د معناګانو ژباړه سورت آل عمران - فلیپیني (المجندناو) ژباړه - د رواد الترجمة مرکز - د مخ نمبر 68 - د قرآن کریم دائرة المعارف

آیت: 141

وَلِيُمَحِّصَ ٱللَّهُ ٱلَّذِينَ ءَامَنُواْ وَيَمۡحَقَ ٱلۡكَٰفِرِينَ

Endu malimpyu nu Allah su silan a manga namalityala (namangimbenal), endu mabinasa nin su manga kafir.

آیت: 142

أَمۡ حَسِبۡتُمۡ أَن تَدۡخُلُواْ ٱلۡجَنَّةَ وَلَمَّا يَعۡلَمِ ٱللَّهُ ٱلَّذِينَ جَٰهَدُواْ مِنكُمۡ وَيَعۡلَمَ ٱلصَّٰبِرِينَ

Ngintu naantap nu i makaludep kanu sa surga sa da kasabuti nu Allah entayn silan a namedtantu ebpun sa lekanu ka endu nin katawan su manga masabar?

آیت: 143

وَلَقَدۡ كُنتُمۡ تَمَنَّوۡنَ ٱلۡمَوۡتَ مِن قَبۡلِ أَن تَلۡقَوۡهُ فَقَدۡ رَأَيۡتُمُوهُ وَأَنتُمۡ تَنظُرُونَ

Endu saben-sabenal na ya nu kaaden na egkapanganganay nu i kapatay kanu unan nu kapegkadsumbak nu sa lekanin, na saben-sabenal na naylay nu sekanin sa ula-ula a pedtulikan nu.

آیت: 144

وَمَا مُحَمَّدٌ إِلَّا رَسُولٞ قَدۡ خَلَتۡ مِن قَبۡلِهِ ٱلرُّسُلُۚ أَفَإِيْن مَّاتَ أَوۡ قُتِلَ ٱنقَلَبۡتُمۡ عَلَىٰٓ أَعۡقَٰبِكُمۡۚ وَمَن يَنقَلِبۡ عَلَىٰ عَقِبَيۡهِ فَلَن يَضُرَّ ٱللَّهَ شَيۡـٔٗاۚ وَسَيَجۡزِي ٱللَّهُ ٱلشَّٰكِرِينَ

Endu di kena si Muhammad ya tabya na sinugu, saben-sabenal na sinemagad kanu unan nin i manga sinugu, na ngintu amayka matay ataw ka nabunu, na embalingan kanu sa kakafir? na entayn i embalingan sa kakafir na di nin den a benal kagkaydan su Allah sa enggagaisa endu balasan nu Allah su manga balasukur.

آیت: 145

وَمَا كَانَ لِنَفۡسٍ أَن تَمُوتَ إِلَّا بِإِذۡنِ ٱللَّهِ كِتَٰبٗا مُّؤَجَّلٗاۗ وَمَن يُرِدۡ ثَوَابَ ٱلدُّنۡيَا نُؤۡتِهِۦ مِنۡهَا وَمَن يُرِدۡ ثَوَابَ ٱلۡأٓخِرَةِ نُؤۡتِهِۦ مِنۡهَاۚ وَسَنَجۡزِي ٱلشَّٰكِرِينَ

Endu di kena ya kaaden nu ginawa i matay ya tabya na sugut nu Allah kanu talanged a timpu, endu entayn i kalinyan nin i balas sa dunya na ienggay nami sa lekanin i entuba endu entayn i kalinyan nin i balas sa gay a mawli na ienggay nami sa lekanin i entuba, endu balasan nami su manga balasukur.

آیت: 146

وَكَأَيِّن مِّن نَّبِيّٖ قَٰتَلَ مَعَهُۥ رِبِّيُّونَ كَثِيرٞ فَمَا وَهَنُواْ لِمَآ أَصَابَهُمۡ فِي سَبِيلِ ٱللَّهِ وَمَا ضَعُفُواْ وَمَا ٱسۡتَكَانُواْۗ وَٱللَّهُ يُحِبُّ ٱلصَّٰبِرِينَ

Endu pila kanu nabi (ebpun kanu manga nabi) sa binunu salta sa lekanin su manga tagapeda a madakel, na da silan malunu sa kanu nganin a nakasugat sa kanilan sa lalan sa Allah endu da silan egkalubay endu da silan pangalimbaban endu su Allah na kalinyan nin i manga balasabar.

آیت: 147

وَمَا كَانَ قَوۡلَهُمۡ إِلَّآ أَن قَالُواْ رَبَّنَا ٱغۡفِرۡ لَنَا ذُنُوبَنَا وَإِسۡرَافَنَا فِيٓ أَمۡرِنَا وَثَبِّتۡ أَقۡدَامَنَا وَٱنصُرۡنَا عَلَى ٱلۡقَوۡمِ ٱلۡكَٰفِرِينَ

Endu di kena ya kaaden nu kadtalu nilan ya tabya na pidtalu nilan: pedtyakap sa lekami (Allah) ampun ka sa lekami su manga dusa nami endu su kinatalasak nami (sa tedtaban) sya kanu galbekan nami endu ibuladtek nengka su manga ai nami endu tabangi kami nengka kanu lumpukan a manga kafir.

آیت: 148

فَـَٔاتَىٰهُمُ ٱللَّهُ ثَوَابَ ٱلدُّنۡيَا وَحُسۡنَ ثَوَابِ ٱلۡأٓخِرَةِۗ وَٱللَّهُ يُحِبُّ ٱلۡمُحۡسِنِينَ

Na ininggay sa kanilan nu Allah su balas sa dunya endu mapya a balas lu sa gay a mawli endu su Allah na egkalinyan nin su manga bangapyanan.