د معناګانو ژباړه سورت یس - فلیپیني (المجندناو) ژباړه - د رواد الترجمة مرکز - د قرآن کریم دائرة المعارف

Yaseen

آیت: 1

يسٓ

Ya-Seen (su Allah i mataw kanu ma’ana nin).

آیت: 2

وَٱلۡقُرۡءَانِ ٱلۡحَكِيمِ

Saki (Allah) idsapa ku su Qur’an a naatul sa mapya.

آیت: 3

إِنَّكَ لَمِنَ ٱلۡمُرۡسَلِينَ

Saben-sabenal a seka (Muhammad) na kuyug ka kanu manga sinugu.

آیت: 4

عَلَىٰ صِرَٰطٖ مُّسۡتَقِيمٖ

Nanget a pedtuntul sa lalan a matidtu.

آیت: 5

تَنزِيلَ ٱلۡعَزِيزِ ٱلرَّحِيمِ

Initulun ebpun kanu mapulu a malimu (Allah).

آیت: 6

لِتُنذِرَ قَوۡمٗا مَّآ أُنذِرَ ءَابَآؤُهُمۡ فَهُمۡ غَٰفِلُونَ

Endu nengka kapakagilekan su manga taw kanu inipakagilek kanu manga kalukesan nilan, ka silan na dala labut nilan (sa iman sa Allah).

آیت: 7

لَقَدۡ حَقَّ ٱلۡقَوۡلُ عَلَىٰٓ أَكۡثَرِهِمۡ فَهُمۡ لَا يُؤۡمِنُونَ

Saben-sabenal na ya madakel sa kanilan i nawagib su siksa, kagina di silan bangimbenal (sa Allah endu nabi).

آیت: 8

إِنَّا جَعَلۡنَا فِيٓ أَعۡنَٰقِهِمۡ أَغۡلَٰلٗا فَهِيَ إِلَى ٱلۡأَذۡقَانِ فَهُم مُّقۡمَحُونَ

Saben-sabenal a binaluy nami kanu manga tengu nilan i lantay-lantay taman kanu bakelengan nilan sa dili silan makatulug.

آیت: 9

وَجَعَلۡنَا مِنۢ بَيۡنِ أَيۡدِيهِمۡ سَدّٗا وَمِنۡ خَلۡفِهِمۡ سَدّٗا فَأَغۡشَيۡنَٰهُمۡ فَهُمۡ لَا يُبۡصِرُونَ

Endu binaluy nami kanu kasangulan nilan i pelen (makatanggub) endu taligkudan nilan i pelen na dinapengan nami silan sa dili den silan makailay.

آیت: 10

وَسَوَآءٌ عَلَيۡهِمۡ ءَأَنذَرۡتَهُمۡ أَمۡ لَمۡ تُنذِرۡهُمۡ لَا يُؤۡمِنُونَ

Endu magidsan bun i pakagilekan nengka silan atawaka di na dili bun silan mangimbenal.

آیت: 11

إِنَّمَا تُنذِرُ مَنِ ٱتَّبَعَ ٱلذِّكۡرَ وَخَشِيَ ٱلرَّحۡمَٰنَ بِٱلۡغَيۡبِۖ فَبَشِّرۡهُ بِمَغۡفِرَةٖ وَأَجۡرٖ كَرِيمٍ

Na ya bu pambarapantag kanu indawan na su minunut (sa Qur’an) endu nagilekan sa Allah sa gayb, na pakalilini ka silan kanu ampun endu balas a mapulu.

آیت: 12

إِنَّا نَحۡنُ نُحۡيِ ٱلۡمَوۡتَىٰ وَنَكۡتُبُ مَا قَدَّمُواْ وَءَاثَٰرَهُمۡۚ وَكُلَّ شَيۡءٍ أَحۡصَيۡنَٰهُ فِيٓ إِمَامٖ مُّبِينٖ

Saben-sabenal na uyagen nami su namamatay endu isulat nami su manga galebek nilan a nawna endu su pinambuwat nilan a manga hukuman pagidsan i mapya-mawag, langun na tinuganul nami lu sa kitab a mapayag.

آیت: 13

وَٱضۡرِبۡ لَهُم مَّثَلًا أَصۡحَٰبَ ٱلۡقَرۡيَةِ إِذۡ جَآءَهَا ٱلۡمُرۡسَلُونَ

Endu pambuwat ka sa kanilan i upaman kanu taw nu dalpa a nakawma sa kanilan i sinugu nu Allah.

