Salin ng mga Kahulugan Surah At-Tawbah - Salin sa Wikang Fulani ng Al-Mukhtasar fī Tafsīr Al-Qur’an Al-Karīm - Numero ng Pahina 207 - Ensayklopedia ng Marangal na Qur-an

Ayah: 123

يَٰٓأَيُّهَا ٱلَّذِينَ ءَامَنُواْ قَٰتِلُواْ ٱلَّذِينَ يَلُونَكُم مِّنَ ٱلۡكُفَّارِ وَلۡيَجِدُواْ فِيكُمۡ غِلۡظَةٗۚ وَٱعۡلَمُوٓاْ أَنَّ ٱللَّهَ مَعَ ٱلۡمُتَّقِينَ

Allaahu on yamirii gomɗimɓe ɓen haɓugol heeferɓe ɓen sabu koɓe sabimbinta kon bonande e gomɗimɓe ɓen tawde hiɓe ɓadondiri. O yamiri ɓe kadi feññingol doole e tiiɗere fii hulɓingol ɓeya sabu bone maɓɓe. Alla ko wonndirɗo e gomɗumɓe ɓen ballal e faabo Makko.

Ayah: 124

وَإِذَا مَآ أُنزِلَتۡ سُورَةٞ فَمِنۡهُم مَّن يَقُولُ أَيُّكُمۡ زَادَتۡهُ هَٰذِهِۦٓ إِيمَٰنٗاۚ فَأَمَّا ٱلَّذِينَ ءَامَنُواْ فَزَادَتۡهُمۡ إِيمَٰنٗا وَهُمۡ يَسۡتَبۡشِرُونَ

Si Alla jippinii cortewol e Nulaaɗo Makko on Muhammadu (yo o his), hino e naafiqiiɓe ɓen on lanndorayɗo jalkitugol o wi'a : "Ko hommbo e mooɗon woni ko ngol cortewol jippiingol e Muhammadu ɓeydi gomɗinal?" Ammaa ɓen gomɗimɓe Alla ɓe goongini Nulaaɗo Makko on, gomɗii jippagol ngol cortewol ɓeydii ɓe gomɗinal e hoore gomɗinal maɓɓe adinoo ngal, e hoore ko ɓe weltoriiɓe ko wahyu on jippini kon tawde nafa maɓɓe aduna e laakara no e mun.

Ayah: 125

وَأَمَّا ٱلَّذِينَ فِي قُلُوبِهِم مَّرَضٞ فَزَادَتۡهُمۡ رِجۡسًا إِلَىٰ رِجۡسِهِمۡ وَمَاتُواْ وَهُمۡ كَٰفِرُونَ

Ammaa non naafiqiiɓe ɓen, ko Alqur'aana jippoda-ta kon e ñaawooje maa fillayee, ɗum ko ñawu e soɓe ɓeydata ɓe sabu ko ɓe fenni ko jippini kon. Ñawu ɓerɗe maɓɓe ɗen ɓeydora jippagol Alkuran tawde tuma kala goɗɗum jippii, ɓe wullitoto ɗum, ɓe maayidiri non e keeferaaku.

Ayah: 126

أَوَلَا يَرَوۡنَ أَنَّهُمۡ يُفۡتَنُونَ فِي كُلِّ عَامٖ مَّرَّةً أَوۡ مَرَّتَيۡنِ ثُمَّ لَا يَتُوبُونَ وَلَا هُمۡ يَذَّكَّرُونَ

E ɓee naafiqiiɓe yi'aali ɓe waajitora ko Alla jarribori ɓe kon huncugol fiyaaku maɓɓe wirta naafiqaaku maɓɓe hitaande kala laawol maa laaɓi ɗiɗi? Refti hoore ko ɓe anndi kon ɗum ko Alla waɗi, ɓe tuubatantaa Mo e keeferaaku maɓɓe ngun, wanaa kamɓe kadi woni ɓoorotooɓe e naafiqaaku maɓɓe, wanaa kadi ɓe waajitorayɓe kon ko yani e maɓɓe ɓe anndi ɗum ko immorde ka Alla!

