மொழிபெயர்ப்பு அத்தியாயம் அந்நபஃ - அல்முக்தஸர் பீ தப்ஸீரில் குர்ஆனில் கரீமுக்கான அசர்பைஜானி மொழிபெயர்ப்பு - பக்க எண் 582 - அல்குர்ஆன் கலைக்களஞ்சியம்

ən-Nəbə

சூராவின் இலக்குகளில் சில:

بيان أدلة القدرة على البعث والتخويف من العاقبة.

Allahın ölüləri diriltməyə qadir olması barədə dəlilləri bəyan etmək və pis aqibət ilə qorxutmaq.

---

வசனம்: 1

عَمَّ يَتَسَآءَلُونَ

Allah o müşriklərə öz Rəsulunu (səllallahu aleyhi və səlləm) göndərdikdən sonra onlar bir-birindən nə haqqında soruşurlar?

வசனம்: 2

عَنِ ٱلنَّبَإِ ٱلۡعَظِيمِ

Onların bəzisi digərlərindən böyük xəbər barədə soruşur. Bu,onlara göndərilən elçiyə nazil edilmiş, dirilmə barədə xəbərləri ehtiva edən bu Qurandır.

வசனம்: 3

ٱلَّذِي هُمۡ فِيهِ مُخۡتَلِفُونَ

O Quran ki, onlar onun sehr, yaxud şeir, yaxud kahinlik, yaxud da keçmişdəkilərin əfsanələri olduğunu iddia etməklə onun vəsfi xüsusunda ixtilafa düşmüşlər.

வசனம்: 4

كَلَّا سَيَعۡلَمُونَ

Bu iş heç də onların iddia etdikləri kimi deyildir. Quranı təkzib edən o müşriklər bu təkzibin pis aqibətini hökmən biləcəklər.

வசனம்: 5

ثُمَّ كَلَّا سَيَعۡلَمُونَ

Bir daha xeyr, onlar bu təkzibin pis aqibətini hökmən biləcəklər.

வசனம்: 6

أَلَمۡ نَجۡعَلِ ٱلۡأَرۡضَ مِهَٰدٗا

Onlar yer üzərində qərar tutsunlar deyə Biz onu yataq tək dümdüz etmədikmi?!

வசனம்: 7

وَٱلۡجِبَالَ أَوۡتَادٗا

Yer tərpənməsin deyə Biz onun üzərində dirəklər tək dağlar yerləşdirdik.

வசனம்: 8

وَخَلَقۡنَٰكُمۡ أَزۡوَٰجٗا

Ey insanlar! Biz sizi kişi və qadın olaraq cüt-cüt yaratdıq.

வசனம்: 9

وَجَعَلۡنَا نَوۡمَكُمۡ سُبَاتٗا

İşlərinizi dayandırıb istirahət edəsiniz deyə sizin üçün yuxu yaratdıq.

வசனம்: 10

وَجَعَلۡنَا ٱلَّيۡلَ لِبَاسٗا

Övrətinizi libasla örtrdüyünüz kimi gecəni də öz zülməti ilə bürüyən bir örtük etdik.

வசனம்: 11

وَجَعَلۡنَا ٱلنَّهَارَ مَعَاشٗا

Gündüzü də, sizin ruzi əldə etməyiniz və onu axtarmağınız üçün meydan etdik.

வசனம்: 12

وَبَنَيۡنَا فَوۡقَكُمۡ سَبۡعٗا شِدَادٗا

Üstünüzdə dayanıqlı və möhkəm bina edilmiş yeddi göy yaratdıq.

வசனம்: 13

وَجَعَلۡنَا سِرَاجٗا وَهَّاجٗا

Günəşi də çox yanar və çox parlaq bir çıraq etdik.

வசனம்: 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Biz yağmurla dolmuş buludlardan şırıl-şırıl yağan yağmur endirdik.

வசனம்: 15

لِّنُخۡرِجَ بِهِۦ حَبّٗا وَنَبَاتٗا

Yağmur yağdırdıq ki, onun sayəsində müxtəlif dənlər və növbənöv bitkilər çıxardaq.

