Firo maanaaji Simoore. Simoore rewɓe - Eggo maanaaji Kur'aana e haala Luhya - Jami'aadu Adunaaji e Ngamtaare - Tonngoode hello ngon 103 - Musuwaɗe Alkur'aan Kirim

Aaya.: 155

فَبِمَا نَقۡضِهِم مِّيثَٰقَهُمۡ وَكُفۡرِهِم بِـَٔايَٰتِ ٱللَّهِ وَقَتۡلِهِمُ ٱلۡأَنۢبِيَآءَ بِغَيۡرِ حَقّٖ وَقَوۡلِهِمۡ قُلُوبُنَا غُلۡفُۢۚ بَلۡ طَبَعَ ٱللَّهُ عَلَيۡهَا بِكُفۡرِهِمۡ فَلَا يُؤۡمِنُونَ إِلَّا قَلِيلٗا

Ne (khwabahelesia eshinyasio) khulwa okhufunaka khwabu indakano nende okhukhaya khwabu ebimanyisio bia Nyasaye, nende okhwira khwabu Abarumwa khunjila ilali yatoto tawe, nende okhuboola khwabu mbu, “Emioyo chiefu chiekalwa.” Ne shichekalwa tawe, halali Nyasaye yachiupakhwo eshimanyisio khulwa obukhayi bwabu. Kho shibasuubilanga tawe, halali hatiti butswa.

Aaya.: 156

وَبِكُفۡرِهِمۡ وَقَوۡلِهِمۡ عَلَىٰ مَرۡيَمَ بُهۡتَٰنًا عَظِيمٗا

Ne khulwa obukhayi bwabu nende okhuchishila khwabu Mariam obubeyi obukhongo muno.

Aaya.: 157

وَقَوۡلِهِمۡ إِنَّا قَتَلۡنَا ٱلۡمَسِيحَ عِيسَى ٱبۡنَ مَرۡيَمَ رَسُولَ ٱللَّهِ وَمَا قَتَلُوهُ وَمَا صَلَبُوهُ وَلَٰكِن شُبِّهَ لَهُمۡۚ وَإِنَّ ٱلَّذِينَ ٱخۡتَلَفُواْ فِيهِ لَفِي شَكّٖ مِّنۡهُۚ مَا لَهُم بِهِۦ مِنۡ عِلۡمٍ إِلَّا ٱتِّبَاعَ ٱلظَّنِّۚ وَمَا قَتَلُوهُ يَقِينَۢا

Ne khulwa okhuboola khwabu mbu, “Efwe khwera omubakhwa Isa Omwana wa Mariam, Omurumwa wa Nyasaye.” Ne shibamwira tawe nohomba shibamubamba tawe halali bakalukhanilibwa (omundu wundi bapara mbu niye Isa). Ne toto balia bakabukhana mumakhuwa kano bali mubukanakani. Ne babula obwatoto khulikhuwa elo, halali baloondanga butswa okhuparirisia. Ne toto shibamwira tawe.

Aaya.: 158

بَل رَّفَعَهُ ٱللَّهُ إِلَيۡهِۚ وَكَانَ ٱللَّهُ عَزِيزًا حَكِيمٗا

Halali Nyasaye yamuninia ewuwe. Ne Nyasaye ni wa amaani, Owamachesi muno.

Aaya.: 159

وَإِن مِّنۡ أَهۡلِ ٱلۡكِتَٰبِ إِلَّا لَيُؤۡمِنَنَّ بِهِۦ قَبۡلَ مَوۡتِهِۦۖ وَيَوۡمَ ٱلۡقِيَٰمَةِ يَكُونُ عَلَيۡهِمۡ شَهِيدٗا

Ne abulao yesiyesi mubandu bahebwa Eshitabu (Abayahudi nende Abakiristo) halali toto basuubilanga Omurumwa Isa, lifwa nilishili okhuulila mulala wabu. (Ne bilibula obukhala okhusuubila ebise ebo). Naye Isa aliba inyanga ya Indukho urusia obuloli khubo.

Aaya.: 160

فَبِظُلۡمٖ مِّنَ ٱلَّذِينَ هَادُواْ حَرَّمۡنَا عَلَيۡهِمۡ طَيِّبَٰتٍ أُحِلَّتۡ لَهُمۡ وَبِصَدِّهِمۡ عَن سَبِيلِ ٱللَّهِ كَثِيرٗا

Kho khulwa okhukhola obubii khwa Abayahudi, khwabakania ebindu ebilayi ebia bali nibachamilwa, nende khulwa okhwikalila khwabu okhunji (abandu) ehale nende injila ya Nyasaye.

Aaya.: 161

وَأَخۡذِهِمُ ٱلرِّبَوٰاْ وَقَدۡ نُهُواْ عَنۡهُ وَأَكۡلِهِمۡ أَمۡوَٰلَ ٱلنَّاسِ بِٱلۡبَٰطِلِۚ وَأَعۡتَدۡنَا لِلۡكَٰفِرِينَ مِنۡهُمۡ عَذَابًا أَلِيمٗا

Nende khulwa okhulia khwabu riba, ne bakanibwa okhuyilia. Nende okhulia khwabu emiandu chiabandu munjila imbii. Ne khwarecheshela abakhayi mubo eshinyasio eshilulu.

Aaya.: 162

لَّٰكِنِ ٱلرَّٰسِخُونَ فِي ٱلۡعِلۡمِ مِنۡهُمۡ وَٱلۡمُؤۡمِنُونَ يُؤۡمِنُونَ بِمَآ أُنزِلَ إِلَيۡكَ وَمَآ أُنزِلَ مِن قَبۡلِكَۚ وَٱلۡمُقِيمِينَ ٱلصَّلَوٰةَۚ وَٱلۡمُؤۡتُونَ ٱلزَّكَوٰةَ وَٱلۡمُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِ أُوْلَٰٓئِكَ سَنُؤۡتِيهِمۡ أَجۡرًا عَظِيمًا

Halali balia abali nende obumanyi obusiro mubo, nende Abasuubili, basuubilaanga akaweshilibwa nende akeshibwa imbeli wuwo, nende balia balaamanga khatsotso iswala, nende abahaananga eshihanwa shia Izaka, nende basuubilanga Nyasaye nende inyanga ya Indukho. Abo khulibahelesia omurungo omukhongo.