آیت: 14

إِذۡ أَرۡسَلۡنَآ إِلَيۡهِمُ ٱثۡنَيۡنِ فَكَذَّبُوهُمَا فَعَزَّزۡنَا بِثَالِثٖ فَقَالُوٓاْ إِنَّآ إِلَيۡكُم مُّرۡسَلُونَ

Kutika kinasugu nami sa dwa kataw lu sa kanilan na pinandalbut nilan, na binagel nami sa ikatelu, pidtalu nilan i sinugu kami san sa lekanu.

آیت: 15

قَالُواْ مَآ أَنتُمۡ إِلَّا بَشَرٞ مِّثۡلُنَا وَمَآ أَنزَلَ ٱلرَّحۡمَٰنُ مِن شَيۡءٍ إِنۡ أَنتُمۡ إِلَّا تَكۡذِبُونَ

Pidtalu nilan (su manga sinugu): sekanu na manusya kanu bun a magidsan tanu bun, endu dala den initutulu nu Allah a apya ngin a di kena papendalbuten nu.

آیت: 16

قَالُواْ رَبُّنَا يَعۡلَمُ إِنَّآ إِلَيۡكُمۡ لَمُرۡسَلُونَ

Pidtalu nilan: su Kadenan nami i mataw na saben-sabenal a sekami na sinugu kami sa lekanu.

آیت: 17

وَمَا عَلَيۡنَآ إِلَّا ٱلۡبَلَٰغُ ٱلۡمُبِينُ

Endu ya bu man wagib sa lekami na kapapedsampay.

آیت: 18

قَالُوٓاْ إِنَّا تَطَيَّرۡنَا بِكُمۡۖ لَئِن لَّمۡ تَنتَهُواْ لَنَرۡجُمَنَّكُمۡ وَلَيَمَسَّنَّكُم مِّنَّا عَذَابٌ أَلِيمٞ

Pidtalu nu mga taw: edtempuwan nami sekanu, amayka di kanu menda na rajamen nami sekanu, endu aden mananam nu sa lekami a siksa a masakit (kadtalu nu manga darwaka kanu manga sinugu).

آیت: 19

قَالُواْ طَٰٓئِرُكُم مَّعَكُمۡ أَئِن ذُكِّرۡتُمۚ بَلۡ أَنتُمۡ قَوۡمٞ مُّسۡرِفُونَ

Pidtalu nu manga sinugu: su kapanendit nu na san bun sa lekanu sa kabpangindaw sa lekanu, ka sekanu a manga taw na nakasagad i kadarwaka nin.

آیت: 20

وَجَآءَ مِنۡ أَقۡصَا ٱلۡمَدِينَةِ رَجُلٞ يَسۡعَىٰ قَالَ يَٰقَوۡمِ ٱتَّبِعُواْ ٱلۡمُرۡسَلِينَ

Endu nakawma ebpun sa mawatan kanu dalpa i mama bamagayas, ya nin pidtalu: hay sekanu a manga taw unuti nu su manga sinugu.

آیت: 21

ٱتَّبِعُواْ مَن لَّا يَسۡـَٔلُكُمۡ أَجۡرٗا وَهُم مُّهۡتَدُونَ

Pamaginuguti nu i entayn i di kanu nin bangingidsan (pangeniyan) sa sukay sa silan na pamakatuntul.

آیت: 22

وَمَالِيَ لَآ أَعۡبُدُ ٱلَّذِي فَطَرَنِي وَإِلَيۡهِ تُرۡجَعُونَ

Endu da sa laki i di ku simban su minaluy sa laki, endu lu kanu bun makambalingan sa lekanin.

آیت: 23

ءَأَتَّخِذُ مِن دُونِهِۦٓ ءَالِهَةً إِن يُرِدۡنِ ٱلرَّحۡمَٰنُ بِضُرّٖ لَّا تُغۡنِ عَنِّي شَفَٰعَتُهُمۡ شَيۡـٔٗا وَلَا يُنقِذُونِ

Ngintu ka mamaluy kanu pan sa kadenan a salakaw sa Allah, na u ya nin kyug sa laki i makagkayd na di makabarapantag salaki i safa’at nilan sa apya paydu.

آیت: 24

إِنِّيٓ إِذٗا لَّفِي ضَلَٰلٖ مُّبِينٍ

Upama ka maytu ba na saki den i natading sa mapayag.

