શબ્દોનું ભાષાંતર સૂરહ અલ્ બુરુજ - અઝેરિયહ ભાષામાં અલ્ મુખતસર ફી તફસીરિલ્ કુરઆનીલ્ કરીમ કિતાબનું અનુવાદ - પેજ નંબર 590 - કુરઆન કરીમનો એન્સાઈક્લોપીડિયા

əl-Buruc

સૂરતના હેતુઓ માંથી:

بيان قوة الله وإحاطته الشاملة، ونصرته لأوليائه، والبطش بأعدائه.

Allahın qüvvətli olduğunu və hər şeyi əhatə etdiyini, üstəlik, Öz dostlarına kömək etdiyini, düşmənlərini isə əzabla yaxaladığını bəyan etmək.

---

આયત: 1

وَٱلسَّمَآءِ ذَاتِ ٱلۡبُرُوجِ

Uca Allah günəşin, ayın və digər göy cisimlərinin mənzillərini əhatə edən göyə and içir.

આયત: 2

وَٱلۡيَوۡمِ ٱلۡمَوۡعُودِ

Həmçinin, məxluqatı bir yerə toplayacağına vəd verdiyi qiyamət gününə and içir.

આયત: 3

وَشَاهِدٖ وَمَشۡهُودٖ

Eləcə də, hər bir şahidlik edənə, məsələn, öz ümmətinə şahidlik edən peyğəbərə və şahid edilənə, məsələn peyğəmbərinə şahidlik edən ümmətə and içir.

આયત: 4

قُتِلَ أَصۡحَٰبُ ٱلۡأُخۡدُودِ

Yerdə böyük xəndəklər qazan kimsələr lənətə düçar oldular.

આયત: 5

ٱلنَّارِ ذَاتِ ٱلۡوَقُودِ

Onlar o xəndəklərdə od qaladılar və möminləri diri-diri o odun için atdılar.

આયત: 6

إِذۡ هُمۡ عَلَيۡهَا قُعُودٞ

Onlar alovlandırılmış o xəndəklərin kənarında oturub,

આયત: 7

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ

Onlar orada durub möminlərə verdikləri əzaba və işgəncəyə seyr edirdilər.

આયત: 8

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ

Kafirlərin möminlərə tutduqları irad, yalnız onların hər kəsə gücü yetən qüdrətli və hər cür tərifəlayiq Allaha iman gətirmələri idi.

આયત: 9

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ

Göylərin və yerin hakimiyyəti yalnız Ona məxsusdur. O hər şeydən xəbərdardır və qullarının işlərindən heç bir şey Ona gizli qalmaz.

આયત: 10

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ

O kəslər ki, mömin kişiləri və mömin qadınları Tək Allaha iman gətirməkdən döndərmək üçün onlara əzab vermiş, sonra öz günahlarına görə tövbə etməmişlər, qiyamət günü onları Cəhənnəm əzabı və yandırıb-yaxan atəşin əzabı gözləyir. Bu, onların möminləri odla yandırmalarının cəzasıdır.

આયત: 11

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ

Şübhəsiz ki, Allaha iman gətirib yaxşı işlər görənlər üçün qəsrləri və ağacları altından çaylar axan Cənnət bağları hazırlanmışdır. Onlar üçün hazırlanmış bu mükafat, misli-bərabəri olmayan böyük uğurdur.

આયત: 12

إِنَّ بَطۡشَ رَبِّكَ لَشَدِيدٌ

Ey Peyğəmbər! Sənin Rəbbinin - zalıma müvəqqəti möhlət versə də - (vaxtı çatanda əzabla) onu yaxalaması çox şiddətlidir.

આયત: 13

إِنَّهُۥ هُوَ يُبۡدِئُ وَيُعِيدُ

Həqiqətən, O, məxluqatı ilkin yaradır və (istədyinə) əzab verir, sonra onları yenidən bərpa edir.

આયત: 14

وَهُوَ ٱلۡغَفُورُ ٱلۡوَدُودُ

Allah Öz qullarından tövbə edən kimsələrin günahlarını bağışlayandır. O, həqiqətən də, mütəqqilərdən olan dostlarını sevir.

આયત: 15

ذُو ٱلۡعَرۡشِ ٱلۡمَجِيدُ

O, əzəmətli ərşin sahibidir.

આયત: 16

فَعَّالٞ لِّمَا يُرِيدُ

Allah istədiyini edəndir - dilədiyinin günahlarını bağışlayar, dilədiyini də cəzalandırar. Uca Allahı heç kəs hər hansı bir işi görməyə vadar edə bilməz.

આયત: 17

هَلۡ أَتَىٰكَ حَدِيثُ ٱلۡجُنُودِ

Ey Peyğəmbər! Haqqa qarşı vuruşmaq və insanları haqqdan azdırmaq məqsədilə toplanmış ordular haqqında xəbər sənə gəlib çatdımı?!

આયત: 18

فِرۡعَوۡنَ وَثَمُودَ

Fironun və bir də Salehin (aleyhissəlam) qövmü - Səmud tayfasının qoşunları.

આયત: 19

بَلِ ٱلَّذِينَ كَفَرُواْ فِي تَكۡذِيبٖ

Kafirlərin iman gətirmələrinə mane olan səbəb, onlara haqqı yalan sayan ümmətlər və onların həlak olması barədə xəbərlərin gəlib çatmaması deyil, əksinə, onların öz nəfslərinin istəyinə uyaraq peyğəmbərlərinin onlara gətirdi risaləti yalan saymasıdır.

આયત: 20

وَٱللَّهُ مِن وَرَآئِهِم مُّحِيطُۢ

Allah onları əməllərini əhatə edib hesaba almışdır. Onların əməllərindən heç bir şey Allaha gizli qalmaz və O, bu əməllərə görə onları cəzalandıracaqdır.

આયત: 21

بَلۡ هُوَ قُرۡءَانٞ مَّجِيدٞ

Quran, o yalançıların söylədikləri kimi, nə bir şeir, nə də qafiyə salınmış bir nəsrdir. Əksinə, bu, şanlı Qurandır.

આયત: 22

فِي لَوۡحٖ مَّحۡفُوظِۭ

O, dəyişdirilməkdən və təhrif olunmaqdan, habelə, əksilmədən və əlavə edilmədən qorunan lövhədədir.

આયતોના ફાયદાઓ માંથી:

• يكون ابتلاء المؤمن على قدر إيمانه.

Möminin sınağı onun imanı qədər olur.

• إيثار سلامة الإيمان على سلامة الأبدان من علامات النجاة يوم القيامة.

İmanın salamat qalmasını bədənin salamat qalmasından üstün tutmaq, qiyamət günü nicat tapmağın əlamətlərindəndir.

• التوبة بشروطها تهدم ما قبلها.

Tövbənin şərtlərinə əməl edərək Allaha tövbə etmək, keçmiş günahlarını hamısını silib aparır.