Firo maanaaji Simoore. Simoore nagge - Eggo maanaaji Kur'aana e haala Luhya - Jami'aadu Adunaaji e Ngamtaare - Tonngoode hello ngon 34 - Musuwaɗe Alkur'aan Kirim

Aaya.: 216

كُتِبَ عَلَيۡكُمُ ٱلۡقِتَالُ وَهُوَ كُرۡهٞ لَّكُمۡۖ وَعَسَىٰٓ أَن تَكۡرَهُواْ شَيۡـٔٗا وَهُوَ خَيۡرٞ لَّكُمۡۖ وَعَسَىٰٓ أَن تُحِبُّواْ شَيۡـٔٗا وَهُوَ شَرّٞ لَّكُمۡۚ وَٱللَّهُ يَعۡلَمُ وَأَنتُمۡ لَا تَعۡلَمُونَ

Mwandichirwa okhulwana liyie (khulwa idini), nalo liabasinya. Ne munyala okhusila eshindu, nashio neeshilayi khwinywe. Ne munyala okhuchama eshindu, nashio neeshibii khwinywe. Ne Nyasaye ni umanyile muno, nanyu shimumanyile tawe.

Aaya.: 217

يَسۡـَٔلُونَكَ عَنِ ٱلشَّهۡرِ ٱلۡحَرَامِ قِتَالٖ فِيهِۖ قُلۡ قِتَالٞ فِيهِ كَبِيرٞۚ وَصَدٌّ عَن سَبِيلِ ٱللَّهِ وَكُفۡرُۢ بِهِۦ وَٱلۡمَسۡجِدِ ٱلۡحَرَامِ وَإِخۡرَاجُ أَهۡلِهِۦ مِنۡهُ أَكۡبَرُ عِندَ ٱللَّهِۚ وَٱلۡفِتۡنَةُ أَكۡبَرُ مِنَ ٱلۡقَتۡلِۗ وَلَا يَزَالُونَ يُقَٰتِلُونَكُمۡ حَتَّىٰ يَرُدُّوكُمۡ عَن دِينِكُمۡ إِنِ ٱسۡتَطَٰعُواْۚ وَمَن يَرۡتَدِدۡ مِنكُمۡ عَن دِينِهِۦ فَيَمُتۡ وَهُوَ كَافِرٞ فَأُوْلَٰٓئِكَ حَبِطَتۡ أَعۡمَٰلُهُمۡ فِي ٱلدُّنۡيَا وَٱلۡأٓخِرَةِۖ وَأُوْلَٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ

Bakhurebanga okhulondokhana nende omwesi kwoluyali, okhulwana liyie khulimwo? Boola mbu, “Okhulwana liyie mwo ni tsimbii tsikhongo, nende okhwikalila injila ya Nyasaye, nende okhukhaya Nyasaye, nende okhwikalila Abandu ehale nende omusikiti kwa oluyali oko, nende okhurusiamwo Abandu balimwo, nobwonooni obukhongo imbeli wa Nyasaye. Ne okhwikalila Abandu ehale nende dini yabu nobubii muno okhushila okhwira. Ne balitsililila okhubalwaana okhuula babarusie khudini yenyu, nikali mbu banyala. Ne ulia ulekha idini yaye mwinywe, mana afwe nali omukhayi, abo nibo befikhole fiabu fiabiya khushialo nende mwikulu. Ne abo nibo Abandu bomumulilo, balimenyamo tsinyanga tsioosi.

Aaya.: 218

إِنَّ ٱلَّذِينَ ءَامَنُواْ وَٱلَّذِينَ هَاجَرُواْ وَجَٰهَدُواْ فِي سَبِيلِ ٱللَّهِ أُوْلَٰٓئِكَ يَرۡجُونَ رَحۡمَتَ ٱللَّهِۚ وَٱللَّهُ غَفُورٞ رَّحِيمٞ

Toto balia basuubila nende balia bawuya mana nibalwaana khunjila ya Nyasaye, abo balindanga tsimbabaasi tsia Nyasaye. Ne Nyasaye Noomulesheli, Owobukoosia muno.

Aaya.: 219

۞ يَسۡـَٔلُونَكَ عَنِ ٱلۡخَمۡرِ وَٱلۡمَيۡسِرِۖ قُلۡ فِيهِمَآ إِثۡمٞ كَبِيرٞ وَمَنَٰفِعُ لِلنَّاسِ وَإِثۡمُهُمَآ أَكۡبَرُ مِن نَّفۡعِهِمَاۗ وَيَسۡـَٔلُونَكَ مَاذَا يُنفِقُونَۖ قُلِ ٱلۡعَفۡوَۗ كَذَٰلِكَ يُبَيِّنُ ٱللَّهُ لَكُمُ ٱلۡأٓيَٰتِ لَعَلَّكُمۡ تَتَفَكَّرُونَ

Bakhurebanga okhulondokhana nende amalwa nende (okhubaya) isimbi. Boola mbu, “Kabili ako kalimwo obubii obukhongo nende obulayi khubandu. Ne obubii bwako nobukhoongo muno okhushila obulayi bwako. Ne bakhurebanga mbu ni shina shia barusia, boola mbu, “Eshiburirire.” Endio nilwa Nyasaye amwinosilinjia tsinyaali tsitsie khomunyoole okhupara.