آیت: 25

إِنِّيٓ ءَامَنتُ بِرَبِّكُمۡ فَٱسۡمَعُونِ

Saben-sabenal i saki na nangimbenal aku kanu pedtiyakap sa lekanu na pamakikineg aku nu.

آیت: 26

قِيلَ ٱدۡخُلِ ٱلۡجَنَّةَۖ قَالَ يَٰلَيۡتَ قَوۡمِي يَعۡلَمُونَ

Ya pidtalu sa lekanin: ludep ka sa surga, ya nin nadtalu na nya ba ka su manga taw ku a katawan nilan bu.

آیت: 27

بِمَا غَفَرَ لِي رَبِّي وَجَعَلَنِي مِنَ ٱلۡمُكۡرَمِينَ

Sabap sa inampun aku nu Kadenan ku, endu binaluy aku nin sa nakuyug aku sa kanu manga taw a ipebpulu.

آیت: 28

۞ وَمَآ أَنزَلۡنَا عَلَىٰ قَوۡمِهِۦ مِنۢ بَعۡدِهِۦ مِن جُندٖ مِّنَ ٱلسَّمَآءِ وَمَا كُنَّا مُنزِلِينَ

Endu dala initulun nami kanu manga taw nin sa ulyan a kinapatay nin a malaikat ebpun sa langit endu di nami den itulun.

آیت: 29

إِن كَانَتۡ إِلَّا صَيۡحَةٗ وَٰحِدَةٗ فَإِذَا هُمۡ خَٰمِدُونَ

Ugayd na siksa i makawma sa kanilan, isa timan bu a tekik i nakasugat sa kanilan, na da nasama sa kanilan.

آیت: 30

يَٰحَسۡرَةً عَلَى ٱلۡعِبَادِۚ مَا يَأۡتِيهِم مِّن رَّسُولٍ إِلَّا كَانُواْ بِهِۦ يَسۡتَهۡزِءُونَ

Duwan-duwan nin su manga ulipen a da makawma sa kanilan a sinugu a di kena bagungatan nilan bu.

آیت: 31

أَلَمۡ يَرَوۡاْ كَمۡ أَهۡلَكۡنَا قَبۡلَهُم مِّنَ ٱلۡقُرُونِ أَنَّهُمۡ إِلَيۡهِمۡ لَا يَرۡجِعُونَ

Ngintu da nilan mailay i madakel i bininasa nami a nawna sa kanilan sa dala den silan makambalingan (sa dunya).

آیت: 32

وَإِن كُلّٞ لَّمَّا جَمِيعٞ لَّدَيۡنَا مُحۡضَرُونَ

Endu langun na nangawna endu su gangawli na kabulig sa hadapan nu Allah.

آیت: 33

وَءَايَةٞ لَّهُمُ ٱلۡأَرۡضُ ٱلۡمَيۡتَةُ أَحۡيَيۡنَٰهَا وَأَخۡرَجۡنَا مِنۡهَا حَبّٗا فَمِنۡهُ يَأۡكُلُونَ

Endu tanda sa kanilan su lupa a minatay (dala bagetu lun) a inuyag nami, endu pinambuwat nami i manga lagas, su kaped na pegken nu.

آیت: 34

وَجَعَلۡنَا فِيهَا جَنَّٰتٖ مِّن نَّخِيلٖ وَأَعۡنَٰبٖ وَفَجَّرۡنَا فِيهَا مِنَ ٱلۡعُيُونِ

Endu binaluy nami kanu lupa i manga pamulan kayu-kulma endu inab, endu pinambwat nami sya sa lupa i manga buwal.

آیت: 35

لِيَأۡكُلُواْ مِن ثَمَرِهِۦ وَمَا عَمِلَتۡهُ أَيۡدِيهِمۡۚ أَفَلَا يَشۡكُرُونَ

Ka endu silan makakan sa unga nin, endu su unga nu galebekan nu lima nilan, na ngintu di silan makadsukur?

آیت: 36

سُبۡحَٰنَ ٱلَّذِي خَلَقَ ٱلۡأَزۡوَٰجَ كُلَّهَا مِمَّا تُنۢبِتُ ٱلۡأَرۡضُ وَمِنۡ أَنفُسِهِمۡ وَمِمَّا لَا يَعۡلَمُونَ

Mahasuti su Allah a binaluy nin i embalangan a pabpagetun u lupa endu su bagatu kanu lawas nilan (babay-mama) endu madakel pan i di nilan katawan.

