Salin ng mga Kahulugan Ayah 56 Surah Ar-Rūm - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 56

وَقَالَ ٱلَّذِينَ أُوتُواْ ٱلۡعِلۡمَ وَٱلۡإِيمَٰنَ لَقَدۡ لَبِثۡتُمۡ فِي كِتَٰبِ ٱللَّهِ إِلَىٰ يَوۡمِ ٱلۡبَعۡثِۖ فَهَٰذَا يَوۡمُ ٱلۡبَعۡثِ وَلَٰكِنَّكُمۡ كُنتُمۡ لَا تَعۡلَمُونَ

Nagsabi ang mga binigyan ni Allāh ng kaalaman kabilang sa mga propeta at mga anghel: "Talaga ngang nanatili kayo sa itinakda ni Allāh sa nauna sa kaalaman Niya mula sa araw ng paglikha sa inyo hanggang sa Araw ng pagbuhay sa inyo na ikinaila ninyo ngunit ito ay isang araw na bubuhayin ang mga tao mula sa mga libingan nila subalit kayo dati ay hindi nakaaalam na ang pagbubuhay [na muli] ay magaganap kaya tumanggi kayong sumampalataya rito."

Ilan sa mga Pakinabang ng mga Ayah sa Pahinang Ito:

• يأس الكافرين من رحمة الله عند نزول البلاء.

Ang pagkawala ng pag-asa ng mga tagatangging sumampalataya sa awa ni Allāh sa sandali ng pagbaba ng pagsubok.

• هداية التوفيق بيد الله، وليست بيد الرسول صلى الله عليه وسلم.

Ang kapatnubayan sa pagtutuon ay nasa kamay ni Allāh at hindi nasa kamay ng Sugo – basbasan siya ni Allāh at batiin ng kapayapaan.

• مراحل العمر عبرة لمن يعتبر.

Ang mga yugto ng buhay ay isang maisasaalang-alang para sa sinumang nagsasaalang-alang.

• الختم على القلوب سببه الذنوب.

Ang pagpinid sa mga puso, ang kadahilanan nito ay ang mga pagkakasala.