ការបកប្រែអត្ថន័យ ជំពូក​ តហា - ការបកប្រែជាភាសាswahili - អាប់ឌុលឡោះ ម៉ូហាំម៉ាត់ និងណាសៀរ ខមុីស - លេខ​ទំព័រ 313 - សព្វវចនាធិប្បាយគម្ពីរអាល់គួរអាន

វាក្យខណ្ឌ: 13

وَأَنَا ٱخۡتَرۡتُكَ فَٱسۡتَمِعۡ لِمَا يُوحَىٰٓ

Na mimi nimekuteua , ewe Mūsā, kwa ujumbe wangu, basi sikiliza yale unayoletewa ya wahyi kutoka kwangu.

វាក្យខណ្ឌ: 14

إِنَّنِيٓ أَنَا ٱللَّهُ لَآ إِلَٰهَ إِلَّآ أَنَا۠ فَٱعۡبُدۡنِي وَأَقِمِ ٱلصَّلَوٰةَ لِذِكۡرِيٓ

Mimi Ndiye Mwenyezi Mungu, hakuna mwenye kuabudiwa kwa haki isipokuwa mimi, sina mshirika, basi niabudu mimi na usimamishe Swala ili unikumbuke ndani yake.

វាក្យខណ្ឌ: 15

إِنَّ ٱلسَّاعَةَ ءَاتِيَةٌ أَكَادُ أُخۡفِيهَا لِتُجۡزَىٰ كُلُّ نَفۡسِۭ بِمَا تَسۡعَىٰ

Hakika Kiyama ambacho watu hapo watafufuliwa hapana budi ni chenye kutukia. Nakaribia kukificha kwangu mimi mwenyewe, basi ni vipi atakijua mtu yoyote miongoni mwa viumbe. Hivyo ni apate kulipwa kila mtu kwa alilolitenda ulimwenguni, liwe zuri au baya.

វាក្យខណ្ឌ: 16

فَلَا يَصُدَّنَّكَ عَنۡهَا مَن لَّا يُؤۡمِنُ بِهَا وَٱتَّبَعَ هَوَىٰهُ فَتَرۡدَىٰ

Basi asikuepushe, ewe Mūsā, na kukiamini na kujitayarisha nacho, asiyekikubali kuwa kitatukia na asiyetenda ya kumfaa huko na akayafuata matamanio ya nafsi yake na akakikanusha, kwani ukifanya hivyo utaangamia.

វាក្យខណ្ឌ: 17

وَمَا تِلۡكَ بِيَمِينِكَ يَٰمُوسَىٰ

Na ni nini hii iliyo kwenye mkono wako wa kulia, ewe Mūsā?

វាក្យខណ្ឌ: 18

قَالَ هِيَ عَصَايَ أَتَوَكَّؤُاْ عَلَيۡهَا وَأَهُشُّ بِهَا عَلَىٰ غَنَمِي وَلِيَ فِيهَا مَـَٔارِبُ أُخۡرَىٰ

Akasema Mūsā, «Hii ni ni fimbo yangu, naitegemea katika kwenda na ninapigia miti ili mbuzi wangu walishe majani yake yanayoanguka na pia nina maslahi nayo mengine.»

វាក្យខណ្ឌ: 19

قَالَ أَلۡقِهَا يَٰمُوسَىٰ

Mwenyezi Mungu Akamwambia Mūsā, «Itupe fimbo yako!»

វាក្យខណ្ឌ: 20

فَأَلۡقَىٰهَا فَإِذَا هِيَ حَيَّةٞ تَسۡعَىٰ

Mūsā akaitupa chini, ikageuka kwa amri ya Mwenyezi Mungu ikawa nyoka anayetembea, na Mūsā akaona jambo kubwa na akazunguka kukimbia.

វាក្យខណ្ឌ: 21

قَالَ خُذۡهَا وَلَا تَخَفۡۖ سَنُعِيدُهَا سِيرَتَهَا ٱلۡأُولَىٰ

Mwenyezi Mungu Akasema kumwambia Mūsā, «Mshike huyo nyoka na usimuogope, tutamrudisha kuwa fimbo vile alivyokuwa mwanzo.

