ការបកប្រែអត្ថន័យ ជំពូក​ អាល់អាក់រ៉ហ្វ - ការបកប្រែជាភាសាហ្វីលីពីន (ម៉ាហ្ជិនដាណាវ) - មជ្ឍមណ្ឌលបកប្រែរ៉ូវ៉ាទ - លេខ​ទំព័រ 166 - សព្វវចនាធិប្បាយគម្ពីរអាល់គួរអាន

វាក្យខណ្ឌ: 131

فَإِذَا جَآءَتۡهُمُ ٱلۡحَسَنَةُ قَالُواْ لَنَا هَٰذِهِۦۖ وَإِن تُصِبۡهُمۡ سَيِّئَةٞ يَطَّيَّرُواْ بِمُوسَىٰ وَمَن مَّعَهُۥٓۗ أَلَآ إِنَّمَا طَٰٓئِرُهُمۡ عِندَ ٱللَّهِ وَلَٰكِنَّ أَكۡثَرَهُمۡ لَا يَعۡلَمُونَ

Na amayka mawma na mapya silan, ya nilan kadtalu na lekitanu bun i nya, amayka nasugat silan a mapasang na pidtempwan nilan si Musa endu su manga bamaginugut, na langun na ipedtempu nilan na lu sa Allah, ugayd na ya madakel sa kanilan i di manga mataw.

វាក្យខណ្ឌ: 132

وَقَالُواْ مَهۡمَا تَأۡتِنَا بِهِۦ مِنۡ ءَايَةٖ لِّتَسۡحَرَنَا بِهَا فَمَا نَحۡنُ لَكَ بِمُؤۡمِنِينَ

Endu pidtalu nilan (kani Musa): apya ngin den i kapambwat nengka sa tanda a sih’r nengka sya sa lekami na di nami seka pangimbenalen.

វាក្យខណ្ឌ: 133

فَأَرۡسَلۡنَا عَلَيۡهِمُ ٱلطُّوفَانَ وَٱلۡجَرَادَ وَٱلۡقُمَّلَ وَٱلضَّفَادِعَ وَٱلدَّمَ ءَايَٰتٖ مُّفَصَّلَٰتٖ فَٱسۡتَكۡبَرُواْ وَكَانُواْ قَوۡمٗا مُّجۡرِمِينَ

Na sinugu nami sa kanilan i kadalem endu tapudi endu manga saldu endu babak endu lugu a manga tanda a kapegkagaga nu Allah a pidtinatad, na mimamasla silan, endu silan i manga taw a mujrimeen (dupang, pedsakutu, baradusa).

វាក្យខណ្ឌ: 134

وَلَمَّا وَقَعَ عَلَيۡهِمُ ٱلرِّجۡزُ قَالُواْ يَٰمُوسَى ٱدۡعُ لَنَا رَبَّكَ بِمَا عَهِدَ عِندَكَۖ لَئِن كَشَفۡتَ عَنَّا ٱلرِّجۡزَ لَنُؤۡمِنَنَّ لَكَ وَلَنُرۡسِلَنَّ مَعَكَ بَنِيٓ إِسۡرَٰٓءِيلَ

Endu makawma sa kanilan su siksa sa kanilan (namba nangalabit anan), ya nilan pidtalu: Hay Musa! Pangeni ka pan sa lekami kanu kadenan nengka sa pasad nin sa leka amayka ma-awa nengka i siksa a nya na mangimbenal kami den sa leka endu paunuten nami den sa leka su tupu nu Israel.

វាក្យខណ្ឌ: 135

فَلَمَّا كَشَفۡنَا عَنۡهُمُ ٱلرِّجۡزَ إِلَىٰٓ أَجَلٍ هُم بَٰلِغُوهُ إِذَا هُمۡ يَنكُثُونَ

Guna nami ibpagawa sa kanilan su siksa sa taman a di bu pakawma su kageled nilan, kena ka dala nilan tumana su pasad nilan.

វាក្យខណ្ឌ: 136

فَٱنتَقَمۡنَا مِنۡهُمۡ فَأَغۡرَقۡنَٰهُمۡ فِي ٱلۡيَمِّ بِأَنَّهُمۡ كَذَّبُواْ بِـَٔايَٰتِنَا وَكَانُواْ عَنۡهَا غَٰفِلِينَ

Sinulyan silan sa pinagelad nami silan kanu lagat, kagina silan i napan-dalbut kanu manga ayatan nami endu silan kanu manga ayatan nami na dala sa atay nilan.

វាក្យខណ្ឌ: 137

وَأَوۡرَثۡنَا ٱلۡقَوۡمَ ٱلَّذِينَ كَانُواْ يُسۡتَضۡعَفُونَ مَشَٰرِقَ ٱلۡأَرۡضِ وَمَغَٰرِبَهَا ٱلَّتِي بَٰرَكۡنَا فِيهَاۖ وَتَمَّتۡ كَلِمَتُ رَبِّكَ ٱلۡحُسۡنَىٰ عَلَىٰ بَنِيٓ إِسۡرَٰٓءِيلَ بِمَا صَبَرُواْۖ وَدَمَّرۡنَا مَا كَانَ يَصۡنَعُ فِرۡعَوۡنُ وَقَوۡمُهُۥ وَمَا كَانُواْ يَعۡرِشُونَ

Endu ya nami pinawaris na manga taw a dala alaga nin (pinakapasangan) sa sebangan-sedepan nu dalpa, a dalpa a pinambarakat nami, endu nya bun nakapanalus na su kadtalu nu kadenan nengka a mapya kanu tupu nu Israel, sabap kanu kinadsabar nilan endu bininasa nami su pakayd nu Fir’awn endu su manga taw nin endu su manga pamulan nin.