Tradução dos significados Versículo 38 Surah Yusuf - Tradução filipina (tagalo) de interpretação abreviada do Nobre Alcorão. - Enciclopédia do Nobre Qur’an

Versículo: 38

وَٱتَّبَعۡتُ مِلَّةَ ءَابَآءِيٓ إِبۡرَٰهِيمَ وَإِسۡحَٰقَ وَيَعۡقُوبَۚ مَا كَانَ لَنَآ أَن نُّشۡرِكَ بِٱللَّهِ مِن شَيۡءٖۚ ذَٰلِكَ مِن فَضۡلِ ٱللَّهِ عَلَيۡنَا وَعَلَى ٱلنَّاسِ وَلَٰكِنَّ أَكۡثَرَ ٱلنَّاسِ لَا يَشۡكُرُونَ

Sumunod ako sa relihiyon ng mga ninuno kong sina Abraham, Isaac, at Jacob. Ito ay ang relihiyon ng paniniwala sa kaisahan ni Allāh. Hindi natutumpak para sa amin na magtambal kami kay Allāh ng iba pa sa Kanya. Siya ay ang namumukod-tangi sa kaisahan. Ang paniniwala sa kaisahan Niya at ang pananampalatayang iyon na ako at ang mga ninuno ko ay nakabatay ay bahagi ng kabutihang-loob ni Allāh sa amin, na nagtuon Siya sa amin doon, at bahagi ng kabutihang-loob Niya sa mga tao sa kalahatan nang nagpadala Siya sa kanila ng mga propeta dahil doon. Subalit ang higit na marami sa mga tao ay hindi nagpapasalamat kay Allāh sa mga biyaya Niya bagkus tumatangging sumampalataya sa Kanya.

Das notas do versículo nesta página:

• وجوب اتباع ملة إبراهيم، والبراءة من الشرك وأهله.

Ang pagkatungkulin ng pagsunod sa kapaniwalaan ni Abraham at ang pagpapawalang-kaugnayan sa shirk at mga alagad nito.

• في قوله:﴿ءَأَرْبَابٌ مُّتَفَرِّقُونَ ...﴾ دليل على أن هؤلاء المصريين كانوا أصحاب ديانة سماوية لكنهم أهل إشراك.

Sa sabi ni Allāh: "mga panginoong magkakahiwa-hiwalay ba..." ay may patunay na ang mga Ehipsiyong ito noon ay mga may relihiyong makalangit subalit sila ay mga kampon ng pagtatambal [kay Allāh].

• كلُّ الآلهة التي تُعبد من دون الله ما هي إلا أسماء على غير مسميات، ليس لها في الألوهية نصيب.

Ang lahat ng mga diyos na sinasamba bukod pa kay Allāh ay walang iba kundi mga pangalan sa hindi mga pinangalanan, na walang ukol sa mga ito na isang bahagi sa pagkadiyos.

• استغلال المناسبات للدعوة إلى الله، كما استغلها يوسف عليه السلام في السجن.

Ang pagsasamantala sa mga pagkakataon para sa pag-anyaya tungo kay Allāh kung paanong sinamantala ang mga ito ni Jose – sumakanya ang pagbati ng kapayapaan – sa kulungan.