّقُونَ إِن كَفَرۡتُمۡ يَوۡمٗا يَجۡعَلُ ٱلۡوِلۡدَٰنَ شِيبًا

Panun i kadalinding nu sa naraka sa migkafir kanu? A namba a gay na su manga wata na egkaputi su buk nilan sabap sa kapasang nin.

ئايەت: 18

ٱلسَّمَآءُ مُنفَطِرُۢ بِهِۦۚ كَانَ وَعۡدُهُۥ مَفۡعُولًا

Su langit na galupet, na manggula su langun nu pasad nin.

ئايەت: 19

إِنَّ هَٰذِهِۦ تَذۡكِرَةٞۖ فَمَن شَآءَ ٱتَّخَذَ إِلَىٰ رَبِّهِۦ سَبِيلًا

Saben-sabenal i nya ba indawan, entayn i pegkiyug (sa surga) na mumbal silan sa lalan sa Allah.

ئايەت: 20

۞ إِنَّ رَبَّكَ يَعۡلَمُ أَنَّكَ تَقُومُ أَدۡنَىٰ مِن ثُلُثَيِ ٱلَّيۡلِ وَنِصۡفَهُۥ وَثُلُثَهُۥ وَطَآئِفَةٞ مِّنَ ٱلَّذِينَ مَعَكَۚ وَٱللَّهُ يُقَدِّرُ ٱلَّيۡلَ وَٱلنَّهَارَۚ عَلِمَ أَن لَّن تُحۡصُوهُ فَتَابَ عَلَيۡكُمۡۖ فَٱقۡرَءُواْ مَا تَيَسَّرَ مِنَ ٱلۡقُرۡءَانِۚ عَلِمَ أَن سَيَكُونُ مِنكُم مَّرۡضَىٰ وَءَاخَرُونَ يَضۡرِبُونَ فِي ٱلۡأَرۡضِ يَبۡتَغُونَ مِن فَضۡلِ ٱللَّهِ وَءَاخَرُونَ يُقَٰتِلُونَ فِي سَبِيلِ ٱللَّهِۖ فَٱقۡرَءُواْ مَا تَيَسَّرَ مِنۡهُۚ وَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ وَأَقۡرِضُواْ ٱللَّهَ قَرۡضًا حَسَنٗاۚ وَمَا تُقَدِّمُواْ لِأَنفُسِكُم مِّنۡ خَيۡرٖ تَجِدُوهُ عِندَ ٱللَّهِ هُوَ خَيۡرٗا وَأَعۡظَمَ أَجۡرٗاۚ وَٱسۡتَغۡفِرُواْ ٱللَّهَۖ إِنَّ ٱللَّهَ غَفُورٞ رَّحِيمُۢ

Saben-sabenal a katawan u kadenan nengka i pedsambayang ka sa lamig den a gay, endu sabad endu ikatelu bad kanu magabi, endu su bagunut sa leka a manga bamaginugut, su Allah ibagatul kanu magabi endu malamag, katawan nu Allah su inib-palyugat nin sa lekanu, na batya nu su kalemwan kanu su Qur’an, katawan nu Allah su kaped sa lekanu na pendalu, su kaped menem sa lekanu na bangangawid sa lupa, ka bangilayn nilan su limu nu Allah, su kaped menem sa lekanu na pembunuwa sa lalan sa Allah na batya nu su Qur’an sa kalemwan kanu, endu itindeg nu su lima a waktu endu inggay nu su zakat nu, endu pautang nu su Allah sa mapya, su nganin a ini-una nu kanu ginawa nu na mawma nu bun lu sa Allah a labi pan i kapya nin, endu labi i kasela nin, pangeni kanu sa ampun sa Allah ka sekanin i bangampun a malimu.