ការបកប្រែអត្ថន័យ ជំពូក​ អាស់ស្ហាំ - ការបកប្រែជាភាសាយ៉ាអ៊ូ - ម៉ូហាំម៉ាត់ អាប់ឌុលហាមុីទ សីលីកា - សព្វវចនាធិប្បាយគម្ពីរអាល់គួរអាន

Ash-Shams

វាក្យខណ្ឌ: 1

وَٱلشَّمۡسِ وَضُحَىٰهَا

Ngulilumbila lyuŵa ni lilanguka lyakwe.

វាក្យខណ្ឌ: 2

وَٱلۡقَمَرِ إِذَا تَلَىٰهَا

Ni mwesi ndema jaukulikuya (lyuŵalyo).

វាក្យខណ្ឌ: 3

وَٱلنَّهَارِ إِذَا جَلَّىٰهَا

Ni muusi ndema jaukulilosya palangulangu.

វាក្យខណ្ឌ: 4

وَٱلَّيۡلِ إِذَا يَغۡشَىٰهَا

Ni chilo ndema jachikuliunichila (kuti likaoneka).

វាក្យខណ្ឌ: 5

وَٱلسَّمَآءِ وَمَا بَنَىٰهَا

Kwisa soni liwunde ni Juŵalitaŵile (mwakulitalichisya).

វាក្យខណ្ឌ: 6

وَٱلۡأَرۡضِ وَمَا طَحَىٰهَا

Ni litaka ni Juŵalitandiche (mwakulijaasasya).

វាក្យខណ្ឌ: 7

وَنَفۡسٖ وَمَا سَوَّىٰهَا

Kwisa soni ntima ni Juŵaukolosisye.

វាក្យខណ្ឌ: 8

فَأَلۡهَمَهَا فُجُورَهَا وَتَقۡوَىٰهَا

Basi ni jwaumanyisye yakusakala yakwe ni yambone yakwe.

វាក្យខណ្ឌ: 9

قَدۡ أَفۡلَحَ مَن زَكَّىٰهَا

Pamasile paapundile jwauswejesye (ntima wakwe).

វាក្យខណ្ឌ: 10

وَقَدۡ خَابَ مَن دَسَّىٰهَا

Soni pamasile papelelwe jwautwinyichisye (ntima wakwe mu sambi).

វាក្យខណ្ឌ: 11

كَذَّبَتۡ ثَمُودُ بِطَغۡوَىٰهَآ

Ŵaakaaniile ŵanya Asamudu ligongo lyakusumba mpika kwao.

វាក្យខណ្ឌ: 12

إِذِ ٱنۢبَعَثَ أَشۡقَىٰهَا

Ndema jajwalipeleche jwakusakalilwa jwao (kuulaga ngamiya).

វាក្យខណ្ឌ: 13

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

Basi Ntenga jwa Allah (Swaleh) ŵasalile kuti: “(Aji ni) ngamiya ja Allah, sano ngasin'jikanyaga kumwa mesi (palisiku lyakwe).

វាក្យខណ្ឌ: 14

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

Nambo ŵankaaniile nikujiulaga; basi Ambuje ŵao ŵajonasile ligongo lya chileŵi chao; niŵalandenye pachonasikocho.

វាក្យខណ្ឌ: 15

وَلَا يَخَافُ عُقۡبَٰهَا

Soni jwangajogopa yakuichisya yakwe.