ការបកប្រែអត្ថន័យ ជំពូក​ អាល់អ៊ីមហ្វុីត័រ - ការបកប្រែជាភាសាswahili - អាប់ឌុលឡោះ ម៉ូហាំម៉ាត់ និងណាសៀរ ខមុីស - សព្វវចនាធិប្បាយគម្ពីរអាល់គួរអាន

Al-Infitar

វាក្យខណ្ឌ: 1

إِذَا ٱلسَّمَآءُ ٱنفَطَرَتۡ

Pindi mbingu zitakapopasuka na ukaharibika mpango wake.

វាក្យខណ្ឌ: 2

وَإِذَا ٱلۡكَوَاكِبُ ٱنتَثَرَتۡ

Na pindi nyota zitakapoangukiana.

វាក្យខណ្ឌ: 3

وَإِذَا ٱلۡبِحَارُ فُجِّرَتۡ

Na pindi Mwenyezi Mungu Atakapozifanya bahari kulipuka na maji yake kutoweka.

វាក្យខណ្ឌ: 4

وَإِذَا ٱلۡقُبُورُ بُعۡثِرَتۡ

Na pindi makaburi yatakapogeuzwa kwa kufufuliwa waliokuwamo ndani yake.

វាក្យខណ្ឌ: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ

Wakati huo itajua kila nafsi vitendo vyake vyote ilivyovifanya, vilivyotangulia na vilivyoahirika na italipwa kwa vitendo hivyo.

វាក្យខណ្ឌ: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

Ewe binadamu unayekanusha kufufuliwa! Ni kipi kilichokufanya uhadaike na ughurike kuhusu Mola wako Mpaji Mwenye kheri nyingi, Anayestahiki kushukuriwa na kutiiwa?

វាក្យខណ្ឌ: 7

ٱلَّذِي خَلَقَكَ فَسَوَّىٰكَ فَعَدَلَكَ

Kwani si Yeye Aliyekuumba, Akalisawazisha umbo lako, Akakuweka katika hali ya sawa na Akakurekibisha ili uweze kutekeleza nyadhifa zako,

វាក្យខណ្ឌ: 8

فِيٓ أَيِّ صُورَةٖ مَّا شَآءَ رَكَّبَكَ

katika sura yoyote ile Aliyoitaka Akakuumba?

វាក្យខណ្ឌ: 9

كَلَّا بَلۡ تُكَذِّبُونَ بِٱلدِّينِ

Mambo hayako kama vile mnavyosema kwamba nyinyi mna haki ya kumuabudu asiyekuwa Mwenyezi Mungu. Bali nyinyi mnaikanusha Siku ya Hesabu na Malipo.

វាក្យខណ្ឌ: 10

وَإِنَّ عَلَيۡكُمۡ لَحَٰفِظِينَ

Na mjue kuwa wako na nyinyi Malaika wachunguzi,

វាក្យខណ្ឌ: 11

كِرَامٗا كَٰتِبِينَ

watukufu kwa Mwenyezi Mungu, waandishi wa yale waliyowakilishwa kuyadhibiti. Hakiwapiti, katika vitendo vyenu na siri zenu, chochote.

វាក្យខណ្ឌ: 12

يَعۡلَمُونَ مَا تَفۡعَلُونَ

Wanayajua mnayoyafanya, ya kheri au ya shari.

វាក្យខណ្ឌ: 13

إِنَّ ٱلۡأَبۡرَارَ لَفِي نَعِيمٖ

Hakika wachamungu wanaotekeleza haki za Mwenyezi Mungu na haki za waja wake watakuwa kwenye neema.

វាក្យខណ្ឌ: 14

وَإِنَّ ٱلۡفُجَّارَ لَفِي جَحِيمٖ

Hakika watu waovu waliopuuza haki za Mwenyezi Mungu na haki za waja wake watakuwa katika Moto mkali.

វាក្យខណ្ឌ: 15

يَصۡلَوۡنَهَا يَوۡمَ ٱلدِّينِ

Ukali wake, Moto huo, utawapata Siku ya Malipo.Na wala wao hawatakuwa ni wenye kughibu,

វាក្យខណ្ឌ: 16

وَمَا هُمۡ عَنۡهَا بِغَآئِبِينَ

wakawa hawamo ndani ya Moto wa Jahanamu, si kwa kutoka wala kwa kufa.

វាក្យខណ្ឌ: 17

وَمَآ أَدۡرَىٰكَ مَا يَوۡمُ ٱلدِّينِ

Ni kipi kinachokujuza ni upi utukufu wa Siku ya Hesabu?

វាក្យខណ្ឌ: 18

ثُمَّ مَآ أَدۡرَىٰكَ مَا يَوۡمُ ٱلدِّينِ

Kisha ni kipi kinachokujuza ni upi utukufu wa Siku ya Hesabu?

វាក្យខណ្ឌ: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

Siku ya Hesabu, hataweza yoyote kumnufaisha yoyote. Na amri zote Siku Hiyo ni za Mwenyezi Mungu Peke yake Ambaye hakuna mwenye kumshinda, wala hakuna mwenye kumtendesha nguvu, wala hakuna mwenye kushindana na Yeye.