ការបកប្រែអត្ថន័យ ជំពូក​ អាល់ករីអះ - ការបកប្រែជាភាសាខ្មែរ - មជ្ឈមណ្ឌលបកប្រែរ៉ូវ៉ាដ - សព្វវចនាធិប្បាយនៃគម្ពីគួរអាន

អាល់ករីអះ

អាយ៉ាត់: 1

ٱلۡقَارِعَةُ

ថ្ងៃបរលោក។

អាយ៉ាត់: 2

مَا ٱلۡقَارِعَةُ

តើអ្វីទៅជាថ្ងៃបរលោក?

អាយ៉ាត់: 3

وَمَآ أَدۡرَىٰكَ مَا ٱلۡقَارِعَةُ

ហើយតើអ្វីដែលធ្វើឱ្យអ្នកដឹងថា អ្វីទៅជាថ្ងៃបរលោកនោះ?

អាយ៉ាត់: 4

يَوۡمَ يَكُونُ ٱلنَّاسُ كَٱلۡفَرَاشِ ٱلۡمَبۡثُوثِ

គឺថ្ងៃដែលមនុស្សលោកប្រៀបដូចជាសត្វមេអំបៅដែលហើរប្រសេចប្រសាច។

អាយ៉ាត់: 5

وَتَكُونُ ٱلۡجِبَالُ كَٱلۡعِهۡنِ ٱلۡمَنفُوشِ

ហើយភ្នំទាំងឡាយប្រៀបដូចជារោមសត្វដែលត្រូវគេធ្វើឱ្យប៉ើងរប៉ាត់រប៉ាយ។

អាយ៉ាត់: 6

فَأَمَّا مَن ثَقُلَتۡ مَوَٰزِينُهُۥ

រីឯអ្នកដែលជញ្ជីង(ទង្វើល្អ)របស់គេធ្ងន់ជាង

អាយ៉ាត់: 7

فَهُوَ فِي عِيشَةٖ رَّاضِيَةٖ

រូបគេនឹងស្ថិតនៅក្នុងជីវិតរស់នៅមួយដ៏ជាទីគាប់ចិត្ត(ក្នុងឋានសួគ៌)។

អាយ៉ាត់: 8

وَأَمَّا مَنۡ خَفَّتۡ مَوَٰزِينُهُۥ

ហើយចំណែកឯជនណាដែលជញ្ជីង(ទង្វើល្អ)របស់គេស្រាលជាង

អាយ៉ាត់: 9

فَأُمُّهُۥ هَاوِيَةٞ

កន្លែងស្នាក់អាស្រ័យរបស់គេ គឺឋាននរក។

អាយ៉ាត់: 10

وَمَآ أَدۡرَىٰكَ مَا هِيَهۡ

តើអ្វីដែលធ្វើឱ្យអ្នក(ឱអ្នកនាំសារមូហាំម៉ាត់)ដឹងថា តើអ្វីទៅជាឋាននរកនោះ?

អាយ៉ាត់: 11

نَارٌ حَامِيَةُۢ

គឺជាភ្លើងដ៏សែនក្តៅបំផុត។