ការបកប្រែអត្ថន័យ ជំពូក​ អាល់មូរសុីឡាត - ការបកប្រែជាភាសាswahili - អាប់ឌុលឡោះ ម៉ូហាំម៉ាត់ និងណាសៀរ ខមុីស - សព្វវចនាធិប្បាយគម្ពីរអាល់គួរអាន

Al-Mursalat

វាក្យខណ្ឌ: 1

وَٱلۡمُرۡسَلَٰتِ عُرۡفٗا

Anaapa Mwenyezi Mungu kwa upepo unapovuma kwa mfululizo, huu baada ya huu.

វាក្យខណ្ឌ: 2

فَٱلۡعَٰصِفَٰتِ عَصۡفٗا

Na kwa upepo wenye kuvuma kwa ukali wenye kuangamiza.

វាក្យខណ្ឌ: 3

وَٱلنَّٰشِرَٰتِ نَشۡرٗا

Na kwa Malaika waliopewa jukumu la mawingu, wakawa wayapeleka pale anapotaka Mwenyezi Mungu.

វាក្យខណ្ឌ: 4

فَٱلۡفَٰرِقَٰتِ فَرۡقٗا

Na kwa Malaika wanaoshuka, kutoka kwa Mwenyezi Mungu,

វាក្យខណ្ឌ: 5

فَٱلۡمُلۡقِيَٰتِ ذِكۡرًا

na amri zinazopambanua baina ya haki na batili na halali na haramu.

វាក្យខណ្ឌ: 6

عُذۡرًا أَوۡ نُذۡرًا

Na kwa Malaika wanaoupokea wahyi kutoka kwa Mwenyezi Mungu na kuuteremsha kwa Manabii Wake, unaowapa viumbe wake udhuru kutoka kwa Mwenyezi Mungu na pia onyo kutoka Kwake, ili watu wasiwe na hoja.

វាក្យខណ្ឌ: 7

إِنَّمَا تُوعَدُونَ لَوَٰقِعٞ

Hakika jambo la Kiyama mnaloahidiwa pamoja na lile la kuhesabiwa na kulipwa ni lenye kuwa hapana shaka.

វាក្យខណ្ឌ: 8

فَإِذَا ٱلنُّجُومُ طُمِسَتۡ

Basi nyota zitakapofutwa na mwangaza wake ukaondoka,

វាក្យខណ្ឌ: 9

وَإِذَا ٱلسَّمَآءُ فُرِجَتۡ

na mbingu zitakapopasuka,

វាក្យខណ្ឌ: 10

وَإِذَا ٱلۡجِبَالُ نُسِفَتۡ

na majabali yatakapopeperuka na kukueanea huku na kule na yakawa ni mapepe yanayorushwa na upepo,

វាក្យខណ្ឌ: 11

وَإِذَا ٱلرُّسُلُ أُقِّتَتۡ

Na Mitume watapowekewa wakati na muda wa baina yao na ummah wao na kusemwe,

វាក្យខណ្ឌ: 12

لِأَيِّ يَوۡمٍ أُجِّلَتۡ

«Ni Siku kubwa gani Mitume wameahirishiwa?»

វាក្យខណ្ឌ: 13

لِيَوۡمِ ٱلۡفَصۡلِ

Wameahirishiwa Siku ya hukumu na uamuzi baina ya viumbe.

វាក្យខណ្ឌ: 14

وَمَآ أَدۡرَىٰكَ مَا يَوۡمُ ٱلۡفَصۡلِ

Na nilipi lililokujulisha wewe, ewe binadamu, ni siku gani hiyo ya kutolewa uamuzi na ni zipi shida zake na vituko vyake?

វាក្យខណ្ឌ: 15

وَيۡلٞ يَوۡمَئِذٖ لِّلۡمُكَذِّبِينَ

Maangamivu makubwa Siku hiyo ni ya wale waliyoikanusha Siku hii iliyoahidiwa.

វាក្យខណ្ឌ: 16

أَلَمۡ نُهۡلِكِ ٱلۡأَوَّلِينَ

Kwani hatukuawaangamiza walitangulia kati ya umma waliopita kwa kuwakanusha kwao Mitume, kama vile watu wa Nūḥ, ‘Ād na Thamūd?

វាក្យខណ្ឌ: 17

ثُمَّ نُتۡبِعُهُمُ ٱلۡأٓخِرِينَ

Kisha tutawakutanisha na wao wale waliokuja nyuma kati ya wale waliokuwa ni kama wao katika ukanushaji na uasi.

