ការបកប្រែអត្ថន័យ ជំពូក​ កហ្វ - ការបកប្រែជាភាសាហ្វីលីពីន (ម៉ាហ្ជិនដាណាវ) - មជ្ឍមណ្ឌលបកប្រែរ៉ូវ៉ាទ - សព្វវចនាធិប្បាយគម្ពីរអាល់គួរអាន

Qaf

វាក្យខណ្ឌ: 1

قٓۚ وَٱلۡقُرۡءَانِ ٱلۡمَجِيدِ

Qaaf (su Allah i mataw kanu ma’ana nin), saki (su Allah) idsapa ku su Qur’an a mapulu.

វាក្យខណ្ឌ: 2

بَلۡ عَجِبُوٓاْ أَن جَآءَهُم مُّنذِرٞ مِّنۡهُمۡ فَقَالَ ٱلۡكَٰفِرُونَ هَٰذَا شَيۡءٌ عَجِيبٌ

Ugayd na nagayp (su manga taw) sa nakawma sa kanilan i papegkagilek a bangsa nilan bun, ya pidtalu nu manga kafir: nya den i isa a makagayp.

វាក្យខណ្ឌ: 3

أَءِذَا مِتۡنَا وَكُنَّا تُرَابٗاۖ ذَٰلِكَ رَجۡعُۢ بَعِيدٞ

Upama ka matay tanu na libubuk tanu den, na mawatan i makambuwat tanu pan.

វាក្យខណ្ឌ: 4

قَدۡ عَلِمۡنَا مَا تَنقُصُ ٱلۡأَرۡضُ مِنۡهُمۡۖ وَعِندَنَا كِتَٰبٌ حَفِيظُۢ

Saben-sabenal a natawan nami su ped kanu lumpukan nilan, endu sya sa lekami su kitab a nasulatan kanilan (Lawh al-Mahfuz).

វាក្យខណ្ឌ: 5

بَلۡ كَذَّبُواْ بِٱلۡحَقِّ لَمَّا جَآءَهُمۡ فَهُمۡ فِيٓ أَمۡرٖ مَّرِيجٍ

Ugayd na pinandalbut nilan su haqq guna makawma sa kanilan, ka silan na mimbida-bida (ped kanilan na dala talu sa sih’r).

វាក្យខណ្ឌ: 6

أَفَلَمۡ يَنظُرُوٓاْ إِلَى ٱلسَّمَآءِ فَوۡقَهُمۡ كَيۡفَ بَنَيۡنَٰهَا وَزَيَّنَّٰهَا وَمَا لَهَا مِن فُرُوجٖ

Ngintu di nilan gadsuliman su langit kanu pulu nilan upama manan i kinambalay nami lun? Endu dala manga pesu nin dala palos nin.

វាក្យខណ្ឌ: 7

وَٱلۡأَرۡضَ مَدَدۡنَٰهَا وَأَلۡقَيۡنَا فِيهَا رَوَٰسِيَ وَأَنۢبَتۡنَا فِيهَا مِن كُلِّ زَوۡجِۭ بَهِيجٖ

Endu su lupa sa binelat nami, endu aden manga palaw nin a di gapalin, endu aden pan bagetu a embalang-balang a mapya i palas nin.

វាក្យខណ្ឌ: 8

تَبۡصِرَةٗ وَذِكۡرَىٰ لِكُلِّ عَبۡدٖ مُّنِيبٖ

Bagilayan endu ipapedtadem kanu langun nu ulipen a baratawbat.

វាក្យខណ្ឌ: 9

وَنَزَّلۡنَا مِنَ ٱلسَّمَآءِ مَآءٗ مُّبَٰرَكٗا فَأَنۢبَتۡنَا بِهِۦ جَنَّٰتٖ وَحَبَّ ٱلۡحَصِيدِ

Endu pinatulun nami pan kanu langit su ig a barakat (ulan) na pinatu’ nami su bamangetu endu su lagas a gapapagani.

វាក្យខណ្ឌ: 10

وَٱلنَّخۡلَ بَاسِقَٰتٖ لَّهَا طَلۡعٞ نَّضِيدٞ

Endu su kayu-kulma a malambeg, aden pusu nin a mindalalapis.

