ការបកប្រែអត្ថន័យ ជំពូក​ អាល់ម៉ាអារិច - ការបកប្រែជាភាសាខ្មែរ - មជ្ឈមណ្ឌលបកប្រែរ៉ូវ៉ាដ - លេខ​ទំព័រ 568 - សព្វវចនាធិប្បាយនៃគម្ពីគួរអាន

អាល់ម៉ាអារិច

អាយ៉ាត់: 1

سَأَلَ سَآئِلُۢ بِعَذَابٖ وَاقِعٖ

អ្នកបួងសួងម្នាក់បានបួងសួងសុំឱ្យទណ្ឌកម្មកើតឡើង។

អាយ៉ាត់: 2

لِّلۡكَٰفِرِينَ لَيۡسَ لَهُۥ دَافِعٞ

សម្រាប់ពួកគ្មានជំនឿ គឺគ្មានអ្នកការពាររូបគេ

អាយ៉ាត់: 3

مِّنَ ٱللَّهِ ذِي ٱلۡمَعَارِجِ

ពីអល់ឡោះជាម្ចាស់ដែលមានភាពខ្ពង់ខ្ពស់នោះឡើយ។

អាយ៉ាត់: 4

تَعۡرُجُ ٱلۡمَلَٰٓئِكَةُ وَٱلرُّوحُ إِلَيۡهِ فِي يَوۡمٖ كَانَ مِقۡدَارُهُۥ خَمۡسِينَ أَلۡفَ سَنَةٖ

ម៉ាឡាអ៊ីកាត់ទាំងឡាយ និងជីព្រីលឡើងទៅកាន់ទ្រង់នៅក្នុងថ្ងៃមួយដែលរយៈពេលរបស់វាស្មើនឹងហាសិបពាន់ឆ្នាំ(នៃលោកិយ)។

អាយ៉ាត់: 5

فَٱصۡبِرۡ صَبۡرٗا جَمِيلًا

ដូច្នេះ ចូរអ្នក(ឱអ្នកនាំសារមូហាំម៉ាត់)អត់ធ្មត់ចុះនូវការអត់ធ្មត់មួយដ៏ល្អប្រសើរ។

អាយ៉ាត់: 6

إِنَّهُمۡ يَرَوۡنَهُۥ بَعِيدٗا

ពិតប្រាកដណាស់ ពួកគេមើលឃើញវា(ទណ្ឌកម្ម)នៅឆ្ងាយបំផុត។

អាយ៉ាត់: 7

وَنَرَىٰهُ قَرِيبٗا

តែយើងឃើញវានៅជិតបង្កើយ។

អាយ៉ាត់: 8

يَوۡمَ تَكُونُ ٱلسَّمَآءُ كَٱلۡمُهۡلِ

ថ្ងៃដែលមេឃប្រែក្លាយដូចជាលោហធាតុដែលត្រូវគេរំលាយ។

អាយ៉ាត់: 9

وَتَكُونُ ٱلۡجِبَالُ كَٱلۡعِهۡنِ

ហើយភ្នំទាំងឡាយប្រែក្លាយដូចជារោមសត្វ។

អាយ៉ាត់: 10

وَلَا يَسۡـَٔلُ حَمِيمٌ حَمِيمٗا

ហើយគ្មានសាច់ញាតិណាសួរសុខទុក្ខសាច់ញាតិ(របស់ខ្លួន)នោះឡើយ។