ការបកប្រែអត្ថន័យ ជំពូក​ អាល់ហ្គស្ហុីយ៉ះ - ការបកប្រែជាភាសាខ្មែរ - មជ្ឈមណ្ឌលបកប្រែរ៉ូវ៉ាដ - សព្វវចនាធិប្បាយនៃគម្ពីគួរអាន

អាល់ហ្គស្ហុីយ៉ះ

អាយ៉ាត់: 1

هَلۡ أَتَىٰكَ حَدِيثُ ٱلۡغَٰشِيَةِ

តើរឿងរ៉ាវនៃថ្ងៃបរលោក(ជាថ្ងៃដែលមនុស្សគ្របដណ្តប់ទៅដោយភាពភ័យរន្ធត់)បានមកដល់អ្នក(ឱអ្នកនាំសារមូហាំម៉ាត់)ហើយឬនៅ?

អាយ៉ាត់: 2

وُجُوهٞ يَوۡمَئِذٍ خَٰشِعَةٌ

នៅក្នុងថ្ងៃនោះ ទឹកមុខ(ពួកគ្មានជំនឿ)មានភាពអាប់ឱន។

អាយ៉ាត់: 3

عَامِلَةٞ نَّاصِبَةٞ

ពួកគេទទួលនូវការងារដែលហត់នឿយបំផុត។

អាយ៉ាត់: 4

تَصۡلَىٰ نَارًا حَامِيَةٗ

ពួកគេទទួលរងនូវកម្តៅភ្លើងនរកដ៏សែនក្ដៅបំផុត។

អាយ៉ាត់: 5

تُسۡقَىٰ مِنۡ عَيۡنٍ ءَانِيَةٖ

គេបញ្រ្ចកទឹកដ៏សែនក្តៅបំផុតឱ្យពួកគេផឹក។

អាយ៉ាត់: 6

لَّيۡسَ لَهُمۡ طَعَامٌ إِلَّا مِن ضَرِيعٖ

គ្មានចំណីអាហារសម្រាប់ពួកគេឡើយ លើកលែងតែចំណីអាហារដ៏អាក្រក់បំផុតប៉ុណ្ណោះ។

អាយ៉ាត់: 7

لَّا يُسۡمِنُ وَلَا يُغۡنِي مِن جُوعٖ

វាមិនបានធ្វើឱ្យគេធំធាត់ ហើយក៏មិនធ្វើឱ្យគេបាត់ឃ្លាននោះដែរ។

អាយ៉ាត់: 8

وُجُوهٞ يَوۡمَئِذٖ نَّاعِمَةٞ

នៅថ្ងៃនោះ ទឹកមុខ(អ្នកមានជំនឿ)ពោរពេញដោយភាពសប្បាយរីករាយ

អាយ៉ាត់: 9

لِّسَعۡيِهَا رَاضِيَةٞ

ដោយសារពួកគេពេញចិត្តចំពោះការខិតខំប្រឹងប្រែង(របស់ខ្លួន)។

អាយ៉ាត់: 10

فِي جَنَّةٍ عَالِيَةٖ

(ពួកគេ)ស្ថិតក្នុងឋានសួគ៌ដ៏ខ្ពង់ខ្ពស់។

អាយ៉ាត់: 11

لَّا تَسۡمَعُ فِيهَا لَٰغِيَةٗ

នៅក្នុងឋានសួគ៌នោះ គេមិនឮនូវពាក្យសម្តីឥតបានការឡើយ។

អាយ៉ាត់: 12

فِيهَا عَيۡنٞ جَارِيَةٞ

នៅទីនោះ គឺមានប្រភពទឹកហូរជាច្រើន។

អាយ៉ាត់: 13

فِيهَا سُرُرٞ مَّرۡفُوعَةٞ

នៅទីនោះដែរ គឺមានគ្រែខ្ពស់ៗជាច្រើន

អាយ៉ាត់: 14

وَأَكۡوَابٞ مَّوۡضُوعَةٞ

និងកែវដែលគេបានរៀបចំទុករួចជាសេ្រច

អាយ៉ាត់: 15

وَنَمَارِقُ مَصۡفُوفَةٞ

ព្រមទាំងខ្នើយកើយដែលគេរៀបជាជួរៗ

អាយ៉ាត់: 16

وَزَرَابِيُّ مَبۡثُوثَةٌ

ហើយនិងកម្រាលព្រំជាច្រើនដែលគេបានក្រាលរួចជាសេ្រច។

អាយ៉ាត់: 17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

ដូច្នេះ តើពួកគេមិនសង្កេតមើលទៅកាន់សត្វអូដ្ឋទេឬ ថាតើវាត្រូវបានគេបង្កើតយ៉ាងដូចម្តេច?

អាយ៉ាត់: 18

وَإِلَى ٱلسَّمَآءِ كَيۡفَ رُفِعَتۡ

និងសង្កេតមើលទៅកាន់មេឃ ថាតើវាត្រូវបានគេលើកឱ្យខ្ពស់ឡើងយ៉ាងដូចមេ្ដច?

អាយ៉ាត់: 19

وَإِلَى ٱلۡجِبَالِ كَيۡفَ نُصِبَتۡ

និងសង្កេតមើលទៅកាន់ភ្នំទាំងឡាយ ថាតើគេភ្ជាប់វាទៅនឹងដីយ៉ាងដូចមេ្ដច?

អាយ៉ាត់: 20

وَإِلَى ٱلۡأَرۡضِ كَيۡفَ سُطِحَتۡ

និងសង្កេតមើលទៅកាន់ផែនដី ថាតើគេលាតសន្ធឹងវាយ៉ាងដូចមេ្ដច?

អាយ៉ាត់: 21

فَذَكِّرۡ إِنَّمَآ أَنتَ مُذَكِّرٞ

ហេតុនេះ ចូរអ្នក(ឱអ្នកនាំសារមូហាំម៉ាត់)ដាស់រំលឹកចុះ។ តាមពិត អ្នកគ្រាន់តែជាអ្នកដាស់រំលឹកប៉ុណ្ណោះ។

អាយ៉ាត់: 22

لَّسۡتَ عَلَيۡهِم بِمُصَيۡطِرٍ

អ្នកពុំមែនជាអ្នកបង្ខំពួកគេ(ឱ្យមានជំនឿ)នោះឡើយ។

អាយ៉ាត់: 23

إِلَّا مَن تَوَلَّىٰ وَكَفَرَ

ក៏ប៉ុន្តែ ជនណាដែលបានងាកចេញ ហើយប្រឆាំង

អាយ៉ាត់: 24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

អល់ឡោះនឹងដាក់ទណ្ឌកម្មគេនូវទណ្ឌកម្មដ៏ធ្ងន់ធ្ងរបំផុត។

អាយ៉ាត់: 25

إِنَّ إِلَيۡنَآ إِيَابَهُمۡ

ពិតប្រាកដណាស់ ការវិលត្រឡប់របស់ពួកគេ គឺឆ្ពោះមកកាន់យើង(តែមួយគត់)។

អាយ៉ាត់: 26

ثُمَّ إِنَّ عَلَيۡنَا حِسَابَهُم

បន្ទាប់មក ការជំនុំជម្រះរបស់ពួកគេ គឺជាតួនាទីរបស់យើង(តែមួយគត់)។