آیت: 37

وَءَايَةٞ لَّهُمُ ٱلَّيۡلُ نَسۡلَخُ مِنۡهُ ٱلنَّهَارَ فَإِذَا هُم مُّظۡلِمُونَ

Endu tanda pan sa kanilan su magabi endu su malamag a padsukelya (u nakawma su magabi) na nalibutangan silan.

آیت: 38

وَٱلشَّمۡسُ تَجۡرِي لِمُسۡتَقَرّٖ لَّهَاۚ ذَٰلِكَ تَقۡدِيرُ ٱلۡعَزِيزِ ٱلۡعَلِيمِ

Endu su senang na sya bagukit kanu tampat nin, entu na atulan nu Allah a mapulu a mataw.

آیت: 39

وَٱلۡقَمَرَ قَدَّرۡنَٰهُ مَنَازِلَ حَتَّىٰ عَادَ كَٱلۡعُرۡجُونِ ٱلۡقَدِيمِ

Endu su ulan-ulan na binaluy nami a tanda (kapila na sebang) sabap kanu kabpagiseg nin na gabpalin-palin (i buntal nin) makailing sa tenduk a gapeku sa nagangu atawaka mana langgaman.

آیت: 40

لَا ٱلشَّمۡسُ يَنۢبَغِي لَهَآ أَن تُدۡرِكَ ٱلۡقَمَرَ وَلَا ٱلَّيۡلُ سَابِقُ ٱلنَّهَارِۚ وَكُلّٞ فِي فَلَكٖ يَسۡبَحُونَ

Dala kanu senang i sumenang kanu magabi na dala bun kanu ulan-ulan, endu dala kanu magabi i egkagabi sa malamag, maytu bun ba su malamag, umani-isa sa bagukit sa kanu lalan nin.

آیت: 41

وَءَايَةٞ لَّهُمۡ أَنَّا حَمَلۡنَا ذُرِّيَّتَهُمۡ فِي ٱلۡفُلۡكِ ٱلۡمَشۡحُونِ

Endu tanda sa kanilan i pinageda nami su mawli a taw nilan kanu awang (awang nu Nuh).

آیت: 42

وَخَلَقۡنَا لَهُم مِّن مِّثۡلِهِۦ مَا يَرۡكَبُونَ

Endu binaluy nami bun sa kanilan sya sa kapuluwan i bagedan nilan.

آیت: 43

وَإِن نَّشَأۡ نُغۡرِقۡهُمۡ فَلَا صَرِيخَ لَهُمۡ وَلَا هُمۡ يُنقَذُونَ

Upama pigkahanda nami bu i pageleden nami silan sa lagat na dala makatabang sa kanilan endu dala sa kanilan i makalipus silan.

آیت: 44

إِلَّا رَحۡمَةٗ مِّنَّا وَمَتَٰعًا إِلَىٰ حِينٖ

Ya tabya na su limu ebpun sa Allah ka endu kanu malilini pamun taman sa ajal nu.

آیت: 45

وَإِذَا قِيلَ لَهُمُ ٱتَّقُواْ مَا بَيۡنَ أَيۡدِيكُمۡ وَمَا خَلۡفَكُمۡ لَعَلَّكُمۡ تُرۡحَمُونَ

Endu amayka pidtalu sa kanilan: kagilek nu su dusa nu saguna endu su dusa nu a naypus ka malemu-lemu sa lekanu i ikalimu kanu (amayka maituba i enggulan nu).

آیت: 46

وَمَا تَأۡتِيهِم مِّنۡ ءَايَةٖ مِّنۡ ءَايَٰتِ رَبِّهِمۡ إِلَّا كَانُواْ عَنۡهَا مُعۡرِضِينَ

Endu dala pakatalingguma sa kanilan a gugudan a ped kanu manga gugudan nu pedtiyakap sa kanilan u di kena nangabaluy silan lun a namedtangkili.