வசனம்: 16

وَجَنَّٰتٍ أَلۡفَافًا

Eləcə də, bu yağmur sayəsində, ağaclarının budaqları bir-birinə sarmaşan bağlar yetişdirək.

வசனம்: 17

إِنَّ يَوۡمَ ٱلۡفَصۡلِ كَانَ مِيقَٰتٗا

Həqiqətən, yaradılanlar arasında ayırd etmək günü əzəldən müəyyən edilmiş, dəyişilməz, bəlli bir vaxta təyin edilmişdir.

வசனம்: 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

Ey insanlar! Mələk sura ikinci kərə üfürəcəyi gün, siz məhşərə dəstə-dəstə gələcəksiniz.

வசனம்: 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا

O gün göy açılacaq və orada açıq qapılara bənzər yarıqlar əmələ gələcək.

வசனம்: 20

وَسُيِّرَتِ ٱلۡجِبَالُ فَكَانَتۡ سَرَابًا

Dağlar hərəkətə gətirilib səpələnən toz dənəciklərinə çevriləcək və ilğıma dönəcəkdir.

வசனம்: 21

إِنَّ جَهَنَّمَ كَانَتۡ مِرۡصَادٗا

Həqiqətən, Cəhənnəm pusquda durub kafirləri gözləyir.

வசனம்: 22

لِّلطَّٰغِينَ مَـَٔابٗا

Cəhənnəm zalımların qayıdacağı yerdir.

வசனம்: 23

لَّٰبِثِينَ فِيهَآ أَحۡقَابٗا

Onlar orada sonu olmayan zaman və əsrlər boyu qalacaqlar.

வசனம்: 24

لَّا يَذُوقُونَ فِيهَا بَرۡدٗا وَلَا شَرَابًا

Onlar orada nə atəşin istisini soyudan soyuq hava görəcək, nə də ləzzət verəcək bir içki dadacaqlar.

வசனம்: 25

إِلَّا حَمِيمٗا وَغَسَّاقٗا

Daddıqları yalnız qaynar su və Cəhənnəm əhlinin bədənindən axan irin olacaqdır.

வசனம்: 26

جَزَآءٗ وِفَاقًا

Dünyada ikən etdikləri küfrə və azğınlığa uyğun cəza olaraq.

வசனம்: 27

إِنَّهُمۡ كَانُواْ لَا يَرۡجُونَ حِسَابٗا

Doğrusu, onlar dünyada ikən Allahın axirətdə onları haqq-hesaba çəkəcəyindən qorxmurdular. Çünki onlar öldükdən sonra qiyamət günü yenidən diriləcəklərinə inanmırdılar. Əgər yenidən diriləcəklərinə inansaydılar, Allaha iman gətirər və yaxşı işlər görərdilər.

வசனம்: 28

وَكَذَّبُواْ بِـَٔايَٰتِنَا كِذَّابٗا

Onlar Rəsulumuza nazil etdiyimiz ayələrimizi də qətiyyətlə təkzib edirdilər.

வசனம்: 29

وَكُلَّ شَيۡءٍ أَحۡصَيۡنَٰهُ كِتَٰبٗا

Biz onların əməllərinin hamısını müəyyənləşdirib hesaba almışıq. Bunların hamısı onların əməl kitabında yazılmışdır.

வசனம்: 30

فَذُوقُواْ فَلَن نَّزِيدَكُمۡ إِلَّا عَذَابًا

Ey azğınlar! Elə isə dadın əzabı. Bu, həmişəlik əzabdır. Biz sizə əzabınız üzərinə əzabdan başqa bir şey artırmayacağıq.

இப்பக்கத்தின் வசனங்களிலுள்ள பயன்கள்:

• إحكام الله للخلق دلالة على قدرته على إعادته.

Allahın məxluqatı gözəl bir biçimdə yaratması, Allahın onları yenidən diriltməsinə qadir olduğuna dəlalət edir.

• الطغيان سبب دخول النار.

Azğınlıq etmək Cəhənnəm oduna düçar olmağa səbəbdir.

• مضاعفة العذاب على الكفار.

Kafirlərin əzabının qat-qat olması.