Firo maanaaji Simoore Simoore njamndi - Eggo e haala Fulfulde wonande deftere Firo Alkur'aana raɓɓinaango. - Tonngoode hello ngoo 537 - Mawsuuwa al-quraan tedduɗo oo

Simoore njamndi

Ina jeyaa e payndaale simoore ndee:

الترقي بالنفوس للإيمان والإنفاق في سبيل الله.

ɓamtirde pittaali iimaan e tottirde e laawol Alla.

---

Aaya: 1

سَبَّحَ لِلَّهِ مَا فِي ٱلسَّمَٰوَٰتِ وَٱلۡأَرۡضِۖ وَهُوَ ٱلۡعَزِيزُ ٱلۡحَكِيمُ

Kala tagoore Allah wonnde ka kammuuli e ka leydi seninii Mo laɓɓinii Mo. Ko Kanko woni Fooluɗo Mo fooletaake, Ñeeñuɗo e tagu Mun, e eɓɓoore Mun.

Aaya: 2

لَهُۥ مُلۡكُ ٱلسَّمَٰوَٰتِ وَٱلۡأَرۡضِۖ يُحۡيِۦ وَيُمِيتُۖ وَهُوَ عَلَىٰ كُلِّ شَيۡءٖ قَدِيرٌ

Ko Kanko tun heeranii laamagol kammuuli ɗin e leydi ndin. Himo wuurna Mo O muuyani nguurndam, O wara Mo O muuyani maayde. Kanko ko O hattanɗo kala huunde. Fii huunde ronkintaa Mo.

Aaya: 3

هُوَ ٱلۡأَوَّلُ وَٱلۡأٓخِرُ وَٱلظَّٰهِرُ وَٱلۡبَاطِنُۖ وَهُوَ بِكُلِّ شَيۡءٍ عَلِيمٌ

Ko Kanko woni Arano Mo goɗɗum aditaaki, Sakkitiiɗo Mo goɗɗum arataa ɓaawo Mun, Feeñuɗo Mo goɗɗum alaa dow Mun, Wirniiɗo Mo goɗɗum alaa senngo ley Mun. Kanko ko O annduɗo kala huunde. Huunde laawotaako Mo.

Ina jeyaa e nafoore aayeeje ɗee e ngol hello:

• شدة سكرات الموت وعجز الإنسان عن دفعها.

Ɗeɗɗere maayde hino satti, neɗɗo on gaynoytaa duñoyde ɗum.

• الأصل أن البشر لا يرون الملائكة إلا إن أراد الله لحكمة.

Ka lasli, ɓanndinke yi'ataa Malaa'ika, si wanaa hara Allah faandor ɗum ñeñal Makko.

• أسماء الله (الأول، الآخر، الظاهر، الباطن) تقتضي تعظيم الله ومراقبته في الأعمال الظاهرة والباطنة.

Inɗe Allah ɗee (Aarano, Sakkitiiɗo, Feeñuɗo, Wirniiɗo) hino haani mawninireede Mo, rentora Mo e golle feeñuɗo e wirniiɗe ɗen.