ការបកប្រែអត្ថន័យ អាយ៉ាត់ 80 ជំពូក​ អាត់តាវហ្ពះ - ការអធិប្បាយសង្ខេបអំពីគម្ពីគួរអានជាភាសាខ្មែរ - សព្វវចនាធិប្បាយនៃគម្ពីគួរអាន

អាយ៉ាត់: 80

ٱسۡتَغۡفِرۡ لَهُمۡ أَوۡ لَا تَسۡتَغۡفِرۡ لَهُمۡ إِن تَسۡتَغۡفِرۡ لَهُمۡ سَبۡعِينَ مَرَّةٗ فَلَن يَغۡفِرَ ٱللَّهُ لَهُمۡۚ ذَٰلِكَ بِأَنَّهُمۡ كَفَرُواْ بِٱللَّهِ وَرَسُولِهِۦۗ وَٱللَّهُ لَا يَهۡدِي ٱلۡقَوۡمَ ٱلۡفَٰسِقِينَ

ទោះបីជាអ្នក(ឱអ្នកនាំសារមូហាំម៉ាត់)សុំការអភ័យទោស(ពីអល់ឡោះ)ឲ្យពួកគេ ឬមិនសុំអភ័យទោសឲ្យពួកគេក៏ដោយ(ក៏អល់ឡោះមិនអភ័យទោសឲ្យពួកគេដែរ) ហើយទោះបីអ្នកសុំការអភ័យទោសឲ្យពួកគេចំនួនចិតសិបដងទៀតក៏ដោយ ក៏ចំនួនដ៏ច្រើននៃការសុំការអភ័យទោស(របស់អ្នក)ឲ្យពួកគេនោះ មិនអាចឲ្យអល់ឡោះជាម្ចាស់ផ្តល់ការអភ័យទោសដល់ពួកគេនោះដែរ ពីព្រោះពួកគេ គឺជាពួកប្រឆាំងនឹងអល់ឡោះនិងអ្នកនាំសាររបស់ទ្រង់។ ហើយអល់ឡោះជាម្ចាស់ទ្រង់មិនចង្អុលបង្ហាញទៅកាន់ការពិតចំពោះពួកដែលចាកចេញពីការប្រតិបត្តិតាមច្បាប់របស់ទ្រង់ដោយចេតនានោះឡើយ។

ក្នុង​ចំណោម​អត្ថប្រយោជន៍​នៃអាយ៉ាត់ទាំងនេះក្នុងទំព័រនេះ:

• الكافر لا ينفعه الاستغفار ولا العمل ما دام كافرًا.

• ពួកដែលគ្មានជំនឿនោះ ការសុំអភ័យទោស និងការធ្វើអំពើល្អរបស់ពួកគេមិនអាចផ្តល់ផលប្រយោជន៍អ្វីដល់ពួកគេឡើយ ដរាបណាពួកគេជាពួកដែលគ្មានជំនឿ។

• الآيات تدل على قصر نظر الإنسان، فهو ينظر غالبًا إلى الحال والواقع الذي هو فيه، ولا ينظر إلى المستقبل وما يتَمَخَّض عنه من أحداث.

• នៅក្នុងបណ្តាវាក្យខណ្ឌទាំងនេះបង្ហាញទៅលើចក្ខុវិស័យដ៏ខ្លីរបស់មនុស្ស ពោលគឺពួកគេសម្លឹងមើលទៅលើស្ថានភាពបច្ចុប្បន្ន ដោយមិនសម្លឹងមើលទៅកាន់អនាគតកាល និងលទ្ធផលដែលអាចកើតមានពីហេតុការណ៍ទាំងនេះនោះឡើយ។

• التهاون بالطاعة إذا حضر وقتها سبب لعقوبة الله وتثبيطه للعبد عن فعلها وفضلها.

• ការមិនយកចិត្តទុកដាក់នឹងការគោរពប្រតិបត្តិចំពោះអល់ឡោះឲ្យចំពេលវេលារបស់វា គឺជាមូលហេតុដែលនាំឲ្យទទួលនូវទណ្ឌកម្មពីអល់ឡោះ និងរារាំងខ្ញុំបម្រើអល់ឡោះមិនឲ្យបំពេញនូវការគោរពប្រតិបត្តិនោះ និងតម្លៃចំពោះវា។

• في الآيات دليل على مشروعية الصلاة على المؤمنين، وزيارة قبورهم والدعاء لهم بعد موتهم، كما كان النبي صلى الله عليه وسلم يفعل ذلك في المؤمنين.

• នៅក្នុងបណ្តាវាក្យខណ្ឌទាំងនេះផងដែរ គឺជាភស្តុតាងបង្ហាញទៅលើការបង្គាប់ប្រើឲ្យសឡាតលើសពអ្នកមានជំនឿ(សឡាតម៉ាយិត) និងទៅមើលផ្នូររបស់ពួកគេ ហើយបួងសួងឲ្យពួកគេក្រោយពីពួកគេបានស្លាប់ ដូចដែលព្យាការីមូហាំម៉ាត់ លោកបានធ្វើដូច្នោះចំពោះអ្នកមានជំនឿ។