آیت: 47

وَإِذَا قِيلَ لَهُمۡ أَنفِقُواْ مِمَّا رَزَقَكُمُ ٱللَّهُ قَالَ ٱلَّذِينَ كَفَرُواْ لِلَّذِينَ ءَامَنُوٓاْ أَنُطۡعِمُ مَن لَّوۡ يَشَآءُ ٱللَّهُ أَطۡعَمَهُۥٓ إِنۡ أَنتُمۡ إِلَّا فِي ضَلَٰلٖ مُّبِينٖ

Endu amayka pidtalu sa kanilan: embaranggya (enggastu) nu su kaped kanu ini-rizki nu Allah sa lekanu, na ya edtalun nu manga kafir kanu manga bamaginugut: enduken ka papegkanen nami na u pegkiyug su kadenan nu na sekanin den mun i mapakan lun, sekanu a taw (pedsugu sa kapakan) na natadin kanu sa mapayag.

آیت: 48

وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ

Endu kadtalu nilan pan: kanu i kawma na namba a pasad amayka benal kanu?

آیت: 49

مَا يَنظُرُونَ إِلَّا صَيۡحَةٗ وَٰحِدَةٗ تَأۡخُذُهُمۡ وَهُمۡ يَخِصِّمُونَ

Da kapangangapan nilan ya tabya na kayup a paganay ka nu sanggakala a ipedtekaw sa kanilan sa penggusyawa silan.

آیت: 50

فَلَا يَسۡتَطِيعُونَ تَوۡصِيَةٗ وَلَآ إِلَىٰٓ أَهۡلِهِمۡ يَرۡجِعُونَ

Na di nilan magaga i kapanutuma sa apya ngin, endu di silan makawli sa walay nilan.

آیت: 51

وَنُفِخَ فِي ٱلصُّورِ فَإِذَا هُم مِّنَ ٱلۡأَجۡدَاثِ إِلَىٰ رَبِّهِمۡ يَنسِلُونَ

Endu su mawli den a kayup kanu sanggakala na langun nilan na makambuwat kanu kubur nilan, ka lu silan mamagayas kanu hadapan nu Allah.

آیت: 52

قَالُواْ يَٰوَيۡلَنَا مَنۢ بَعَثَنَا مِن مَّرۡقَدِنَاۜۗ هَٰذَا مَا وَعَدَ ٱلرَّحۡمَٰنُ وَصَدَقَ ٱلۡمُرۡسَلُونَ

Ya nilan madtalu: entayn napagedam sa lekitanu? Nya den basu inibpasad nu Allah a kambuwat sa ulyan na kapatay, benal bun su langun na sinugu.

آیت: 53

إِن كَانَتۡ إِلَّا صَيۡحَةٗ وَٰحِدَةٗ فَإِذَا هُمۡ جَمِيعٞ لَّدَيۡنَا مُحۡضَرُونَ

Isa timan bu a suwara a nakawma sa kanilan na langun nilan na naibped silan, nabulig kanu pegkukuman.

آیت: 54

فَٱلۡيَوۡمَ لَا تُظۡلَمُ نَفۡسٞ شَيۡـٔٗا وَلَا تُجۡزَوۡنَ إِلَّا مَا كُنتُمۡ تَعۡمَلُونَ

Saguna a gay na dili madsalimbut i umani-isa sa apya paydu, endu dala makwa nu a balas ya tabya na lalaw nu galbek nu.

آیت: 55

إِنَّ أَصۡحَٰبَ ٱلۡجَنَّةِ ٱلۡيَوۡمَ فِي شُغُلٖ فَٰكِهُونَ

Saben-sabenal su manga taw sa surga na magayp silan sa kagalaw na ginawa nilan.

آیت: 56

هُمۡ وَأَزۡوَٰجُهُمۡ فِي ظِلَٰلٍ عَلَى ٱلۡأَرَآئِكِ مُتَّكِـُٔونَ

Silan endu su manga kaluma nilan na sya sa masilung a pedsandig kanu manga kantil (katri).

آیت: 57

لَهُمۡ فِيهَا فَٰكِهَةٞ وَلَهُم مَّا يَدَّعُونَ

Patut kanilan siya ku entu i manga unga na kasapadan endu patut pan kanilan i nganin a i bamedsinganin nilan.

آیت: 58

سَلَٰمٞ قَوۡلٗا مِّن رَّبّٖ رَّحِيمٖ

Kadtalu a mapya i makineg nilan ebpun kanu Kadenan a malimu.

آیت: 59

وَٱمۡتَٰزُواْ ٱلۡيَوۡمَ أَيُّهَا ٱلۡمُجۡرِمُونَ

Nakasenggay menem kanu namba a gay i manga darwaka (lu sa naraka).

