Meal Tercümesi Sure Sûretu't-Tahrîm - Luhyaca Tercüme - Uluslararası İlim ve Kültür Derneği - Sayfa numarası 560 - Kur'an-ı Kerim Ansiklopedisi

At-Tahrim

Ayet: 1

يَٰٓأَيُّهَا ٱلنَّبِيُّ لِمَ تُحَرِّمُ مَآ أَحَلَّ ٱللَّهُ لَكَۖ تَبۡتَغِي مَرۡضَاتَ أَزۡوَٰجِكَۚ وَٱللَّهُ غَفُورٞ رَّحِيمٞ

Ewe Omurumwa! Mbushina nokaana eshia Nyasaye yakhufuchilila? Okhaabanga okhuchamisia Abakhaye bobo. Ne Nyasaye ni Omulesheli po, Wetsimbabasi muno.

Ayet: 2

قَدۡ فَرَضَ ٱللَّهُ لَكُمۡ تَحِلَّةَ أَيۡمَٰنِكُمۡۚ وَٱللَّهُ مَوۡلَىٰكُمۡۖ وَهُوَ ٱلۡعَلِيمُ ٱلۡحَكِيمُ

Toto Nyasaye yamala okhubarereraho injila yokhurimbulula ebitsubo bienyu, ne Nyasaye ni Omwami wenyu, naye ni Omumanyi muno, Owamachesi po.

Ayet: 3

وَإِذۡ أَسَرَّ ٱلنَّبِيُّ إِلَىٰ بَعۡضِ أَزۡوَٰجِهِۦ حَدِيثٗا فَلَمَّا نَبَّأَتۡ بِهِۦ وَأَظۡهَرَهُ ٱللَّهُ عَلَيۡهِ عَرَّفَ بَعۡضَهُۥ وَأَعۡرَضَ عَنۢ بَعۡضٖۖ فَلَمَّا نَبَّأَهَا بِهِۦ قَالَتۡ مَنۡ أَنۢبَأَكَ هَٰذَاۖ قَالَ نَبَّأَنِيَ ٱلۡعَلِيمُ ٱلۡخَبِيرُ

Ne olwa Omurumwa yaboolela mulala khubakhaye be likhuwa mubwifisi, mana omukhaye oyo shingala yalirusia habulafu, ne Nyasaye namanyia Omurumwa, yamubila akandi ne nawulelela akandi. Olwa yamuboolela ario, omukhaye oyo naboola mbu: “Wina ukhuboolele kano?” Omurumwa naboola mbu: “Omumanyi uli nende amakhuwa koosi niye umboolele.”

Ayet: 4

إِن تَتُوبَآ إِلَى ٱللَّهِ فَقَدۡ صَغَتۡ قُلُوبُكُمَاۖ وَإِن تَظَٰهَرَا عَلَيۡهِ فَإِنَّ ٱللَّهَ هُوَ مَوۡلَىٰهُ وَجِبۡرِيلُ وَصَٰلِحُ ٱلۡمُؤۡمِنِينَۖ وَٱلۡمَلَٰٓئِكَةُ بَعۡدَ ذَٰلِكَ ظَهِيرٌ

Nimulasaba eshileshelo khu Nyasaye tawe, enywe babili emioyo chienyu chilenjila mubwonooni. Ne nimukhonyana khulwo okhukholela Omurumwa amabii, mumanye mbu toto Nyasaye niye omuhabini wuwe, nende Jibril, nende abasuubili abakholi bamalayi, ne okhumeta khwako Abamalaika balamukhoonya.

Ayet: 5

عَسَىٰ رَبُّهُۥٓ إِن طَلَّقَكُنَّ أَن يُبۡدِلَهُۥٓ أَزۡوَٰجًا خَيۡرٗا مِّنكُنَّ مُسۡلِمَٰتٖ مُّؤۡمِنَٰتٖ قَٰنِتَٰتٖ تَٰٓئِبَٰتٍ عَٰبِدَٰتٖ سَٰٓئِحَٰتٖ ثَيِّبَٰتٖ وَأَبۡكَارٗا

Nabalekha, Nyasaye wuwe Omulesi anyala okhumukalukhasirya Abakhaye bandi habundu wenyu, Abalayi okhushila enywe, Abehotselefu, Abasuubili, Abarechelefu, Abekanili, Abalaami, Abakholi bamalayi, nashikoko nende abakhaana bashili okhutekhakhwo.

Ayet: 6

يَٰٓأَيُّهَا ٱلَّذِينَ ءَامَنُواْ قُوٓاْ أَنفُسَكُمۡ وَأَهۡلِيكُمۡ نَارٗا وَقُودُهَا ٱلنَّاسُ وَٱلۡحِجَارَةُ عَلَيۡهَا مَلَٰٓئِكَةٌ غِلَاظٞ شِدَادٞ لَّا يَعۡصُونَ ٱللَّهَ مَآ أَمَرَهُمۡ وَيَفۡعَلُونَ مَا يُؤۡمَرُونَ

Enywe Abasuubila, mwihonokosie enywe abeene nende Abandu benyu okhurulana nomulilo kwetsikhwi tsiakwo ni Abandu nende amachina. Abemeresi bakwo ni Abamalaika abalulu aba amaani. Shibakhayanga okhukhola lia Nyasaye ababoolele tawe, ne bakholanga liabalomesibwe.

Ayet: 7

يَٰٓأَيُّهَا ٱلَّذِينَ كَفَرُواْ لَا تَعۡتَذِرُواْ ٱلۡيَوۡمَۖ إِنَّمَا تُجۡزَوۡنَ مَا كُنتُمۡ تَعۡمَلُونَ

Enywe Abakhayi, mulayinia ebichila olwa lelo tawe. Toto murungungwa sa kamwakholanga.