ការបកប្រែអត្ថន័យ ជំពូក​ អាត់តរិក - ការបកប្រែជាភាសាខ្មែរ - មជ្ឈមណ្ឌលបកប្រែរ៉ូវ៉ាដ - លេខ​ទំព័រ 591 - សព្វវចនាធិប្បាយនៃគម្ពីគួរអាន

អាត់តរិក

អាយ៉ាត់: 1

وَٱلسَّمَآءِ وَٱلطَّارِقِ

(អល់ឡោះ)ស្បថនឹងមេឃ ហើយ(ទ្រង់)ស្បថនឹង អាត់តរិក។

អាយ៉ាត់: 2

وَمَآ أَدۡرَىٰكَ مَا ٱلطَّارِقُ

តើអ្វីដែលធ្វើឱ្យអ្នក(ឱអ្នកនាំសារមូហាំម៉ាត់)ដឹងថា អ្វីទៅជា អាត់តរិក នោះ?

អាយ៉ាត់: 3

ٱلنَّجۡمُ ٱلثَّاقِبُ

គឺជាផ្កាយមួយដួងដែលបញ្ចេញរស្មីចិញ្ចែងចិញ្ចាច(នៅលើមេឃ)។

អាយ៉ាត់: 4

إِن كُلُّ نَفۡسٖ لَّمَّا عَلَيۡهَا حَافِظٞ

រាល់ជីវិតគ្រប់រូបសុទ្ធតែមានអ្នកឃ្លាំមើល(គ្រប់ទង្វើរបស់គេ)។

អាយ៉ាត់: 5

فَلۡيَنظُرِ ٱلۡإِنسَٰنُ مِمَّ خُلِقَ

ដូចេ្នះ ចូរឱ្យមនុស្សលោកពិចារណាមើលចុះ ថាតើរូបគេត្រូវបានគេបង្កើតពីអ្វី?

អាយ៉ាត់: 6

خُلِقَ مِن مَّآءٖ دَافِقٖ

រូបគេត្រូវបានគេបង្កើតពីទឹក(កាម)ដែលបាញ់បញ្ចូលទៅក្នុងស្បូនស្រ្តី

អាយ៉ាត់: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

ដែលចេញពីឆ្អឹងខ្នងបុរស និងឆ្អឹងជំនីស្ត្រី។

អាយ៉ាត់: 8

إِنَّهُۥ عَلَىٰ رَجۡعِهِۦ لَقَادِرٞ

ពិតប្រាកដណាស់ ទ្រង់ពិតជាអ្នកដែលមានសមត្ថភាពបំផុតក្នុងការត្រឡប់គេ(ឲ្យមានជីវិតម្តងទៀត)។

អាយ៉ាត់: 9

يَوۡمَ تُبۡلَى ٱلسَّرَآئِرُ

នៅថ្ងៃដែលអាថ៌កំបាំងទាំងឡាយត្រូវបានគេលាតត្រដាង

អាយ៉ាត់: 10

فَمَا لَهُۥ مِن قُوَّةٖ وَلَا نَاصِرٖ

ពិតណាស់ (នៅថ្ងៃនោះ) រូបគេគ្មានអានុភាពអ្វីឡើយ ហើយក៏គ្មានអ្នកជួយនោះដែរ។

អាយ៉ាត់: 11

وَٱلسَّمَآءِ ذَاتِ ٱلرَّجۡعِ

(អល់ឡោះ)ស្បថនឹងមេឃដែលមានភ្លៀងធ្លាក់ម្តងហើយម្តងទៀត(មិនចេះអស់)។

អាយ៉ាត់: 12

وَٱلۡأَرۡضِ ذَاتِ ٱلصَّدۡعِ

(ទ្រង់)ស្បថនឹងផែនដីដែលប្រេះបែក។

អាយ៉ាត់: 13

إِنَّهُۥ لَقَوۡلٞ فَصۡلٞ

ពិតប្រាកដណាស់ វា(គម្ពីរគួរអាន) គឺពិតជាពាក្យបន្ទូលដែលវែកញែក(រវាងខុសនិងត្រូវ)។

អាយ៉ាត់: 14

وَمَا هُوَ بِٱلۡهَزۡلِ

ហើយវាមិនមែនជាការលេងសើចឡើយ។

អាយ៉ាត់: 15

إِنَّهُمۡ يَكِيدُونَ كَيۡدٗا

ពិតប្រាកដណាស់ ពួកគេ(ពួកដែលបដិសេធ)បានប្រើល្បិចកល

អាយ៉ាត់: 16

وَأَكِيدُ كَيۡدٗا

ហើយយើង(អល់ឡោះ)ក៏មានផែនការតបតទៅវិញដែរ។

អាយ៉ាត់: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

ដូចេ្នះ ចូរអ្នក(ឱអ្នកនាំសារមូហាំម៉ាត់)ពន្យារពេលឱ្យពួកគ្មានជំនឿមួយរយៈពេលខ្លីសិនចុះ។