Firo maanaaji Simoore. Simoore maa'ida - Eggo maanaaji Kur'aana e haala Luhya - Jami'aadu Adunaaji e Ngamtaare - Tonngoode hello ngon 119 - Musuwaɗe Alkur'aan Kirim

Aaya.: 65

وَلَوۡ أَنَّ أَهۡلَ ٱلۡكِتَٰبِ ءَامَنُواْ وَٱتَّقَوۡاْ لَكَفَّرۡنَا عَنۡهُمۡ سَيِّـَٔاتِهِمۡ وَلَأَدۡخَلۡنَٰهُمۡ جَنَّٰتِ ٱلنَّعِيمِ

Ne Abandu beshitabu basuubilanga mana baria Nyasaye, khwakhabaleshele tsimbii tsiabu, ne khwakhabenjisiye mumikunda chomwikulu chilimwo obwokholo.

Aaya.: 66

وَلَوۡ أَنَّهُمۡ أَقَامُواْ ٱلتَّوۡرَىٰةَ وَٱلۡإِنجِيلَ وَمَآ أُنزِلَ إِلَيۡهِم مِّن رَّبِّهِمۡ لَأَكَلُواْ مِن فَوۡقِهِمۡ وَمِن تَحۡتِ أَرۡجُلِهِمۚ مِّنۡهُمۡ أُمَّةٞ مُّقۡتَصِدَةٞۖ وَكَثِيرٞ مِّنۡهُمۡ سَآءَ مَا يَعۡمَلُونَ

Ne toto bemiinjia Itaurati nende Injili, nende akeshibwa khubo okhurula khu Nyasaye wabu Omulesi, bakhalile okhurula hekulu wabu nende hasi wamakulu kabu. Baliwo mubo batilanga injila indayi. Halali abanji mubo akabakholanga ni amabii muno.

Aaya.: 67

۞ يَٰٓأَيُّهَا ٱلرَّسُولُ بَلِّغۡ مَآ أُنزِلَ إِلَيۡكَ مِن رَّبِّكَۖ وَإِن لَّمۡ تَفۡعَلۡ فَمَا بَلَّغۡتَ رِسَالَتَهُۥۚ وَٱللَّهُ يَعۡصِمُكَ مِنَ ٱلنَّاسِۗ إِنَّ ٱللَّهَ لَا يَهۡدِي ٱلۡقَوۡمَ ٱلۡكَٰفِرِينَ

Ewe Omurumwa, yusia akaweshilibwa okhurula khu Nyasaye wuwo Omulesi. Ne nolakhola tawe, olaba oshili okhusia oburume bubwe. Ne Nyasaye alakhulinda okhurulana nende (Obusuku bwa) Abandu. Toto Nyasaye shalunjisinjia abandu abakhayi tawe.

Aaya.: 68

قُلۡ يَٰٓأَهۡلَ ٱلۡكِتَٰبِ لَسۡتُمۡ عَلَىٰ شَيۡءٍ حَتَّىٰ تُقِيمُواْ ٱلتَّوۡرَىٰةَ وَٱلۡإِنجِيلَ وَمَآ أُنزِلَ إِلَيۡكُم مِّن رَّبِّكُمۡۗ وَلَيَزِيدَنَّ كَثِيرٗا مِّنۡهُم مَّآ أُنزِلَ إِلَيۡكَ مِن رَّبِّكَ طُغۡيَٰنٗا وَكُفۡرٗاۖ فَلَا تَأۡسَ عَلَى ٱلۡقَوۡمِ ٱلۡكَٰفِرِينَ

Boola mbu, “Enywe Abandu beshitabu, shimuli khushiosishiosi tawe okhuula mwemie Itaurati nende Injili obulayi, nende kalia akeshibwa khwinywe okhurula khu Nyasaye wenyu Omulesi. Ne toto kalia akeshibwa khwiwe okhurula khu Nyasaye wuwo Omulesi, kalametela abanji mubo obukori nende obukhayi. Kho olabeelelela abandu abakhayi tawe.

Aaya.: 69

إِنَّ ٱلَّذِينَ ءَامَنُواْ وَٱلَّذِينَ هَادُواْ وَٱلصَّٰبِـُٔونَ وَٱلنَّصَٰرَىٰ مَنۡ ءَامَنَ بِٱللَّهِ وَٱلۡيَوۡمِ ٱلۡأٓخِرِ وَعَمِلَ صَٰلِحٗا فَلَا خَوۡفٌ عَلَيۡهِمۡ وَلَا هُمۡ يَحۡزَنُونَ

Toto balia basuubila, nende Abayahudi, nende masabii (abalaami betsing'ining'ini), nende Abakiristo, ulia mubo usuubila Nyasaye nende Inyanga yeyindukho mana nakhola ebikhole ebilayi, shibaliba nende oburi nohomba shibalibeelela tawe.

Aaya.: 70

لَقَدۡ أَخَذۡنَا مِيثَٰقَ بَنِيٓ إِسۡرَٰٓءِيلَ وَأَرۡسَلۡنَآ إِلَيۡهِمۡ رُسُلٗاۖ كُلَّمَا جَآءَهُمۡ رَسُولُۢ بِمَا لَا تَهۡوَىٰٓ أَنفُسُهُمۡ فَرِيقٗا كَذَّبُواْ وَفَرِيقٗا يَقۡتُلُونَ

Toto khwabukula indache ya Abana ba Israili, mana nikhubarumila Abarumwa. Buli shinga Omurumwa yabetselaanga nende akemioyo chiabu chilenya tawe, nibakhaya omukanda mubo ne nibeera omukanda kundi.