Reikšmių vertimas Sūra An-Nūr - Vertimas į luhjų k. – Tarptautinė mokslo ir kultūros asociacija - Puslapio numeris 350 - Kilniojo Korano enciklopedija

An-Nur

Aja (Korano eilutė): 1

سُورَةٌ أَنزَلۡنَٰهَا وَفَرَضۡنَٰهَا وَأَنزَلۡنَا فِيهَآ ءَايَٰتِۭ بَيِّنَٰتٖ لَّعَلَّكُمۡ تَذَكَّرُونَ

(Ino) ni Isura eyakhweshia. Ne nikhulachilamwo (amakhuwa amanji). Ne nikhwishiamwo tsinyaali tsinoosinjia khomunyoole okhwitsulila.

Aja (Korano eilutė): 2

ٱلزَّانِيَةُ وَٱلزَّانِي فَٱجۡلِدُواْ كُلَّ وَٰحِدٖ مِّنۡهُمَا مِاْئَةَ جَلۡدَةٖۖ وَلَا تَأۡخُذۡكُم بِهِمَا رَأۡفَةٞ فِي دِينِ ٱللَّهِ إِن كُنتُمۡ تُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِۖ وَلۡيَشۡهَدۡ عَذَابَهُمَا طَآئِفَةٞ مِّنَ ٱلۡمُؤۡمِنِينَ

Omuyeyi omukhasi nende omuyeyi omusatsa, bakhupe buli mulala wabu emisharuti imia. Ne mulabalolela eshisa tawe khukhubusia lilako lia Nyasaye lino nimuba toto mwasuubila Nyasaye nende inyanga yeyindukho. Ne kulole eshinyasio shiabu esho omukanda mubasuubili.

Aja (Korano eilutė): 3

ٱلزَّانِي لَا يَنكِحُ إِلَّا زَانِيَةً أَوۡ مُشۡرِكَةٗ وَٱلزَّانِيَةُ لَا يَنكِحُهَآ إِلَّا زَانٍ أَوۡ مُشۡرِكٞۚ وَحُرِّمَ ذَٰلِكَ عَلَى ٱلۡمُؤۡمِنِينَ

Omusatsa omuyeyi (omutseke) shateeshinjia tawe halali omukhasi omuyeyi (omutseke), nohomba omukhasi utsokaasinjia Nyasaye. Ne omukhasi omuyeyi shateeshibungwa tawe halali nende omusatsa omuyeyi, nohomba utsokaasinjia Nyasaye. Ne ako kakaanibwa khubasuubili.

Aja (Korano eilutė): 4

وَٱلَّذِينَ يَرۡمُونَ ٱلۡمُحۡصَنَٰتِ ثُمَّ لَمۡ يَأۡتُواْ بِأَرۡبَعَةِ شُهَدَآءَ فَٱجۡلِدُوهُمۡ ثَمَٰنِينَ جَلۡدَةٗ وَلَا تَقۡبَلُواْ لَهُمۡ شَهَٰدَةً أَبَدٗاۚ وَأُوْلَٰٓئِكَ هُمُ ٱلۡفَٰسِقُونَ

Ne balia bachishilanga abakhasi abatswenufu (mbu bayeyele) mana bakhaye okhureera abaloli bane, mubakhuye emisharuti amakhumi munane, ne obuloli bwabu bulafuchililwa tawe mutsinyanga tsitsanga. Ne abo nibo abarulanga mumalako.

Aja (Korano eilutė): 5

إِلَّا ٱلَّذِينَ تَابُواْ مِنۢ بَعۡدِ ذَٰلِكَ وَأَصۡلَحُواْ فَإِنَّ ٱللَّهَ غَفُورٞ رَّحِيمٞ

Halali balia abasaba eshileshelo olunyuma lwa ako, mana nibakhola ebikhole ebilayi. Toto Nyasaye ni omunji wobulesheli, omunji wetsimbabaasi.

Aja (Korano eilutė): 6

وَٱلَّذِينَ يَرۡمُونَ أَزۡوَٰجَهُمۡ وَلَمۡ يَكُن لَّهُمۡ شُهَدَآءُ إِلَّآ أَنفُسُهُمۡ فَشَهَٰدَةُ أَحَدِهِمۡ أَرۡبَعُ شَهَٰدَٰتِۭ بِٱللَّهِ إِنَّهُۥ لَمِنَ ٱلصَّٰدِقِينَ

Ne balia abachishilanga abakhasi babu (obuyeyi), ne babula abaloli halali bo abeene, awo obuloli bwa mulala wabu bulaba okhurusia obuloli mara khane khukhwitsuba khu Nyasaye mbu toto ye ali mubaboolanga obwatieli.

Aja (Korano eilutė): 7

وَٱلۡخَٰمِسَةُ أَنَّ لَعۡنَتَ ٱللَّهِ عَلَيۡهِ إِن كَانَ مِنَ ٱلۡكَٰذِبِينَ

Ne olwa kharano yetsube mbu eshilaamo shia Nyasaye shibe khuye nikali mbu ali mubabeyi.

Aja (Korano eilutė): 8

وَيَدۡرَؤُاْ عَنۡهَا ٱلۡعَذَابَ أَن تَشۡهَدَ أَرۡبَعَ شَهَٰدَٰتِۭ بِٱللَّهِ إِنَّهُۥ لَمِنَ ٱلۡكَٰذِبِينَ

Ne omukhasi (uchishilwe obuyeyi) eshinyasio shilamurulakhwo khulwa okhurusia obuloli amakhabi kane khukhwitsuba khu Nyasaye mbu toto (omusatsa uno) ali mubalia baboolanga obubeyi.

Aja (Korano eilutė): 9

وَٱلۡخَٰمِسَةَ أَنَّ غَضَبَ ٱللَّهِ عَلَيۡهَآ إِن كَانَ مِنَ ٱلصَّٰدِقِينَ

Ne olwa kharano (yetsube) mbu liruma lia Nyasaye libe khuye (omukhasi mwene) nikali mbu (omusatsa oyo) ali mubalia ababoolanga obwatieli.

Aja (Korano eilutė): 10

وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ وَأَنَّ ٱللَّهَ تَوَّابٌ حَكِيمٌ

Ne chikhayanga okhuba emikabo chia Nyasaye khwinywe nende tsimbabaasi tsitsie, ne mbu toto Nyasaye ni omunji wobulesheli, Owamachesi muno.