ការបកប្រែអត្ថន័យ ជំពូក​ អាស់ស្ហាំ - ការអធិប្បាយសង្ខេបអំពីគម្ពីគួរអានជាភាសាអ៊ូបេគីស្ថាន - សព្វវចនាធិប្បាយគម្ពីរអាល់គួរអាន

Шамс

គោល​បំណងនៃជំពូក:

التأكيد بأطول قسم في القرآن، على تعظيم تزكية النفس بالطاعات، وخسارة دسّها بالمعاصي.

Нафсни тоатлар билан поклаш нақадар улуғ, аҳамиятли иш экани, уни гуноҳлар билан кирлаш эса нақадар катта зарар экани Қуръондаги энг узун қасам билан таъкидланяпти.

---

វាក្យខណ្ឌ: 1

وَٱلشَّمۡسِ وَضُحَىٰهَا

Аллоҳ таоло қуёшга ва унинг машриқдан чиқиб, кўтарилган пайтига қасам ичди.

វាក្យខណ្ឌ: 2

وَٱلۡقَمَرِ إِذَا تَلَىٰهَا

Кун ботгач, унинг изидан эргашиб чиққан ойга қасам ичди.

វាក្យខណ្ឌ: 3

وَٱلنَّهَارِ إِذَا جَلَّىٰهَا

Зиёси билан ер юзидаги нарсаларни ошкор қилган кундузга қасам ичди.

វាក្យខណ្ឌ: 4

وَٱلَّيۡلِ إِذَا يَغۡشَىٰهَا

Ер юзини қоплаб, зулматга айлантирган кечага қасам ичди.

វាក្យខណ្ឌ: 5

وَٱلسَّمَآءِ وَمَا بَنَىٰهَا

Осмонга ва унинг моҳирона қурилишига қасам ичди.

វាក្យខណ្ឌ: 6

وَٱلۡأَرۡضِ وَمَا طَحَىٰهَا

Ерга ва одамлар яшашлари учун уни ёйиб, тўшаб қўйган Зот номига қасам ичди.

វាក្យខណ្ឌ: 7

وَنَفۡسٖ وَمَا سَوَّىٰهَا

Ҳар бир жонга ва уни расо қилиб яратганига қасам ичди.

វាក្យខណ្ឌ: 8

فَأَلۡهَمَهَا فُجُورَهَا وَتَقۡوَىٰهَا

Инсонга тийилсин деб, ёмонлик нималигини, амалга оширсин деб, яхшилик нималигини таълимсиз англатган Зотга қасам.

វាក្យខណ្ឌ: 9

قَدۡ أَفۡلَحَ مَن زَكَّىٰهَا

Нафсини фазилатлар билан безаб, разилликлардан поклаган одам мурод-мақсадига етади.

វាក្យខណ្ឌ: 10

وَقَدۡ خَابَ مَن دَسَّىٰهَا

Нафсини гуноҳу маъсиятларга кўмиб-бекитган кимсанинг муроди ҳосил бўлмади. У ноумидликка учради.

វាក្យខណ្ឌ: 11

كَذَّبَتۡ ثَمُودُ بِطَغۡوَىٰهَآ

Самуд қавми гуноҳу маъсиятда ҳаддан ошганлари натижасида ўз пайғамбарлари Солиҳни ёлғончига чиқардилар.

វាក្យខណ្ឌ: 12

إِذِ ٱنۢبَعَثَ أَشۡقَىٰهَا

Қавми ваколат берганидан кейин уларнинг энг бадбахти ўрнидан турган пайтда.

វាក្យខណ្ឌ: 13

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

Аллоҳнинг пайғамбари Солиҳ алайҳиссалом уларга деди: ”Аллоҳнинг туясини ўз ҳолига қўйинглар ва унинг куни - навбати келганда ичишига қўйиб беринглар, унга қаршилик қилманглар”.

វាក្យខណ្ឌ: 14

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

Туя хусусидаги пайғамбарларининг сўзини ёлғонга чиқардилар. Энг бадбахт кимса туяни ўлдирди. Қолганлари уни қўллаб-қувватладилар ва гуноҳга шерик бўлдилар. Аллоҳ таоло уларни азоби билан ўраб олди. Гуноҳлари туфайли уларни бир қичқириқ билан ҳалок қилди. Бу қирғинни уларнинг барчасига баробар қилди.

វាក្យខណ្ឌ: 15

وَلَا يَخَافُ عُقۡبَٰهَا

Аллоҳ субҳонаҳу бу қирғиннинг масъулиятидан асло қўрқмас.

អំពី​អត្ថប្រយោជន៍​នៃវាក្យខណ្ឌទាំងនេះនៅលើទំព័រនេះ:

• أهمية تزكية النفس وتطهيرها.

Нафсни поклаш ва тарбиялашнинг муҳимлиги.

• المتعاونون على المعصية شركاء في الإثم.

Жиноятга шерик бўлганларнинг бир хил жавобгарликка тортилиши.

• الذنوب سبب للعقوبات الدنيوية.

Гуноҳлар дунёвий азобларга сабаб бўлади.

• كلٌّ ميسر لما خلق له فمنهم مطيع ومنهم عاصٍ.

Ҳар кимга пешонасига битилгани осон қилиб қўйилади. Улар орасида итоаткорлари ҳам, итоатсизлари ҳам бор.