វាក្យខណ្ឌ: 18

كَذَٰلِكَ نَفۡعَلُ بِٱلۡمُجۡرِمِينَ

Mfano wa uangamizaji huo mkali ndivyo tutakavyowafanya wahalifu kati ya makafiri wa Makkah, kwa kumkanusha kwao Mtume, rehema ya Mwenyezi Mungu na amani zimshukie.

វាក្យខណ្ឌ: 19

وَيۡلٞ يَوۡمَئِذٖ لِّلۡمُكَذِّبِينَ

Maangamivu na adhabu kali Siku ya Kiyama kwa kila mwenye kuukanusha upweke wa Mwenyezi Mungu, unabii, kufufuliwa na kuhesabiwa.

វាក្យខណ្ឌ: 20

أَلَمۡ نَخۡلُقكُّم مِّن مَّآءٖ مَّهِينٖ

Je kwani sisi hatukuwaumba nyinyi, enyi mkusanyiko wa makafiri, kutokana na maji dhaifu yaliyo matwevu nayo ni tone la manii,

វាក្យខណ្ឌ: 21

فَجَعَلۡنَٰهُ فِي قَرَارٖ مَّكِينٍ

tukayaweka maji haya kwenye mahali palipohifadhika, napo ni kizazi cha mwanamke,

វាក្យខណ្ឌ: 22

إِلَىٰ قَدَرٖ مَّعۡلُومٖ

mpaka kipindi maalumu kinachojulikana na Mwenyezi Mungu Aliyetukuka?

វាក្យខណ្ឌ: 23

فَقَدَرۡنَا فَنِعۡمَ ٱلۡقَٰدِرُونَ

Tukaweza kumuumba, kumtia sura na kumtoa. Basi bora wa wenye kuweza ni s isi.

វាក្យខណ្ឌ: 24

وَيۡلٞ يَوۡمَئِذٖ لِّلۡمُكَذِّبِينَ

Maangamivu na adhabu kali Siku ya Kiyama kwa wenye kukanusha uweza wetu.

វាក្យខណ្ឌ: 25

أَلَمۡ نَجۡعَلِ ٱلۡأَرۡضَ كِفَاتًا

Je kwani hatukuifanya hii ardhi mnayoishi juu yake

វាក្យខណ្ឌ: 26

أَحۡيَآءٗ وَأَمۡوَٰتٗا

ikusanye juu ya mgongo wake walio hai wasiohesabika, na ndani ya matumbo yake wafu wasiodhibitika, na

វាក្យខណ្ឌ: 27

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا

tukajaalia iwe na majabali yaliyojikita yaliyo marefu ili isitikisike na nyinyi, na tukawanywesha maji tamu yaliyo mazuri?

វាក្យខណ្ឌ: 28

وَيۡلٞ يَوۡمَئِذٖ لِّلۡمُكَذِّبِينَ

Maangamivu na adhabu kali Siku ya Kiyama kwa waliozikanusha neema hizi.

វាក្យខណ្ឌ: 29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ

Wataambiwa makafiri Siku ya Kiyama, «Endeni kwenye adhabu ya moto wa Jahanamu mliokuwa mkiukanusha duniani.

វាក្យខណ្ឌ: 30

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ

Endeni mjifinike kwenye kivuli cha moshi wa moto wa Jahanamu ambacho hapo panachembuka vipande vitatu.

វាក្យខណ្ឌ: 31

لَّا ظَلِيلٖ وَلَا يُغۡنِي مِنَ ٱللَّهَبِ

Kivuli hiko hakimfanyi mtu ahifadhike na joto la Siku hiyo wala hakizuii muwako wa Moto chochote.

វាក្យខណ្ឌ: 32

إِنَّهَا تَرۡمِي بِشَرَرٖ كَٱلۡقَصۡرِ

Hakika moto wa Jahanamu unarusha macheche makubwa ya moto, kila cheche moja katika hayo ni kama jengo lililoimarishwa katika ukubwa na urefu wa kuenda juu.

វាក្យខណ្ឌ: 33

كَأَنَّهُۥ جِمَٰلَتٞ صُفۡرٞ

Kama kwamba hizo cheche za moto wa Jahanamu zinazopaa juu ni ngamia weusi ambao rangi yao imeingia kwenye umanjano.»

វាក្យខណ្ឌ: 34

وَيۡلٞ يَوۡمَئِذٖ لِّلۡمُكَذِّبِينَ

Maangamivu na adhabu kali kwa wenye kukanusha mateso yaliyoahidiwa na Mwenyezi Mungu.

វាក្យខណ្ឌ: 35

هَٰذَا يَوۡمُ لَا يَنطِقُونَ

Hii ndiyo Siku ya Kiyama ambayo wakanushaji hawatatamka maneno ya kuwanufaisha

វាក្យខណ្ឌ: 36

وَلَا يُؤۡذَنُ لَهُمۡ فَيَعۡتَذِرُونَ

wala hawatapewa idhini ya kusema wakatoa nyudhuru, kwa kuwa hawatakuwa na udhuru wowote.