វាក្យខណ្ឌ: 11

رِّزۡقٗا لِّلۡعِبَادِۖ وَأَحۡيَيۡنَا بِهِۦ بَلۡدَةٗ مَّيۡتٗاۚ كَذَٰلِكَ ٱلۡخُرُوجُ

Rizki nu manga ulipen, endu inuyag nami pan sabap kanu ulan su dalpa a minatay, na mamba i kawyag sa kambuwat (sa kubur).

វាក្យខណ្ឌ: 12

كَذَّبَتۡ قَبۡلَهُمۡ قَوۡمُ نُوحٖ وَأَصۡحَٰبُ ٱلرَّسِّ وَثَمُودُ

Napandalbut su nawna sa kanilan mana su taw nu Nuh endu su manga taw kigkuwan sa kalut endu su Thamud.

វាក្យខណ្ឌ: 13

وَعَادٞ وَفِرۡعَوۡنُ وَإِخۡوَٰنُ لُوطٖ

Endu su Aad endu su Fir’awn endu su pagali nu Lut.

វាក្យខណ្ឌ: 14

وَأَصۡحَٰبُ ٱلۡأَيۡكَةِ وَقَوۡمُ تُبَّعٖۚ كُلّٞ كَذَّبَ ٱلرُّسُلَ فَحَقَّ وَعِيدِ

Endu su manga taw a kigkuwan sa lipunget endu su taw nu tuba, pinandalbut nilan su manga sinugu, na wagib su tyuba sa kanilan

វាក្យខណ្ឌ: 15

أَفَعَيِينَا بِٱلۡخَلۡقِ ٱلۡأَوَّلِۚ بَلۡ هُمۡ فِي لَبۡسٖ مِّنۡ خَلۡقٖ جَدِيدٖ

(Tig nu Allah): dala kami malugat sa kinabaluy nami sa dunya paganay, endu di kami pan galugat kabaguyagen kanu bu, ugayd na penduwa-duwa kanu.

វាក្យខណ្ឌ: 16

وَلَقَدۡ خَلَقۡنَا ٱلۡإِنسَٰنَ وَنَعۡلَمُ مَا تُوَسۡوِسُ بِهِۦ نَفۡسُهُۥۖ وَنَحۡنُ أَقۡرَبُ إِلَيۡهِ مِنۡ حَبۡلِ ٱلۡوَرِيدِ

Endu saben-sabenal a binaluy nami su manusya na katawan nami su bityala nu ginawa nin, endu sekami (Allah) na muna pan i kasupeg nami sa ugat nu lig nilan.

វាក្យខណ្ឌ: 17

إِذۡ يَتَلَقَّى ٱلۡمُتَلَقِّيَانِ عَنِ ٱلۡيَمِينِ وَعَنِ ٱلشِّمَالِ قَعِيدٞ

Su duwa a malaikat, tampal sa kawanan su isa, su isa na tampal sa biwang, na bagagayan silan duwa.

វាក្យខណ្ឌ: 18

مَّا يَلۡفِظُ مِن قَوۡلٍ إِلَّا لَدَيۡهِ رَقِيبٌ عَتِيدٞ

Da kadtalu nu taw a di kena kadtulikan nilan a pakasulat.

វាក្យខណ្ឌ: 19

وَجَآءَتۡ سَكۡرَةُ ٱلۡمَوۡتِ بِٱلۡحَقِّۖ ذَٰلِكَ مَا كُنتَ مِنۡهُ تَحِيدُ

Endu nakawma su langut u kapatay sa haqq, nya ba su gay a bana-ligkudan nengka.

វាក្យខណ្ឌ: 20

وَنُفِخَ فِي ٱلصُّورِۚ ذَٰلِكَ يَوۡمُ ٱلۡوَعِيدِ

Endu yupen su sanggakala na namba a gay na siksa su manga kafir.

វាក្យខណ្ឌ: 21

وَجَآءَتۡ كُلُّ نَفۡسٖ مَّعَهَا سَآئِقٞ وَشَهِيدٞ

Endu makawma kanu umani-isa (i malaikat) a pedtundug lun endu pedsaksi lun.

