د معناګانو ژباړه سورت بقره - شركسي ژباړه - د رواد الترجمة مرکز - د مخ نمبر 2 - د قرآن کریم دائرة المعارف

Ал-Бэкъэрэ

آیت: 1

الٓمٓ

Ӏэлиф, лам, мим.^[1]

[1] Мы хьэрыфхэр КъурIэным и сурэ зыбжанэр къызэрыщIидзэщ, ахэр хьэрыф зэпыудахэщ, алфавитым щыщщ, мыхьэнэ яIэкъым зырызу щхьэхуэу къакIуэхэмэ мыпхуэдэу: Iэлиф, ба, та... Ауэ ахэр мыхьэнэ гуэрым щхьэкIэ къэкIуахэщ, сыту жыпIэмэ, КъурIэным иткъыми мыхьэнэ зимыIэ. Ахэр къыщIэкIуам и мыхьэнэ нэхъыщхьэхэм щыщщ мы КъурIэным хуэдэ зыми къызэримыхьыфынур, ар а хьэрыф дыдэхэкIэ зэхэгъува щхьэкIэ, а хьэрыфхэр ящIэ икIи ирипсалъэхэ щхьэкIэ. Абы къыхэкIыу, инэхъыбэм апхуэдэ хьэрыфхэр къэкIуа иужькIэ КъурIэн лъапIэм и гугъу ещIыр мы сурэм къызэрыкIуам хуэдэу.

آیت: 2

ذَٰلِكَ ٱلۡكِتَٰبُ لَا رَيۡبَۛ فِيهِۛ هُدٗى لِّلۡمُتَّقِينَ

Мы Тхылъыр шэч зыхэмылъщ,
тхьэшынагъуэ зыхэлъхэр гъуэгу занщIэм хуэзышэщ.

آیت: 3

ٱلَّذِينَ يُؤۡمِنُونَ بِٱلۡغَيۡبِ وَيُقِيمُونَ ٱلصَّلَوٰةَ وَمِمَّا رَزَقۡنَٰهُمۡ يُنفِقُونَ

Ущэхуар зи фӀэщ хъухэр, нэмэз зыщӀхэр, мылъкуу яттам щыщ хэзытыкIхэр,

آیت: 4

وَٱلَّذِينَ يُؤۡمِنُونَ بِمَآ أُنزِلَ إِلَيۡكَ وَمَآ أُنزِلَ مِن قَبۡلِكَ وَبِٱلۡأٓخِرَةِ هُمۡ يُوقِنُونَ

абыхэм я фIэщ мэхъур уэ ныпхуехари, уи япэкӀэ нахуехари, ахърэтри быдэу я фIэщ мэхъур,

آیت: 5

أُوْلَٰٓئِكَ عَلَىٰ هُدٗى مِّن رَّبِّهِمۡۖ وَأُوْلَٰٓئِكَ هُمُ ٱلۡمُفۡلِحُونَ

ахэр Тхьэм и гъуэгум тетщ икӀи ахэр ехъулӀахэщ.