ការបកប្រែអត្ថន័យ ជំពូក​ អាល់វ៉ាគីអះ - ការបកប្រែជាភាសាខ្មែរ - មជ្ឈមណ្ឌលបកប្រែរ៉ូវ៉ាដ - លេខ​ទំព័រ 535 - សព្វវចនាធិប្បាយនៃគម្ពីគួរអាន

អាយ៉ាត់: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

ហើយមានក្មេងៗដែលមានវ័យក្មេងជានិច្ចដើរជុំវិញ(ចាំបម្រើ)ពួកគេ

អាយ៉ាត់: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

ដោយមានពែង កំសៀវ ហើយនិងកែវស្រាមកពីទន្លេដែលហូរ(ក្នុងឋានសួគ៌)។

អាយ៉ាត់: 19

لَّا يُصَدَّعُونَ عَنۡهَا وَلَا يُنزِفُونَ

វាមិនធ្វើឲ្យពួកគេឈឺក្បាល និងបាត់បង់សតិដោយសារវានោះឡើយ។

អាយ៉ាត់: 20

وَفَٰكِهَةٖ مِّمَّا يَتَخَيَّرُونَ

ហើយមានផ្លែឈើជាច្រើនដែលពួកគេអាចជ្រើសរើសបាន

អាយ៉ាត់: 21

وَلَحۡمِ طَيۡرٖ مِّمَّا يَشۡتَهُونَ

និងសាច់បក្សីជាច្រើនតាមដែលពួកគេត្រូវការ

អាយ៉ាត់: 22

وَحُورٌ عِينٞ

ព្រមទាំងស្រ្តីសួគ៌

អាយ៉ាត់: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

ដែលប្រៀបដូចជាគជ់ខ្យងដែលត្រូវបានថែរក្សា(ទុកយ៉ាងល្អ)

អាយ៉ាត់: 24

جَزَآءَۢ بِمَا كَانُواْ يَعۡمَلُونَ

ជាការតបស្នងចំពោះអ្វីដែលពួកគេធ្លាប់បានប្រព្រឹត្ត។

អាយ៉ាត់: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

ពួកគេមិនឮនូវពាក្យសម្តីដែលអាក្រក់ និងពាក្យសម្តីដែលនាំឱ្យមានបាបកម្មនៅក្នុងវានោះឡើយ។

អាយ៉ាត់: 26

إِلَّا قِيلٗا سَلَٰمٗا سَلَٰمٗا

មានតែពាក្យឲ្យសាឡាមគ្នាប៉ុណ្ណោះ។

អាយ៉ាត់: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

ហើយក្រុមខាងស្តាំ។ ខ្ពង់ខ្ពស់យ៉ាងណាទៅក្រុមខាងស្តាំនោះ!

អាយ៉ាត់: 28

فِي سِدۡرٖ مَّخۡضُودٖ

(ពួកគេ)នៅក្រោមដើមពុទ្រាដែលពុំមានបន្លា

អាយ៉ាត់: 29

وَطَلۡحٖ مَّنضُودٖ

ក្រោមដើមចេកដែលមានផ្លែត្រួតលើគ្នា

អាយ៉ាត់: 30

وَظِلّٖ مَّمۡدُودٖ

នៅក្រោមម្លប់ជាប់ជានិច្ច

អាយ៉ាត់: 31

وَمَآءٖ مَّسۡكُوبٖ

ហើយមានទឹកហូរជាប់រហូត

អាយ៉ាត់: 32

وَفَٰكِهَةٖ كَثِيرَةٖ

និងមានផ្លែឈើជាច្រើន

អាយ៉ាត់: 33

لَّا مَقۡطُوعَةٖ وَلَا مَمۡنُوعَةٖ

ដែលមិនចេះអស់ និងមិនអាចរារាំង(ពីពួកគេ)នោះដែរ

អាយ៉ាត់: 34

وَفُرُشٖ مَّرۡفُوعَةٍ

ហើយនិងពូកដែលត្រូវបានគេលើក(ដាក់លើគ្រែ)។

អាយ៉ាត់: 35

إِنَّآ أَنشَأۡنَٰهُنَّ إِنشَآءٗ

ពិតប្រាកដណាស់ យើងបានបង្កើតពួកនាង(ស្រ្តីសួគ៌)នូវការបង្កើតមួយ(ខុសពីការបង្កើតធម្មតា)