វាក្យខណ្ឌ: 22

لَّقَدۡ كُنتَ فِي غَفۡلَةٖ مِّنۡ هَٰذَا فَكَشَفۡنَا عَنكَ غِطَآءَكَ فَبَصَرُكَ ٱلۡيَوۡمَ حَدِيدٞ

Endu saben-sabenal (lu sa dunya) na inidtalipenda nengka i nyaba na saguna ini-awa nami su pakadalung sa leka, su mata nengka saguna na maylay nin su siksa nengka.

វាក្យខណ្ឌ: 23

وَقَالَ قَرِينُهُۥ هَٰذَا مَا لَدَيَّ عَتِيدٌ

Endu edtalun (u malaikat): nya den ba su laki a tinuganul.

វាក្យខណ្ឌ: 24

أَلۡقِيَا فِي جَهَنَّمَ كُلَّ كَفَّارٍ عَنِيدٖ

(Endu edtalun nilan): iyulug nu sa naraka su langun na kafir a sinumupak.

វាក្យខណ្ឌ: 25

مَّنَّاعٖ لِّلۡخَيۡرِ مُعۡتَدٖ مُّرِيبٍ

Midsingit sa mapya, matibaba, penduwa-duwa.

វាក្យខណ្ឌ: 26

ٱلَّذِي جَعَلَ مَعَ ٱللَّهِ إِلَٰهًا ءَاخَرَ فَأَلۡقِيَاهُ فِي ٱلۡعَذَابِ ٱلشَّدِيدِ

Silan na minumbal sa kadenan nilan a salakaw sa Allah, isumek nu san kanu siksa a sangat i kapasang nin.

វាក្យខណ្ឌ: 27

۞ قَالَ قَرِينُهُۥ رَبَّنَا مَآ أَطۡغَيۡتُهُۥ وَلَٰكِن كَانَ فِي ضَلَٰلِۭ بَعِيدٖ

Ya edtalun nu Shaytan, Kadenan ku di kena ku sekanin pinasibay ugayd na andang bun a natading sekanin sa mawatan.

វាក្យខណ្ឌ: 28

قَالَ لَا تَخۡتَصِمُواْ لَدَيَّ وَقَدۡ قَدَّمۡتُ إِلَيۡكُم بِٱلۡوَعِيدِ

Edtalun nu (Allah): Da kanu pendapata sa hadapan ku, ka inilu ku sa lekanu su bandingan sa kapasang a siksa.

វាក្យខណ្ឌ: 29

مَا يُبَدَّلُ ٱلۡقَوۡلُ لَدَيَّ وَمَآ أَنَا۠ بِظَلَّٰمٖ لِّلۡعَبِيدِ

Di kasambyan sya sa laki su kadtalu, endu da sa laki i kadupang ku kanu manga ulipen ku.

វាក្យខណ្ឌ: 30

يَوۡمَ نَقُولُ لِجَهَنَّمَ هَلِ ٱمۡتَلَأۡتِ وَتَقُولُ هَلۡ مِن مَّزِيدٖ

Su gay na edtalun nu Allah kanu naraka: nginan napenu ka den? Ya kadtalu nu naraka: enduken aden pan i baguman?

វាក្យខណ្ឌ: 31

وَأُزۡلِفَتِ ٱلۡجَنَّةُ لِلۡمُتَّقِينَ غَيۡرَ بَعِيدٍ

Endu pibpalasan su surga endu inisupeg kanu magilek sa Allah sa di kena mawatan.

វាក្យខណ្ឌ: 32

هَٰذَا مَا تُوعَدُونَ لِكُلِّ أَوَّابٍ حَفِيظٖ

(Edtalun sa kanilan): nya ba su inibpasad sa lekanu kanu bara-tawbat a timuganul sa agama.

វាក្យខណ្ឌ: 33

مَّنۡ خَشِيَ ٱلرَّحۡمَٰنَ بِٱلۡغَيۡبِ وَجَآءَ بِقَلۡبٖ مُّنِيبٍ

Entayn i magilek sa Allah sa gayb, endu su pusung nin a midtawbat.

វាក្យខណ្ឌ: 34

ٱدۡخُلُوهَا بِسَلَٰمٖۖ ذَٰلِكَ يَوۡمُ ٱلۡخُلُودِ

Ludep kanu (sa surga) sa sajahatra kanu, entu ba gay na dala kadtamanan nin.