វាក្យខណ្ឌ: 37

وَيۡلٞ يَوۡمَئِذٖ لِّلۡمُكَذِّبِينَ

Maangamivu na adhabu kali kwa wenye kuikanusha siku hii na yaliyomo ndani yake.

វាក្យខណ្ឌ: 38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ

Hii ni Siku ambayo Mwenyezi Mungu Atatoa uamuzi baina ya viumbe, na ukweli na ubatilifu utapambanuka. Tutawakusanya nyinyi Siku hiyo, enyi makafiri wa ummah huu, pamoja na makafiri wa mwanzo miongoni mwa ummah waliopita.

វាក្យខណ្ឌ: 39

فَإِن كَانَ لَكُمۡ كَيۡدٞ فَكِيدُونِ

Basi mkiwa na hila za kujitoa na adhabu, tumieni hila zenu na mziokoe nafsi zenu na msukosuko wa Mwenyezi Mungu na mateso Yake.

វាក្យខណ្ឌ: 40

وَيۡلٞ يَوۡمَئِذٖ لِّلۡمُكَذِّبِينَ

Maangamivu na adhabu kali Siku ya Kiyama kwa wenye kuikanusha Siku ya Kiyama.

វាក្យខណ្ឌ: 41

إِنَّ ٱلۡمُتَّقِينَ فِي ظِلَٰلٖ وَعُيُونٖ

Hakika ya wale waliomuogopa Mola wao duniani na wakaiogopa adhabu Yake kwa kufuata amri Zake na kujiepusha na makatazo Yake. Wao Siku ya Kiyama watakuwa kwenye vivuli vya miti vilivyonyoka, na chemchemi za maji zinazotembea,

វាក្យខណ្ឌ: 42

وَفَوَٰكِهَ مِمَّا يَشۡتَهُونَ

na matunda mengi yanayopendwa na nafsi zao ambayo wao wanastarehe nayo. Hapo waambiwe,

វាក្យខណ្ឌ: 43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

«Kuleni chakula chenye ladha na mnyweni kinywaji chenye kufurahisha kwa sababu ya matendo mema mliyoyatanguliza duniani.»

វាក្យខណ្ឌ: 44

إِنَّا كَذَٰلِكَ نَجۡزِي ٱلۡمُحۡسِنِينَ

Sisi, kwa mfano wa malipo hayo makubwa, tutawalipa watu wema katika matendo yao na utiifu wao kwetu.

វាក្យខណ្ឌ: 45

وَيۡلٞ يَوۡمَئِذٖ لِّلۡمُكَذِّبِينَ

Maangamivu na adhabu kali Siku ya Kiyama kwa wenye kuikanusha Siku ya Malipo na Hesabu, na kuzikanusha sterehe na mateso yaliyomo Siku hiyo.

វាក្យខណ្ឌ: 46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ

Kisha Mwenyezi Mungu Akawaonya makafiri kwa kusema, «Kuleni aina ya vyakula vya ladha duniani na stareheni kwa matamanio yake yenye kumalizika kwa muda mchache, hakika nyinyi ni wahalifu kwa kumshirikisha kwenu Mwenyezi Mungu.»

វាក្យខណ្ឌ: 47

وَيۡلٞ يَوۡمَئِذٖ لِّلۡمُكَذِّبِينَ

Maangamivu na adhabu kali Siku ya Kiyama kwa wenye kuikanusha Siku ya kuhesabiwa na kulipwa.

វាក្យខណ្ឌ: 48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ

Na wanapoambiwa hawa washirikina, «Mswalieni Mwenyezi Mungu na mnyenyekeeni,» hawanyenyekei wala hawaswali, bali wanaendelea kuonyesha kiburi chao.

វាក្យខណ្ឌ: 49

وَيۡلٞ يَوۡمَئِذٖ لِّلۡمُكَذِّبِينَ

Maangamivu na adhabu kali Siku ya Kiyama kwa wenye kuzikanusha aya za Mwenyezi Mungu.

វាក្យខណ្ឌ: 50

فَبِأَيِّ حَدِيثِۭ بَعۡدَهُۥ يُؤۡمِنُونَ

Iwapo wao hawataiamini hii Qur’ani, basi wataamini kitabu gani na maneno gani baada yake? Na Qur’ani yenyewe ni Kitabu kilichobainisha kila kitu, kilicho wazi katika hekima zake, hukumu zake na habari zake, chenye kushinda katika matamko yake na maana yake.