Ayah: 127

وَإِذَا مَآ أُنزِلَتۡ سُورَةٞ نَّظَرَ بَعۡضُهُمۡ إِلَىٰ بَعۡضٍ هَلۡ يَرَىٰكُم مِّنۡ أَحَدٖ ثُمَّ ٱنصَرَفُواْۚ صَرَفَ ٱللَّهُ قُلُوبَهُم بِأَنَّهُمۡ قَوۡمٞ لَّا يَفۡقَهُونَ

Si tawii Alla jippinii cortewol e Nulaaɗo Makko on (yo o his),jantiingol fiyaakuuji naafiquiiɓe ɓen, woɗɓe e maɓɓe ndaara woɗɓe,ɓe wi'a : "Hara goɗɗo no renti on?" Si goɗɗo yi'aali ɓe,ɓe hibbito e jonnde nden. Anndee Alla surii ɓerɗe maɓɓe ɗen gaay e peewal e moƴƴere,O hoyniiɓe tawde ko ɓe yimɓe ɓe faamataa.

Ayah: 128

لَقَدۡ جَآءَكُمۡ رَسُولٞ مِّنۡ أَنفُسِكُمۡ عَزِيزٌ عَلَيۡهِ مَا عَنِتُّمۡ حَرِيصٌ عَلَيۡكُم بِٱلۡمُؤۡمِنِينَ رَءُوفٞ رَّحِيمٞ

Gomɗii arii e mooɗon, onon Aarabu'en, Nulaaɗo jeyaaɗo e mooɗon. Ko Aarabeejo wano mon. Hino saɗta e makko ko saɗtata e mooɗon, tiiɗuɗo rerɗugol fewnugol on toppitoo fii mon. Kanko ko o heeroranɗo gomɗimɓe ɓen neweende e yurmee- ɗuuɗuɗi.

Ayah: 129

فَإِن تَوَلَّوۡاْ فَقُلۡ حَسۡبِيَ ٱللَّهُ لَآ إِلَٰهَ إِلَّا هُوَۖ عَلَيۡهِ تَوَكَّلۡتُۖ وَهُوَ رَبُّ ٱلۡعَرۡشِ ٱلۡعَظِيمِ

Si ɓe huccii ma ɓe gomɗinaali ma, maakan ɓe an Nulaaɗo: "Alla on Mo reweteeɗo nafaa woo alaa si wanaa Kanko on yonii lam. Ko e Makko mi fawii. Ko Kanko woni Seniiɗo Jeyɗo Arsi mawnuɗo on".

Ilan sa mga Pakinabang ng mga Ayah sa Pahinang Ito:

• وجوب ابتداء القتال بالأقرب من الكفار إذا اتسعت رقعة الإسلام، ودعت إليه حاجة.

Hino waɗɗii adorgol haɓude heeferɓe ɓadiiɓe ɓen tuma kala laral Lislaamu ngal yaaji maa haaju mun yani.

• بيان حال المنافقين حين نزول القرآن عليهم وهي الترقُّب والاضطراب.

Aayeeje ɗen hino ɓanngini fiyaaku naafiqiiɓe ɓen tuma nde Alqur'aana Jippotoo e maɓɓe, ɗum le habbitagol e ɓittagol.

• بيان رحمة النبي صلى الله عليه وسلم بالمؤمنين وحرصه عليهم.

Hiɗe ɓanngini yurmeende Annabiijo on (yo o his)e gomɗimɓe ɓen,e rerɗugol mo e maɓɓe.

• في الآيات دليل على أن الإيمان يزيد وينقص، وأنه ينبغي للمؤمن أن يتفقد إيمانه ويتعاهده فيجدده وينميه؛ ليكون دائمًا في صعود.

Aayeeje ɗen hino tinndina wonnde liimanaaku no ɓeydoo hino ɗuytoo, e wonnde hino haanani gomɗinɗo on ƴewtagol gomɗinal makko ngal fii heyɗintingol ngal e mawningol ngal no duumora e ɓeydaare.