វាក្យខណ្ឌ: 35

لَهُم مَّا يَشَآءُونَ فِيهَا وَلَدَيۡنَا مَزِيدٞ

Sa kanilan i pegkyugan nilan sa surga, na aden pan ibaguman (sa kanilan i manga mapya).

វាក្យខណ្ឌ: 36

وَكَمۡ أَهۡلَكۡنَا قَبۡلَهُم مِّن قَرۡنٍ هُمۡ أَشَدُّ مِنۡهُم بَطۡشٗا فَنَقَّبُواْ فِي ٱلۡبِلَٰدِ هَلۡ مِن مَّحِيصٍ

Endu madakel i bininasa nami a dalpa a nawna, a ya pan mabagel sa lekanu a nakapangilay sya kanu manga dalpa sa kapalaguyan nilan.

វាក្យខណ្ឌ: 37

إِنَّ فِي ذَٰلِكَ لَذِكۡرَىٰ لِمَن كَانَ لَهُۥ قَلۡبٌ أَوۡ أَلۡقَى ٱلسَّمۡعَ وَهُوَ شَهِيدٞ

Saben-sabenal a langun a entuba na indawan kanu aden pusung nin atawaka su nanuliman a mibpegu i pusung nin.

វាក្យខណ្ឌ: 38

وَلَقَدۡ خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَا فِي سِتَّةِ أَيَّامٖ وَمَا مَسَّنَا مِن لُّغُوبٖ

Endu saben-sabenal a binaluy nami su manga langit endu lupa endu su pageletan nin na naka-nem gay, endu dala kami malugat.

វាក្យខណ្ឌ: 39

فَٱصۡبِرۡ عَلَىٰ مَا يَقُولُونَ وَسَبِّحۡ بِحَمۡدِ رَبِّكَ قَبۡلَ طُلُوعِ ٱلشَّمۡسِ وَقَبۡلَ ٱلۡغُرُوبِ

Tigkeli ka (Muhammad) su kadtalu nilan, endu tasbih ka kanu kadenan nengka sa di pan makasebang su senang endu dipan makasedep.

វាក្យខណ្ឌ: 40

وَمِنَ ٱلَّيۡلِ فَسَبِّحۡهُ وَأَدۡبَٰرَ ٱلسُّجُودِ

Endu panuliman  ka su gay a mananawag su banawag a masupeg.

វាក្យខណ្ឌ: 41

وَٱسۡتَمِعۡ يَوۡمَ يُنَادِ ٱلۡمُنَادِ مِن مَّكَانٖ قَرِيبٖ

Endu panuliman ka su gay a mananawag su banawag a masupeg.

វាក្យខណ្ឌ: 42

يَوۡمَ يَسۡمَعُونَ ٱلصَّيۡحَةَ بِٱلۡحَقِّۚ ذَٰلِكَ يَوۡمُ ٱلۡخُرُوجِ

Su gay a makineg nilan (su ikaduwa) kayup kanu sanggakala, namba su gay a kalyu.

វាក្យខណ្ឌ: 43

إِنَّا نَحۡنُ نُحۡيِۦ وَنُمِيتُ وَإِلَيۡنَا ٱلۡمَصِيرُ

Saben-sabenal a sekami na baguyag a bangimatay, sekami bun i kambalinganan.

វាក្យខណ្ឌ: 44

يَوۡمَ تَشَقَّقُ ٱلۡأَرۡضُ عَنۡهُمۡ سِرَاعٗاۚ ذَٰلِكَ حَشۡرٌ عَلَيۡنَا يَسِيرٞ

Gay a kambutekad nu lupa sa mangagan gayd i kalyu nilan, namba su gay a kambulig, na malemu gayd sa lekami intu.

វាក្យខណ្ឌ: 45

نَّحۡنُ أَعۡلَمُ بِمَا يَقُولُونَۖ وَمَآ أَنتَ عَلَيۡهِم بِجَبَّارٖۖ فَذَكِّرۡ بِٱلۡقُرۡءَانِ مَن يَخَافُ وَعِيدِ

Sekami i mataw sa langun a kadtalu nilan, endu dala sa leka (Muhammad) i kapameges, pangindaw ka kanu (Qur’an) su taw a magilek kanu naraka.