آیت: 60

۞ أَلَمۡ أَعۡهَدۡ إِلَيۡكُمۡ يَٰبَنِيٓ ءَادَمَ أَن لَّا تَعۡبُدُواْ ٱلشَّيۡطَٰنَۖ إِنَّهُۥ لَكُمۡ عَدُوّٞ مُّبِينٞ

Inibpasad ku sa lekanu a tupu nu Adam i di nu pedsimba su Shaytan ka saben-sabenal a satru (kuntra) kanu nin a mapayag.

آیت: 61

وَأَنِ ٱعۡبُدُونِيۚ هَٰذَا صِرَٰطٞ مُّسۡتَقِيمٞ

Endu Saki nu i simba ka nan ba i lalan a matidtu (su kasimba sa Allah).

آیت: 62

وَلَقَدۡ أَضَلَّ مِنكُمۡ جِبِلّٗا كَثِيرًاۖ أَفَلَمۡ تَكُونُواْ تَعۡقِلُونَ

Endu saben-sabenal a natadin na Shaytan i kadakelan sa lekanu, na ngintu ka di kanu makapagugangen?

آیت: 63

هَٰذِهِۦ جَهَنَّمُ ٱلَّتِي كُنتُمۡ تُوعَدُونَ

Nya su naraka jahannam a inidtalanga sa lekanu.

آیت: 64

ٱصۡلَوۡهَا ٱلۡيَوۡمَ بِمَا كُنتُمۡ تَكۡفُرُونَ

Ludep kanu saguna a gay, sabap kanu kapegkafir nu.

آیت: 65

ٱلۡيَوۡمَ نَخۡتِمُ عَلَىٰٓ أَفۡوَٰهِهِمۡ وَتُكَلِّمُنَآ أَيۡدِيهِمۡ وَتَشۡهَدُ أَرۡجُلُهُم بِمَا كَانُواْ يَكۡسِبُونَ

Saguna a gay na di nami padtalun su ngali nu, ya embityala sa lekami na su manga lima nilan, a pedsaksi menem su manga ay nilan kanu langun na galebek nilan (sa dunya).

آیت: 66

وَلَوۡ نَشَآءُ لَطَمَسۡنَا عَلَىٰٓ أَعۡيُنِهِمۡ فَٱسۡتَبَقُواْ ٱلصِّرَٰطَ فَأَنَّىٰ يُبۡصِرُونَ

Endu u mana bu ka nagkahanda nami i piseken nami i manga mata nilan na tumuntul silan sa lalan na panun i kailay nilan.

آیت: 67

وَلَوۡ نَشَآءُ لَمَسَخۡنَٰهُمۡ عَلَىٰ مَكَانَتِهِمۡ فَمَا ٱسۡتَطَٰعُواْ مُضِيّٗا وَلَا يَرۡجِعُونَ

Endu upama mana bu ka pigkahanda nami i sambiyan nami silan sa palas lu kanu kambetadan nilan na di silan makagaga miseg atawaka sumunud (embalingan).

آیت: 68

وَمَن نُّعَمِّرۡهُ نُنَكِّسۡهُ فِي ٱلۡخَلۡقِۚ أَفَلَا يَعۡقِلُونَ

Endu su pagkalendun nami i umur nin na egkulang su bagel-palas nin, na ngintu ka di kanu makapamikir sa kaungagenan.

آیت: 69

وَمَا عَلَّمۡنَٰهُ ٱلشِّعۡرَ وَمَا يَنۢبَغِي لَهُۥٓۚ إِنۡ هُوَ إِلَّا ذِكۡرٞ وَقُرۡءَانٞ مُّبِينٞ

Endu da nami mapamandu sa bayuk (su Muhammad) endu di nin dayt ya tabya na indawan su Qur’an a mapayag.

آیت: 70

لِّيُنذِرَ مَن كَانَ حَيّٗا وَيَحِقَّ ٱلۡقَوۡلُ عَلَى ٱلۡكَٰفِرِينَ

Endu nin mapangindaw su manga taw a bibyag endu madsama nu manga kafir su siksa.

آیت: 71

أَوَلَمۡ يَرَوۡاْ أَنَّا خَلَقۡنَا لَهُم مِّمَّا عَمِلَتۡ أَيۡدِينَآ أَنۡعَٰمٗا فَهُمۡ لَهَا مَٰلِكُونَ

Di nilan kailay i binaluy nami sa kanilan kanu bagel nami su manga binatang a silan i pakamilik lun.

