Firo maanaaji Simoore. Simooee njomolaaji - Eggo e haala Fulfulde wonande deftere Firo Alkur'aana raɓɓinaango. - Tonngoode hello ngon 396 - Musuwaɗe Alkur'aan Kirim

Simooee njomolaaji

Hino jeyaa e paandale simoore nden:

الأمر بالصبر والثبات عند الابتلاء والفتن، وبيان حسن عاقبته.

Yamirde muñal e tabde saanga jaribaaji e fitinaaji e hollirde battane moƴƴe.

---

Aaya.: 1

الٓمٓ

Alif, Laam, Miim: yewtere sugu ɗee Aayeeje yawtiino ka fuɗɗorde cortewol (simoore)Al-Baqarah.

Aaya.: 2

أَحَسِبَ ٱلنَّاسُ أَن يُتۡرَكُوٓاْ أَن يَقُولُوٓاْ ءَامَنَّا وَهُمۡ لَا يُفۡتَنُونَ

E yimɓe ɓen sikku, fii ɓe wi'ii: Men gomɗinii Alla, ɓe accirte non, hara ɓe jarribaaka, haa gomɗinal maɓɓe ngal ɓannga tigiri? Wanaa no ɓe sikkiri non.

Aaya.: 3

وَلَقَدۡ فَتَنَّا ٱلَّذِينَ مِن قَبۡلِهِمۡۖ فَلَيَعۡلَمَنَّ ٱللَّهُ ٱلَّذِينَ صَدَقُواْ وَلَيَعۡلَمَنَّ ٱلۡكَٰذِبِينَ

Gomɗii, Men jarribike ɓen adinooɓe ɓe. Maa Alla feññinir ɓannginangol on, goonguɓe ɓen, e gomɗinal maɓɓe nagl, e fende fenuɓe ɓen e ɗum.

Aaya.: 4

أَمۡ حَسِبَ ٱلَّذِينَ يَعۡمَلُونَ ٱلسَّيِّـَٔاتِ أَن يَسۡبِقُونَاۚ سَآءَ مَا يَحۡكُمُونَ

Kaa ko ronndoriiɓe bone sirku ekn mun kon sikku, wonnde ɓe laawoto Men, haa ɓe daɗa lepte Amen? Fii ñaawoore maɓɓe nden bonii; tawde ɓe laawotaako Alla, ɓe daɗataa kadi lepte Makko ɗen, si ɓe maayii e keeferaaku.

Aaya.: 5

مَن كَانَ يَرۡجُواْ لِقَآءَ ٱللَّهِ فَإِنَّ أَجَلَ ٱللَّهِ لَأٓتٖۚ وَهُوَ ٱلسَّمِيعُ ٱلۡعَلِيمُ

Kala jortiiɗo hawroygol e Alla Ñalnde Darngal, fii yo O warjo mo, yo o anndu pellet, caatal(lajal) ngal Alla happi ngal fii ɗum, ko hewtawl jooni. Ko Kanko woni Nanoowo haalaaji jeyaaɓe Makko ɓen, Annduɗo kuuɗe maɓɓe. Huunde laawotaako Mo e ɗum, O yoɓitoyay ɓe fow e mun.

Aaya.: 6

وَمَن جَٰهَدَ فَإِنَّمَا يُجَٰهِدُ لِنَفۡسِهِۦٓۚ إِنَّ ٱللَّهَ لَغَنِيٌّ عَنِ ٱلۡعَٰلَمِينَ

Kala tiiɗniiɗo e dewal, o woɗɗitii e geddi, o wonii fii Alla, haray ko hoore-makko o tiiɗnanii; tawde nafa ɗum on, ko e makko artata. Alla kan, ko yondinii- ɗo e tageefo ngon fow; dewal maɓɓe ɓeydataa Mo, goopi maɓɓe kadi ɗuytataa Mo.

Hino jeyaa e nafooje Aayeeje on ka hello ɗoo.:

• النهي عن إعانة أهل الضلال.

Hini haɗaa wallitagol majjere ɓen.

• الأمر بالتمسك بتوحيد الله والبعد عن الشرك به.

Hino yamiraa jogitagol tawhiidi, woɗɗitoo e sirku.

• ابتلاء المؤمنين واختبارهم سُنَّة إلهية.

Jarribagol gomɗimɓe ɓen, ndaarndoo ɓe, ko sunno Alla.

• غنى الله عن طاعة عبيده.

Alla na yondini gaayi e ɗoftaare jeyaaɓe Makko ɓen.