អាយ៉ាត់: 36

فَجَعَلۡنَٰهُنَّ أَبۡكَارًا

ដោយយើងបានឱ្យពួកនាងនៅក្រមុំព្រហ្មចារីយ៍ជានិច្ច

អាយ៉ាត់: 37

عُرُبًا أَتۡرَابٗا

ដែលស្រលាញ់តែស្វាមីរបស់ខ្លួនប៉ុណ្ណោះ និងមានអាយុស្មើៗគ្នា

អាយ៉ាត់: 38

لِّأَصۡحَٰبِ ٱلۡيَمِينِ

សម្រាប់ក្រុមខាងស្តាំ។

អាយ៉ាត់: 39

ثُلَّةٞ مِّنَ ٱلۡأَوَّلِينَ

ពួកគេជាក្រុមជាច្រើននៃប្រជាជាតិជំនាន់មុនៗ។

អាយ៉ាត់: 40

وَثُلَّةٞ مِّنَ ٱلۡأٓخِرِينَ

និងក្រុមជាច្រើននៃប្រជាជាតិជំនាន់ក្រោយផងដែរ។

អាយ៉ាត់: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

រីឯក្រុមខាងឆ្វេង។ អាក្រក់យ៉ាងណាទៅក្រុមខាងឆ្វេងនោះ!

អាយ៉ាត់: 42

فِي سَمُومٖ وَحَمِيمٖ

(ពួកគេ)ស្ថិតនៅក្រោមខ្យល់ដ៏សែនក្តៅបំផុត និងក្រោមទឹកដ៏សែនក្តៅបំផុត។

អាយ៉ាត់: 43

وَظِلّٖ مِّن يَحۡمُومٖ

និងនៅក្រោមម្លប់នៃផ្សែងដ៏ខ្មៅងងឹត

អាយ៉ាត់: 44

لَّا بَارِدٖ وَلَا كَرِيمٍ

ដែលវាមិនត្រជាក់ ហើយក៏មិនសុខស្រួលនោះដែរ។

អាយ៉ាត់: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

ប្រាកដណាស់ កាលពីមុននេះ ពួកគេធ្លាប់ជាពួកដែលសោយសុខ(ក្នុងលោកិយ)។

អាយ៉ាត់: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

ហើយពួកគេធ្លាប់ស្ថិតនៅលើការប្រព្រឹត្តអំពើបាបដ៏ធំធេង។

អាយ៉ាត់: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

ហើយពួកគេធ្លាប់បាននិយាយថា៖ នៅពេលដែលពួកយើងស្លាប់ ហើយបានក្លាយជាដី និងឆ្អឹងហើយនោះ ពួកយើងនឹងត្រូវបានគេបង្កើតឱ្យរស់ឡើងវិញឬ?

អាយ៉ាត់: 48

أَوَءَابَآؤُنَا ٱلۡأَوَّلُونَ

ចុះជីដូនជីតារបស់ពួកយើងជំនាន់មុនៗនោះ?

អាយ៉ាត់: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

ចូរអ្នក(ឱអ្នកនាំសារមូហាំម៉ាត់)ពោលថា៖ ពិតប្រាកដណាស់ ទាំងអ្នកជំនាន់មុន និងអ្នកជំនាន់ក្រោយ

អាយ៉ាត់: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

ពិតជានឹងត្រូវបានគេប្រមូលផ្តុំទៅកាន់ទីណាត់មួយនាថ្ងៃដែលត្រូវបានកំណត់។