ការបកប្រែអត្ថន័យ ជំពូក​ យូនូស - ការបកប្រែជាភាសាហ្វីលីពីន (ម៉ាហ្ជិនដាណាវ) - មជ្ឍមណ្ឌលបកប្រែរ៉ូវ៉ាទ - លេខ​ទំព័រ 220 - សព្វវចនាធិប្បាយគម្ពីរអាល់គួរអាន

វាក្យខណ្ឌ: 98

فَلَوۡلَا كَانَتۡ قَرۡيَةٌ ءَامَنَتۡ فَنَفَعَهَآ إِيمَٰنُهَآ إِلَّا قَوۡمَ يُونُسَ لَمَّآ ءَامَنُواْ كَشَفۡنَا عَنۡهُمۡ عَذَابَ ٱلۡخِزۡيِ فِي ٱلۡحَيَوٰةِ ٱلدُّنۡيَا وَمَتَّعۡنَٰهُمۡ إِلَىٰ حِينٖ

Dala dalpa a darwaka i taw nin, a mangimbenal (guna nin mailay i siksa) (na dili) makambarapantag sa lekanin su pangimbenal nin ya tabya na su taw nu Yunus a guna silan pangimbenal na inawa nu Allah kanilan su siksa a kayayan siya sa kabpaguyag sa dunya, endu inikalimu nami silan taman sa ajal nilan.

វាក្យខណ្ឌ: 99

وَلَوۡ شَآءَ رَبُّكَ لَأٓمَنَ مَن فِي ٱلۡأَرۡضِ كُلُّهُمۡ جَمِيعًاۚ أَفَأَنتَ تُكۡرِهُ ٱلنَّاسَ حَتَّىٰ يَكُونُواْ مُؤۡمِنِينَ

U mana bu ka pigkahanda nu kadenan nengka, na nangimbenal su taw nu lupa sa langun nilan, na ngintu seka pan (Muhammad) i meges kanu manga taw ka endu mabaluy silan a mu'min tanan?

វាក្យខណ្ឌ: 100

وَمَا كَانَ لِنَفۡسٍ أَن تُؤۡمِنَ إِلَّا بِإِذۡنِ ٱللَّهِۚ وَيَجۡعَلُ ٱلرِّجۡسَ عَلَى ٱلَّذِينَ لَا يَعۡقِلُونَ

Dala isa a taw a mangimbenal ya tabya na kahanda nu Allah, na endu baluyen nin (Allah) i maledsik kanu manga taw a di magungangen.

វាក្យខណ្ឌ: 101

قُلِ ٱنظُرُواْ مَاذَا فِي ٱلسَّمَٰوَٰتِ وَٱلۡأَرۡضِۚ وَمَا تُغۡنِي ٱلۡأٓيَٰتُ وَٱلنُّذُرُ عَن قَوۡمٖ لَّا يُؤۡمِنُونَ

Edtalu ka: ilay nu u ngin i dalem nu manga langit endu su lupa, endu di bun pakangguna su manga ayat endu su pakagilek kanu manga taw a di bangimbenal.

វាក្យខណ្ឌ: 102

فَهَلۡ يَنتَظِرُونَ إِلَّا مِثۡلَ أَيَّامِ ٱلَّذِينَ خَلَوۡاْ مِن قَبۡلِهِمۡۚ قُلۡ فَٱنتَظِرُوٓاْ إِنِّي مَعَكُم مِّنَ ٱلۡمُنتَظِرِينَ

Na dala kapagangapan nilan ya tabiya na mana su manga gay a naypus kanu manga taw a nawna kanilan (a manga tyuba), edtalu ka magangapa silan, ka saki na salta aku sa lekanu a manga taw a bagangapa.

វាក្យខណ្ឌ: 103

ثُمَّ نُنَجِّي رُسُلَنَا وَٱلَّذِينَ ءَامَنُواْۚ كَذَٰلِكَ حَقًّا عَلَيۡنَا نُنجِ ٱلۡمُؤۡمِنِينَ

Mawli na lepasen nami su manga sinugu nami endu su manga mu'min, mamba i bantang (wagib) sa lekami- kalepas nami kanu manga mu'min.

វាក្យខណ្ឌ: 104

قُلۡ يَٰٓأَيُّهَا ٱلنَّاسُ إِن كُنتُمۡ فِي شَكّٖ مِّن دِينِي فَلَآ أَعۡبُدُ ٱلَّذِينَ تَعۡبُدُونَ مِن دُونِ ٱللَّهِ وَلَٰكِنۡ أَعۡبُدُ ٱللَّهَ ٱلَّذِي يَتَوَفَّىٰكُمۡۖ وَأُمِرۡتُ أَنۡ أَكُونَ مِنَ ٱلۡمُؤۡمِنِينَ

Edtalu ka (Muhammad): sekanu a manga taw amayka penduwa-duwa kanu sa kanu agama ku na di ku simban su pedsimban nu a salakaw sa Allah, ugayd na ya ku simban na su Allah a sekanin i mimatay sa lekanu, endu inisugu sa laki i makuyug aku kanu manga mu'min.

វាក្យខណ្ឌ: 105

وَأَنۡ أَقِمۡ وَجۡهَكَ لِلدِّينِ حَنِيفٗا وَلَا تَكُونَنَّ مِنَ ٱلۡمُشۡرِكِينَ

Endu patidtu ka i beneng nengka sa agama a matidtu, endu daka kemuyug kanu manga mushrik.

វាក្យខណ្ឌ: 106

وَلَا تَدۡعُ مِن دُونِ ٱللَّهِ مَا لَا يَنفَعُكَ وَلَا يَضُرُّكَۖ فَإِن فَعَلۡتَ فَإِنَّكَ إِذٗا مِّنَ ٱلظَّٰلِمِينَ

Endu da ka sumimba sa salakaw sa Allah a di makambarapantag salka, endu di makagked sa leka, na amayka enggulan nengka na seka den i kuyug kanu manga kafir.