ការបកប្រែអត្ថន័យ ជំពូក​ អាល់អាទីយ៉ាត - ការអធិប្បាយសង្ខេបអំពីគម្ពីគួរអានជាភាសាខ្មែរ - លេខ​ទំព័រ 599 - សព្វវចនាធិប្បាយគម្ពីរអាល់គួរអាន

អាល់អាទីយ៉ាត

គោល​បំណងនៃជំពូក:

تحذير الإنسان من الجحود والطمع بتذكيره بالآخرة.

ព្រមានដល់មនុស្សលោកអំពីការប្រឆាំង និងភាពលោកលន់តាមរយៈការក្រើនរំលឹកដល់ពួកគេអំពីថ្ងៃបរលោក។

---

វាក្យខណ្ឌ: 1

وَٱلۡعَٰدِيَٰتِ ضَبۡحٗا

អល់ឡោះបានស្បថនឹងសត្វសេះទាំងឡាយដែលរត់ទាំងដង្ហក់យ៉ាងខ្លាំងនៅក្នុងសមរភូមិ។

វាក្យខណ្ឌ: 2

فَٱلۡمُورِيَٰتِ قَدۡحٗا

ហើយទ្រង់ស្បថនឹងសត្វសេះដែលរត់យ៉ាងលឿនរហូតចេញផ្កាភ្លើងតាមក្រចករបស់វានៅពេលដែលវាផាយជាន់យ៉ាងខ្លាំងទៅលើដុំថ្ម ។

វាក្យខណ្ឌ: 3

فَٱلۡمُغِيرَٰتِ صُبۡحٗا

ហើយទ្រង់ស្បថនឹងសត្វសេះដែលវាបោលសម្រុកទៅរកខ្មាំងសត្រូវទាំងព្រឹកព្រលឹម

វាក្យខណ្ឌ: 4

فَأَثَرۡنَ بِهِۦ نَقۡعٗا

ដោយពួកវាធ្វើឱ្យធូលីប៉ើងហុយទ្រលោមនៅចំពោះមុខសត្រូវ។

វាក្យខណ្ឌ: 5

فَوَسَطۡنَ بِهِۦ جَمۡعًا

ហើយពួកវាសម្រុកចូលទៅកណ្ដាលហ្វូងសត្រូវ។

អំពី​អត្ថប្រយោជន៍​នៃវាក្យខណ្ឌទាំងនេះនៅលើទំព័រនេះ:

• خشية الله سبب في رضاه عن عبده.

• ការកោតខ្លាចអល់ឡោះ គឺជាមូលហេតុនាំឱ្យទទួលបាននូវការពេញចិត្តពីទ្រង់។

• شهادة الأرض على أعمال بني آدم.

• ផែនដីនឹងធ្វើជាសាក្សីលើទង្វើទាំងអស់របស់មនុស្សលោក។