آیت: 72

وَذَلَّلۡنَٰهَا لَهُمۡ فَمِنۡهَا رَكُوبُهُمۡ وَمِنۡهَا يَأۡكُلُونَ

Endu pinandayan sa kanilan, aden pegkudan nilan endu su kaped menem na pegkanen nilan.

آیت: 73

وَلَهُمۡ فِيهَا مَنَٰفِعُ وَمَشَارِبُۚ أَفَلَا يَشۡكُرُونَ

Endu aden pan kangatagan nin sa kanilan, endu paginumen, na ngentu ka dili pakadsukur?

آیت: 74

وَٱتَّخَذُواْ مِن دُونِ ٱللَّهِ ءَالِهَةٗ لَّعَلَّهُمۡ يُنصَرُونَ

Endu minumbal silan sa manga kadenan a salakaw sa Allah ka basi makadtabang sa kanilan.

آیت: 75

لَا يَسۡتَطِيعُونَ نَصۡرَهُمۡ وَهُمۡ لَهُمۡ جُندٞ مُّحۡضَرُونَ

Na di makagaga tumabang sa kanilan (su barahala) ka silan endu su barahala nilan na ebpalawa silan sa hadapan nu Allah.

آیت: 76

فَلَا يَحۡزُنكَ قَوۡلُهُمۡۘ إِنَّا نَعۡلَمُ مَا يُسِرُّونَ وَمَا يُعۡلِنُونَ

Na di ka lumidu i ginawa nengka sa kadtalu nilan ka katawan nami su ibagena nilan endu su ipebpayag nilan.

آیت: 77

أَوَلَمۡ يَرَ ٱلۡإِنسَٰنُ أَنَّا خَلَقۡنَٰهُ مِن نُّطۡفَةٖ فَإِذَا هُوَ خَصِيمٞ مُّبِينٞ

Ngintu di katawan nu manusya i binaluy nami sekanin ebpun sa manni, na sekanin na mapayag gayd i kategas nin.

آیت: 78

وَضَرَبَ لَنَا مَثَلٗا وَنَسِيَ خَلۡقَهُۥۖ قَالَ مَن يُحۡيِ ٱلۡعِظَٰمَ وَهِيَ رَمِيمٞ

Endu minenggay sa upaman sa nalimpangan nin su punan nin, ya nin kadtalu na entayn i makawyag sa tulan na nalupet?

آیت: 79

قُلۡ يُحۡيِيهَا ٱلَّذِيٓ أَنشَأَهَآ أَوَّلَ مَرَّةٖۖ وَهُوَ بِكُلِّ خَلۡقٍ عَلِيمٌ

Edtalu ka (Muhammad): baguyagen nu minaluy lun paganay, endu su Allah na langun nu binaluy nin na katawan nin.

آیت: 80

ٱلَّذِي جَعَلَ لَكُم مِّنَ ٱلشَّجَرِ ٱلۡأَخۡضَرِ نَارٗا فَإِذَآ أَنتُم مِّنۡهُ تُوقِدُونَ

Na sekanin (Allah) na binaluyan kanu nin ebpun kanu mailaw a kayu sa apuy entu ba i ipedsulu nu.

آیت: 81

أَوَلَيۡسَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ بِقَٰدِرٍ عَلَىٰٓ أَن يَخۡلُقَ مِثۡلَهُمۚ بَلَىٰ وَهُوَ ٱلۡخَلَّٰقُ ٱلۡعَلِيمُ

Su Allah i minaluy sa pitu lapis a manga langit endu lupa sa kagaga nin i mamaluy pamun sa pagidsan nin, su Allah i bamaluy a mataw.

آیت: 82

إِنَّمَآ أَمۡرُهُۥٓ إِذَآ أَرَادَ شَيۡـًٔا أَن يَقُولَ لَهُۥ كُن فَيَكُونُ

Saben-sabenal su Allah na amayka aden pegkahanda nin na ya nin bu edtalun na pangaden ka na maaden.

آیت: 83

فَسُبۡحَٰنَ ٱلَّذِي بِيَدِهِۦ مَلَكُوتُ كُلِّ شَيۡءٖ وَإِلَيۡهِ تُرۡجَعُونَ

Mahasuti su Allah, a sya kanu Lima nin i kabpamilik kanu enggaga-isa endu lu bun sa lekanin pembalingan atau ka paguli.