វាក្យខណ្ឌ: 22

وَٱضۡمُمۡ يَدَكَ إِلَىٰ جَنَاحِكَ تَخۡرُجۡ بَيۡضَآءَ مِنۡ غَيۡرِ سُوٓءٍ ءَايَةً أُخۡرَىٰ

Na ukumbatie mkono wako kwenye ubavu wako chini ya shina la mkono utatoka hali ni mweupe kama barafu bila ya kuwa na mbalanga, ili iwe ni alama nyingine.

វាក្យខណ្ឌ: 23

لِنُرِيَكَ مِنۡ ءَايَٰتِنَا ٱلۡكُبۡرَى

Tumefanya hivyo ili kukuonesha , ewe Mūsā, dalili zetu kubwa zenye kutolea ushahidi uweza wetu, ukubwa wa ufalme wetu na usahihi wa utume wako.

វាក្យខណ្ឌ: 24

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

Enda, ewe Mūsā, kwa Fir'awn, kwa kuwa yeye amepitisha kipimo chake na ametoka kwenye utiifu wa Mola wake, umuite kwenye kumpwekesha Mwenyezi Mungu na kumuabudu.

វាក្យខណ្ឌ: 25

قَالَ رَبِّ ٱشۡرَحۡ لِي صَدۡرِي

Mūsā akasema, «Ewe Mola wangu! Nikunjulie kifua changu,

វាក្យខណ្ឌ: 26

وَيَسِّرۡ لِيٓ أَمۡرِي

nirahisishie mambo yangu

វាក្យខណ្ឌ: 27

وَٱحۡلُلۡ عُقۡدَةٗ مِّن لِّسَانِي

na nifungulie ulimi wangu uwe na ufasaha wa matamshi,

វាក្យខណ្ឌ: 28

يَفۡقَهُواْ قَوۡلِي

ili waelewe maneno yangu.

វាក្យខណ្ឌ: 29

وَٱجۡعَل لِّي وَزِيرٗا مِّنۡ أَهۡلِي

Na unipatie msaidizi miongoni mwa watu wangu,

វាក្យខណ្ឌ: 30

هَٰرُونَ أَخِي

naye ni Hārūn ndugu yangu.

វាក្យខណ្ឌ: 31

ٱشۡدُدۡ بِهِۦٓ أَزۡرِي

Nitilie nguvu kwa yeye na uuthibitishe mgongo wangu kwa ajili yake.

វាក្យខណ្ឌ: 32

وَأَشۡرِكۡهُ فِيٓ أَمۡرِي

Na umshirikishe na mimi katika unabii na ufikishaji ujumbe.

វាក្យខណ្ឌ: 33

كَيۡ نُسَبِّحَكَ كَثِيرٗا

Tupate kukuepusha na kila sifa ya upungufu na tukutakase kwa wingi,

វាក្យខណ្ឌ: 34

وَنَذۡكُرَكَ كَثِيرًا

na tukutaje kwa wingi na tukushukuru.

វាក្យខណ្ឌ: 35

إِنَّكَ كُنتَ بِنَا بَصِيرٗا

Kwa hakika, wewe ni mwenye kutuona, hakuna chochote kinachofichika kwako miongoni mwa vitendo vyetu.»

វាក្យខណ្ឌ: 36

قَالَ قَدۡ أُوتِيتَ سُؤۡلَكَ يَٰمُوسَىٰ

Mwenyezi Mungu Akasema, «Nishakupa kila ulichokiomba, ewe Mūsā.

វាក្យខណ្ឌ: 37

وَلَقَدۡ مَنَنَّا عَلَيۡكَ مَرَّةً أُخۡرَىٰٓ

«Na tulikupa , ewe Mūsā, kabla ya neema hii, neema nyingine ulipokuwa ni mtoto wa kunyonya tukakuokoa na unyanyasaji wa Fir'awn.